אפדעיט נייעס פון די ירושלימ'ער מערכה אין די ישיבה:
די הנהלת הישיבה וועלכע באשטייט פון עטליכע בעה"ב ווי הערשל שטיינבערג יהושע צבי יאזשעף יוסל ראזנבערגער און נאך זענען זיך שוין די לעצטע וואך אויסגעקומען מיט די עלטערע בחורים, יאזשעף האט זיי צוגעשטעלט א מאלצייט ביי זיך אין שטוב אלס פיוס און ער האט מיט זיי אויסגעארבעט א שטיקל פשרה צווישן די הנהלה מיט די בחורים
אבער ווי נאר די הנהלה האט געוואלט איבערגעבן זייער באשלוס פאר ר' חיים הערש האט ער צו זייער שטוינונג זיי אפגעווארפן און געזאגט "איך האלט נישט ביים רעדן מיט ענק איבער דעם נושא" די הנהלה איז שאקירט געווארן פון די ענטפער און האבן גלייך באשולדיגט דעם עקסטרעמיסט יוסל שווארץ (בן אהרן משה פון נידחי וויזניץ) וואס ער טינקט איין רח"צ אין דעם בלאטע
צומארגנס האבן די הנהלה מענטשן אריבערגערופן דעם יוסל שווארץ און איהם שטרענג פארגעהאלטן אויף די אויפפירונג פון רח"צ, זיי האבן איהם געשריגן אז ער גייט מיט די קאפ אין די וואנט און ער מאכט חרוב דעם רב אין די קהילה, יוסל שווארץ האט אפגעצויגן אינמיטן די מיטונג און אלס רעאקציע האט ער געמאלדן פאר די עלטערע בחורים אז די ישיבה ווערט אפגעשלאסן פאר בחורים עלטער פון 17 יאהר ווייל זיי האבן גע'הארגעט די גאנצע משמעת אין די ישיבה
יעצט ווארט מען אויף ר' ח"צ ער זאל אהיים קומען און זעהן צו פארלעשן די פייער וואס קאכט אנטקעגן איהם ווי א קעסל
ס'איז דא שמועה אז עטליכע עלטערן פון די בחורים זענען ארויסגעפארן צו ר' זלמן קיין אמעריקא איהם צו מיטטיילן די גאנצע פרשה צווישן זיין זוהן מיט די בחורים
 |
|
|
