איז היינט די שחיטה ערגער ווי תש''כ?

דא קומט א גרויסע אבער, דאס מזלזל זיין אין די פריערדיע דורות א שרעקליכע זאך,  דאס גאנצע יודישקייט איז אין דענזשער, דער רבי זי"ע פלעגט אלעמאל זאגן דעם ווארט, אם הראשונים כמלאכים אנו כבני אדם, אם הראשונים כבני אדם אנו כחמורים, דער ווארט איז ברייט באקאנט.

לעינינו, ווילסט אויפטון? זייער א גוטע זאך, עס איז דא אסאך וואס מען קען בעסער מאכן, בעסער האט נישט קיין שיעור, אבער זיך אויפשטעלען האלטן דרשות אז די גאנצע שחיטה איז ווייסעך וואס, אין מען פארציילט מעשיות, ווען דער עולם וואלט געוויסט וואס גייט פאר, איך קען נישט שלאפן ביינאכט, כהנה וכהנה, דערנאך קומט ארויס דער ס"ה אז עס איז טאקע כשר, נאר איינער מיט א ברייטע ביבער היט דארף מחמיר זיין, דאס איז דער פראבלעם, עס איז נישט קיין שום פראבלעם מחמיר צו זיין, אבער פון מחמיר זיין ביז "יענער איז מאכל נבילות וטריפות" איז פאלג מיר א גאנג.

 אין איך וועל דיר מודה זיין אז דער הייליגער קאשויער רב'ס שטעלונג בנוגע די שחיטה האט מיר בימים ההם פונקט אזוי וויי געטון, נישט ווייל איך בין געווען א עפעס א הייסער חסיד פון ברך משה, בפיריש נישט, נאר ווייל דאס משפיל זאכן וואס די פריערדיגע האבן מתקן געוועהן איז א גרויסע פראבלעם פאר יהדות.

 יעצט דער ר' אהרן וואס ווען דער קאשויער רב זי"ע האט אזוי גערעדט וועגן די שחיטה, האט ער געקוויטשעט עפ"ל, זיין טענה איז געווען אז, וואס הייסט דו רעדסט אויף די שחיטה, דער רבי זי"ע האט דאס דאך אזוי אוועקגעשטעלט, דאס איז גענוי וואס ר' אהרן טוט יעצט.

ווען קאשוי'ער רב ז''ל איז ארויס אקעגן די פלייש, איז זיין עיקר טענה געווען אז ס'איז דא אן הזנחה ביי די ניקור און מ'האט געטראפען חלב דאורייתא, און נישט אז די אופן הניקור וואס די רבנים און אמעריקע האבן עס אהער געשטעלט איז נישט געניג גוט.  די עיקר טענה אויף עם איז געווען אז ער דארף ווען נישט איבערדרייען די שטאט, נאר קומען פארן התאחדת הרבנים אדער פאר די בעלי מכשירים, און ווייזען די פלייש. און דאס אז ער האט געזאגט אז "די פעטער האט מאכל טריפות געווען דרייסיג יאר" האט מען נאר געהערט פון רבינו מהר''א בעידן ריתחא

אבער רבינו מהר''א האט גענומען אן אנדערע מהלך ער איז מפקפק אויף די שחיטה, סאיז לבו נוקפו אויף די ווייץ און ער טוישט די אופן השחיטה און ער נעמט אנדערע ווייץ (וואס איז דא א שאלה וועגן גאזאלצעלנע וואסער אדער יא אדער נישט).  

 איך וועל פרובירן מסביר צו זיין וואס עס קען זיין א פראבלעם מיט שחיטה מונחת און פארוואס די רבנים האבן עס נישט איינגעפירט דא אין אמעריקע.

