כ"ו אב - יומד"ה בעל דברי יואל זי"ע

היינט כ"ו אב איז די 28סטע יארצייט פון אונזער הייליגען רבי'ן, רבן של כל בני הגולה, רב ואב"ד עדה החרדית בירושלים, נשיא התאחדות הרבנים, רב ק"ק סאטמאר בכל אתר ואתר, ועוד,
דער הייליגער דברי יואל זי"ע

טויזענטער אידן שטראמען ארויף צום ציון הקדוש אין קרית יואל

נעכטן נאכט איז פארגעקומען א סעודת הילולא אין גרויסען ביהמ"ד אין קרית יואל בהשתתפות אלפי ישראל תלמידי וחסידי בעל הילולא זי"ע, בראשות אדמורי"ם, רבנים, דיינים, ראשי ישיבות, מרביצי תורה, ובראשם כ"ק אדמו"ר מהר"א מ'סאטמאר שליט"א מלא מקומו,

ס'איז געווען צוגעשטעלט א סעודה בהרחבה גדולה, מ'האט די גאנצע צייט געזונגען ווארעמע ניגונים וואס פאסט לכבוד היום,
מהר"א שליט"א האט געזאגט דעם הדרן, און געוואונטשען "לחיים" פאר'ן ציבור, דערנאך האט מהר"א שליט"א געזאגט א תורה-דרשה.

היינט אי"ה וועט מהר"א שליט"א דאווענען ברוב עם אין היכל הישיבה צוזאמען מיט די בחורי חמד תלמידי הישיבות און מיט בעלי בתים.
דערנאך וועט פארקומען א "שתיית לחיים" ווי מהר"א שליט"א וועט זאגן אפאר ווערטער לפני עלי' לציון.
דערנאך וועט מהר"א שליט"א ארויסגיין אויפ'ן פעלד צום ציון הקדוש פון מורו ורבו ודודו דער הייליגער דברי יואל זי"ע זיך אויסבעטן פאר זיך און פאר די גאנצע קהלה און פאר גאנץ כלל ישראל.


פועלט'ס אלעס גוט'ס

תוקן על ידי ניהול_גרופ ב- 10/08/2007 20:47:51