אידישע וועלט וועט זיך עפענען פונדאסניי
א גוטן חשובע חברים, כל אחד בשמו הטוב יבורך.
איך גלייב אז איך דארף ענק נישט איינמעלדען איבער די עקזיסטענץ פון די היימישע וועב זייטעל מיטן נאמען אידישע וועלט,
וואס שטייט שוין א קנאפע האלבע יאר לשם ולתפארת, און איז ב"ה באוואוסט אלס
א פלאץ פאר פרישע נייעס געשריבען אויפן היימישען מאמע לשון אידיש און
וויקיפידיע ארטיקלען און נאך פארשידענע אינטערעסאנטע ענינים ווצב"ש
היסטאריע פון טאג און שיינע אויסגעהאלטענע קליפ'ס וכו'.
עס פעלט זיך לכאורה נישט אויס אן ערקלערונג איבער די געוואלדיגע אופטוה
פונעם סייט, בלויז דאס אז היימישע אידן וואס ברויכן ליידער זיצן אויף די
טריפה'נע אינטערנעט זאלן נישט מוזן צוקומען צו די גויאישע סייט פאר נייעס
וכדומה, איז גענוג געזאגט צו פארשטיין פארוואס עס האט זיך אויסגעפעלט.
נאך א שטיק צייט וואס עס איז געשטאנען, האבן פולע אנגעהויבן רופן אז
מען זאל עס מער אויסברייטערן און פארבעסערן, מאכן א געהעריגע אפטיילונג
פאר נייעס, נישט ווי עס איז ביז איצט אין די וויקי, נאר א ספעציעלע שיינע
אפטיילונג וואס זאל צוגעבן געשמאק צום ליינען, און א פלאץ פאר באמערקונגען
אויף די נייעס, און צו לייגען נאך פארשידענע אפטיילונגען.
ווילן מיר דא מעלדן אז מיר האבן דאס דערהערט און מיר האבן געארבעט
דערויף א שטיק צייט, און ב"ה די נייע סייט איז שוין כמעט פארטיג,
אנצוהייבען וועט עס האבן א שיינעם נייער סיסטעם פאר נייעס ווי איר וועט
אי"ה אליין זעהן, און פארשטייט זיך אויך די וויקיפידע וועט דארט ווייטער
אנגיין, און אזוי אויך נאך פארשידענע שיינע אפטיילונגען, פארשטייט זיך אז
מיר וועלן אי"ה האלטן און איין צולייגן נאך און נאך אפטיילונגן, לויטן
פארלאנג פונעם עולם.
דעריבער ווילן מיר דא מודע זיין דעם חשוב'ן עולם אז די נייע סייט וועט אי"ה געפענט ווערן קומעדיגען זונטאג ר"ח כסלו תשס"ח לפ"ק, די אדרעס וועט זיין ווי ביז איצט, www.yiddishworld.com.
(פון פרייטיג נאכמיטאג ביז זונטאג צופרי וועט די סייט נישט זיין אוועליבול צוליב'ן טויש, ואתכם הסליחה)
מיט גרויס דאנק
arender/אידישע וועלט
 |
|
|
