|
|
| נשלח ב-4/5/2007 06:27 |
 |
| |
שלום
אין דיינע מעשים קענסטו מפשפש זיין, ביזטו א צדיק.
איו יענעם'ס מעשים ביזטו א מקטרג א רשע.
צו זיצען אין אמעריקע על סיר הבשר - מיט 90 פראצענט אידען מחללי שבת רעפארמער און אסימילאנטן.
אדער פאר דעהם געלט אין אונגארן מיט 90 פראצענט רעפארמער מיט נעאלאגן,
און זאגן אז מילאנען רוסישע און פוילישע קדושים קדושים זענען געוועהן חוטאים,
דאס הייסט נישט מפשפש במעשים.
(3) תלמוד בבלי מסכת מגילה דף כה/ב
דתניא מעשה באדם אחד שהיה קורא למעלה מרבי אליעזר הודע את ירושלם את תועבותיה אמר לו עד שאתה בודק בתועבות ירושלים צא ובדוק בתועבות אמך בדקו אחריו ומצאו בו שמץ פסול.
|
|
|
|
| נשלח ב-6/5/2007 08:59 |
|
| |
באטשי,
פאר דו גייסט ווייטער ביטע טוה א דורך די היסטאריע פון די ציוניסטישע געזעלשאפט ווען זיי האבן דערקלערט א באיקאט אויף אלע דייטשע פראדוקטען דא אין אמעריקע, אין וואס היטלער האט דערויף גענטפערט,
דזשאסט פאר עי סטארט,
דערנאך פארביר נאכצוגיין ווי דער מצב פון אידישקייט האט געהאלטן פארן קריג,
|
|
|
|
| נשלח ב-8/5/2007 05:17 |
|
| |
אן אינטערעסאנטע פונקט פאלט מיר פונקט איין.
טאמער זענען די ציונים טאקע מינים, און די אלע תומכים ומתחברים סעמי אפיקורסים, זענען זיי
לגמרי נישט אין כלל ישראל און אויף זיי איז דא הוה אמינא אז זיי האבן גורם געווען די שואה?
|
|
|
|
| נשלח ב-8/5/2007 06:08 |
|
| |
מורא'דיג אינטערסאנט, מבהיל על הרעיון! מינים ואפיקורסים, נא... זיכער נישט... זיי זענען אינגאנצען נישט גורם קיין חרון אף ביי קודשא בריך היא, נאר גלויביגע... יוצק זהב רותחת לתוך...!!!
|
|
|
|
| נשלח ב-8/5/2007 17:05 |
|
| |
עולם מלא.
"פאר דו גייסט ווייטער ביטע טוה א דורך די היסטאריע פון די ציוניסטישע געזעלשאפט ווען זיי האבן דערקלערט א באיקאט אויף אלע דייטשע פראדוקטען דא אין אמעריקע, אין וואס היטלער האט דערויף גענטפערט,"
דזשאסט פאר עי סטארט,
דו שיסט אויף אלע זייטן. רישא לאו סיפא וסיפא לאו רישא
דו הייבסט אהן מיט פראקטיש עולם הזה אז דער באיקאט האט גורם געווען אז דער איידעלער מענשט אדולף... האט זיך אויפגערעגט פארדעהם האט ער אויסגעהארגעט אלע אידן. מען האט פשוט אומזיסט און אומנישט געטשעפעט מיט איהם. והא ראיהער אליין האט אזוי געטענה'ט.
איך נעם אהן אז דו האלסט אויך אז אלע צרות וואס גויים טוהען פאר אידען זענען מיר אידען שולדיג ווייל מען האט זיי נעבעך אויפגערעגט.
זעהר אגוטע טענה, אבער נישט פאר דעהם פארום, עס וועט אריין פאסען בעסער אין אל דזשעזירא.
דאס איז אויך נישט געוועהן די שאלה פון פותח האשכול.
