דער יודישער פראבלעם מיט די תועבה געזעץ

אוודאי איז עס א יודשער פראבלעם.
דער מבול איז געקומען וועגן עריות ( דעמאלס איז נאך קיין יודען נשט געווען )
ממילא דארף מען זעהן עס אפצישטעלן, ס'זאל נישט קומען קיין מארד אויף דער וועלט.

זייט ווען איז אבר מן החי מותר אין אמעריקע? אדרבא, ס'איז שטרענג פארבאטן לויט'ן געזעץ. מען מוז סלאודערן יעדע בהמה און חי' פאר'ן עסן.

אלזא, די איינציגסטע פון די מצות בני נח וואס די גוים טוען אפן פארשוועכן איז די מצוה.

מיט א שטיק צייט צוריק האב איך עס בעסער מסביר געווען אויפ'ן פארום, און אט דאס איז וואס כ'האב געשריבן:
 

די גמרא אין מס' חולין דף צב ע"א זאגט אז די בני נח האבן זיך אונטערגענומען איינצוהאלטן דרייסיג מצוות אבער זיי האלטן איין נאר דריי און אין זכות פון די מצות האלטן זיך די אומות העולם.

די דריי מצות זענען
1. שאין כותבין כתובה לזכרים. (רש"י זאגט דערויף "דאע"פ שחשודין למשכב זכור ומייחדין להם זכר לתשמישן אין נוהגין קלות ראש במצוה זו כל כך שיכתבו להם כתובה" - אז כאטש די גוים זענען זיך מתייחד מיט זכרים כדי צו טאן עבירות רח"ל, גייען זיי אבער נישט אזוי נידעריג ווי צו געבן א שטר כתובה און עס מאכן אפיציעל.)
2. שאין שוקלין בשר המת במקולין (דאס טייטש אז זיי עסן נישט קיין פלייש פון א בהמה אן הרג'ענען, אדער לויט אן אנדער פשט אז זיי עסן נישט קיין מענטשן פלייש)
3. שמכבדין את התורה.

ליידער זענען מיר געקומען יעצט צו א מצב אז א רייע מערב וועלט לענדער האבן עובר געווען אויף אזא הארבע עבירה. דאס איז זיכער נישט גוט פאר די מערב וועלט לענדער און עס וועט זיי ברענגען נאר צרות.

אין אמעריקע האבן די קריסטן געפירט א שטארקע מערכה דערקעגן און אין רוב סטעיטס איז דערווייל נישט פאראן דאס געזעץ, חוץ פון עטליכע ליבעראלע סטעיטס.

וואס עס רעגט אויף ביז גאר איז דער פאקט אז פונקט ניו יארק, וואו עס געפינט זיך דער גרעסטער ציבור אידן אין די וועלט נאך ארץ ישראל, איז געגאנגען און איינגעפירט אזא עקלהאפטיגן סדומ'ישן געזעץ, ליתן כתובה לזכרים. פאר דעם אליין זאל יעדער פרומער איד שטימען קעגן פעטערסאן, אין די פריימערי, און (אויב געווינט ער די פריימערי אדער ער האט נישט קיין פריימערי) אין די אלגעמיינע וואלן.

עס דארף אויך ארויסגעברענגט ווערן אז רוב אמעריקאנער זענען קעגן דעם עקלהאפטיגן געזעץ. אפילו אבאמא וויל עס נישט אפיציעל שטיצן. אבער פארט טוען עס די פארשאלטענע ג. חברה ארויפצווינגען אויף אמעריקע. ווי מען האט געזען אז אפילו אין די דעמאקראטישע קאליפארניע, ווען מען האט געגעבן א טשענס פאר די וואוטערס צו זאגן זייער מיינונג האבן רוב פון זיי אנידערגעשטימט דאס עקלהאפטיגע געזעץ. דא אין ניו יארק גיט מען ניטאמאל א שאנס פאר די וואוטערס צו זאגן זייער מיינונג.

לאבסטערס איז אבר מן החי איז ס'איז מותר

אין וואס די ברענגסט נישט אויס
וואס האט דער יוד מיט געזעץ
אפשר זאל מיר גיין פייטן אויכט גאן געזעצען.

תוקן על ידי מישמאש ב- 02/06/2009 1:37:55

ביסט נישט גערעכט. מען גיסט אפ די לאבסטערס מיט הייסע וואסער און מען עסט עס ווען ס'איז נאך מפרכסת, אבער ס'לעבט שוין נישט. אלזא, ס'הייסט נישט אבר מן החי.