 לויטן הלכה דארף מען שחטן מלמעלה למטה, דאס מיינט אז די מעסער דארף גיין פון אויבן אראפ(אזוי ווי מען שנייט חלה). די סיבה איז ווייל די הלכה איז אז די שוחט טאר נישט דריקען מיט די מעסער, נאר עס דארף ווערן גע'שחטן מיט די שארפקייט פונם מעסער, דעריבר ווען מען לייגט די בהמה אויפן ריקן (מונחת) שנייד די שוחט פון אויבן אראפ, אזוי ווי די סדר ווי מענטשן שניידן  וועט ער נישט דריקען. ווייטער אויב די בהמה שטייט אויף ארויף דארף די שוחט שחטן פון אונטן ארויף, וואס איז נישט די סדר ווי מענטשן שניידן, האב איך מורא אז ער וועט דריקען מיט די מעסער און ס'וועט ווערן נבילה.

 יעצט אין אמעריקע איז דא צווי פראבלעמען אזוי צו שחטן, איינס אזוי ווי מ'שחט אסאך בהמות אגאנצן טאג, האבן די שוחטים געטענה'ט אז אזוי ווי זיי דארפן זיך בייגן א גאנצע טאג און די בלוט(פונם שוחט) גייט אריין אין די האנט און די הענט ווערט שווער, אויך איז שווער צוהאלטן די בהמה איבערגעדרייט ,איז דא א חשש אז מ'עט דריקען מיט די מעסער האט מען איינגעפירט אז מ'לייגט די בהמה אויפן זייט(און מ'בייגט די האלז אויף ארויף)אזוי איז גרינגער צו קאנטראלירען די בהמה, און די שוחט שטייט גראד(באקוועם)אזוי וועט ער ענדערשט נישט דריקן מיט די מעסער.

 נאכדעם איז מען אויפגעקימען מיט ''די באקס''  ווי דאס ארבייט אז די בהמה גייט אריין און א אזא גרויסע באקס, וואס האט א לעכל אז זיין קאפ זאל זיך ארויסשטעקן, דערנאך דרייט מען איבער די באקס (מיט מאשינען) און אזוי שחט מען ווען די בהמה איז אופן רוקן, אוןאזוי ווי די באקס שטייט

העכר די ערד, שטייט די שוחט גראד און ס'באקוועם צו שחטן, אזוי איז די ערשטע סיבה געלייזט געווארען.

איצט צו גיין צום צווייטן סיבה דארף מען מסבר זיין ווי אזוי א בית השחיטה ארבעט, קודם וועלן מיר אנהייבן מיט עופות, געווענטליך גיהערט די בית השחיטה פאר א איד,  ווען מ'שחט  די עופות האלטן עס די גוים אין די האנט, און די שוחט געט א שנייד אין האלז, דערנאך לייגט מען עס ארויף אויף א טשעין , בערך יעדע צען מיניטן איז די שוחט בודק די חלף, אויב טרעפט ער א פגימה ווארפט מען עוועק די גאנצע ליין, און מ'פארקויפט  דאס פאר פעניס, נישט אויף צו עסען נאר צו מאכן 'מיסט פאר די פעלדער' וכדומה, ווייל די הלכה איז אז מ'טאר נישט לכתחילה האנדלען מיט בשר נבילה אבער אז מ'האט שוין מעג מען עס פארקויפען.(קרית יואל שחיטה ''פלעגט'' אויפארבייטן די נבילה פלייש ביז רבינו מהר''א שליט''א  האט דאס אפגעשטעלט).  

ביי בהמות איז אנדערשט, דארט נוצט מען נישט רוב פלייש וואס מ'שחט, ראשית נוצט מען נישט די חלק אחורים, דערנאך מאכט זיך אסאך סירכות וואס איז טריפות, ארבעט די 'סיסטעם' אז מ'שחט ביי א גוי'אישע קאמפעני, אדער בשותפות מיט  א גוי'אישע קאמפעני, די איד נעמט די כשרע פלייש און די גוי בלייבט מיט די אבריגע . מאכט זיך אמאל וואס ס'איז דא ביי די בהמות פונ'ם בית השחיטה אסאך סירכות,(וואס מ'נוצט נישט קיין שאלה'דיגע ווייל ס'איז 'גלאט כשר'), אדער מ'דארף אסאך פלייש פאר יום טוב וכדומה, לויפט מען ארום די גאנצע וועלט זוכען ווי ס'דא גוטע געזינטע בהמות(ווי סאוט אמעריקע, פולין וכו.), מען שיקט דארט אראפ אפאר שוחטים, בודקים ומשגחים און מ'ברענגט אהיים די פלייש.