דיין צווייטע טענה. איז שוין מעהר לענין פון דעהם אשכול.
"דערנאך פארביר נאכצוגיין ווי דער מצב פון אידישקייט האט געהאלטן פארן קריג,"
טאמער מיינסטו די אידן שומרי תורה ומצוות, זענען זיי געשטאנען לאין ערוך העכער במעלה פון אמעריקאנער אידן יעצט רעדסט
טאמער רעדסטו פון אלע אידען צוזאמען
אין פוילן איז געוועהן בערך 75 פראצענט אידן האבן נישט מחלל שבת געוועהן בפרהסיא, אין ליטא, אין מארמארוש זיבנבערגן זענען געוועהן בערך 50 פראצענט . אין אונגארן נישט. דארט איז בערך געוועהן ווי אמעריקע. 90 פראצענט מחלללי שבת..
יוסקעלע
נאר אמת
לשיטתכם אז זיי זענען נישט גערעכנט פון כלל ישראל האט איהר א טענה. אבער ווער עס וויסט די ביטערע היסטאריע פון אידען אין יוראפ, ווייסט אז זיי זענען אלע געוועהן אונסים גמורים כלפי שמיא. קיין שום אומה ולשון וואלט דאס נישט געקענט מיט מאכען.
קוק אויף איין אומה וואס הייסט טיבעט. די כינעזער האבן זיך אויף זיי פארלייגט און זייער רעליגיע איז כמעט געווארן אפגעווישט.
אמעריקאנער אינדיעאנס, אינקאס, מאיאס, די אפריקאנער שבטים, קריסטליכע אראבער, עס זענען דא זעהר אסאך אומות און קולטורען וואס ווערן אפגעווישט ולא נודע.
מאך א סוירטש אויף גוגל VANISHING CULTURES
אדער LOST CULTURES
וואס איך וויל ארויס ברענגען איז, אז דער עצם פאקט אז א בשר ודם וויל זיך נאך רופען איד. איז א מסירת נפש כשלעצמו.
די פרייע אמעריקע איז פול מיט מיליאנען אידען וואס ווילען זיל נישט מעהר רופן איד. אפילו סמיינט כמעט קיין שום שוועריקייט. אזוי איז אויך אין דרום אמעריקע.
משא"כ די מערהייט פון אפילו די פרייע ציונים פאר די קריג, זיי האבן געוואלט בלייבן אידען אפילו מען האט געדארפט זיך שלאגן און מוסר נפש זיין פאר דעהם,.
נעמטס דאס אין באטראכט, פאר איהר מאכט חשבונות שמים.
 |
|
|
|
|
| נשלח ב-8/5/2007 18:50 |
|
| |
ר' באטשי
בעצם איז נישטא קיין מחלוקת צווישען דיך און די אנדערע.
די חילוק איז נאר אין די בליק.
די האלטס אוודאי אויך אז צדיק ד' בכל דרכיו, נאר וואס דען, די זאגסט אז מען דארף נישט דעם אויבערשטען בארעכטיגען. פארוואס? איך ווייס נישט. אבער אזוי זאגסטו האבען געזאגט אנדערע גדולים. גוט. מסכים. ר' אביגדור האלט אויך אז מען דארף נישט בארעכטיגען דעם אויבערשטען, נאר ער האלט אז די אויבערשטער איז גערעכט!!
בקיצור
ביידע זאגען אז די אויבערשטער איז גערעכט נאר עס פעלען פרטים, אונז ווייסען נישט אלעס.
די חסידים, וואס גלייבען אין גלגול, האבען עס בעסער ליב תולה צו זיין אין א פריעדעגען גלגול וואס מען ווייסט נישט, די ליטאים וואס גלייבען נישט, זענען עס תולה אין אייגענע עבירות וואס מען ווייסט נישט.
זאגען, אז עס איז באמת נישטא קיין תירוץ, איז א גאר א געוואגטע שריט. און לכאורה א טעות מעיקרא.