א איד טאר טאקע נישט עסן קיין באשעפעניש ווען ס'איז נאך מפרכסת. דאס הייסט אבער נישט אבר מן החי.

יעצט אפילו אויב דו וואלסט געווען גערעכט איבער אבר מן החי שטייט אבער אין גמרא גאר הארבע זאכן איבער כותבין כתובה לזכרים און וואספארא חרון אף עס ברענגט, און וועגן דעם אליין דארפן מיר אידן זיין באזארגט.

שוין חוץ פון דעם אז דאס ברענגט אראפ דעם מאראל פון די געזעלשאפט און לענדער וואו די מאראל איז געפאלן אזוי נידעריג האבן געהאט א מיאוס'ן סוף. ליין איבער די היסטאריע פון פראנקרייך, איינס פון די שטארקסטע לענדער אין אייראפע פאר'ן קריג און וויאזוי די פראנצויזן האבן ממש בידים איבערגעגעבן זייער לאנד פאר די נאציס, ווייל זיי זענען געווען אזוי נידעריג און געמיין און אן דעם מינדעסטן מאראל אז זיי האבן נישט פארשטאנען פארוואס ס'פעלט אויס צו קעמפן פאר די אייגענע דיגניטי און פאר'ן אייגענעם לאנד. אמעריקע איז אויפ'ן וועג אהין.

זיסקייט, יישר כח פארן דאס ארויסברענגען אזוי גוט.

נו זיסקייט, אפשר פאנגן מיר אן מיט אן ערנסטע מערכה און לאביאינג אינערהאלב די פאליטישע קארידארן?...

צום באדויערן שטיצט טשעיני די תועבה געזעץ און ער איז גאר מער ליבעראל אין די אישו ווי אבאמא.

http://politicalwire.com/archives/2009/06/01/cheney_supports_gay_marriage.html

לעבעדיגער, ביסט מיך גרייט צו העלפן, אויב יא געב מיר א קאל און לאמיר טאן צו די זאך.

טייערע אידן, אדרבה עס וואלט געווען זייער וויכטיג אז מיר זאלן טאקע טרייען צו טיען וואס מיר קענען.

איך וויל נאר צולייגן צו וואס זיסקייט האט געזאגט.
דאס ענין פון מאכן א לכתחילה פון אזא נידריגע זאך, ברענג שרעקליך אראפ דעם מאראל פון דעם געזעלשאפט, און אויסער די פראבלעמען וואס זיסקייט האט געברענגט, דארף מען פארשטיין, אז א געזעלשאפט מיט א פארדארבענע מאראל, פארלירט די בושה פון אלעם, עס הייבט זיך אן מיט א מערכה פון גלייכבארעכטיגונג פאר די נעבעכדיגע באקריוודעטע מענטשן, און פון דארט גייט דאס צו יעדע מאראלישע זאך בכלליות, און דאס נעקסטע וואס קומט אויך די רייע איז דאס ביליגקייט צו מענטשליכע לעבנס.

פון דארט, ביז "אלע אידן זענען פאראזיטן" איז שוין א קאצן שפרונג.

אין איין ווארט, דעס געזעץ איז א סכנה ברוחניות ובגשמיות פון פילע הינזיכטן, און מען וואלט באמת זיך געדארפט צוזאמנעמען און פירן א (אחריות'דיגע) מערכה קעגן דעם.

נאך א לענגערען טעלעפאנישער געשפרעך מיט 'זיסקייט' איז געבליבן אז מיר נעמען אינטער א פאראייניגטע און געמיינזאמער מערכה אנע פאליטישע אינטערעסן, ליבעראלען ווי קאנסערוועטיוון אינאיינעם.

מיר וועלן זיך נישט אפשטעלן פאר קיינעם און מיר וועלן בעז"ה אנקומען ביז די העכסטע פענסטער און פארשטעלן אונזערע טענות און לאמיר האפן אז מיר וועלן מצליח זיין און זיין די ריכטיגע שליחים.

אבער געדענק זיסקייט, א זמן איז א זמן. אויב זאגט גאווערנער פעטערסאן אז מיטוואך דריי אזייגער נאכמיטאג איז ער עוועליבעל דאן איז עס דריי נאכמיטאג, נישט זאלסטו אנקומען  א האלבע שעה שפעטער, ער איז גאר א פינקטליכער מענטש.