אצינד איז דא צוויי פראבלעמן מיט שחטן מיט די 'באקס' ערשטענס רוב גוי'אישע קאמפעניס ווילן בכלל נישט אז מ'זאל שחט'ן מונחת, ווייל זיי זאגן אז די בלוט גייט שטאט ארויסביים שחטן,  ווערט די פלייש זייער רויט, וואס איז נישט אזוי שיין און ס'פארקויפט זיר נישט אזוי גיט.

צווייטענס קאסט אזא באקס אסאך געלט און צייט, און ס'איז כמעט במציאות אז ביי יעדע פלאץ אין די וועלט ווי מ'לויפט ארום שחטן, זאל מען אויפשטעלן אזא סיסטעם.

(עס איז דא אגרי-פראסעסינג(רובאשקין)וואס ניצן די באקס, אבער דארט איז דא אסאך אנדערע סיבות פארוואס אונזער עולם נוצט עס נישט, אפילו ווען זיי האבן גענומן די היימישע השגחות.  (עס איז דא א בריוו פון הרב שיין מ'לעקוואד וועגן אלע חששות דארט).

 יעצט לאמיר קומען צום אויספיר, ומה עמקו מחשובותם ווי טיף און ווייט איז געווען די בליק פון די לעצטע מנהגי הדור, וואס האבן אויפגעשטעלט אידישקייט דא אין אמריקא, אז זיי הבן איינגעפירט נישט קיין שחיטה מנוחת, ווייל דורך דעם קען מען אהערשטעלן גלאט כשר'ע פלייש פאר גאנץ יהדות החרדית, אן קיין שום שאלות טריפה, סירכות, הפסד מרובה ועוד. און נישט ח''ו  'שכחום' אדער מ'האט זיי אנגערעדט ועוד. (עס איז זיכער דא נאך טעמים וואס מיר פליישיגע אויגן זעען נאך נישט.)

ווען א קהילה וויל פארקויפען 'שחיטה מהודרת' פאר די בני הקהילה דארפן זיי וויסן אפאר זאכן.

מ'קען עס נישט צושטעלן 'גרעטער ניו יארק' ווי די עופות.

עס טאר נישט זיין אופן חשבון פון מתיר זיין שאלת טריפת(קרית יואל שחיטה ניצען טאקע נאר 'כמו בית יוסף' לחומרא ולא לקילא).

די בני הקהילה דארפן וויסן אז נישט אלץ איז דא אלא מיני פליישן, און אז די פרייזן קענען ארויף גיין לויט די שוועריקייטן וואס מ'טרעפט זיך אן.

אז פאר מ'הייבט אן דארף מען זיך אויסנעמן אז עס איז 'בלי נדר', ווייל אויב ס'ארבעט זיך נישט אויס וועט  מען דארפן צירוק גיין צום פריעדיגן סיסטעם.

די פאקטן האב איך געהערט פון שוחטים ומשגיחים(וואס רעדן נישט קיין סאך וד''ל) ווער עס ווייסט מער אדער אנדערשט זאל ביטע מגיב זיין.

איך וועל אויספירן ווי איך האב שוין געשריבן,

אויטענטיש

מיין עיקר פוינט איז אז מונחת איז א חומרה, און אז מ'פארקוקט איז דא אסאך גלאט כשרס פאר אזא גרויסע ציבור, (אינדערהיים איז מען געלאפן מיט די סירכות צום רב און ער האט זיך געפלאגט עס צו מאכן כשר אלץ הפסד מרובה וכדומה  משא''כ דא אין אמעריקע האבן זיי איינגעפירט ''גלאט כשר'')

ווער עס וויל עסען 'מהידרת' האב איך שפעטער געשריבן.

יעצט אראפגעלייגט די פאון מיט א משגיח ער זאגט אז מיל מארט שחט סאוט אמעריקא 'מונחת'