די בלאט פארוואלטונג זאלן וויסן, [איך בין זיכער אז זייער שטאב דרייט זיך דא] אז זיי קענען נישט האבן קיין פרי-רייד מיט דעם וואס זיי זענען די אפציעלער PR צייטונג פון סאטמאר, איך ווייס קלאר אז די בלאט פלעגט אריינשטעלן פיקציע אנאנסן, נישט געשטויגן און נישט געפלויגן, סתם פאר די FUN צו זיך פשוט אינטערהאלטן און זיך קאטשען פאר געלעכטער, דאס איז זייער דיסרעספעקטפול, און עזות'דיג, זיי זאלן זיך נישט איינרעדן אז דער עולם באמערקט עס נישט, דער עולם האט נאר בעסערע דאגות אינטערסירט עס פשוט קיינעם
דאס איז איינס,
שנית, האט "שר מקוצי" ארויסגעברענגט זייער א שטארקע פוינט, אז וואס איז געווען פאסיג תשנ"ט איז נישט מער פעליג תשע"א, דער עולם איז מער נישט נייגעריק און איז מיד פון די שרייעדיגע מחלוקה העד-ליינס, פון די קארטס וכדומה, ס'פעלט שוין לאנג נישט אויס, און די זעלבע מיט די אלע בעבישע איבערגעטריבענע נייעסער פון די קהלה, קיינער ברויך עס נישט, די איינציגע זאך וואס עס טוט אויף אז ס'געבט דעם איינדרוק כאילו דער יסוד פון די קהלה איז די פאליטיק און פראפגאנדע, אויב מאכט זיך אמאל עפעס א לעגיטימער נייעס בנוגע די פאליטיק, וועט גארנישט שאטן אז מ'באשרייבט עס קורץ און שארף ביי די לעצטע בלעטער,
אויסערדעם האט די בלאט אסאך שיינע סחורה, און זיי קענען ווען זיין א עכטער דבר השלם, אויב זיי זאלן נאר אויפהערן מיט די לצנות און די נארישע סטייל פון די קהלה נייעס,
נשלח ב-27/10/2010 14:57
ערלעדיגט!
ג'עפועלט!!!... דע בלאט האט 3 קאסטאמערס א וואך... א אפגעפליקטע ארונישע צייטונג... מיט בחורים שרייבערס... הטוב, דו האסט נאך אלץ א פראבלעם מיט די הגה"ק'ס?...
אגב, איינער געדענקט די אשכול פון סאוט 8? א גוטע געלעגענהייט צו זעהן ווער ס'איז א זאלי דא... די חילוק איז דארט איז עס געווען 'פריינדליך' מיט 'צום_ענין'.... און יעצט איז עס ראדני_קינג מיט השר_מקוצי.........
מ'בעט אז קיינער זאל זיך נישט טענה'ן מיט די חברה, זיי פרובירן שפילן ארוני און זענען געהעריגע זאליס! מ'קען זעהן פון זייערע ווערטער ווי אזוי זיי רעדן.
נשלח ב-27/10/2010 19:49
איינער פרעגט מיר פארוואס כל העולם כולו איז געווארען א פלאץ ווי די ארונים געבן אויס זייער אייגענע אויסבראכען
עס איז נאך דא ביי די זאליס אדער ביי סיי וועלכע קהילה אזוופיל פראבלעמן ווי ביי די ארונים - וואס ביי די ארונים ווערן אזעלכע ב''ה טיילווייז קער גענומען לעצטנס ב''ה
פארוואס ביי די זאליס ווערט אזא קריטקירער ברבים גלייך שטיל געמאכט אין דא וועט מען בויען גאצנע אשכולות אויף אשכולות
גראדע איז דאס געווען א זיסע שפיל מצד דער איד
כאילו זיי רעדן זיך אפ אז דער איד איז א נוטראלע צייטונג
נשלח ב-27/10/2010 20:40
צוויי יונגעלייט האבן זיך ארומגעטענהט אויב קויפן די בלאט אדער נישט
משה: איך קויף מער נישט די בלאט, פיל מיט שטותים...
