* מסע המלכות פון כ"ק מרן רבינו שליט"א קיין לאנדאן *

דער עולם רייבט זיך די אויגן. עס איז אוממעגליך צו באשרייבן וואס דא טוט זיך. ימ'ען מענטשן פון איין ברעג צום צווייטן. די גאנצע זאל איז "בלויז" בענקלעך און פארענטשעס ביי די זייטן. דאס ווארימקייט און ענטוזיאזם איז אויף די העכסטע אקטאוון. דער אויבנאן איז אויג פארכאפנד. די גרעסטע גדולים וואס אייראפע פארמאגט תחת קורת גג אחד.

קודם האט אויפגעטרעטן ר' שלמה יעקב געלבמאן, וועלכער האט ארויסגעברענגט דעם משמעות פון היינט נאכטיגן אווענט, און וואס דאס באדייט אז רבינו שליט"א נעמט זיך אונטער אזא שווערע נסיעה פאר'ן חינוך הטהור.

אינמיטן רעדן איז ערשינען כ"ק מרן עטרת תפארת ראשינו שליט"א במלוא הודו והדרו! אי' שוקל ואי' סופר צו שילדערן וואס עס האט זיך אפגעשפילט אין די מינוטן אין זאל. דער עולם האט זיך אויפגעשטעלט און מיט פייערדיגע עקסטאז אנגעהויבן זינגען "ברוך הבא וכו' זה היום עשה ה' נגילה ונשמחה בו". און אויך א נייע פארפאסטע לעבעדיגע ניגון "קדש את שמך בעולמיך, והושיענו למען שמיך, ברוך המקדש שמו ברבים!" וואס מ'האט איבערגעזונגען נאכאמאל און נאכמאל אן אויפהער, ווען ביי יעדן פאל וואקסט דאס התרגשות.

נאכדעם האט אויפגעטרעטן בקול חוצב הרב דאווידאוויטש פון ירושלים. יעצט רעדט מרן הגאב"ד לאנדאן.