דער קרית יואל'ע "בית השחיטה המפואר", איז געבויט אויף פראפעגאנדע און ספלעש,
אלע שוחטים געהערן זיך אן צו ר' אהרן'ס פראפעגאנדע מאשין,
די רגע וואס עס מאכט סיי וועלכע פראבלעם אין כשרות,
שטייט די גאנצע פארטיי גרייט דאס פארענטפערן אפילו מיט שקרים וכזבים.
אויך האבן זיי באצאלטע מענטשן פאר פראפעגאנדע פון "וועד הכשרות" וואס איז ממש אומדערהערט.
א איד וואס פארלאזט זיך אויף נאמנות פון א בעל המכשיר,
מוז וויסן אז דער בעל המכשיר קען טאן זיין ארבעט אן קיין דרוק,
וואס דאס איז נישט דער מציאות אין קרית יואל
אין קרית יואל "בית השחיטה המפואר" ברענגט מען טאקע אסאך רבנים
פאר בילדער נעמעריי אבער דער בעל מכשיר איז דארט נישט בעל הבית,
נאר ר' מאיר הירש איז בעל הבית פון וועמען יעדער ציטערט.
עס האט שוין פאסירט צענדליגער מאל אינעם עבר וואס שוחטים ומשגיחים
וועלכע האבן זיך אפגערעדט פאר זייער אייגענעם דיין, הרה"ג ר' געציל שליט"א,
האט מען זיי טעראריזירט אז זיי זענען נישט געטריי,
און זיי "בייסן די פינגערס פון די וואס געבן זיי צו עסן".
קען מען אזא בית השחיטה טראסטן???
ספעציעל די אידן וואס פארלאזן זיך אויף רבנים ודיינים וואס האבן דארט נישט קיין דריסת הרגל,
מעגן די אידן עסן אזעלכע פלייש???
מה שאין כן אין אנדערע "בית השחיטות"
זענען די רבנים המכשירים ומשגיחי כשרות הונדערט פראצענט בעל הבית אויף די פראדוקציע.
די בעלי בתים ציטערן פון די שוחטים, משא"כ אין קרית יואל ציטערן די רבנים ומשגיחים פון די בעלי בתים.
אויך זענען דא שוחטים פון אלע קרייזן, וואס קיינער זוכט נישט מחפה צו זיין.
אין קרית יואל ווען עס מאכט זיך א כשרות פראבלעם,
איז די ערשטע דאגה אויב וועט עס שאטן פאר די פארטיי
די וועג וויאזוי מען האנדלט עס איז די זעלבע נארישע וועג ווי זיי האנדלען פאליטיק.
למשל:
עס איז ארויסגעקומען א צעטל וועגן די צומת הגידין פראבלעם.
די רעאקציע פון די אהרונים איז געווען אזוי ווי דער שלאנג האט געטאן מיט חוה.
זיי האבן ארויס געגעבן דעם זעלבן צעטל נאר צולייגן שרעקעדיגע פאראגראפן,
אז הרב קארשינסקי האט געטראפן עופות
וואס מען האט קיינמאל נישט גע'שחט'ן
האט דאס איינער גע'טענה'ט?
דאס האבן זיי געטאן ווייל זיי האבן מיט ליצנות געוואלט חוזק מאכן פון די מעוררים.
אנשטאט צו געבן א באזעסענעם ענטפער.
דעם ליצנות צעטל (וואס זשוליאני08 האט לכאורה געמאכט)
האבן זיי אפילו געדרוקט אין זייער אויפקלערונגס "קונטרס" צו צומישן מענטשן.
עס איז העכסט נארמאל די אהרונישע בית השחיטה זאל אפענטפערן
א שערוריה אויף א פראפעשאנעל וועג, ווי בעלי אחריות,
אבער נישט מיט ליצנות,
כשרות איז בכלל נישט קיין דזשאוק
דער צווייטער טאקטיק וואס זיי נוצן,
איז צו באשמוצן אנדערע אין זייערע פראבלעם
איך האב פערזענליך גערעדט מיט צוויי משגיחים פון אנדערע בית השחיטות,
איינס אין קאנאדא איינס דאהי, וואס מען איז שוין בודק יארן פאר צומת הגידין.
און זיי האבן אויף דעם משגיחים "מומחים"!
צו שרייבן א שקר אז קיינער איז נישט בודק,
און מען גייט זיך יעצט קומען ביי זיי לערנען, איז סתם ביליגע פראפעגאנדע.
דערצו האב איך נאכאמאל איבערגעפרעגט וועגן די טשיקען קוואליטעט,
(דער אויסדרוק "זשאנק טשיקענס" איז נישט געווען קיין ריכטיגער אויסדרוק,
ווייל עס פאסט נישט צו שרייבן אויף בעלי חיים "דזשאנק".)
אבער ס'איז דא אויפן מארקעט פארשידענע סארט קוואליטעט טשיקענס,
און קרית יואל קויפט די ביליגסטע וואס איז דא צו באקומען,
א בוטשער האט מיר נעכטן געזאגט וועלכע פלייש ס'איז די בעסטע קוואליטעט.
און נאך קוואליטי חילוקים צווישן די פארשידענע שעכט הייזער,
וואס איך האלט נישט פאר ראוי צו שרייבן ברבים.
דער סך הכל איז
בית השחיטה המפואר קרית יואל
קען מען נישט טראסטן
יא, עס איז די בעסטע אדווערטייזט,
עס מאכט די בעסטע פראפעגאנדע.
און זיי האבן אפילו פאטאזשעניק בילדער
פון קלויזענבורגער רבי'ן מיט א ווייסע שירצל
אבער מיט כשרות האבן די אלע זאכן נישט קיין שייכות.
איך וויל נישט חלילה מוציא לעז זיין אויף זייער שחיטה,
איך בין זיכער אז זיי פרובירן דאס בעסטע (פאר די ביליגסטע)
אבער צוויי זאכן דארף מען געדענקען.
די רגע וואס די אינטרעסן פון כבוד הפארטיי
איז זיך סותר מיט כשרות, איז די פארטיי וויכטיגער.
דער כח פון די בעלי בתים אין קרית יואל,
וואס קוקן אויף ביזנעס, זענען שטארקער ווי דער כח פון די רבנים ומשגיחים.
לכאורה ווען מען קויפט, דארף מען קוקן צו אין דעם בית השחיטה זענען די רבנים שטארקער ווי די בעלי בתים.
און ס'קען זיין א הידור צו קויפן בעסערע קאוואליטעט טשיקענס,
אפילו ס'איז אביסל טייערער, ווייל ס'מאכט זיך ווייניגער כשרות פראבלעמען.
