שלום עליכם מיינע חברים וידידים וועלקאם בעק! לאמיר דא מסביר פון ס'רעדט זיך דא איך בין נישט אנטלאפן אין ערגעץ נישט... די נאכט פאר די גרויסע וואלן האב איך ארויף געלייגט אן הארצרייסענדע בריעף וואס איינער פון די תושבי השיכון האט מיר אריין געשיקט אין email, איך האב עס דייקא נישט געוואלט ארויף לייגן דא אין די פארעם וויסענדיג וואספארא חורבן דאס קען נאך אנמאכען אין שטעטל, האב איך עס ארויף געלייגט אויף א נייעם פארעם האפענדיג אז ס'וועט נישט האבן קיין השפעה אויף מער ווי 25 מענטשען, צו שיקען א שטילען שטיקעל מעסעדש צו די הנהגה... דא האט איר דעם גאנצען בריעף... אן אפנע בריעף צו די תושבי השיכון די אלט/ניי מאוומענט "שטארקע הנהגה" אין שטעטל פארגאנגענע וואך איז פארגעקומען א זיצונג אין הויף [בחצר הקודש], ווי ס'איז אויסגעליפטערט געווארן פארשידענע געדאנקן צו פארשטיין וואס האט צו געברענגט צו דעם מצב אז גארנישט רוקט זיך נישט אין שטעטל, ביז מען איז אנגעקומען צו דעם החלטה אז די סיבה איז... ווייל מען האט נאך געלאזט פון די שטארקע הנהגה די פארלאפענע צען יאר! איז דאס אמת? ניין! ווען נאך האט מען ארויס געוויזן אזויפיל שטארקע הנהגה ווי אין די פארלאפענע צען יאר, ווען האט מען איין געפירט מענער און פרויען זייט? ווען האט מען איין געפירט ארויס צו רייסן חתונה געהאטע זוהן און טעכטער פון אונטער די טאטעס און מאמעס הענט מיט עכטע ברוטאלישקייט און זיי פארשיקן צו אלע קצוות תבל, ווייל אזוי האט די שטארקע הנהגה אפגעמאכט, בשעת די קינדער און אייניקלעך פון די הויף קענען בלייבן רואיג וואוינען דא אין שטעטל ואין פוצה פה ומצפצף? ווען האט מען איינגעפירט אז א חיוב קען נישט דאווענען מוסף פארן עמוד, אפילו ווען די רבי דאווענט נישט יענע וואך? וכו' וכו'... לאמיר זעהן ווי מען זעהט נישט די שטארקע הנהגה אויף וואס מיר קוקען אזוי ארויס... ווי איז די שטארקע הנהגה ווען ס'הערשט אזא מאנגעל און דירות אז יונגעלייט דארפן גיין וואוינען ביי די זיידעס און באבעס, ווי לעכרליך איז דאס ווען איין דאנערשטאג פאר די וואלען קומט מען ארויס מיט גרויסע קול קורא'ס אויף די הימעל שרייענדע גזירה, ווי כאילו דאס האט אויך צו טוהן מיט פאליטישע אמטען, ווען קינד און קייט ווייסן אז דאס קומט נאר ווייל די שטארקע הנהגה האט אויפגעהערט צו פארקויפן לאטס פאר די המון עם ווייל זיי האלטן אלעס פאר זיך, און מער פון דעם וואס די שטארקע הנהגה האט אזוי ארויף געשרויפט די פרייזען פון די לאטס אויף גאר אויסטערלישע הויכע פרייזן, יונגע מאמעס גייען אראפ פון זינען פון את הלחץ זו הדחק [עיין ברבינו בחיי], בשעת די איינציגסטע הערליכע הייזער ווערן געבויט דארך די שטארקע הנהגה פאר די משפחה פון די שטארקע הנהגה!!! ווי איז די שטארקע הנהגה געווען ווען די גאנצע כולל סיסטעם איז צוזאמען געפאלן, וואס א חוץ ארויס שלעפן דאס לעצטע דאלער פון די פאר ארומטען ציבור הערט מען נישט פון זיי!!! ווי איז די שטארקע הנהגה געווען ווען די השחתה אין שטעטל איז געווען אויפן שרעקליכסטן פארנעם, וואס א חוץ פון פארשטאפן יעדען אויפריכטיגען קריטיק, האבן זיי אלעס פארדעקט!!! ווי איז די שטארק הנהגה ווען מען איז מחנך אונזערע קינדער צו טעראריזעם, ווען דאס פארדארבט דאס גאנצע חינוך מקטן ועד גדול!!! ווי איז די שטארק הנהגה ווען כבוד תלמידי חכמים וכבוד הבריות ווערט אזוי דערנידערט און צוטרויטען מיטן שטיוועל אין שטעטל!!! חשובע ציבור, לאמיר שיקען אן איינמאליגען שטארקען מעסעדש צו דעם שטארקען הנהגה, ס'איז שוין צייט צו טוישען די סארט הנהגה, ניצט אויס די הנהגה וואס השי"ת האט ענק געגיבען צו העלפן אידן און נאר צו גוטס טוהן פאר אידן, אזוי וועט השי"ת העלפן אז די הנהגה וועט בלייבן ביי ענק שטארק אויף שטענדיג!!
ווי ס'זעהט אבער אויס האט דאס געשיקט א שאק כוואליע אין שטעטל, איך רעד שוין נישט פון דעם וואס איבער צוויי הונדערט וואטערס [כולם אנשים חשובים וידועים] האבן זיך נישט באטייליקט דיע מאל אין די וואלן, ווי צו שיקן א שטילן מחאה פאר די פארפירערס, [ס'דערמאנט מיר פון די באקאנטע מעשה פון א אינגערמאן וואס האט ליידער נישט געהאט קיין שלום בית, און איז נישט געגאנגען צו די בחירות, ווייל ער און זיין ווייב שטימען נישט], איז דא פארגעקומען אן אומדערהערטען זאך פאר אזא שטעטל ווי סקווער, אז איבער הונדערט אידן האבן געשטומט אקעגן די הנהגה מער פונקטליכער 104 וואטס זענען געגאנגען צום צד שכנגד, פאר דער וואס איז באקאנט אין שטעטל איז דאס קיינמאל נאך נישט פארגעקומען אזא זאך אז מער פון 7 מענטשען זאלן אזוי ארויס ווייזען זייער שטארקן אומצופרידענהייט מיט זייער וואט... יעצט צו דעם בעל שיטה נאכן זיך אזוי פיל ארום שרייבן אהין און צוריק, פאנג איך שוין אן צו ווערן א בעל דרך ארץ פאר דיר, כאטשיג איך בין נאך מחולק אויף דיר מיט כמה וכמה זאכן, אבער ווי מען זעהט מיט רוב זאכן זענען מיר צו געקומען צו א גלייכן פארשטאנד, הלואי וואלטן מיר זיך געקענט אראפ זעצן ביי איין טיש און פארהאנדלען מיט די איבעריגע זאכן, און הלואי וואלט מען איז נאכאמאל אויסגעהערט אין הויף וד"ל... לעת עתה וועל איך נעמען א שטיקעל אוירלויב פאר עטליכע טעג, איך וועל זעהן ווי אזוי זאכן שטעלן זיך אויס, און איך האף אז איך וועל קענען צוריק קומען מיט בשורות טובות, אז זאכן האבן זיך באמת פארבעסערט, און אויב נישט...
תוקן על ידי SkverShtat ב- 04/11/2010 00:29:52
 |
|
|
