עס איז ערב שבת איך האב זייער ווייניג צייט יעצט, דעריבער וועל איך שרייבן גאר קורץ.
עס איז א סוד פאר גאנץ בראד אז זייט די טעגליכע קארט עקשאן אויף וואס די אהרוינים האבן געלעבט די לעצטע זיבן יאר האט זיך גענדיגט זיכן די אהרוינים יעדן טאג פרישע מערכות.
כהיום זענען אפרהאן פיר מערכות
1 סידור קידושין אין קרית יואל
2 די רבצינס ביהמ"ד אין קרית יואל
3 ר' משה דוד נידערמאן און יו. דשעי. או.
4 התאחדות הרבנים
הפעם האט מען זיי געכאפט מיט פעלשעווען אויפן חשבון פון באשמוצן התאחדות. ווען מען ליינט דעם קונטרס שטעלט זיך תיכף ארויס אז עס איז פאלש, די גאנצע התעוררות בנוגע כשרות אין מאנסי איז געקועמן פון די פינקל פרשה, און אינם קונטרס שרייבן זיי אז פלייש זענען זיי בכלל נישט מברר... הסברים זענען איבריג.
עס רעדט זיך וועגן א ארגאניזאציע פון עטליכע פיפיגע אינגעלייט אין מאנסי וואס האבן זיך געמאכט א אפיס און זיי קריכן אריין אין די קישקעס פון רבנים המכשירים, זיי האבן שוין אזוי ווייט מצליח געווען אז זיי האבן אין עטליכע השגחות אריינגעריקט זייערע אינגעלייט אלס משגיחים און די משגיחים גיבן איבער אלעס וואס זיי זען און הערן.
די חבורה הייסט חקר הכשרות.
געווענטליך ווען זיי טרעפן א מכשול זענען זיי מעורר דעם רב המכשיר, און מאכן זיכער אז די זאך ווערט פאראכטן. עס פעלט זיך בכלל נישט אויס זיי זאלן ארויסקומען אין פאבליק ווייל זיי טוען א הערליכע ארבעט אינטער די קוליסן.
די אהרוינים וואס פירן יעצט א מערכה קעגן התאחדות האבן געפענט א וועב זייטל, עטליכע טעג צוריק וואס געהערט קלאמפיש צו "אומאפהענגיגע" המדרים בכשרות און האבן דארט ארויפגעלייגט א קונטרס וועלכע איז כלומריש געשריבן דורך א ארגאניזאציע מיט גאר א ענליכע נאמען צו חקר הכשרות צו פארטושן דעם עולם כאילו חקר אליינס האט דאס ארויסגעגעבן.
דארט לאזן זיי אויס התאחדות פון די רשימה פון רעקאמענדירטע השגחות.
דא האט איר דעם קונטרס אויף זייער וועב זייטל
חקר האט זיך נישט פארזוימט אין האבן ארויסגעגעבן גאר א שארפע בריוו, פארשטייט זיך אז זיי רייסן נישט אינטער די אהרוינים פערזענליך אבער ווער עס קען ליינען צווישן די שורות זעט דאס זייער אפען.
לויט ווי איך פארשטיי מיינען זיי אילאוויטשעס הכשר. זיי האבן אויך געניצט זיין נאמען כאילו ער כשר'ט מאסקאווי