_________________
|
|
|
|
|
| נשלח ב-8/5/2007 19:20 |
|
| |
שלום היקר
דער חילוק איז גאר איין אנדערער
איך האלט אז דער רבש"ע דארף נישט מיין בארעכטיגונג, נישט איך פארשטיי, נישט איך קען פארשטיין, הוא וחכמתו ודעתו אחד.אזוי ווי דער מאמר החכם, לו ידעתיו, הייתיו
גלגול אדער נישט. סאיז נישט מעלה אדער מוריד כי הוא זה, צדקתך כהררי קל, משפטיך תהום רבה.
גאנץ ספר איוב איז פיהל מיט דעהם. די ריעי איוב האבן געזוכט א בארעכטיגונג. אז מסתם האט ער א חטא, איוב האט געטענה'ט אז ער האט נישט קיין חטא. ווי דער אמת איז געוועהן, סאיז געוועהן א נסיון אהן קיין שום חטא. ויען ה' את איוב מתוך הסערה, קוק דעם גאנצן קאפיטל, ווי דער רבש"ע זאגט אז מקען איהם נישט פארשטיין.
זכור ימות עולם, אברהם, יצחק, יעקב,אלע געהאט גרויסע צרות מיט נסיונות, האט איינער געקלערט פארוואס?
האט יוסף הצדיק אריין געטראכט פפארוואס נאך אזא גרויסן נסיון וואס האט עומד געוועהן, איז איהם געקומען צוועלף יאהר תפיסה? פון די אכצן ביז די צוואנציג.
צו דוד המלך, וואס שאול האט איהן יאהרן לאנג גערודפט עד חרמה. קוק אין תהלימ'ל צו ער האט געפרעגט פארוואס.
אזוי דארף אייד לעבן.
וואס מיך פארדריסט שטארק, איז נישט נאר דאס איינרעדן דעם עולם אז מפארשטייט די דרכים פון באשעפער, נאר דאס צוטוהן פאר פאליטישע צוועקן.'
און אינאיינוועגס בארעדן אידען קהלות קדושות קדושים וטהורים, אז זיי זענען געוועהן חוטאים, און מיר אמעריקאנער לצים זענען בעסער פון זיי.
היש לך ליצנות גדולה מזו?
די האלטס אוודאי אויך אז צדיק ד' בכל דרכיו, נאר וואס דען, די זאגסט אז מען דארף נישט דעם אויבערשטען בארעכטיגען. פארוואס? איך ווייס נישט.
איך פארשטיי דיך נישט, דו מאכסט יעדען טאג פופצן ברכות השחר, אז דו קענסט גיין גלייך, דו קענסט זעהן, דו האסט וואס אנצוטוהן. ווי אויך אשר יצר,ס און אנדערע ברכות הנהנין, האסט אמאהל אריין געקלערט צו סקומט דיר? פארוואס?
איך האב אסאך מאהל אויף דעהם א שטארקע קשיא.
דו לייגסט דיך שלאפן, סקומט דיר אלעמאהל מזאל דיר צוריק געבן די נשמה?
נאר וואס דען? איך פארלאז מיך אויפן רבש"ע ישרות. דו דארפסט האבן גדולים צו דעהם?
ר' אביגדור האלט אויך אז מען דארף נישט בארעכטיגען דעם אויבערשטען, נאר ער האלט אז די אויבערשטער איז גערעכט!!
זעהט אויס ער פארשטייט יא פארוואס סקומט זיך איהם אלעס גוטס און יענעם נישט.
