ויהי ממחרת ה '"באגאץ-פלעי"...

סארא אנטוישינג: אונזער רעדנער האט אונז אויסגעשפילט! 

ועוד קשה אפי' זיי זענען מודה, אז די אישו איז שוין נישט אין בג"ץ,
נאר די גאנצע מחלוקה איז ווער וויל נישט אינטער שרייבן שטרי בירורין

האט שוין אמאל איינער געזען אז מ'מאכט א מחאה, אויף אן עבירה וואס מ'האט געטוהן יארן צוריק?????

סאמטינק פישי, אינטער דעם גאנצען עצרת -פלעי

ויהי ממחרת...
 
עס איז געווען א מחזה הוד צוצוזעהן וויאזוי עס קוקט אויס ווען 'יאוש און פארלוירנקייט' זיצט ביים רעדל... פאשקעווילן זענען געפלויגן, מייקס האבן געשריגן, דרשנים האבן זיך אויסגעגארעט, דער האט-ליין האט אריבערגעפירט א לייוו הוק-אפ, און אפילו דער עזרת נשים איז געווען געפאקט מקצה אל הקצה...
 
מען האט אריינגעברענגט דעם אגלי דבש מיט עמרם כהן פון קרית יואל, דעם חמשה עשר רב מיט זיין דיין, דער שטודירטער לייכטאג פון בארא פארק, אייזלן פון גאנץ ניו יארק רבתי, אבער דער עולם פרעגט נאך אלץ די פראגע "פארוואס שרייבט דער רבי נישט אונטער די שטרי בירורין".
 
עס איז קיינעם נישט קיין סוד אז דער איווענט אין הופפער האט געדארפט דינען א צוויי פאכיגן ציהל; צום אלעם ערשט פארדעקן די געלונגענע דרשה וואס איז געזאגט געווארן אויף דעם זעלבן פלאץ מיט א קנאפע פאר וואכן צוריק דורכן אונטערנעט מפיץ זעלבסט. און דער עיקר צו פארטושן די קליינע מוחות מיט ספינס איבער דעם ביטערן מציאות וואס שפילט זיך אפ אין ציוניסטישן בג"ץ.
 
פון די אלע דרשות וואס זענען געזאגט געווארן האט קיין איינער נישט געקענט ערקלערן פשט פון דעם עקשנות וואס דער סבלן האט, נישט אונטערצושרייבן שטרי בירורין צו גיין צו א דין תורה. אויסער שרייען קאזאק הנגזל, זענען קיין קלארע דיבורים נישט געהערט געווארן. א חוץ דעם הארץ רייסענדן יקרבו געשריי פונעם בן הבכור, וואס איז א ריכטיגער הולך בדרכי אבות, און געשריגן מיט פאטאס "דער טאטע זכרונו לברכה"... זענען קיין זאכליכע דיבורים דארט נישט געווען צום האבן.
 
מען האט פאר דעם איווענט פארארבעט מעשים, מען האט אפילו אפגעשטויבט דעם טיטל 'בעל ויואל משה' און איר גע'חזר'ט איין מאל און נאכאמאל מיט די באטייליגטע, אולי וועט מען אזוי אפקויפן סימפאטיע פונעם ציבור אז מ'דארף נישט זיך ברעכן און אונטערשרייבן שט"ב.
 
מען האט אויפגעשטעלט מסלתה ומשמנה פון די חלה דעקלעך שרייען אז דער צד שכנגד זאל ארויסגיין פון בג"ץ, אפילו דעם פארקאלעכטן בערל פריעדמאן האט מען ארויסגעשלעפט פון אלד-עידזש האום פאר דעם צוועק, און ער האט באצויבערט דעם ציבור כדרכו.
 
די רעזעלוציעס זענען זייער קלאר; הר' אהרן טייטלבוים דער מרשה פון די נידערטרעכטיגע קלאגע אין טמא'נעם בג"ץ, האלט נישט ביים אונטערשרייבן שטרי בירורין זיך צו שטעלן צו א דין תורה!
 
