9:00 אזייגער צופרי די אינגעלייט זעהען ווי די גויים מיט העק קומען גראבען דעם קבר און האקען אויס די אויבערשטע טיילס פאר די סייז פונעם קבר און ווי ערשטוינט זענען זיי צו זען אז דער קאפ פונעם קבר ענדיגט זיך בערך ביים הארץ פונעם טאטען הרה"ק ר' הערשעלע זצ"ל וואס מיינט אז די מציבה וועט זיין אראפגעריקט און נישט אין איין שורה מיטען הייליגען טאטען ווי אפגעשמועסט.
מען רופט אן דעם מתווך הרה"צ אב"ד וויזניץ מאנסי און הרה"צ ר' מרדכי אהרן מייזליש כדת מה לעשות, הרה"צ ר' מרדכי אהרן האט זיך פארבינדען מיט מר. אויערבאך, דער מענעדזשער פון בית החיים, און געהייסען אז קודם זאל מען זען אז מען זאל אויפהערען צו גראבען ביז מען גלייכט אויס דעם "מיספארשטענדעניש" און הרה"צ ר' ישראל האגער איז דאן שוין געווען ביים וויליאמסבורג ברידזש און ער איז ארויפגעלאפען צו ר' אביש און פארלאנגט אז מען זאל זיך האלטען צום אפמאך און גראבען דעם קבר אין די זעלבע שורה אייניג מיטען טאטען קאפ צו קאפ.
דער "תמימותדיגער" ר' אביש האט מסביר געווען פאר אב"ד וויזניץ אז דא איז געשען א מיספארשטענדעניש אז ער האט געמיינט אז מען פארלאנגט אז די פארענט פונעם בלעך צופיסענס העכערען קבר זאל זיין אייניג מיטען טאטען, נישט דער קאפ.
(צו פארשטיין די ליצנות דערפון, הרה"ק ר' הערשעלע האט א לאנגע בלעך איבערען קבר וואס איז איבער א פיס לענגער ווי דעם ארון, און אזוי ווי ביי הרה"צ ר' בעריש איז געווען דער אפמאך אז דער בלעך\מטה וועט נאר זיין אזוי גרויס ווי דער ארון קומט אויס אז אדער וועט דער ארון און מציבה זיין אייניג מיטען טאטען אדער דער בלעך זיין אייניג מיטען טאטענס בלעך, און דער תמים האט פארשטאנען אז דער בלעך דארף זיין אייניג נישט דער ארון און די מציבה)
נאכדעם וואס אב"ד וויזניץ האט אים קלאר געמאכט דעם מיספארשטענדעניש האט ער צוגעזאגט אז ער וועט אנרופען אויבערבאך און דאס פארעכטען.
וויכטיג צו באטאנען אז דאס האט זיך אפגעשפילט פאר צען אזייגער בעת די לוי' איז געווען גערופען אויף 10:45 און מען האט נאך אלעס געהאט צייט צו פארעכטען איידער די גאס וועט עפעס געוואר ווערען נאך פאר די צייט פון די לוי'.
אב"ד וויזניץ מאנסי פארבינדט זיך אויפען בית החיים און זאגט אז מען זאל אים רופען ווי גלייך מען הייבט אן צו פארעכטען דעם קבר כדי מען זאל קענען צוטרעטען צו די לוי'.
עס גייט דורך א האלבע שעה א שעה און גארנישט רירט זיך מען הייבט נישט אן צו גראבען ווייטער.
אב"ד וויזניץ מאנסי לויפט נאכאמאל אריבער די גאס צו ר' אביש, און דאס מאל זאגט ר' אביש אז ער וועט עס שוין ערלעדיגען ביז עטליכע מינוט, אויפען בית החיים הייבט זיך ענדליך אן סימנים מען גראבט אויף נאך 2 אינטשעס.
איך וועל נישט מאריך זיין וואס עס האט זיך אפגעשפילט די קומענדיגע 2 שעה, בקיצור, מען האט געגראבען נאך 2 מאל עטליכע אינטשעס ביז די קינדער פון הרה"צ ר' בעריש זענען אריבערגעלאפען צו ר' אביש און אים געווארענט אז אויב מען גראבט נישט אויף תומ"י ווי אפגעשמועסט, וועט מען יעצט אויפען פלאץ צווינגען אונטערצושרייבען שטרי בירורין סיי אויפען בית החיים און סיי אויף די ירושה און די קהלה.
ביז עטליכע מינוט האט מען זיך גענומען גראבען און ווינציגער ווי א האלבע שעה איז שוין געווען אויסגעגראבען דער גאנצער קבר כראוי וכיאות, דאן האט הרה"צ אב"ד סאטמאר ב.פ. און הרה"צ אב"ד וויזניץ געהייסען ארויסגיין צו די לוי'. כאטש עס איז נאך געווען די רעדע אז די ברודער זאלען אונטערשרייבען אז אלע וועלען האבען אן אייניגע מציבה האט מען שוין נישט געוואלט אויפהאלטען די לוי' צוליב דעם, איבערהויפט אז טייל ברודער האבען נישט געוואלט שרייבען חול המועד, וויבאלד עס איז געווען אפגעשמועסט בעל פה האט מען בלית ברירה שוין איבערגעלאזט אויף נאך יום טוב.
און ווער עס דארף א הוכחה האט 2 ברירות אריבער גיין רעדען צו איינע פון די דערמאנטע רבנים אדער צו זייערע קינדער ובפרט הרה"צ דומ"ץ סאטמאר ב.פ. און הרב ר' יוסף און הרב ר' מרדכי אהרן מייליש שליט"א
אדער קען מען אריבערגיין צום אהל און זען א קבר פון איבער 7 פיס לאנג פאר א נפטר וואס איז געווען עטוואס מער ווי 5 און א האלב פיס הויך.
ירא הקהל וישפוט
_________________
