ליצנות אין גלילות: ר' אהרן טיילט סידור קידושין רשות צעטליך!

ויהי ממחרת, דער סידור קידושין איז שוין אפיציעל ערקלערט געווארן אין א מצב פון סתימת הגולל. ר' אהרן האט זיך אויסגעלערנט אז עס האבן זיך געענדיגט די צייטן אז משפחות זאלן נישט אנטייל נעמען ביי די שמחות צוליב פאליטישע אורזאכן און א באפעל פאר די אקסן זיך נישט צו באטייליגן ביי שמחות פון קרובים גייט זיך אויסלאזן מיט א פולשטענדיגער דורכפאל.
 
(חוץ אויב דער זוהן איז עובר אויף די תורה בפומבי, א שטייגער ווי ר' אהרן זעלבסט, וועלכער איז געגאנגען אין קאורט. דעריבער איז זיין טאטע, דער רבי דער ברך משה ז"ל נישט געקומען צו זיינע שמחות.)
 
גלייך ווען דער פראבלעם האט זיך געשאפן, איז מען זיך צוזאמגעקומען מטכס עצה זיין וויאזוי מען זאל זיך דערמיט ספראווען, די חכמים זענען דאס מאל אויפגעקומען אויף א וואזשנער המצאה, מ'גייט מאכן א פנקס מיט א האטליין, דארט וועט פארשריבן ווערן לדורי דורות ווער ס'האט ל"ע חתונה געהאט מיטן אפוועזנהייט פון ר' אהרן. נישט נאר דאס פארפאלק וועט פארצייכענט ווערן, נאר וויבאלד מ'וועט זיך דערוויסן אז דער יעניגער האט געהאט א קינד וועט דאס אויך אריינגיין אינעם פנקס, מ'זאל זיך ח"ו נישט אויסמישן מיט די פסולי קידושין אין יארן ארום.
 
דער טאקטיק האט אויך נישט געארבעט, אידן האבן געשפירט פאר א זכי' צו פארצייכענט ווערן אינעם פנקס, וואס געפונט זיך על לב ר' אהרן תמיד. דער פנקס איז פארוואנדלט געווארן אין א פוסטער ליצנות, אלע בדחנים און גוט זאגער'ס האבן דאס גענוצט צו שפייזן דעם המון עם מיט וויצן. און ר' אהרן איז נאכאלץ נישט מכבוד געווארן מיט סידור קידושין אין דעם נייעם זאל.
 
האט מען נישט געהאט קיין ברירה, מען האט ארויסגענומען דעם לעצטן וואפן פון בוזעם טאש, נעמליך אז ר' אהרן וועט אויפנעמען ביי זיך אין שטוב איינמאל א וואך די אידן וואס ווילן חתונה מאכן אין דעם נייעם זאל, און טיילן רשות צעטליך אז זיי "מעגן" נעמען אנדערע מסדרי קידושין אויסער ר' אהרן וסיעתו.
 
איינמאל האט זיך דער סטארטעגיע האלבוועגס אויסגעארבעט, מ'האט געטראפן א פעטער פון די כלה, וואס איז א איינגעשטעלטער ביי זיי, און מ'האט טרומפירט אז ר' אהרן האט ב"ה געטראפן דעם ריכטיגן שליח. און אנשטאט אליין אראפגיין מסדר קידושין זיין, האט ער מכבד געווען דעם פעטער פון די כלה מיט סידור קידושין. דער ספין האט זיך גאנץ גוט אפגעקויפט, אבער נאר פאר איינמאל. נאך וואס די מחותנים וואס האבן מכלומרשט געהאט מכבד געווען ר' אהרן מיט סידור קידושין האבן געלייקענט אז זיי האבן אפילו געהאט אין פלאן צו רופן דעם סבלן אויף סידור קידושין, און עס איז יעדער געוואר געווארן אז דאס שיקן א שליח איז א בלויזער ספין פון די אהרונים.
 
אינדערצווישן איז פארגעקומען נאך א חתונה, הפעם האט מען ר' אהרן ביטער מסדר געווען, און אנשטאט ער זאל דינען אלס דער מסדר קידושין, איז ער געווארן פיין מסודר. די אהרונים האבן שוין געוואוסט צו זאגן פון אינמיטן טאג אז דער רבי האט מכבד געווען די זיידע פון די כלה מיט סידור קידושין, און דער אויבערהאנט בלייבט ווייטער ביי זיי, ווארום יעדער לויפט צו ר' אהרן בעטן רשות. עס איז אבער געקומען צו די חופה, און די מחותנים האבן מכבד געווען דעם טשאט'ער רב מיט סידו"ק, די אהרונים זענען ארויס מלא חימה אז מ'האט אויסגעשפילט זייער "רשות" סיסטעם, און דער סידור קידושין פון יענע נאכט ליגט נאך אויף טיש פון די וועד למשמרת, און ווארט אויף איר פסק צו עס איז יא געווען כשר'ע קידושין צו נישט.
 
