איך האב איין הגה, ווען מ'איז געגאנגען "באקלאפן און אנברעכן" שארמאשער רב שליט"א, איך שרייב דירעקט אנקלאפן און אנברעכן, ווייל אגאנצן טאג בעפאר האט זיך געקאכט אין ישיבה אז מ'גייט "אים באקלאפן און אנברעכן די ביינער", דאס איז געווען די פלאן, און אויף דעם ציל איז מען געגאנגען.
למעשה ווען מ'איז אנגעקומען אהין אין זקנים, א גאנצע מחנה מיט בויעס, האבן א גרויסער טייל געבליבן אינדרויסן, א טייל איז יא אריין אין ביהמ"ד און אנגעהויבן מאכן קולות, און דריי פיר בריונים (אפשר טאקע אביסל אומשולדיג ווייל זיי זענען נאר געווען שליחים פון זייער פירער) האבן זיך פיזיש ארויפגעווארפן אויף דעם גאון וצדיק שארמאשער רב שליט"א, אים אראפגעשלעפט די טלית אינמיטן שמונה עשרה, און אים אנגעהויבן שטופן און פרובירט אים אראפווארפן בשעת ער שטייט און איז שופך שיח פאר השי"ת, בשעת ווען די אנדערע עושי רצונו פון דעם סבלן העולמי די אומערצויגענע בחורים שטייען ארום און שרייען מיט באנומענע קולות, זיי האבן אים למעשה ארויסגעשטופט אן א טלית ביז אינדרויסן.
אין די טעג נאך די שוידערליכע איבערפאל און בזיון ת"ח האבן עטליכע רבנים וגדולי ישראל מוחה געווען אויף דעם געמיינעם אקט פון די לויזע אינגן, צווישן זיי הגה"ק מקאשוי זצ"ל, הגה"ק ממאנטעווידעא זצ"ל, און להבחל"ח אדמו"ר מוויזניץ שליט"א, אין די גאס האט עס געהאט א שרעקליכן מיאוס'ן אפקלאנג, ווי שטארק די חברה האבן עס פרובירט אנידערצושפילן און זאגן אז "דא איז שטיל".. איז עס נישט אראפ פון סדר היום, און אפילו די "אייגענע" מענטשן וואס זענען געווען געוואוינט צו הערן כסדר פון נאך א פארברענטע קאר און נאך א פראטעסט פארנט פון איינעם'ס הויז, נאך א הויז ווי מ'האט אין די שלאף צימערן אריינגעווארפן שטיינער אינמיטן נאכט, געשלאגן נאך א קינד צו אראפגעשטופ א בני יואל מיידל אויפ'ן גאדער, האט דאס פארט געגעבן א שטיקל טרייסל אויף א גרויסן חלק פון דעם ציבור.
האבן דעם סבלן העולמי'ס מענטשן אנגעהויבן לייגן דרוק אז ער מוז עפעס מוחה זיין, אלע רבנים זענען מוחה, ער מוז פשוט מחמת דעמעדזש קאנטראל עפעס טון תיכף ומיד, אין אנהויב האט ער בשום אופן נישט געוואלט זאגן קיין ווארט דערוועגן, ער האט דאך פאקטיש געשעפט נחת און "חיות דקדושה" פון דעם אקציע, אבער זעענדיג ווי אלע גדולים פארשרייען עס און די דרוק פון זיינע יועצים האט אים צוגעטרעטן, האט ער בערך א וואך נאך די מעשה נבלה געהאלטן א וואסערדיגע א.ג. מחאה דרשה ווי ער האט געזאגט "בחורים ראצערס...וכו'".
 |
|
|
