הגה"ק ר' הלל מעשיל געלבשטיין זצ"ל
אין די טעג געפאלט די יארצייט פון הגה"ק ר' מעשיל געלבשטיין, א געהויבענער קאצקער חסיד וואס האט געוואוינט אין ירושלים, און געווען פון די געהויבענסטע אידן אפי' אין די ירושלים של מעלה וואס איז געווען אין די ישוב הישן.
פאר וועם ס'געדענקט איז געווען א שטיק צייט צוריק א מערכה אין "דער איד" קעגן כל העולם כולו (די פיקטשער צייטונג) פארן געוואלדיגן 'חטא' פון ארויסלאזן ר' זאלי'ס פון די פיקטשער. און אזויווי אלע זייערע מערכות האבן זיי עס אריינגעלייגט אין 'אידישקייט' אז זיי פירן א מערכה ווייל זיי האבן ציוניסטישע פיקטשערס (ווייל די "העולם החרדי" האט נישט קיין איין פיקטשער פון קיין ציוני) און פון כותל המערבי.
אינמיטן די ארטיקל אין איד האבן זיי אויך חוזק געמאכט פון דעם גאון וקדוש ר' מעשיל געלבשטיין זצ"ל, צי וועגן חסרון ידיעה וואס די ראצערלעך/שרייבערלעך אין איד האבן נישט געוואוסט ווער ס'איז, צי איז עס געווען בכוונה ווייל ער איז נישט אפראווט געווארן דורך מיידלעך שטערן און זיינע שווענצלעך, עכ"פ ס'איז געווען א מורא'דיג מיאוסע אטאקע קעגן א גדול בישראל, וואס האט ווידער געבויט דער איד'ס רעפוטאציע צו האקן אויף יעדן גדול בישראל וואס שטייט אין וועג פאר זייערע פרייוועט אינטערעסן.
די חודש האט די "מעלות" אנגעהויבן א הערליכע פארזעצונג וועגן הגה"ק ר' מעשיל, זייער אינטערסאנט צו ליינען און זיך באקענען מיט איינעם פון די געהויבענסטע ירושלימער אידן פון אמאל.
 |
|
|
