שחיטה מונחת: איז נישט כל המשנה ידו על התחתונה?

 ישר כח פארן אריבער ברענגן מיין פראגע אהער, איך וועל פרובירן מסביר צו זיין וואס עס קען זיין א פראבלעם מיט שחיטה מונחת און פארוואס די רבנים האבן עס נישט איינגעפירט דא אין אמעריקע.

 לויטן הלכה דארף מען שחטן מלמעלה למטה, דאס מיינט אז די מעסער דארף גיין פון אויבן אראפ(אזוי ווי מען שנייט חלה). די סיבה איז ווייל די הלכה איז אז די שוחט טאר נישט דריקען מיט די מעסער, נאר עס דארף ווערן גע'שחטן מיט די שארפקייט פונם מעסער, דעריבר ווען מען לייגט די בהמה אויפן ריקן (מונחת) שנייד די שוחט פון אויבן אראפ, אזוי ווי די סדר ווי מענטשן שניידן  וועט ער נישט דריקען. ווייטער אויב די בהמה שטייט אויף ארויף דארף די שוחט שחטן פון אונטן ארויף, וואס איז נישט די סדר ווי מענטשן שניידן, האב איך מורא אז ער וועט דריקען מיט די מעסער און ס'וועט ווערן נבילה.

 יעצט אין אמעריקע איז דא צווי פראבלעמען אזוי צו שחטן, איינס אזוי ווי מ'שחט אסאך בהמות אגאנצן טאג, האבן די שוחטים געטענה'ט אז אזוי ווי זיי דארפן זיך בייגן א גאנצע טאג און די בלוט(פונם שוחט) גייט אריין אין די האנט, אויך איז שווער צוהאלטן די בהמה איבערגעדרייט ,איז דא א חשש אז מ'עט דריקען מיט די מעסער האט מען איינגעפירט אז מ'לייגט די בהמה אויפן זייט(און מ'בייגט די האלז אויף ארויף)אזוי איז גרינגער צו קאנטראלירען די בהמה, און די שוחט שטייט גראד(באקוועם)אזוי וועט ער ענדערשט נישט דריקן מיט די מעסער.

 נאכדעם איז מען אויפגעקימען מיט ''די באקס''  ווי דאס ארבייט אז די בהמה גייט אריין און א אזא גרויסע באקס, וואס האט א לעכל אז זיין קאפ זאל זיך ארויסשטעקן, דערנאך דרייט מען איבער די באקס (מיט מאשינען) און אזוי שחט מען ווען די בהמה איז אופן רוקן, אוןאזוי ווי די באקס שטייט

העכר די ערד, שטייט די שוחט גראד און ס'באקוועם צו שחטן, אזוי איז די ערשטע סיבה געלייזט געווארען.

איצט צו גיין צום צווייטן סיבה דארף מען מסבר זיין ווי אזוי א בית השחיטה ארבעט, קודם וועלן מיר אנהייבן מיט עופות, געווענטליך גיהערט די בית השחיטה פאר א איד,  ווען מ'שחט  די עופות האלטן עס די גוים אין די האנט, און די שוחט געט א שנייד אין האלז, דערנאך לייגט מען עס ארויף אויף א טשעין , בערך יעדע צען מיניטן איז די שוחט בודק די חלף, אויב טרעפט ער א פגימה ווארפט מען עוועק די גאנצע ליין, און מ'פארקויפט  דאס פאר פעניס, נישט אויף צו עסען נאר צו מאכן 'מיסט פאר די פעלדער' וכדומה, ווייל די הלכה איז אז מ'טאר נישט לכתחילה האנדלען מיט בשר נבילה אבער אז מ'האט שוין מעג מען עס פארקויפען.(קרית יואל שחיטה ''פלעגט'' אויפארבייטן די נבילה פלייש ביז רבינו מהר''א שליט''א  האט דאס אפגעשטעלט).  

ביי בהמות איז אנדערשט, דארט נוצט מען נישט רוב פלייש וואס מ'שחט, ראשית נוצט מען נישט די חלק אחורים, דערנאך מאכט זיך אסאך סירכות וואס איז טריפות, ארבעט די 'סיסטעם' אז מ'שחט ביי א גוי'אישע קאמפעני, אדער בשותפות מיט  א גוי'אישע קאמפעני, די איד נעמט די כשרע פלייש און די גוי בלייבט מיט די אבריגע . מאכט זיך אמאל וואס ס'איז דא ביי די בהמות פונ'ם בית השחיטה אסאך סירכות,(וואס מ'נוצט נישט קיין שאלה'דיגע ווייל ס'איז 'גלאט כשר'), אדער מ'דארף אסאך פלייש פאר יום טוב וכדומה, לויפט מען ארום די גאנצע וועלט זוכען ווי ס'דא גוטע געזינטע בהמות(ווי סאוט אמעריקע, פולין וכו.), מען שיקט דארט אראפ אפאר שוחטים, בודקים ומשגחים און ברענגט אהיים די פלייש.

אצינד איז דא צוויי פראבלעמן מיט שחטן מיט די 'באקס' ערשטענס רוב גוי'אישע קאמפעניס ווילן בכלל נישט אז מ'זאל שחט'ן מונחת, ווייל זיי זאגן אז די בלוט גייט שטאט ארויסביים שחטן,  ווערט די פלייש זייער רויט, וואס איז נישט אזוי שיין און ס'פארקויפט זיר נישט אזוי גיט.

