שטורעם: חורינער אטאקירט זיין מחותן!

בעת פתיחת פי האתון דעם חוה"מ פסח אין ביהמ"ד הופער סטריט נעבן וויליאמסבורג, האט זיך דער גרויסער סבלן המכונה חורינער צורעדט פאר פייער און וואסער נעבעך מיט גרויס ווייטאג, ליידענדיג פון א גרויסן קאמפלעקס מיט זיינע אריזונה ווייץ, אז קיינער רעדט שוין נישט אמאל דערפון בכלל, און זעענדיג אז ער זיצט נאך גאנץ איינזאם ביים סדר מיט זיינע אריזונה ווייץ, און כלל ישראל נוצט ווייטער די מצומחות'דיגע און מבוקעות'דיגע ווייץ וואס אידן נוצן שוין אין אמעריקא יעדן פסח איבער הונדערט יאר, דאס זעלבע וואס רביה"ק און אלע גדולי ישראל האבן גענוצט, און אלע אידן פארלאזן זיך ווייטער אויף "די היתר ארויסגעצויגן פון טאש"..  וואס די אלע גדולי ישראל האבן גענוצט און נוצן ווייטער..

האט ער פרובירט עפעס אפקאכן א פסח'דיגע קאשע וועגן די לאנג איילענד ווייץ וואס ער זעט יעדן טאג פון זיין פענסטער אין קרית יואל, ווי אויך מיט זיינע "שארפע אויגן" זעט ער אזש ביז ניו העמפשיר פונקטליך וואס טוט זיך "יעדן טאג" אין די לאנג איילענד פעלדער...

די דרשה האט ארויסגעברענגט א געוואלדיגע שמחת יו"ט ביי טויזענטער אידן איבער די וועלט, ווי מ'האט זיך אונטערגעהאלטן גרופעסווייז אויסהערנדיג די פורים דרשה פון דעם שוטה, א גרויס געלעכטער האט ארויסגערופן יעדע פרט פון די דרשה, ספעציעל ווי ער הייסט "יעדן איינעם" גיין נאכקוקן אויף די אינטערנעט, אזוי אויך ווי ער גיט מיט אזא פאר ווערטער א מאך אוועק די מצות וואס אלע קהילות און בעקערייען אין ניו יארק עסן למהדרין מן המהדרין דאס יאר ווי אלע יארן, וואו מ'איז געגאנגען האט מען געזען אידן מיט א שמייכל פון אויער צו אויער, בעיקר אין די אלע סאטמארער צענטערן ווי מ'האט געהאט גוטע חוה"מ אונטערהאלטונג בחנם..

איין קנעפל האט ער געקוועטשט וואס האט איבערגעלאזט זייער א מיאוסן נאך טעם איז געווען ווען צווישן די פילע מהודר'דיגע מצה בעקערייען וואס האבן געשניטן דעם זעלבן טאג אין לאנג איילענד איז אויך געווען די באקאנטע "קערעסטירער מצה בעקעריי" וועלכע שטייט אונטער די השגחה פון זיין מחותן הגה"צ מוואלאווע שליט"א, און דעם וואלאווער רב שליט"א'ס משפחה האט זייער וויי געטוהן אז א מחותן זאל אזוי רעדן אויף זיי אן קיין שום פראבלעם, זיי קענען אין שוין מיט זיינע שגעונות און שוואכקייטן, זיי ווייסן אז ער ליידט אויף "אטענשאן דעפיציט" און ערנסטע פסיכאלאגישע פראבלעמען, זיי ווייסן אויך אז ער האט נישט קיין שום פראבלעם צו פארציילן מעשיות וואס זענען נישט געשטויגן און נישט געפלויגן אויב מיינט ער אז ס'וועט אים ברענגען אביסל אטענשאן, אבער פארוואס האט ער געמוזט אויפבאקן אזעלכע "באבקעס" וואס זאל קלאר אנצייגן מיט די פינגער אויף זיין מחותן? רא"ט שטייט פאר הונדערטער מענטשן און זאגט: "מיין מחותן האט געגעבן צו עסן דעם פסח חמץ פאר'ן עולם"..

די ווייטאג אין די משפחה איז זייער גרויס..

ווי איך הער, זענען אנדערע בעקעריס אויך זייער ברוגז אויף דעם פי האתון, אריינגערעכנט די גרויסע "חרדים" אין בארא פארק, וויזניץ און סקווירא, קערעסטיר (ווי שוין דערמאנט), און נאך, בעיקר ברענען אויף אים די אנפירער פון זיין אייגענע בעקעריי אין וויליאמסבורג, ווייל דארט איז די איינציגסטע ווי עס קען שעדיגן די ביזנעס... איבעראל איז עס א גרויס געלעכטער, חוץ ביי זיינע אייגענע, וואס זיי דארפן נעבעך עסן די קאנסעקווענצן פון זיינע אלע געמויזעכץ וואס ער גרייט זיי אן....