מען פירט ארום דעם ירושלימער רב שליט"א מיט נאכאנאדע תירוצים, אבער קיין שטרי בירורין האט מען נאך אלץ נישט אונטערגעשריבן!
 
מען שטאפט די האזלעך מיט פאברעצירטע פאקטן, אבער קיין שטרי בירורין וועט ער נישט אונטערשרייבן!
 
מען נעמט אויף אלישע הורוויץ פאר ווארטזאגער אין דעם נושא, ווייל קיין שטרי בירורין וויל מען נישט אונטערשרייבן!
 
אצינד שאקלט אלע מיטן קאפ "ארויס פון באגא"ץ.... אבער שוין!!!"

תוקן על ידי לאפלאש ב- 19/04/2010 07:00:53

עמרם כהן, דער באוואוסטער מסית ומדיח, וואס האט נאך געהאט די חוצפה און העזה צו זיך אויפשטעלן ברבים בין פסח לשבועות תשנ"ט אין גרויסן ביהמ"ד אין קרית יואל מיט די ארגסטע לשונות אויף רביה"ק בעל ברך משה זי"ע. און אפאר יאר שפעטער האט ער זיך ברייט באקאנט געמאכט מיט זיין פייערדיגן חסדי השם טאנץ אויפן באלעמער אן א קאפל. האט געהאלטן געשפאנט די ברייטע מאסן מיט ערשט-האנטיגע, האר-אויפשטעלענדע געשיכטעס און רעזעלוציעס...
 
קודם האט ער געהאט א באריכט, וואס קומט לכאורה פונעם פאליציי שעף אין בני ברק, אז ביי א בר מצוה וואס איז אפגעהאלטן געווארן אין די התמר זאלן האבן די זאליס ה"י גערופן די פאליציי אז א איד מאכט בר מצוה, א חינגא, אין זייער טרויער טאג דער 'יום הזיכרון', און די פאליציי האט פארשטערט די שמחה...
 
נאכער איז אים צוגעטיילט געווארן דעם כבוד פון שליסן דעם "קאווער אפ" איווענט, און פארליינען די רעזעלוציעס.
 
מען האט ארויסגענומען פון שופלאד דעם אלטן פייל פון די חובת הלבבות שיעורים, און זיך גענומען האקן און בראקן אויף די בעלי זרוע וואס האבן איבערגענומען סאטמאר שנת תשנ"ט...
 
מען האט זיך געעפענט א פיסק אויף הגאוה"צ חברי ביד"ץ דקהלתינו הקדושה שליט"א, און געפאדערט אז זיי זאלן זיך נישט לאזן פרעשורן פון די בעלי זרוע וואס קומען צו זיי מיט צעטליך אונטערצושרייבן.
 
ער האט גענומען די אלטע "אלף בית גימל" שפיל וואס דער אונטערנעט מפיץ האט נאך גענוצט בשעתו, און געשטעלט שארפע אולטומאטימ'ס און פאדערונגען, געוויינט צו די מאסן זיי זאלן זיך חלילה וחס נישט לאזן איינרעדן פון די גאס אז דער צד שכנגד האט שוין אונטערגעשריבן שטרי בירורין, און אצינד ווארט אלעס אז דער סבלן זאל אונטערשרייבן.
 
ער האט פארענדיגט מיט א געשריי "גייטס ארויס פון באגא"ץ"!!! אבער שוין!!!....
 
עמרם'ל; אז דער כבוד פון סאטמאר ברענט דיר אזוי, פאר נאך היינט נאכט אראפ אויף סאנז קט. פארשפאר דיך מיטן סבלן און פארשאף אים א רענצל ער זאל קענען ארויסגיין פון בג"ץ, אבער שוין!!... זעה ער זאל אונטערשרייבן שטרי בירורין, און זיך נישט אויפפירן ארגער ווי איינער פון די 'שוואכע חסידות'ער' וואס אפילו זיי ווייסן אז א סכסוך בעניני ממנות גייט מען צו די"ת און נישט צו א געריכט!!!