איך האב געליינט דיין מגילה.
עס טוט מיר וויי צו שרייבען אין אזא מצב ווען א יוד איז ליידער אזוי ניזוק געווארען בגופו און א קהילה קדושה בישראל איז אזוי אימזונסט נתבזה געווארען. מיין רבי פלעגט זאגען אז דער יצר הרע איז דאך א מלך זקן איז ער דאך אלט און שוואך האט ער נישט קיין כח צו ארבעטען אויף ידעם באזינדער מאכט ער איין מעשה און גאנטץ כלל ישראל ווערט נכשל מיט לשון הרע און רכילות און מחלוקת לא עלינו.
איך האב מיך איינגעהאלטען פון שרייבען ביז יעצט אבער דיין מגילה איז נאך אימשטאנד צו מאכען מענטשען טראכטען אז דאס זענען דו פאקטען מילא מוז איך מיך באציען צו דעם.
אינטערען טייטעל "איז אידישקייט דעמאקראטיע?" פשעטעלסטו ארום א גאנטצע פלפול פון בזמן שישראל שרויים על אדמתן און משא"כ בשנות גלותינו ..... איך בין נישט אזא עמקן און ידען איך ווייס נאר איין זאך פשוט און קלאר אלע קהילות בישראל און אלע זמנים זענען דו מנהיגי ישראל געגאנגען גאר שארף אנקעגען פורצי גדר.
איך בין נישט קיין סקווירא חסיד אויב עפעס א בעלזער, מיין טאטע האט געוואוינט אין סקווירא יארן צוריק, איך וועל שרייבן וואס ער פארציילט מיך, בשעת די פטירה פון סקווירא רבי ז"ל איז קלאר געווען ביי די מקורבים אז די רבי ז"ל האט געווואלט אז זיין זון זאל עס איבערנעמען, עס איז באוויסט אז עס איז געווען א התרגשותדיגע מאמענט אין שפיטאל ווען דער סקווירא רבי ז"ל האט איבער געגעבען זיינע שליסלעך פון דעם פראווענען שטיבעל פאר זיין זוהן דעם סקווירא רבי שליט"א מיט בכיות פון דעם טאטען און זוהן להבחל"ח. און דיין געבעקס מיטן רעבעצין איז הוילע שקר, די צעלימער רב און די פאפאר רב האבן אים גלייך מכתיר געווען און יעדער האט פארשטאנען.
דו ברענגסט א ווארט פון איינער פון דו זקינים, עס זענען געווען איינצעלנע וואס האבען אזוי געהאלטען אבער רובא דרובא האבען מכבד געווען דעם נייעם רבין און מקבל מרות געווען באמת ובאהבה.
דו ברענגסט ארויס געוואלדיגע מעלות וועגען דעם סקוורא ציבור און דו שרייבסט "דאס איז אלעס ביי דעם ציבור, ביי די הנהגה איז שוין גאר אן אנדערע מעשה."
א פלאטץ שפיגעלט אפ זייער מנהיג, עס איז איממעגליך א רבי דו וועג וויאזוי דו מאלסט אים אראפ מיט אזא עולם. דו איידעלקייט פון דעם סקווירא עולם נעמט זיך פון דו השראה פון זייער רבין און דו אלע מעלות טובות וואס דו רעכענסט אויס אויף דעם ציבור איז אין גרויסען טייל מיט דו השראה פון זייער מנהיג, פרעג דעם איידעלען סקווירא אינגערמאן וועמענס קרעדיט ער איז וועסטו הערען..... { ווען עס זענען דא לשון הרע און רכילות אויף אנדערע פלעצער וועט א סקווירא אינגערמאן קיינמאל נישט טשעפענען פארשעמען און מבזה זיין אויף אזא אופן וואס מען טוט צו זיי... זיי וואלטען קיין מגילות נישט געמאכט ..... זיי זענען געקנעטען פון א אנדערע טייג.}
צוווייטענס אויב האלטסטו טאקע עס איז אזא חשובע ציבור פארוואס טוסטו זיי אזוי וויי ווען דו מאכסט אזא פאשקעוויל אויף זייער רבין?
