יוי באשעפער. איך האב יעצט אויסגעהערט די קליפס, און עס איז מיר כמעט געקומען צו וויינען פון רחמנות אויף דעם סערעט'ער רבין. עס איז דאך א הימל געשריי וואס דארט גייט פאר.
כאטש קיינער האט נישט קיין געהעריגן הסבר אויף די שגעון וואס דארט טיט זיך די לעצטע פאר יאר.
ווער עס ווייס איז דער דער סערעט'ער רבי שליט"א, א ריכטיגער דוגמא פון א איד א בעל מידות. פון ווען ער איז געווארן רבי איז ער אוועק געשטאנען פון מחלוקת מיט א מורא'דיגער שטארקייט. סיי אינדרויסן און סיי אינעווייניג.
ער האט דירעקט נישט געלאזן מאכן פון זיין חסידות אזא סארט רעזשים. עס איז געווען דוקא א ליבעראלע פלאץ וואו מען האט געלאזט דעם עולם לעבן. ער האט טאקע משפיע געווען תורה און חסידות, און עס זעט זיך טאקע אן, ער האט זייער אן איידעלער ציבור, אבער אן קיין שום פרעשור אדער טעראר.
די לעצטע פאר יאר האט זיין אייניקל זיך גענומען אין קאפ אריין אז אפשר גייען די איידעמער עפעס אראפציפן אפאר חסידים, און ער האט זיך גענומען פארפירן.
עס איז זייער פאני ווייל דער סערעט'ער האט נאר איין זון, ר' יענקל, וועלכער הייסט דוקא גאנץ א לייטישער איד, וואלט דאך לכאורה נישט געווען קיין שום פראבלעם, אבער דעם אייניקל זעט אויס האט מורא געהאט, און איך ווייס נישט פונקטליך פארוואס. האט ער אנגעהויבן מיט ארויסווארן דעם לאנגיאריגן גבאי ר' ברוך הימל, וועלכער האט זיך מוסר נפש געווען פארן רבין פאר אסאך יארן (אדרבה פרעג סיי וועלכן סערעט'ער חסיד), און ער איז ממשיך.
ער האט שוין לאנג פארשיקט דעם איידעם קארנרייך פון דעם בני ברק'ער רבנות, ועוד ידו נטוי'.
אבער פון דעם קליפ זעט מען דאך אז דער זיידע ווייסט פונקטליך וואס טוט זיך, און עס עסט אים אויף און ער קען נעבעך גארנישט טון. עס רייסט מיר ביים הארץ צו זען וואס מען טוט נעבעך מיט א איד אזא זקן א מנהיג פון א ריזיגע עדה אידן.
אוי באשעפער, האב רחמנות.
(נ.ב. דאס האט גארנישט מיט סאטמאר צו טון, יעדער איינער, אינקלודינג די זאליס, ווייסן פונקטליך וואס מען האט געטון מיטן ברך משה, און ליידער פאר די זאליס אינטערעסירט עס נישט. זיי זאגן עס אפן. אבער דא איז נישט דאס דער נושא, דא איז דער נושא סערעט, און איין ווייטאג פארווישט נישט דעם אנדערן)
 |
|
|