יענקל: און וואס וועט זיין מיט די נייעס, איך מוז דאך וויסן די נייעס וואס טוט זיך עפעס אויף די וועלט
משה: למשל וואסערע סארט נייעס מוזטו וויסן
יענקל: למשל? למשל אויב מען געווינט די קאורט פון ווי גיי איך עס וויסן, איך ליין נישט היידפארק?
משה: אהא! און אויב שטייט עס אין בלאט ביסטו שוין פארזיכערט אז דו האסט עס געווינען?...
נשלח ב-28/10/2010 23:41
רבותי, לאמיר אייך נאכאמאל קלאר מאכן.
איך האב געזאגט איך בין "נישט קיין זאלי", און הגם איך בין אויך נישט קיין חסיד פון מהר"א, (איך האלט נישט פון קיינעם ספעציעל, אבער איך האב נישט פיינט קיין אידן, פשוט אסור ע"פ תורה), האב איך קלאר געזאגט אז איך רעד נישט פון קיין פאליטיק, איך האב נישט קיין שום סיבה אראפצורייסן דער בלאט, נאר אדרבה, מי יתן והי' זיי זאלן זיך באמת בעסערן.
די אלע וואס שרייבן דא אז דער בלאט איז נאך אלץ זייער שיין טראץ די נארישקייטן, וועל איך זיי דן זיין לכף זכות (נישט זאגן אז זיי זענען בעיביס פונקט ווי די שרייבערלעך אדער עורכי ומגיהי הבלאט), און זאגן אז איך האב אויך אמאל אזוי געמיינט, איך לייען שוין דעם בלאט יארן, איך זאג קלאר אז עס איז פאראן אסאך הנאה צו האבן דערפון, און אנהייב איז עס אפילו געווען שענער פון דער איד (א חוץ פאליטיק, איך רעד פון ארטיקלען) איך נעם נישט אוועק די מעלות, די "היימישקייט" דערפון, צב"ש די "עדיטאריעל" אין דער בלאט ציט מיר מער צו לייענען ווי זיי רעדן דירעקט צום לייענער, אנדערש ווי "דער איד", וואס מיינט אז מען מוז נוצן עפעס א הויכע שפראך וואס לאו כל מוחא סביל דא, עפעס אזוי ברמז'דיג, מען דארף זיך אנשפיצן דעם קאפ צו פארשטיין וואס גענוי זיי ווילן דא, א.א.וו.
דאן, אין יענע צייטן, האב איך געטראכט, נו וואס איז דען, דער בלאט מאכט זיך צומאל צופיל נאריש, ער לאזט זיך צו שטארק אראפ מן ההר אל העם, נו שאדט נישט, מען מעג אמאל געבן א שמייכעלע אויך.. אבער מיט דער צייט האב איך געזעהן ווי די נארישקייטן האלטן אן, ממש א שאד אז איך האב נישט אוועקגעלייגט די אלע אינטרעסאנטע ארטיקלען, אויסשפראכן, און מאדנע מודעות און באמבאסטישע העדליינס אן קיין הענט און פיס..
(אגב - אפילו אין פאליטיק שפילן זיי אסאך מאל שלעכט און צו איבערגעאיילט. געדענקט איר פאריאר נאך סוכות ווי זיי האבן געוואלט איינשלונגען תולדות אהרן אויף די שמחת בית השואבה סענזאציע און א וואך דערנאך בבושת פנים צוריקגעצויגן? - אינטערעסאנט, דעמאלס האבן זיי זיך אויפגעוועקט צום פאקט אז "תולדות אהרן" עקזיסטירט אויף דער וועלט, און אויך ברמז דעם פארגאנגענעם ל"ג בעומר, יא, צו שטעכן נעמט מען תו"א אויכעט; אבער א גאנץ יאר ווארפט מען נישט אריין קיין ווארט לטובתם, משא"כ דער איד וועלכע דעקט יא תו"א, האט אבער נישט קיין פראבלעם צו דעקן אויך תולדות אברהם יצחק יעדעס מאל ווען דער רבי קומט, אבער אכ"מ).