משה רבנו האט נישט פארשטאנען
"זאגען, אז עס איז באמת נישטא קיין תירוץ, איז א גאר א געוואגטע שריט. און לכאורה א טעות מעיקרא. "
איך זאג נישט סנישטא קיין תירוץ, איך זאג איך האב נישט קיין קשיות. און איך דארף נישט קיין תירוץ.
|
|
|
|
|
| נשלח ב-22/5/2007 09:22 |
|
| |
ליינענדיג דעם אשכול האב איך געפילט וואו איך גיי אין א געדיכטן נעפל וואס איז נגרם געווארן פון דעם גרויסן ערבוביא פון אויסגעמושטע דעות. ביטע כאפט זיך אן אין מיין גארטל און איך וועל אייך ארויס פירן צום שיין פון טאג.
דע רבי זי"ע און ר' אביגדור האבן דן געווען אויף צוויי באזונדערע נושאים. כיוון זה למה שלא כיוון זה.
און פסוק שטייט אם בחקותי תלכו וועט ענק זיין גוט, אויב אבער וועט זיך ענק פאר'מיאוס'ן און מיינע געזעצן וועל איך ענק אנטיילן צרות צרורות.
איר דארפט כסדר געדענקן אז דאס זאגט דער רבוש"ע. נישט דער רבי זי"ע און נישט ר' אביגדור און ר שמשון פינקוס.דער רבוש"ע רעדט דא. עס קען נישט שטיין קלארער פון דעם.
די פסוקים זענען געוואנדן, לכאורה, צום כלל ישראל בכללות. אויב וועט עטץ, כלל ישראל, זיך מואס זיין אין מיינע משפטים, וועל ענק מייסר זיין שבע על חטאתיכם.
ר' אביגדור האט נישט געזאגט אז ער ווייסט פארוואס די עונשים זענן געקומען. מענשטן זענען געקומען מיט טענות אויפן אייבישטען "הלמאי מ'טוט אזאך זאך צו קדושים וטהורים. השופט כל הארץ לא יעשה משפט?". וואו מ'גייט און וואו מ'שטייט האט יעדער געפרעגט די קשיא. די ערליכע האבן זיך באגענוגענד מיט דעם תירוץ "מיר פארשטייען נישט אלעס". די אנדערע האבן נישט נאכגעלאזט אין בועט געווען אין רבוש"ע. הגם איז וויכטיג ארויסצוברענגען אז דער פרומער איז אויך געבליבן מיט דעם קשיא, נאר האט דאס געשטופט און די זייט.
בא ר' אביגדור און האט גע'טענה'ט אז ס'הייבט זעך נישט אן. בעיני ראיתי וואו כלל ישראל האט בועט געווען אויף א שוידערליכע אופן אינעם אייבישטען, האט ער געזאגט. ער האט געזען וואו עס פארט אום שבת קודש יעדע פינף מינוט א באס אריין און שטעטל. און דאס האט זיך פארשפרייט וואו א פייער און וואלד, וואס אויב משטעלט דאס נישט אפ באצייטנס לא השאיר שריד ופליט ביי כלל ישראל. נאך אזא עדות איז שוין נישט דא קיין קשיא אויפן רבוש"ע. וואס עסטו פרעגן? פארוואס ער האט דאס געטוען? קוק און חומש. איי און חומש רעדט מען דאך פון אידן וואס האבן מואס געווען במצוות? נא, דאס איז דאך טאקע געווען דארט.
יעצט בלייבט נאר איבער צוויי קשיות.
וואס טוט זיך מיט די ערליכע אידן וואס זענן אויס-געהארגט געווארן
און וואו אזוי קען ר' אביגדור זאגן אז זיי זענן נישט קיין קדושים.
אויף די ערשטע קשיא האט דאך שוין "טרואנלי2" שוין גענפערט, כיון שניתן רשות למשחית וכו. פארוואס דאס איז אזוי? דארף מען א באזנודערן אשכול.
