וועלכע זאלי איר וועט נאר אנטרעפן, אין סיי וועלכע יארגאנג, ווער ער געוויס וויסן צו זאגן אז די ארונים זענען 'קעלבער'. דאס האט נאך זייער כיתה ז' רבי געוויסט אויסצולערנען.
אלזא, לוינט זיך אמאל צו זעהן, "ווער" זענען די קעלבער, און "ווי ווייט" דער באגריף 'קעלבער' קען בכלל אנקומען.
ווי יעדער ווייסט איז די פארגאנגענע וואך געווען העפטיגע וואלן אין וומסב"ג-ב"פ, און עס איז געווען א היסטארישע דערגרייכונג ווען שווערע טויזנטער אידן זענען ארויסגעקומען שטימען לטובת דאנעווען, א זעץ פארן שונא ישראל לאפעז, עפעס אזאנס אויף וואס ער האט זיך קיינמאל נישט גע'חלום'ט, זייענדיג רואיג ביי זיך, האבנדיג מיט זיך דעם "שר השתדלנים" נידערמאן וועלכע פארטרעט גאנץ כלל ישראל תושבי אמעריקא ורוסיא, ולאחרונה גם תושבי ארה"ק.
אין וומסב"ג וועהלן טויזנטער ספאנישע גויים, און טויזנטער פוד-פראסאסער'ס (א בעסערע פארשלאג אלס געגנזאץ צו חלה-דעקל האמיר דערווייל נישט ערהאלטן), מענער און פרויען, וועלכע האבן דאסמאל געשטימט פאר שניידערמאן. נישט ווייל הרב נידערמאן איז גליקליך מיט שניידערמאן, א בוזעם פריינד פון הרה"ח ר' יעקב פריינד ק"י ווילידש טראסטי, און א געוועזענער לויער קעגן די מהרסים אין קר"י ביי די סקול דיסטריקט פרשה, וואס עס איז זעלבספארשטענדליך אז זיי זענען מיט אים ווייט ווייט נישט גליקליך, אבער עכ"ז, יעצט אויפן מינוט איז שניידערמאן א זיסערע פיל ווי דער ביטערער דאנעווען, וועלכע פירט אן מיט א אינוועסטיגעישן קעגם דעם שונא ישראל, און האט אייגנטליך ממילא נישט קיין שאנסן צו געווינען. (ווי גלייכן די זאלונים צו זאגן? די ארונים גייען נאר מיט די געווינער. דאנעווען יוכיח...).
אלזא, נאך די אלע טויזנטער פארזיכערטע לאפעז-שטימען, איז אין "אלט וומסב"ג" אליינס אריינגעקומען עפעס אין די הויכע פערציג פראצענט שטימען פאר דאנעווען. א נומער וואס נידערמאן האט נאכנישט בייגעוואוינט.
אין היידפארק איז געווען פארשידענע סארטן זאלונים, מיט פארשידענע סארט מהלכים וויאזוי אפצו-ווישן דעם אומגעראכטענעם דרכפאל.
ויהי היום, עס איז געקומען דער דאנערשטאג, און דער איד איז ערשינען, והנה, די זאלונים דעוויסן זיך פון א טרוקענע פאקט, באזירט אויף 'קראנטע' סברות און חזיונות:
די ארונים אין וומסב"ג האבן געהאט נישט מער ווי עטליכע הונדערט שטימען!
אלע זאלונים ווערן שאקירט פון די מעכטיגע אויפדעקונג. געמיינט האט מען אז מען מוז ארויסדרוקן פארשידענע סברות פארוואס 48 פראצענט איז גארנישט ווערד, אבער דא זעהט מען קראנט אז ס'איז נישט מער ווי עטליכע הונדערט. נו, געקויפט און פארקויפט, און אלע ווייסן שוין נאכצוזאגן דעם פאקט.
זענט איר אוודאי נייגעריג: וואס איז זייער אויפדעקונג? שטוינענד:
היות שניידערמאן'ס 2500 שטימען זענען געווען וועהלער וועלכע האבן אויך געוועהלט פאר קאומא, און מאידך גיסא פון די דאנעווען שטימען זענען געווען רוב "נאר" פאר דאנעווען אן קיין שטימע פאר א גאווערנער, און בלויז 3-4 הונדערט זענען געווען פאר דאנעווען "און" פאר קאומא, קומט דאך אויס אז די איבריגע דאנעווען שטימען זענען נישט געווען פון די ארונים, ווארום זיי האבן אויך אינדארסירט קאומא, בלייבן די ארונים מיט 3-4 הונדערט שטימען. אין להשיב!
עס איז הפלא ופלא וואס א טיפער באדייט "קעלבער" קען טראגן. נישט סתם קעלבער, נאר "סייחים-גלאט".
איז נישט אפשר בייגעפאלן פאר א זאלי צו פרעגן א שאלה: וועמענס שטימען זענען – אויב אזוי – געווען די איבריגע דאנעווען שטימען??? אפשר פון די טאהשער קהילה? (נפל, באשטעטיג עס), אדער סוליצא? אדער אפשר גאר די ספאנישע וועלכע זענען ארויסגשליידערט געווארן פון די פראדשעקס אדאנק נידערמאן-לאפעז?...
בעיא דלא איפשטא!
(עס פארלאנגט זיך א באזונדערע אשכול פאר די קליינקעפיגע זאלונים\בני יואל אין קרית יואל, וועלכע גייען יאר יערליך ארויס ווי די קעלבער צו די שטום בודקעס, גלייבנדיג פונדאסניי אז "דאס מאל גיימער עס מאכן", ועוד חזון למועד, לכשאפנה בעז"ה).