היינט נאכט איז פארגעקומען נאך א חתונה, און די אהרונים וואס לערנען זיך צוביסלעך וויאזוי זיך אומצוגיין מיט די בני יואל, האבן אנגעגרייט א פרישע סטראטעגיע. ר' אהרן איז שוין געזיצן גרייט ביי זיך אין שטוב און געווארט אז איינע פון די מחותנים זאלן זיך אויף אים מרחם זיין, און קומען אפנעמען דעם פערמיט אויף סידו"ק מיט רשות, אבער קיינער באווייזט זיך נישט. איז מען אויפגעקומען אויפן פלאן אז מ'גייט שיקן א שליח פון ר' אהרן צו מאכן א שליח במקום ר' אהרן צו זיין מסדר קידושין. מען האט גענומען דעם הייליגן נר למאיר, דער ברודער פון דעם בעל הצוואה, מאיר צוויבל, און ער איז געקומען צו די חתונה אנגעקליידעט מיט א פערמיט פארן מסדר קידושין בשם ר' אהרן. און מאיר האט איבערגעגעבן פארן מסדר קידושין אז ר' אהרן גיט רשות, און מ'קען גיין צו די חופה.
 
איך מיין אז מיר דארפן שוין קיינעם נישט מסביר זיין דעם שטארקן כח פון ר' אהרן טייטלבוים, ער איז דער ריכטיגער מרא דאתרא, און פון זיין ווארט האט יעדער מורא. אבער דער טעראר האט זיך לכו"ע געבראכן, און דאס איז דער עונש פון א וואנזיניגער דיקטאטאר.
 
עס איז ערווארטער אז פון היינט און ווייטער, וועט מען קענען קויפן ביי אלע סאטמארער שמשים ספעציעלע פערמיטן מיט רשות פון ר' אהרן פאר מסדרי קידושין...

אוי עס איז דאך אזוי זיס ווען מ'קען די אהרונים לאכן אין פנים. הערשט נעכטן האבן זיי נאך געיאוועט אז דער סידור קידושין מערכה איז א סוקסעס, יעדער פרעגט רשות פון ר' אהרן, אבער היינט האבן זיך ווידעראמאל די מחותנים נישט גערעכנט מיט די אהרונים'ס פאליטישע חשבונות, און מכבד געווען דעם שארמאשער רב מיט סידור קידושין.
 
איך זעה נאר דא אז דער לאנדא שיקט ארום אזאכע ווילדע מעסעזשעס כאילו די בני יואל מיט די זאליס האבן זיך מתחצף געווען פארן קאשויער רב. אפשר קען מיר איינער מסביר זיין וואס איז געווען די חוצפה?

שהיו ליצני הדור אומרים מאבמלך נתעברה שרה:

צבי הירש איך ווייס נישט פונקטליך וואס מען האט אויסגערופן ביי די חופה, נאר איין זאך ווייס איך לשיטתך אויב מען האט אויסגערופן קאשוי רב און ער האט געהאט רשות וואלט ער געגאנגען און נישט עס איבערגעגעבן פאר שארמאשער רב, און אויב איז אמת אז ערהאט עס יא געגעבן פאר שארמאשער רב מיינט דאס אז ערהאט נישט געהאט קיין רשות, און ער האט נישט קיין כח צו די טעראר פון די ארונים, מילא האט ער מכב געווען שארמאשער רב שליט"א

אגב היינט הא באיך געהער אז די ארונים גייען ארויפלייגן א call log פון די שטוב פון ר' אהרן און זעהן אז סיי קאשוי רב האט גערופן און סיי די מחותן, לאמיר ענק נאר מודיע זיין טז איר זאלט נאך אלץ נישט גלייבן אז מען האט טאקע גערופן ווייל היינט צוטאגס קען מען פון א יעדע טעלעפאון רופן און מאכן אז עס זאל ארויפקומען א 2טע  נומער, און די זעלביגע האבן זיי געטוהן איינער האט גערופן צו ר' אהרן און שטוב און ער האט געמאכט אז ס'זאל ארויפקומען די נומער פון קאשוי רב,