אויף די צוייטע קשיא וויל איך נישט געבען קיין תירוץ. ווייל אויב וועט אויסקומען אז איינער וואס האט אפגעטוען כל מיני תועבות זיין גאנץ לעבען. געדינט יעדע עבודה זרה. זיך נאכגעגעבן יעדע תאווה. נישט געטוען קיין גוטע זאך פאר א צווייטן, און נאר ווייל א נאצי האט איהם אריין געיאגט א קויל אין קאפ, אן איהם פרעגן אויב ער וויל זיך שמד'ן, זאל ער אריין גיין גראד אין גן עדן להנות מזיו שכינתו יתברך: דאס איז די גרעסטע קשיא וואס קען נאר זיין און סאיז א סאך שווערער ווי די קשיא פאר ס'האט פאסירט די צווייטע וועלט מלחמה. און נאכמער, דאס איז דער גרעסטער אום יושר וואס איז נאר דערהעט געווארן. א יוד וואס מוטשעט זיך א יעדן טאג אויף עבודת הבורא. א דאווענן צופרי. ארבייטן אויף פארשידנע מקומות וואס שלאגט זיך מיטן יודישקייט. נאך דעם גייט מען נאך צו א שיעור. חינוך הבנים והבנות. וכו וכו. אה! וויבאלד ער האט נישט געכאפט א שאס אין קאפ, דארף ער דורך גיין שבעה מדורי גיהנם, וכולי האי ואולי. מה שאין כן דער מנוול משוקץ ומתועב וואס האט יא געכאפט א קול אין קאפ, דער גייט גראד און גן עדן! וואו קען מען אפילו נאך זאגן אזא טיפשות??!!
אויב שטייט ערגעץ אז אזא איינער הייסט א קדוש (זאל מיר איינער ביטע אנצייכנן די גמרא) מיינט דאס מסתמא אז אחרי ככלות אש הגיהנוםאויף אלעס וואס דער רשע האט אפ געטוען וועט ער זוכה זיין צו עולם הבא ווייל דער גוי האט דאך איהם גענוצט אלץ א כלי בועט צו זיין אינעם אייבישטען.
דער רבי זי"ע האט גערעדט פון און אן אנדערן קוק ווינקל.
דער רבי האט דאס אנגעלייגט אויף א איינצעלן מצוה (לשיטתו). אויף דעם דארף מען האבן ברייטע פלייצעס. ווייל קיין נביא איז ער דאך נישט געווען און ער האט קיינעם נישט פרובירט דאס איינצורעדן. אבער חכם עדיף מנביא און ער האט געמעגט זאגן וואס ער האט פארשטאנן איז רצונו יתברך. וואו שטייט דאס אז נאר א נביא מעג זאגן פארוואס עפעס האט פאסירט? איינער וואס איז כולו תורה ועבודה האט א דעת תורה און האט אלע רעכטן צו זאגן לדעתו פארוואס געוויסע זאכן פאסירן. ס'איז אפשר צו פשוט וואס איך זאג דא, אבער וואס זאל איך טוען, ס'איז דאך טאקע אזוי פשוט.
איף האף אז איך האב אביסל קלארער געמאכט דעם ענין.
|
|
|
|
|
| נשלח ב-22/5/2007 09:42 |
|
| |
מ'דארף אויך געדענקן אז זייט דעם חורבן איז געווארן אן עמטליכער טיילונג צווישן די פרייע און פרומע. דער מצב פון "ענלייטמענט" (הפקרות) וואס האט זיך אריין געכאפט אין יעדע שטוב, ואין בית אשר אין שם מת, האט זיך אפגעשטעלט נאך דעם חורבן, און ס'היינט דא ישובים פון ערליכע יודען וואס איז 98% ריין.
|
|
|
|
| נשלח ב-22/5/2007 10:12 |
|
| |
באטשי
איך וויל מיך באציען צו דיינע ספעציפישע טענות.
