*--[endif]* איך ווייס נישט וואס דארט איז יעצט פארגעגאנגען מיט די רעזיגנאציע, איין זאך ווייס איך אבער גוט, אז די ווערטשאפט וואס דארט איז אנגעגאנגען האט זיך געמוזט ענדיגן. עס איז נישט קיין סוד אז דער סענטער וואס שטייט שוין 20 יאר (כווייס נישט די פונקטליכע נומער) האט נישט כמעט קיין איין נארמאלן דאקטאר, אויב א דאקטאר באקומט שוין עקספיריענס פארלאזט ער דאס פלאץ, מענטשן האבן כסדר פארפירט און די דירעקטאר האט אלעמאל געזאגט אז עס איז זייער גוט וויאזוי עס איז, און ער האט נישט געהאלטן ביים ארבעטן.
מענטשן האבן ווי אלעמאל ארויף געווארפן דעם שולד אויף מאיר הירש און ועד הקרי' און ביי די 'מענדל שווימער וואלן' איז דאס געווען פון די הויפט טעמעס, קיינעם איז נישט איינגעפאלן אז די הנהלה לעקט גארנישט קיין האניג מיט דעם גאנצן עסק, און זיי קענען זיך פשוט נישט קיין עצה געבן מיטן דירעקטאר,
מיט א צייט צוריק האב איך געהערט אז די באארד פון עזרת חולים האט זיך אריינגעלייגט צו פארבעסערן דעם סענטער, און נחום האט נישט געהאלטן ביים קאאפערירן.
יעצט אז די הנהלה האט גענומען דרייסט און אים מסדר געווען (איך גלייב אז אפילו ס'איז געווען א רעזיגנאציע איז עס אויך געווען צוגעפירט...) קומט זיך זיי גרויס קרעדיט, איך האף זיי וועלן יעצט נעמען די זאך און די האנט אריין און אהערשטעלן דעם עזרת חולים פונקט ווי רפואה העלט סענטער אין סקווירא, זיי האבן שוין געוויזן ביים אשת חיל אז זיי טויגן יעצט לאמיר זעהן מיט דעם העלט סענטער.
דער גרעסטער באווייז אויף מיינע ווערטער איז אז מיט עטליכע יאר צוריק ווען די הנהלה האט געהאט א סכסוך מיט הרה"ח ר' מאיר ווערטהיימער הי"ו האבן אסאך מענטשן גע'טענה'ט אז פאקטיש קומט זיך אים קרעדיט ווייל ער האט אויפגעבויעט המספיק אויף די העכסטע שטאפלען, יעצט וועט מען פון קיינעם נישט הערן אז עזרת חולים האט זיך מורא'דיג אויפגעבויעט און עס קומט איינעם קרעדיט.., יעדער וועט עדות זאגן אז עזרת חוילם איז טיף באגראבן, א חלק ניכר פון שטעטל פארט היינט ארויס אין טאון צו זוכן דאקטורים אין דער פרעמד.
דעריבער איז מיין ווארט: אשריכם הנהלת קרית יואל!
ומכאן בקשה יוצאת המתחיל במצוה אומרים לו גמור, זעטס אריינצושטעלן דעם פאסיגן מענטש וואס זאל סערווירן תושבי קרית יואל ווי עס דארף צו זיין.
תוקן על ידי מנחם_מענדל ב- 19/04/2010 21:32:19
