אויפמערקזאם!!! ביטע ליינט עס אדורך רואיגערהייט!!!אל כבוד אונזער טייערער חשובער הויכגעשעצטער מנהל און אלע שרייבערס
איך וויל דא שרייבן איבער אביסל (אפשר) א אנגעווייטאגטע ענין וואס שטערט מיר און נאך אסאך שרייבער / ליינער שוין זייער לאנג, און עס דארף ווערן שטארק אויסגעשמועסט דא.
ווי יעדער איינער ווייסט נישט קיין חילוק פון וועלכע חסידות דאס איז [דרך אגב וויל איך טאקע בעטן אז צוליב די ערענסקייט פונעם נושא זאל מען נישט אריינמישן דא קיין שום פאליטיק, מנהל ביטע אינפארסירן] אז אינטענעט איז א פלאץ וואס איז א געוואלדיגע בדיעבד, נאר אזוי ווי לויט די היינטיגע אומשטענדן איז נישט מעגליך אנצוגיין אנדעם האט מען דאס נישט ג'אסר'ט נאר פארלאנגט ארויף צולייגן דערויף די גרעסטע שמירה וואס איז נאר פארהאנען.
איינע פון די "גרעסטע דורכבראכן" אין די נושא איז דאס עפענען אן אייגענע פראוויידער פארן אינטערנעטJ-NET וואס טוט בלאקירן פון אלע ערליי סייטס וואס קען חלילה געזעהן ווערן דארט רח"ל, אזוי אויך זענען ב"ה פארהאנען עטליכע ערליי פילטערס וואס טוען נישט צולאזן צו קענען אנקומען אויף נישט גיטע פלעצער.
ב"ה איך און אזוי אויך נאך טויזענטער אנדער האבן ב"ה דזשעי-נעט, און אזעלכע וואס קענען משום איזה סיבה דאס נישט האבן, האבן כאטש א פילטער.
עס לאזט זיך זאגן אז נאך א גרויסע דורכברוך איז, די סייטס ווי מען קען פארברענגן און זמנים וואס מען איז ליידיג בשעת די ארבעט, און עס איז הונדערט % אויסגעהאלטן ווי למשל יודעלע .COM און אזוי אויך IVELT.COM און אוודאי קען מען אויכעט צולייגן אונזער פארום "כל העולם", עס איז אמת אז דאס איז אנדערש ווי די אויבערשטע צוויי ווייל דא ווערט ארומגעטענהט אסאך פאליטיק, אבער סוכ"ס ווען נישט דעם פארום וואלטן אסאך פון אונז משום בטילה שמביא לידי שימא, געקראכן זוכען מיט וואס מען קען פארברענגן די צייט..... וד"ל........
אבער!!!
לדאבונינו זענען דא אריינגעקומען עטליכע שרייבער וואס הייבן אן דא אראפצוברענגן לינקס פון חזר-טריפה'ענע סייטס, וואס איה"נ אז איך און נאס אסאך קענען טאקע נישט אנקומען דארט, אבער מאכט דאס א גרויסער נסיון צו וועלן דאס קוקן אין מען פרובירט דורך ווייערלעס (WI-FI) צו קענען דאס זעהן, און אשוי אויך אסאך פילטערס לאזן דארט אנקומען.
דער סייט איז די באקאנטע טריפה'ענע סייט YOUTUBE וואס איז פיל מיט כל ערליי ארגסטע ווידיאוס רח"ל....... איה"נ אז דער וואס ברענגט דאס אראפ דא מיינט נאר צו לינקען צו א "היימישע" ווידיאו פון א שמחה בבית רבו, אדער סתם א אינטערסאנטע אידישע ווידיאו, אבער איינמאל מען גייט דארט אריין קומט מען שוין [אומ]וועלנדיג אן צו אנדערע טריפה'ענע רח"ל.....
אפי' דער וואס וואס ברענגט עס דא אריין נאר דורך אן HTML אזוי אז מען דארף נישט גיין צו יענעם סייט, אבער נאכן ענדיגן זעהן קומט דא ארויף עטליכע לינקס צו אנדערע ווידיאוס וואס זענען עפעס ענדליך צו דעם, און דאס ברענגט צו א צווייטע און יענע צו אן אנדערע ביז .......
איך וואלט פארגעשלאגן אז עס כדי אונזער פארום זאל בלייבן "ריין" זאל דער מנהל דאס אינפארסירן און אריין לייגן אין די תקנות אז מען טאר נישט דא לינקן צו יענעם סייט, און אזוי אויכעט אז טאמער וועט דאס איינער טון זאל ער פארלירן רשות כתיבה.
אדרבה לאמיר הערן די מיינונג פונעם עולם (אבער געדענקט!!! אז צוליב די ערענסקייט פונעם נושא זאל מען נישט אריינמישן דא קיין שום פאליטיק, מנהל ביטע אינפארסירן)
איך וואלט געוואלט בעטן די מנהל, אז אויב מעגליך זאל מען לייגן א פין אויף דעם אשכול פאר א וואך, כדי "יעדער" זאל דאס קענען כסדר מיטהאלטן, און קענען זאגן מיינונגען.
נאך א וואך זאל מען באשליסן לפי דעת הציבור (האנישי) וואס צו טוען ווייטער ייש"כ
תוקן על ידי בשמחה_תמיד ב- 02/12/2009 21:41:01