צווייטענס קאסט אזא באקס אסאך געלט און צייט, און ס'איז כמעט במציאות אז ביי יעדע פלאץ אין די וועלט ווי מ'לויפט ארום שחטן, זאל מען אויפשטעלן אזא סיסטעם.

(עס איז דא אגרי-פראסעסינג(רובאשקין)וואס ניצן די באקס, אבער דארט איז דא אסאך אנדערע סיבות פארוואס אונזער עולם נוצט עס נישט, אפילו ווען זיי האבן גענומן די היימישע השגחות.  (עס איז דא א בריוו פון הרב שיין מ'לעקוואד וועגן אלע חששות דארט).

 יעצט לאמיר קומען צום אויספיר, ומה עמקו מחשובותם ווי טיף און ווייט איז געווען די בליק פון די לעצטע מנהגי הדור, וואס האבן אויפגעשטעלט אידישקייט דא אין אמריקא, אז זיי הבן איינגעפירט נישט קיין שחיטה מנוחת, ווייל דורך דעם קען מען אהערשטעלן גלאט כשר'ע פלייש פאר גאנץ יהדות החרדית, אן קיין שום שאלות טריפה, סירכות, הפסד מרובה ועוד. און נישט ח''ו  'שכחום' אדער מ'האט זיי אנגערעדט ועוד. (עס איז זיכער דא נאך טעמים וואס מיר פליישיגע אויגן זעען נאך נישט.)

ווען א קהילה וויל פארקויפען 'שחיטה מהודרת' פאר די בני הקהילה דארפן זיי וויסן אפאר זאכן.

מ'קען עס נישט צושטעלן 'גרעטער ניו יארק' ווי די עופות.

עס טאר נישט זיין אופן חשבון פון מתיר זיין שאלת טריפת(קרית יואל שחיטה ניצען טאקע נאר 'כמו בית יוסף' לחומרא ולא לקילא).

די בני הקהילה דארפן וויסן אז נישט אלץ איז דא אלא מיני פליישן, און אז די פרייזן קענען ארויף גיין לויט די שוועריקייטן וואס מ'טרעפט זיך אן.

אז פאר מ'הייבט אן דארף מען זיך אויסנעמן אז עס איז 'בלי נדר', ווייל אויב ס'ארבעט זיך נישט אויס וועט  מען דארפן צירוק גיין צום פריעדיגן סיסטעם.

די פאקטן האב איך געהערט פון שוחטים ומשגיחים(וואס רעדן נישט קיין סאך וד''ל) ווער עס ווייסט מער אדער אנדערשט זאל ביטע מגיב זיין.

איך וועל אויספירן ווי איך האב שוין געשריבן,

  ''מיין מיינונג איז קיין מיינונג'' און יעדער זאל פרעגן זיין רב.      

מר וואלן סח

איך האב געשריבן אויף אייך שליט''א ווייל איך האב געמיינט איר זענט א חסיד א בר דעת, איר ווייסט זיכער וואס די גמרא זאגט שמרה נפשי כי 'חסיד' אני, און וואס די גמרא זאגט וואס אס מיינט חסיד שוטה, איר זאגט

און ער פירט אויס, מה מאד עמקו מחשבותיו פון רבין ז"ל נישט איינצופירן שחיטה מונחת, כדי כי תאוה נפשך לאכול בשר, זאלסט עס האבן! איז די תירוץ יא און נאכאמאל יא אזוי קוקט א מנהיג ווי משה רבינו דוד המלך און אלע מנהיגי הדורות עס איז דא א תשובה פונעם בעל דברי יואל זי''ע אין א שטאט איז געווען איין מקוה און (שוואכע)פ. האבן נישט געוואלט אז די מ. זאלן עס ניצן זאגט ער אז מזאל טאקע נישט לאזען נאר מ'זאל זיך בעטן אז אוף ערב י''כ זאל מען יא לאזען, יא אזוי קוקט אויס א מנהיג נישט קיין פרומער(ווען ס'לוינט פארן חסידות ועוד).

און דאס וואס איר שרייבט ''כ'הער, ב"ה אונז ליג מיר נישט אזוי אין בשר תאוה, און מיר זענען שוין צוגעוואוינט די לעצטע פאר יאר, אז אויב דארף מען מיניט סטעיק אויף יו"ט דארף מען עס באשטעלן כאטש א חודש פריער, ווייל אז נישט וועסטו נישט האבן און ב"ה מ'לעבט! קיינער איז נאך נישט געשטארבן פון נישט עסן אלע מיני בהמה פלייש וואס איז די אין די מארקעט.'' ב''ה אז דיין רבי(וואס איז רבינו מהר''א שליט''א) האט אזאליכע הייליגע חסידים. אבער די לעצטע מנהגי הדור האבן זיך אויך געזארגט פאר די שוואכע ווי למשל חסידי רז''ל ,בני יוא'ל, חשונים און פאר גאנץ יהודית החרדית און אמעריקע.

ברם יזכר אותו האיש רבינו מהר''א שליט''א לטובה, וואס א דאנק עם הייבט מען וויסן וואס עס טוט זיך אין די בית השחיטות, וואס איז שוין פארהאקט די טירן די לעצטע דרייסיג יאר (זינט פרשת קאשוי) פאר רבנים און סתם מענטשען, און ווען עס מאכט זיך א שאלה הייבן די רבנים נישט צו וויסן די מציאות אן ווען די בעל מכשר געט ארויס א תשובה להכשיר איז די זאך ארלעדיגט.