די זאגסט: "אבער ווער עס וויסט די ביטערע היסטאריע פון אידען אין יוראפ, ווייסט אז זיי זענען אלע געוועהן אונסים גמורים כלפי שמיא"
דער סטעיטמענט קען נאר זאגן דער רבוש"ע אליין. די מסורה זאגט אונז אז יעדער האט בחירה און אז דער רבוש"ע שלאגט איז דאס אליינס א ראיה אז זיי האבן יא געקענט זיין בעסער.
די זאגסט: "זעהט אויס ער פארשטייט יא פארוואס סקומט זיך איהם אלעס גוטס און יענעם נישט.
משה רבנו האט נישט פארשטאנען"
די קשיא פון משה רבינו איז דאכט זיך נאר אויף דעם יחיד. אויף אונזער נושא איז דאס נישט נוגע ווייל מ'רעדט פון א כלל וואס זענן געווען חוטאים, ליידער, און דער עיקר חורבן איז געווען אז דאס איז כסדר געוארן ערגער און ערגער און וואלט צום סוף געמאכט אן עק צום כלל ישראל. די נקודה דארפסטו דערהערן. יא מיר זיצן דא "מיט 90 פראצענט אידען מחללי שבת רעפארמער און אסימילאנטן " אבער די וויירוס איז איינגעשפארט, און איז נאך נישט נפרץ במחנינו. די חדרים זענן פול. די מיידל סקולס זענן פול. די ישיבה'ס זענן פול. די בתי מדרשים זענן פול. און תורה פארשפרייט זיך, ב"ה. אבער אין יוראפ זענן געווען גאנצעטע שטעט וואס פלעגן שיקן זייערע קינדער און ישיבות אבער האבן אויפגעהערט ווייל זיי זענען געווארן מושפע פון די ליבעראלע (ענלייטמענט) ווינטען.
|
|
|
|
|
| נשלח ב-22/5/2007 16:33 |
|
| |
אנרגיה
סאיז ערב יו"ט, אבער איך מוז דיר ענטפערן אויף דיין לאנגע דרשה.
דו ביזט ווייטער מצדיק את הדין ווי הרב מיללער. מיט א טעם אז דער "ווירוס האט זיך אפגעשטעלט"
דו מאכסט איין גראבן טעות.
די ירידת הדורות אין יוראפ האט גורם געוועהן איין אינאיינציגע סיבה. עניות. מעבירה את האדם על דעתו ועל דעת קונו.
יעצט האט זיך דאס אפגעשטעלט ווייל דער רבש"ע האט געשיקט א שפע.
אין פולין און אין רוסלאנד איז געוועהן א ביטער עניות, אין רוסלאנד איז צוגעקומען די ביטערע שווערע גזירות שמד פון די קאמוניסטן,
פארדעהם איז זיי געקומען צו הארגענען.
משא"כ אין אמעריקע וואס מזיצט אויף א שוואיל טאג שלא היה דוגמתו, און כלל ישראל דא אסימילירט זיך פון טאג צו טאג מעהר, זענען מיר פיינע מענטשן.
דאס וואס די פרומע אידן מערן זיך איז פשוט ווייל מיר האבן ב"ה גרויסע משפחות, ווען נישט דאס לא היה נשאר שריד ופליט ח"ו
ווען מיר אבער זאלן האבן די נסיונות וואס זיי האבן געהאט איין יאהר ח"ו, האב איך מורא צו טראכטן וואס וואלט מיט אונז געשעהן.
,
ווי מעהר איך שפעקוליר אריין אין זיינע ווערטער ווערט מיר די קשיא אויף איהם גרעסער.
|
|
|
|
| נשלח ב-22/5/2007 18:47 |
|
| |
באטשי, האלסט אז אינדערהיים האט מען געהאט גרעסערע נסיונות ווי דא? איך רעד ניש וועגן ציונות נסיונות אבע ראיז נשט דא היינט סאך גרעסערע שוועריקייטן אין אידישקייט טאקע ווייל סאיז דא אזא שפע? די אידן אמאל איז געווען צוגעמאכט אין א געטא וואס איז געווען זייער גוט צו האלטן די אידישקייט און היינט איז אלעס אפן. מען דארף נישט ארויסשרייבן וואס סגייט פאר דא, ביי די אסיפת האט מען שוין געהערט און יעדער ווייסט עס ממילא.