עכ"פ נחזור לענינינו. די גוטע ארטיקלען פון דער בלאט האט זיך מיט דער צייט היבש פארמינערט כנ"ל, און די "פאני" זאכן האט ווייטער אנגעהאלטן "פול-פאארס". איך פלעג טאקע זיך צעשמייכלען דא און דארט, אבער צוביסלעך האט מיר אנגעהויבן אריינצוקריכן אין קאפ אז עפעס איז דא נישט נארמאל. נישט רעספעקטפול. עס באלאנגט נישט פאר א צייטונג, מ'כלומר'שט א "שופר" פון יהדות החרדית, צו מאכן אזעלכע דזשאוקס!! עס פאסט פשוט נישט.
אויף דעם ארויף האב איך זיך אנגעהויבן דא צו באקלאגן. איר זענט גערעכט, ווען עס זאל נאר איין וואך דאס שטיין, איז עס טאקע א פיינע צייטונג, אבער וואך נאך וואך קען מען טרעפן אזויפיל קינדערישקייטן, למשל די הונדערטער (מיליאנען) נארישע ראשי תיבות יעדן ערב נייעם יאר, און בכלל רוב בריוון פון פענע צום בלאט, איז זייער קינדעריש.
ווידעראום איבער די טיטול'ען פון די רבי'ס, האב איך נישט געמיינט צו זאגן אז מען שרייבט צופיל טיטול'ען אויפן רבי'ן. מען קען אפילו זאגן אז יעדער חסיד מעג שרייבן וויפיל ער וויל, אין אלע צייטונגען זעהט מען גענוג איבערגעטריבענע טיטול'ען אויף אלע רבי'ס, אסאך חסידות מאכן אבנארמאלע פראפאגאנדע פון יעדן קלייניגקייט, און ווערט ליידער ערגער פון וואך צו וואך, אבער וואס ברענגט ארויס שטוינונג ביי יעדן לייענער איז די משוגעת אריינצוריקן דעם רבי'ן אין יעדן ארטיקל, ווי כאילו אידישקייט קען זיך נישט האלטן ווען נישט מהר"א, איך וועל נישט אונטערשאצן די אויפטוען פון ר"א, אבער אז ש.ב. מרגליות קען, למשל, שרייבן (מזל טוב, אמעריקע!) אז נאך די פינקל פרשה האט מיט די צייט יעדער מסיח דעת געווען דערפון, און אחד היה מרן הגה"ק רבינו שליט"א וואס האט נישט געקענט שלאפן (!!!) רואיג קיין נעכט ביז ער האט זיך דערטראכט צום שחיטה המהודרת, איז אזא עקלדיגע סטעיטמענט, אז איך ווייס נישט וויאזוי איינער קען דאס ווייטער לייענען! ס'איז נישט קיין חילוק צי מען שרייבט הגה"ק 50 מאל אדער קיינמאל. לאז אמאל דעם רבי'ן אין די זייט.
צו שרייבן אז די געשעעניש פון יאר איז די עפענונג פון אזויפיל חתונה זאלן אונטער "אונזערע תקנות" איז זייער קינדעריש און נאריש. יעדער נארמאלער מענטש וועט דאס פארשטיין. בכלל דארף מען נישט באשרייבן יעדע זאל מיט אזא טאראראם אז זיי האבן אויך מודה געווען צו אונזערע תקנות. דאנט געט מי ראנג, איך האלט זייער פון די תקנות, איך בין זייער דאנקבאר פאר מהר"א פארן דאס איינפירן (אדער גאר פאר זיינע מענטשן וואס זיי גאר האבן אים געהייסן מאכן א טראסק דערפון, כידוע ליודעים), און די צוויי משלים וואס איך שרייב דא זענען באמת זאכן וואס ער האט טאקע איינגעפירט, און עס קומט אים קרעדיט, אבער עס איז נאל פיל ערגער ביי געוויסע ענינים וואס ער האט גארנישט איינגעשטויסן דערמיט, און דאך שווערצט מען אים אריין אין יעדע אידישקייט ענין.
איך קען נאך אסאך מאריך זיין, איך וויל נישט יעדן אפענטפערן, אבער אזויפיל, ימים ידברו. נאכן ארויפסקענען יעדע וואך נאך עטליכע עקזעמפלס, וועט מען פארשטיין בעסער און בעסער - אדער, האפענטליך, וועט עס פארראכטן ווערן און דער אשכול וועט קענען פארשלאסן ווערן.. לאמיר האפן אז די צווייטע איז אמת.
