איך וויל אנהייבן מיט'ן דערמאנען דעם עולם מיין שטעלע אז איך בין אינגאנצן נוטראל אין די גאנצע סאטמארע מחלוקה
נאר אלץ וואוינענדיג אין קרית יואל אין זיין א נייגעריגער פרוביר איך מיר אריינשטופן מיין נאז ווי איך קען
איך וויל פארציילן פאר'ן עולם מיין באגעגעניש היינט אין דערפרי אין די שול בית יואל אין קרית יואל (רעבעצין)
היינט אינדערפרי נאכן דאווענען אינעם גרויסן צענטעראלען שול אין קרית יואל, ווי יעדער איז וועלקאם, האב איך געקלערט ביי מיר אז איך הער דאך אזויפיל איבער די לעצטע פאסורינגען ביי די רעבעצין לאמיר אריין גיין זיך איבערצייגן אליין וואס עס קומט דארט פאר
איך וועל שילדערן אלעס דברים כהוויתן, אזוי ווי איך האב נישט מיט גענומען קיין קעמרא (א שאד!) האב איך נאר געכאפט עטליכע בילדער מיט מיין טעלעפאן, און פארשטייט זיך אז עס איז נישט אזוי קלאר, אבער נאך אלץ בעסער ווי גארנישט
גייענדיג צום ביהמ"ד האב איך געקלערט ביי מיר אז מן הסתם וועל איך דארט נאר טרעפן א קליינער אנגעווייטאגטער מנין וואס דאווענען אנגעטון אין קאוטס ווייל עס איז דאך נישט דא קיין סטום, אין מען דאווענט לעבן די פענסטער כדי אז עס זאל זיין אביסל ליכטיג ווייל עס איז דאך נישט דא קיין לעקטער, מיט צוקיינטשטע פיאות וויי לעס איז נישט דא קיין מקוה, מיט פארטריקענטע שטומעס ווייל עס איז נישט דא קיין קאווע, מען קען נישט גיין קיין הכנות ווייל עס איז נישט דא קיין סוער, א.א.וו.
אבער רבותי די בילד וואס האט זיך מיר אנטפלעקט איז געווען אומגלויבליך, א שול פיל מיט מענטשן, די לעקטער ארבעט [טאקע ווי מען גייט טרעט מען אויף ווייערס וואס צוען זיך אויף דער ערד אדער הענגן אויפן וואנט און דאך, אבער לעקטער איז דא], ווארעם איז דארט ב"ה.
אבער
עס קוקט אויס ווי איך האב פארבלאנדזשעט אין מאנהעטן ביי איינע פון די פראטעסטן, פון אלע זייטן הער איך קולות, מען שרייט אויף די העכסטע טענער, דער רשע, דער שיגץ, אין נאך ווערטער וואס איך וויל אפי' נישט איבער זאגן, פון אלע ווענט הענגן פלאקאטן מיט ריזיגע מחאות.
(אזוי ווי עס איז נאר גענומען מיט א טעלעפאן איז עס נישט קלאר אין צוטיילט אין צוויי)
טישלעך זענען געווען אויפגעשטעלט צו מחייב זיין דעם עולם מיט 100 דולער פאר די הייליגע מערכה
בייגעלייגט א בילד
א יונגערמאן האט זיך ארומגעדרייט צווישן דעם עולם מיט עטליכע סינגעלס אין די הענט, און געבעטן דעם עולם זיך משתתף צו זיין, איך זעה ווי יעדער דרייט מיט האנט אז מען האט נישט, ענדליך זעה איך ווי איינער לייגט שוין יא אריין די הענט אין טאש בשעת א גרויסע שמייכל זעהט זיך אן אויף דעם געלט גייערס פנים, אבער ווען דער מענטש נעמט ארויס פון טאש א צענער און בעט טשענשט 9 דולאר האט דער געלט גייער געמוזט מאכן מיט די הענט אז ער האט נישט, הזמן יכלו והמעשיות לא יכלו וואס איך האב אלץ געזעהן און געהערט דארט
ביי א וואונקל אינעם געוועזענע מילכיגע קאך זעה איך שטייען א ריזיגע קופקע פון מענטשן איך שטופ מיר אויך דארט אריין און יא! יוסל הידוע שטייט דארט אין איז מסביר אז דאס וואס דער שופט האט הוונט אפגעשטופט די פסק איז נאר כדי די ארונים זאלן זיך בארואיגן אין נאכדעם וועט ער זיי קענען גוט צופיקסן
פלוצלינג הערט זיך א געשריי "קאווער אפ" איך דרי ימיר אויס און זעה ווי הרה"ג בעל דור האחרון שטייט און איז מסביר אז דער שופט האט היינט געמאכט א קאווער אפ פון זיין עכטע פסק!!!
שטייענדיג דארט האב איך אנגעהויבן צו באקומען שלשול אין איך האב געזוכט א בית הכבוד, גיי איך צו די שטובלעך שטייט דארט דער גבאי און פרעגט מיר דו קענסט נישט גיין ביי זיי איך האב נישט פארשטאנען וואס ער מיינט, ווייזט ער מיר אן די זעהסט נישט די צעטיל
איך בין אנטלאפן פון דארט ווי דער הערש אנטלויפט פון די שחיטה, איך לויף אריין אין היכל רבינו, אין איך טרעף אן א חבר א בני יואל און איך פרע גאים וואס איז פשט אז מען לאזט נישט זיך מכין זיין, הייבט ער מיר אן מסביר זיין אז יעדע פלאש קאסט 39 סענט ווייל מען דארף אויסליידיגן דעם סוער (סעפטיק),
איך וועל שוין נישט מאריך זיין. אי"ה עוד חזון למועד
תוקן על ידי נוטראלער ב- 19/10/2009 20:45:48
