עפנטליכע אנטשולדיגונג: ביטע זייט מיר מוחל
די פאריגע וואך בין איך באגאנגען א גרויסע עוולה ווען כ'האב זיך אריינגעמישט אין א ריב לא לי, און כ'האב גענומען א שטעלונג איבער א שרעקליכע געשיכטע וואס איז פארגעקומען ביים היימישן עולם. די לעצטע פאר נעכט בין איך געליגן אין בעט און זיך געפייניגט מיט געוויסנסביסן. ווער בין איך? ווי האב איך א רעכט אריינצורעדן אין א פרעמדע מחלוקה? ממילא אויב איך וואלט געווען א רב און געדארפט דן זיין דיני נפשות, וואלט געווען איין זאך, אבער כ'בין דאך א פשוט'ער איד.
וועגן דעם וויל איך זיך דא אנטשולדיגן און בעטן מחילה פון יעדן איינעם וועמען כ'האב וויי געטאן. איך נעם זיך מער נישט אן פאר איין זייט אדער די צווייטע זייט, און איך בעט יעדן איינעם צו שטיין אין די זייט און לאזן די ערליכע רבנים שבדורינו דן זיין אין דעם ענין.
דער אמת איז אז פון אנפאנג בין איך געווען נייטעראל אין די גאנצע מעשה, אבער נאכדעם האב איך געהערט דעטאלן וועלכע האבן געטוישט מיין מיינונג לטובת איין זייט, אבער דאס איז נישט געווען יושר פון מיין זייט ווייל ע"פ תורה טאר אפילו א בית דין נישט גלייבן א מעשה אן אויסהערן צוויי כשר'ע עדים. יעדער וואס ליינט מיינע זאכן אויף היידפארק ווייסט אז געווענליך האלט איך זיך רואיג און סאליד און כ'פרוביר קיינעם נישט וויי צו טאן. אבער דא האב איך צום באדויערן משנה געווען פון מיין מנהג און אטאקירט פריוואטע מענטשן.
דאס טוט נאך אלץ נישט בארעכטיגן דאס וואס געוויסע פריוואטע מענטשן האבן געטאן קעגן איין צד אדער די אנדערע צד. ס'איז זייער נישט שיין פון מענטשן זיך אריינצומישן אין א פריוואטע מחלוקה, נאכדערצו אזא שמוציגע מחלוקה. איך וויל שטיין אין א ווינקל און מער גארנישט רעדן דערוועגן, און איך וויל בעטן אנדערע אז זיי זאלן טאן די זעלבע זאך און שטיין מן הצד און לאזן די רבנים דן זיין דיני נפשות.
 |
|
|
