היפאקראטיע בתפארתו: ווער איז דער לעגענדארער "פיקטשער רבי"?

די אהרונים פרובירן שוין יארן צו שווענקן די מוחות פון זייערע קעלבער אז ר' זלמן לייב איז א פיקטשער רבי, פון אים כאפט מען פיקטשערס און מ'לייגט דאס אין די מאגאזינען, ער רירט זיך אין ערגעץ נישט איידער ער איז זיכער אז די פאטארעפירער געפינען זיך מיט אים. אבער עס איז א ביטער געלעכטער ווען יעדער אין די וועלט זעהט דאס היפאקראטיע דערפון, פון ר' אהרן טייטלבוים איז דא טויזענטער בילדער א יאר, און טאקע אין אלע מיני פאזעס און מצבים, בשעת ווען ר' זלמן לייב ווערט זעלטן געזען א בילד, און ווען יא איז דאס קיינמאל נישט אין א פריוואטע פאזע, משא"כ ביי ר' אהרן איז דא אויף יעדן ריר אפילו בחדרי חרדים פון זיין מלוכה, וואו נארמאל קען א פאגרעפירער נישט צוקומען נאר טאמער ער האט די פולע הסכמה פון די בני הבית.
 
וואס האט אבער היינט געכאפט מיין אויג איז געווען א אשכול אין כל העולם כולו וואו מ'ברעכט מיט פאטאס די נייעס אז חסדי ה' כי לא תמנו, מ'קען שוין באקומען די בילדער פון זיין הייליגטום דירעקט אויף פיקטשער מעיל...
 
bhol-forums.co.il/topic.asp?cat_id=4&topic_id=2817925&forum_id=16386
 
דעריבער האב איך באשלאסן צו מאכן א קורצן סך הכל פון די פאקטן, וירא הקהל וישפוט.
 
פאקטן - צד מהרי"י:
 
~ ר' זלמן לייב האט פארבאטן פאר זיין אייגענע צייטונג "דער איד" אריינצולייגן בילדער פון אים.
 
~ ר' זלמן לייב האט פארמאכט דעם בילדער אויסגאבע "העולם" טראץ דעם וואס עס האט געהאט גוטע פאטענציאלן אין דעם פעלד, אלעס ווייל די ארויסגעבער, וועלכע זענען געוויס געווען זיינע חסידים, האבן פון אים געלייגט בילדער.
 
~ ר' זלמן לייב האט באצאלט פון זיין אייגענע טאש פופצן טויזענט דאלער פאר הערשי רובינשטיין ער זאל נישט ארויסגעבן א בילדער אלבוים פון די חתונה פון זיין אינגסטע טאכטער וואס איז פארגעקומען סיון תשס"ח.
 
~ ר' זלמן לייב האט נאך ממש לעצטענס ביי די שבעה פון זיין מוטער פארלאנגט מען זאל שטעלן צעטליך אז עס איז פארבאטן צו כאפן בילדער, און ער אליין האט זיך צובייזערט ברבים אויף די בילדער מאכער ביים ניחום אבלים פון האדמו"ר מהרב"צ מבאבוב און דעם קלויזענבורגער רבי פון בארא פארק.
 
~ ר' זלמן לייב ווערט זייער שוואך געדעקט אין די אלטוועלטליכע פרעסע און אין די בילדער מאגאזינען, אפילו פון די גרויסע מאורעות וואו אלע רבי'ס זענען שיין פאראייביגט זעט מען זעלטן א שיין בילד פון ר' זלמן לייבן.
 
~ ר' זלמן לייב האט אפגעשטעלט א טעגליכער אימעיל וואס האט פון אים ארומגעשיקט בילדער און נייעסער.
 
פאקטן - צד מהר"א:
 
~ ר' אהרן טייטלבוים'ס היים צייטונג "דער בלאט" לייגט יעדע וואך אריין צענדליגער בלעטער מיט בילדער פון ר' אהרן, און צוגאב ביי יעדע יומא דפגרא אדער ספעציעלער ריר פון ר' אהרן ערשיינט א ספעציעלע באלייגע מיט זיינע בילדער.
 
~ ר' אהרן טייטלבוים האט ביי זיך אין שטוב א שטאב וואס איז געווידמעט זיך אפצוגעבן מיט זיינע בילדער. און דאס איז קיין שום סוד נישט, זייערע נעמען זענען שוין מערערע מאל ערווענט געווארן אין די בילדער מאגאזינען, איבערהויפט דעם "עולם החרדי", וואו עס זענען געשטעלט געווארן מזל טוב וואונטשן פון די מערכת פאר די יעניגע.
 
~ ביי די אהרונים ווערט געפירט א גאנצער אימעיל אפאראט וואס שיקט יעדן איינציגן אווענט בילדער פון דעם חתן דינן ר' אהרן. און צוגאב שטייט די מערכת "בחצר סאטמאר" ווי זיי רופן זיך אונטער פארשידענע טוויטער גרופעס וואס שיקן ארום בילדער, און טאקע ממש לעצטעס געעפענט א נייע סיסטעם וואס וועט אריינשיקן די בילדער דירעקט צו די טעלעפאנען פון די אלע שעפסן וואס לעכצן צו זען די צורה פונעם זיסן רבין.
 
~ אומאפיציעל שטייען די אהרונים אונטער די מאגאזין "די וואך", וואו עס זענען יעדע וואך צענדליגער בילדער פון ר' אהרן דינן.
 
~ אויף היידפארק ווערט יעדע ריר פון ר' אהרן באגלייט מיט בילדער.
 
~ און צום לעצט, פרעגט דעם באקאנטן הערשי רובינשטיין זעלבסט וואספארא הערצה ער געניסט ביי ר' אהרן, און ווי שיין ער ווערט דארט אויפגענומען. און וויפיל מאל ר' זלמן לייב האט אים פערזענליך געבעטן ער זאל פון אים נישט כאפן קיין בילדער, און ווען ער האט יא מצליח געווען זיך אריינצוכאפן צו די הכנסת ספר תורה אין מחנה דברי יואל פאר צוויי יאר צוריק וואו ער איז קוים ארויס א לעבעדיגער.
 
דעריבער לאז איך אייך - טייערע ליינער - מאכן די מסקנות ווער עס איז דער פיקטשער רבי און וואו ווייט היפאקראטיע קען גרייכן...