און ווייל סגעווען עניות אין פולין רוסלאנד קומט זיך אז מען זאל זיי הארגענען?
איז נישדט נסיון העושר סאך גרעסער ווי נסיון העוני?
זאגסט דאך אליינס אז דא אין אמעריקא ווערט מען מער און מער אסימילירט. קומט עס פון עניות? הונדערטע יארן צוריקווער סגעקומען אין אמערקע איז געווארן אריינגעדרייט אין די שמעלץ טאפ איז עס אויך געקומען פון עניות?
און איך האב מורא צו טראכטן וואס סגייט זיין אין א פאר יאר ארום, לויט די נסיונות וואס אונז האמיר היינט.
|
|
|
|
| נשלח ב-22/5/2007 20:35 |
|
| |
באטשי
לפי דעתך, ווען קען מקיום ווערן די פסוקים פון די תוכחה? ווען קען מקוים ווערן מבשר בניו אשר יאכל, מבלי השאיר-לו, כל במצור, ובמצוק, אשר יציק לך איבך, בכל-שעריך? די יודן זענן דאך נעבעך נישט שולדיג? און לפי ראות ענינו זענן זיי טאקע נישט שולדיג. איך קען דיר אויך געבן מערערע הסברים פארוואס זיי זענן אומשולדיג. דיין הסבר איז גאר שטארק, און "יאגעלע,ס" הסבר איז אויך א גוטער לימוד זכות אויב אונז וועלמיר דורכפאלן דא אין אמעריקע.
נא, בלייבט דאך די קשיא: און די תורה שטייט והיה, אם-לא תשמע בקול יהוה אלהיך, לשמר לעשות את-כל-מצותיו וחקתיו, אשר אנכי מצוך היום--ובאו עליך כל-הקללות האלה, והשיגוך, אויף ווען איז דאס געזאגט געווארן????
אלא, מוז זיין אז אפ-צו-מאכן ווען מ'איז שולדיג אויף דורכפאלן א נסיון און ווען מ'איז נישט שולדיג, דאס באלאנגט פאר'ן אייבישטען און נישט פאר "באטשי" און נישט פאר'ן "אלגעמיינער" און נישט פאר "אנרגיה" און נישט פאר'ן רבי'ן זי"ע אדער פאר "ר' אביגדור".
פאר אונז בלייבט נאר איבער צו קוקען אין חומש אין זעהן די ביטערע ווערטער פון: "אם-לא תשמר לעשות, את-כל-דברי התורה הזאת, הכתבים, בספר הזה: ליראה את-השם הנכבד והנורא, הזה את, יהוה אלהיך. והפלא יהוה את-מכתך, ואת מכות זרעך: מכות גדלת ונאמנות, וחלים רעים ונאמנים". עס כאפט דאך א שוידער ווען מליינט "מבשר בניו אשר יאכל, מבלי השאיר-לו, במצור, ובמצוק, אשר יציק לך איבך, בכל-שעריך". און "פלעין" יודיש מיינט דאס אז אויב כלל ישראל וועט זיך אפשאקלען פונעם אייבישטען, (צו איז דאס וועגן נסיון העוני צו נסיון העושר, צו איז דאס נסין האינטערנעט וכו) וועט זיין ביטערע קאנסקעוונצן.
איי דיינע מליצה ישרה'דיגע געפילן? וויל איך דיר זאגן אז איך פארשטיי אויך נישט ווי אזוי מ'קען דאס רעכנן פאר חטאים נאך אזעלע ביטערע נסיונות, און דאס איז וואס דיר שטערט. אבער ס'קוקט אויס אז דער אייבישטער זעהט דאס יא אלץ חטאים.
