שוידערליכע מסירה פון מ.ל. וויטריאל

וועלכער יעקב איז דאס? איז דאס ר' יעקב פאטאקי פריינד? וואס האט שוין יאהרן אנגעפילט זיינע טאשן מיט די רעגירונגס געלטער? 
ער זוכט זיך צרות חלילה? ער וויל אז די רעגירונג זאל אריין קוקן אין זיינע פריוואטע ביכער וויאזוי מע'כשר'ט גרינע פאפירן?


איז ער חלילה צעדרייט געווארען?

רבונו של עולם! ווי קען א איד זיין אזוי נער'יש און בלינד? ווען מ'האט פיטער אויפן קאפ. ווייס יעדער אז מ'שטייט נישט אינטער די הייסע זון.

ר' יענקעל זיסער, האב רחמנות אויף זיך אין דיין משפחה! פארגעס נישט אז די בוסט אינטער א אינוועסטיגאציא וועלכער שטייט און האלט א וואכזאם אויג אויף דיינע באוועגונגען.

יעדע טריט וואס די האבסט געטוהן די לעצטע 15 ולכה"פ12 יאהר נאך פון ווען די האסט נאך געהאט סעקשאן 8 מיט אנדערע פראגראמען האלטן זיי חשבון אויף דיר.
חאטש זיי זענען נאך נישט אריין געקומען אין דיין שלאף צימער מיט קייטעלעך, אבער די אמעריקאנער רעגירונגס חברה האבן גרויס חשק צו כאפן אזעלכע העכטן ווי די. 
זיי ווייסן אז די האסט שוין ארויס געמאלקן פון אנקעל סם שווערע מיליאנען. זיי ווייסן פונקטלעך וויפיעל די באקומסט צוריק פון די זאכן וואס די האסט פארשאפט פאר קרית יואל'ס סוער און אנדער פראגראמען. 

ובפרט אז די הונדערטער מיליאנען וואס פליסט אריין צו די צענדליגער קרית יואל פראגראמען, סיי די כשר'ע סיי די האלב כשר'ע ברענגט אריין אסאך קנאה ושנאה ביי די רעגירנגס בעאמטע וועלכע האבן נישט אזוי ליעב דעם איד.
זיי נישט בלינד! לערן גוט אדורך  דעם כלי יקר אין פרשת דברים אפין פסוק רב לכם שבת, פנו לכם צפונה. רבינו הק' ברענגט דאס אין על הגאולה. ווייל דער היינטיגער גוי האט דיך ווייניג ליעב אויך ווען ער שמייכעלט צו דיר אין אלבעני. 

יעדער  עסקן וואס טוט אין די ענינים ווייסט אז די אינספעקטארס האבן א קרום אויג אויף די אלע פאליטישאן'ס וואס האבן ארויס געמאלקן דורך זייערע קאנטאקטס מיט דעם גאווערנאר די סטעיט פראגראמען. קל וחומר אויף א איד.
 
גאווערנאר פאטאקי איז שוין אראפ פון די מאפע און זיין נכפאלגער שפיצער איז אויך געפלויגן, דער יעצטיגער גאווערנאר איז שוין אויך אויפן וועג ארויס און יעדער וואס האט פיטער אויפן קאפ לויפט אוועק פון די רעגירונגס פאזיציע. אויך גאווענאר בלאגאטשאוו איז געפלויגען און איז נאכנישט פארטיג.
קל וחומר א חסידישער אינגערמאן מיט א גרויסע פארפלעקטע טלית קטן וואס קען ניטאמאטהל געהעריג רעדן ענגליש האט זיכער נישט קיין חן ביי זיי אין די אויגען. זיי שטייען פון דערווייטענס אין פארצייכענען אלעס ביז ........ ביז חלילה ס'זאל נישט אנקומען די מינוט וואס זיי ווארטן.

נעם דאס נישט פאר גרינג. די האסט נאך קינדער אינדערהיים, זיי מתפלל אז די זאלסט זיי קענען געזונטערהייט פירן דיינע קינדער אינטער די חופה מיט נחת און זיי געווארענט אז די זאלסט נישט חלילה פאסירן אזוי סאמעט.
 
אנטלוף פון מסירה! (לאז דיך נישט אריין ציען מיט (דעם חשובן תלמיד חכם וירא שמים הרב) משה לייב וויטריאל וועלכער זאגט זיכער אויס יעדן טאג גאנץ תהילים בדמעות שליש איידער ער זעצט זיך אריין אין זיין פאליס קאר. די האסט געהאט א זעהר חשובן פאטער, חבל על דאבדין. גיי אין זיינע דרכים, זיך נישט צו מסר'ן קיין אידן אפילו ווען דער יצר הרע ברענט אז די זאלסט יענעם יא אנפיקסן. דיין טאטע האט אסאך געוויסט און אויך געליטן און קיינמאל נישט איינגעמיירעט קיין מענטשן.

געדענק געדענק און זאלסט חלילה נישט חרטה האבען.