איטערען טייטעל " דו הנהגה"
קודם וועגן בילדער.. סאיז דא אסאך גדולים וואס זענען קעגו בילדער און ס'דרייעט זיך אסאך בילדער פון זיי אין די גאסן א שטייגער ווי סקולענער רבי וואס איז אויך שטארק קעגן בילדער אבער ער גייט נישט מוחה זייין אויף יעדעם איינעם.... וואס יארן צוריק האט נישט יעדער חדר אינגעל געהאט א קעמערע , בלויז געציילטע אידן האבן זיך עס געקענט ערלויבן די פאטגראפערס א שטייגער ווי טרעינער האט געהאט א קאמערע און געווען די איינציגסטע וואס האט גענומען פון אלע גדולים, ווער רעדט נאך פון סעלפון, בלעקבערי,אייפון, קען מען דען מוחה זיין?!
דיין פקחות אז זיין טאטע האט נישט געפירט קיין טיש אויף סטעידזשעס, מיין טאטע זאגט מיך עס פלעגט זיין 40 - 50 אידן ביים טיש.... אלזא דארף מען נישט קיין סטעידזשעס!!! א פשוטער חשבון, ניין?
דו מעשה מיטען צייטונג.... איך האב געהערט דו מעשה פון מיין טאטע, מיט איין "קליינע" שינוי עס איז געווען אין דער "פארווערטס" ..... א פרייע אפיקורסישע צייטונג..... און ער האט געפרעגט וויפול אידען וועלען ליינען דעם צייטונג וועגען דעם..... האסט נישט געפילט פאר וויכטיג דאס צוצלייגען, הא?
דו קריטיקרסט דעם דאווענען פארען עמוד און דעם וויינען ביים דאווענען. אויב דיין פראבלעם איז דיין רבי וויינט צופיל ביים דאווענען וואס זיין טאטע האט נישט אזוי געוויינט ...... דא האסטו מיך געכאפט ! אזא קושיא אויף א רבי אז ער וויינט און דאווענט ווען זיין טאטע האט עס נישט געטאן! איך האב מורא אז ווען דו סקווירא חסידים וועלען דאס אויסגעפינען וועלען זיי אלע ווערען מתנגדים.... למען השם ער וויינט ביים דאווענען............. דאכט זיך מיר אז וויינען איז א זאך פון אייגענע התרגשות און וועגען פון ארויסגעבען געפילען.... דער וואס וויינט ווייל דו טאטע האט געוויינט איז א פאפער און אז מען טוט דאס פון זיך אליין איז עס ווייל עס איז מיט א אמתדיגקייט....
בדרך אגב..... דו דאווענען אין סקווירא מיטען רבינ'ס מוסף נעמט בערך 2 און א האלב שעה... לאנג? זעט זיך אויס דו ווייסט נישט ווי לאנג עס נעמט אין דער וועלט.
אינטערען טייטעל "אשר לא ידע את יוסף". שרייבסטו "אבער דער ציבור וואס וואקסט אונטער פארלירט בדרך כלל די אמונה אין דעם רבין אלס אזא {וואס הייסט אזא?} גרויסער צדיק."
איך האב משפחה נאך יעצט אין סקווירא געשמאקע מאנכע קלוגע, מאנכע ברייטע, אבער די אמונה אין רבין איז ביי זיי גאר שטארק, אנדערע פלעצער וואלטן זיך געוואונטשען אויף דעם, עס איז א אינטרעסאנטער זאך אין סקווירא אז אפילו אידען וואס האבען טענות אויף געוויסע זאכען פון דו סיסטעם האבען דעם רבין פערזענליך זייער ליב. 95% סקווירא אידען האבען ליב דעם רבין און שעצען אים.
אפילו ביים וועם סאיז שווער דארטן, איז נישט די פראבלעם ביי זיי די רבי און די חסידות, ווייל סאיז כמעט נישט דא קיין דרוק אויף חסידות און טישען וכדומה {עס איז אין סקווירא א ווערטעל אז אין דו וועלט מיינט מען אז א יעדער דארף קימען צום טיש....}נאר עס זענען דא מענטשען וואס דו סטאנדארטען פון צניעות וכדומה איז צו הויעך און שווער פאר זיי און דו קהילה אזויווי א יעדער קהילה קדושה בישראל וויל נישט לאזן פאלען זייער דרגה אזויווי ווי די האסט דערמאנט אינעם בריוו ווי שיין די פלאץ איז.