ליצנות אין א זייט געלייגט.

עס בלייבט אז עס איז נישטא גארנישט צו טוען, און דער געזעץ וועט ווארשיינליך ווערן דורכגעפירט אין ניו יארק, אלץ איינע פון די ערשטע גרויסע שטעט אין די פאראייניגטע שטאטן צו האבן דעם תועבה'דיגער געזעץ.

עס איז אויסדרוקליך נישט ריכטיג אז מען קען גארנישט טין. וואס איז יא זיכער איז אז מיט נישט טין קען מען גארנישט טיען.
אבער מיט יא טיען קען מען יא. און אויסער דעם דארפן מיר געדענקען וואס צדיקים האבן געזאגט, מען דארף טין, נישט אויפטיען.

יעדער פאליטישען'ס ערשטער דזשאב איז: צו ווערן ווידערוויילט, און אויב וועט ער שפירן אז דאס קען אים קאסטן ריעלעקשן, וועט ער טראכטן צוויי מאל פאר ער וואוט פאר דעם.

צווייטנס, מען קען פירן א מערכה אז מען זאל עס ארויסשטעלן אויפן בעלאט פאר די וויילער מחליט צו זיין.

אבער אויפהייבן די הענט און זאגט מען קען גארנישט טוהן איז זיכער נישט ריכטיג.

איז דא א חיוב ערבות פאר גוי עבירות? די מבול איז געוועהן פאר מתן תורה, נאך מתן תורה מיין איך אז עס נישט דא קיין חיוב ערבות פאר א פאלנער גוי, אנשטאט מתקן זיין דעם גוי איז דא א אנדערע עצה וואס די תורה גיט, ואבדיל אתכם מן העמים להיות לי, אידישע קינדער דארפן זיך אינגאנצען אפגעטיילעט פונעם גוי, ניטמאל הערן די טמענע נייעס; אויב ווערן די גוים מער שמוציג, דארף מען זיך מער אפטיילען, אבער אריינגיין אין גוישע עקעלדיגע טינופות מאן דכר שמי'.

 יונה הנביא האט געהאט מסירת נפש נישט צו מוסערן די גוים,  חז"ל ערקלערן די סיבה ווייל אויב גוים וועלן תשובה טוהן, וועט זיי א קיטרוג אויף אידן, פונקט פארקערט פון די חוקי תועבה מערכה.

געדענקט! היטלער ימ"ש האט די ערשטע געהארגעט די חברה, און די צווייטע די אידען רח"ל, די געדאנק פון דיסקעמענראציע איז א סכנה פאר אידען, ביטע לאזט איבער די שמייליגע מחאות אקעגן גוים פאר די פארשטיקענע קריסטען, עס איז נישט קיין שום חילול השם אז אידען זענען נישט אינוואלעד אין די מערכה, די גוים ווייסען גוט אז די אידען האבן א ריינע משפחה לעבן, אן אלקעהאל, אן דראגס, עס איז זייער מעגליך אז א אידישער מערכה און טומלען און זיך אריינצומישען אין גוישע געזעצן, איז א סתירה צו דעם מושג פון א גלות איד לדעתי.

אדרבה! טרעפט מיר אין אלע פריערדיגע דורות אנגעפאנגען פון די ראשונים ביז די אחרונים אז מזאל ביזי זיין און זארגען...הלמאי....די גוים ווערן מער פארדארבען.....

די רבנים וואס חתמענען איז פשוט, ווייל מזאגט זיי אז מגייט אנפירען תועבות...אזווי די מועדון אין ירושלים, די רבנים זענען נישט נחשד צי פארשטיין די פרטים פון די עקעלדיגע געזעטץ

די מיינונג האב איך געהערט פון א חשובען תלמיד חכם און מורה הוראה

עס איז נישט אונזער ביזנעס, אידן האבן נישט קיין שום חיוב צו מחייב זיין די גוים מיט די שבע מצות, ווען אונז זעמיר אין גלות, אדרבה מיר לעבן אויף זייער גוטע ווילן. עס קען גאר אריינגייען אין התגרות באומת.

בכלל בין איך נישט זיכער אז דאס איז פון די שבע מצות, גילו עריות ביי די אומת קען זיין אינגאנצן אנדערש וואס עס מיינט ביי אידן.