פלאנטער פאר רז"ל, ספר תורה טעות

די פאלגענדע עפיזאד האב איך געהערט פון א פעטער, פונעם רך הנימול, ביים ברית אין ראדני, שב"ק בה"ב

דער בעל מדות האט געהאט גרויסע בזיונות דעם שב"ק ביים לייענען, ווען אינמיטן לייענען די תורה פרשת בהר, האט מען באמערקט עפעס א טעות ביים פסוק: וְכִי-תִמְכְּרוּ מִמְכָּר לַעֲמִיתֶךָ, אוֹ קָנֹה מִיַּד עֲמִיתֶךָ, אַל-תּוֹנוּ אִישׁ אֶת-אָחִיו.

דער גרויסער אדמו"ר שטייט אויבן אויפן באלעמער, און קוקט אראפ אויף דער ערד און ווייסט נישט וואס מען טוט דא ווייטער... דער עולם בליקט אויף אלע זייטן און דער שטריק הגדול והנורא ווייסט נישט צי מ'זאל איבערלייענען, צי מ'זאל ברענגן אנדערן ספר תורה

דער בעל קורא י. הענדלער האט  געזען אז דער ראבינער איז שטיל, האט ער באשלאסן אז ער וועט הייסן ברענגען אן אנדערן ספר און ער האט גע'פסק'ט לחומרא, וואס קאסט דען.

פארציילט מיר דער קרוב, אז קיין צי גרויסע בושות איז נישט געווען, ווייל בסך הכל איז געווען אפשר 100 שטריימליך אין שול, אבער ס'איז געווען א "בילד" צי זען דעם גרויסן אדמו"ר ווי ער ווערט אזא קדוש... און לאזט אראפ די אויגן צי דער ערד... פאר גאנצע 10 מינוט, ווילאנג דער ספעקטאקל האט אנגעהאלטן.

צום סוף האט מען געליינט צוויי מאל דעם פסוק וְכִי-תִמְכְּרוּ מִמְכָּר לַעֲמִיתֶךָ, אוֹ קָנֹה מִיַּד עֲמִיתֶךָ, אַל-תּוֹנוּ אִישׁ אֶת-אָחִיו, וואס ווי רש"י זאגט מיינט עס אז מ'זאל נישט בארויבן דעם אנדערן מיט געלט...