אינטערען טייטעל ובמושב זקינים לא ישב
איך האב א זיידען זאל מאריך ימים ושנים זיין וואס האט שוין אפאר מאל פארברענגט אין פרידוואלד צוליב זיין מצב הבריאות, אין כסליו תשס"ט האב איך מיך מחיה געווען מיט דו מנין דארטען ווי עס האבען געדאווענד שטילע איידעלע אידען פון סקווירא, איך האב פארברענגט מיט זיי און געפרעגט אויב זיי האבען נישט קיין שטערונגען מטעם סקווירא, דו תשובה איז געווען: איך וויס נישט אויב עס שמעקט זיי אבער זיי שטערען עס נישט....
אין חודש אב תש"ע בין איך נאכאמאל געווען דארט האב איך זיך געטראפען דארטען מיט נייע עלעמענטען וואס זענען בעיקר געווען פארנימען מיטען האקען און בראקען אויף א יעדער זאך וואס גייט פאר אין שטעטעל, איך האב זיך געווינדערט צו הערען אז מטעם סקווירא איז בכלל נישט דא קיין שטערונגען איך האב געהאלטען אז אזא מנין ביים טיהר פון שטעטעל איז א סם המות פאר סקווירא, ווען איך האב געהערט אז סקווירא קהילה טוט זיך אריין אין דעם ענין האב איך געהאלטען אז זיי טוען דו ריכטיגע זאך.
אינטערען טייטעל " א מרידה?"
פרעגסט אויב א קהלה איז אזוי שוואך אז אפאר מענטשן גיין ארויס דאווענען ווערט חרוב א רעביסטעווע, זיכער נישט. דער רבי וועט בלייבען רבי אפילו אויב עס וועלען זיין אפאר חסידים ווייניגער אבער א כח פון הנהגה ווערט חרוב אויב מען גייט אנטקעגען דעם, אויב מען ווייסט אז עס איז נישט דא קיין ווארט און מקען ברעכן תקנות בריש גלי, איז אויך אידישקייט אין א סכנה, יעדער האט א בעל דבר אויף א צווייטע זאך, און אז קיינער קען גארנישט זאגן, קען מען טוען וואס מען וויל... און עס וועט אראפגיין די גלאנץ פונעם שטעטל וואס די שרייבסט אזוי שיין אין דיין מגילה, נישט אומזינסט זאגן אונז חז"ל הפורץ גדר ישכנו נחש... ווען די גדר איז אפען קען יעדער טוען וואס מען וויל...
שרייבסט רוב סקווירא האט געהאלטן אז מען דארף איגנארירן, אוודאי קיינער נישט געהאלטן פון ברעכן פענסטערס, חוץ אפאר צעדרייטע עקסטרעמיסטען אבער יעדער האט געהאלטן אז זיי קיין מחוצף טאר מען נישט זיין און באלאנגט נישט אין שטאט....
יעצט וועל איך שריייבן מיין אייגענע שטודיע, איך בין אראפ געפארן קיין סקווירא צו כאפן א בליק אויפן ראטענבערגס לאַט סאיז אן ערך פון כמעט 12000 סקווער פיס, לויטן סקווירא פרייז פון 25$ פאר א סקווער פיס קומט עס אויס 300,000$ און איך ווייס איוד פון סקווירא וואס איז געווען גרייט צוצאלן איבער 350,000$ און סקווירא קהילה איז געווען גרייט צו צוצאלען 25000$ אזא הויז אין מאנסי איז נישט ווערט קיין סאך מער..... בדרך אגב צו ניצען דו לאט וואלט מען געדארפט אראפ נעמען דו הויז.
צום לעצט: ווילסט אנטיילן דער סקווירא רבי וויאזוי ער וואלט זיך געדארפט באגיין מיט די פרעסע - זיך לאזן מאכן בילדער, אה! א מינוט צוריק ביזטו געווען קעגן בילדער.... און ווי יעדע בר דעת וואס קען די מידיע ווייסט עס וואלט גארנישט געהאלפן, וואלסט נאר געהאט נאך א סעיף אין דיין מגילה נאך א מנהג וואס ער האט געטוישט חוץ פון וויינען ביים דאווענען... און אזוי אויך לגבי גיין אין שפיטאל, וואס ער איז מקפיד אויף דעם..
צום שלוס: מיט דיין אנפאג "איך בין שוין מיד פון ענטפערן נארישע טענות"...... יעצט בין איך מיד פון ענטפערען דיינע נארישע טענות
24 