לסיכום:
דאס איז קלאר אז ס'שטייט און די תורה אויב מ'האלט נישט איין וואס דארט'ן שטייט וועט זיין ביטער.
דאס איז קלאר אז דע מצב אין יהדות איז געגאנגן מטה מטה און מ'האט נישט איינגעהאלטן די תורה.
נא, האט די אייבישטער געטוען וואס ער האט געזאגט אז ער גייט טוען.
|
|
|
|
|
| נשלח ב-22/5/2007 20:48 |
|
| |
אנרגיה היקר
ליג אביסל אין חסידישע ספרים וועט זיך דיר טוישען דיין עטיטוד אויפן בוכ"ע
וואס ער טוט איז כולו טוב און כולו חסידם, אמאהל זעהן מיר עס אין אמאהל נישט. אבער עס איז כולו טוב.
חייב אדם לברך על הרעה האט מען פאארשטאנען ביז דעם רבי ר זושא, ער האט מגלה געוועהן אז סנישטא אזא זאך
דאס איז אבער שוין נתגלה געווארן בעת חורבן צו די אנשי כנסת הגדולה הן הן גבורותיו הן הן נוראותיו.
יוסף הצדיק איז געזעסן 12 ביטערע יאהר אין תפיסה פאר עומד בנסיון זיין, און אייביג געוועהן בשמחה.
חסידישע אידן האבן געוואוסט אז די גאנצע שואה איז געוועהן בלויז חסדים.
אונזער ארבעט איז דאס אויך אזוי צו זעהן.
וויאזוי?
דורך אהבת השם בלי גבול ובלי מעצור אפילו הוא נוטל את נפשך.
פארוואס פאסירט לכאורה שלעכטע זאכן?
נישט מיר ווילן פארשטיין, נישט מיר קענען פארשטיין, נישט מיר דארפן פארשטיין.
דאס איז דער דרך הבעש"ט.
|
|
|
|
| נשלח ב-23/5/2007 00:09 |
|
| |
באטשי טייערער
פון וואסערע "עטיטוד" רעדסטו?
פערצאפאל בין איך גאר שטארק באהאווענט אין חסדישע ספרים און איך האב גארנישט באמערקט אינערגעץ דערמאנט אז די בפירושע עונשים וואס שטייט אין די תורה איז בטל ומבוטל. חס ושלום צו זאגן אזא זאך.
ווער רעדט נאך פון חס ושלום זאגן "נישט מיר ווילן פארשטיין, נישט מיר קענען פארשטיין, נישט מיר דארפן פארשטיין" ווען דער אייבישטער, בעפאר ער האט כורת ברית געווען מיט די יודן, מאכט א קלארער הקדמה "אתם ניצבים היום כולכם, לפני יהוה אלוהיכם: ראשיכם שבטיכם, זקניכם ושוטריכם, כול, איש ישראל. טפכם נשיכם--וגרך, אשר בקרב מחניך: מחוטב עציך, עד שואב מימיך. לעוברך, בברית יהוה אלוהיך--ובאלתו: אשר יהוה אלוהיך, כורת עימך היום". ער הייבט אן אז שטייטס אלע דא אין איך גיי כורת ברית זיין מיט ענק כדי עטס זאלטס נישט קענן זאגן שפעטער "נישט מיר ווילן פארשטיין, נישט מיר קענען פארשטיין, נישט מיר דארפן פארשטיין"!!!! ער זאגט, יא, איך וויל עטץ זאלטס יא פארשטיין און וויסן אז אויב וועט מען נישט פאלגן די תורה וועט גיין גפרית ומלח.
דרך אגב: לויט וואו איך האב געהערט, קען איך נישט צופיל חסדישע יודן וואס האבן עוסק געווען אין אהבת ודביקת השם וואו ר' אביגדור.
|
|
|
|
|
|
