הכונו: מעמד חסד של אמת - עם הגאון האדיר רבי אליקים שליט"א

מורי ורבותי! איר האט נעבעך א ביטערן טעות, מ'פארשטייט נישט דעם גאנצן ענין.
אידן בכל הדורות האבן אלעמאל געהאלטן די קברי ישראל הייליג און מ'האט זיך ממש געווארפן אינטער די טראקטארן אז מ'זאל די קברים נישט שעדיגן.

ווען ס'האט חלילה פאסירט אז די רשעות'דיגע מושלי הממשלה האבן יא געהאלטן ביי צושטערן א בית העולם, האט מען אויסגערופן א תענית ציבור און מיט ציטער'דיגע הערצער געשיקט די חברקה קדישא צו העלפן מפנה זיין די קברים און זיי אריבער פירן אויף די חלקים ווי מ'האט צוגעגרייט בלית ברירה. אזוי איז געוועהן אין פרעשבורג און אויך אנדערע שטעדט.

ליידער אין דעם לעצטן דור, ווען ס'איז א תקופה פון פני הדור כפני הכ... וואס איז נאך קיינמאל נישט געוועהן, האט מען אויסגעארבעט א נייע שיטה. (מיט א היתר מאה רבנים) אז די רשעי האומות וועלן גרובן וועט מען זיי נישט אפהאלטן, נאר לאזן זיי צושמעטערן די עצמות קדושי ישראל. און דאס איז ליידער א הוראה אויף די קומענדע צוויי הונדערט יאהר אז ווען די רעגירונג וועט זיך פארגליסטן צו אויסגרובן א בית עולם, וועלן זיי האבן דעם אויסגעטרעטענעם וועג פון אדמת הרבנים הקודש.

די גדולי הרבנים פון אדמת קודש האבן געוויזן אז דער גוי האט א פרייע האנד צו גרובן און נאכדעם וועלן די כבוד לעקער'ס קומען מיט בילדער ווייזן אז זיי האבן זיך באגעגענד מיט די רשעים ימח שמם און מ'וועט האבן די גרויס דערגרייכונג אז מ'קען שוין איינגיין אויף פשרות נאכ'ן גרובן. 
לאמיר געבן א משל: אויב חלילה משיח קומט נישט די נאנטע צייט בעוונות הדור און דער בית החיים אין סיגעט איז חלילה וחס אין א סכנה צו ווערן פארניכטעט. ווייזן יעצט די רבנים א וועג אז אויב די רשעים וועלן קודם צושטערן דעם בית עולם, האלבע און גאנצע גופות קדושים וועלן ליגן אין באקסעס ביי די רעגירנגס פארשער, מ'וועט לאזן קודם גראבן אוין בויען א בנין. ס'וועט חלילה אויפן סמך פון די פרשה שעברה ביי די קברי הראשונים הרא"ש ורבינו יונה זי"ע מאכן פשרות. קודם וועלן די אומות העולם אויסגרובן א שטח פון 200 קברים. דערנאך וועט מען זיין בשמחה אז זיי געבן צוריק 150 סקעלעטן. ביי טייל קברים וועט זיין נאר די חלק הראש, ביי די אנדערע די אנדערע עצמות. און כלל ישראל וועט מוזן שווייגן. ווייל די אדמת הרבנים האבן אויסגעארבעט א פשרה.