אוודאי געוויס וועט איר פרעגן, וואס איז דאס "שלעפשיץ"?
שלעפשיץ האט זיך געגרינדעט מיטן הילף פונעם אויבערשטען, דורך א קליינע צאל בחורים, צווישן די ווענט פון היכל הישיבה, אנגעהויבן האט זיך עס אלס א חבורה צווישן די בחורים וואס האבן זיך צוזאמגעהאלטן אין זיך ארויסגעהאלפן איינער דעם אנדערן. די חבורה האט פארמאגט אלס וואס א בחור האט נאר געדארפט האבן, צו זאל דאס זיין א גוט ווארט, א נאש, אדער טאשן-טיכל, וכדו'. די בחורים האבן געוואוסט אז די אדרעסס איז "שלעפשיץ".
איז היות מען בלייבט נישט אין חדר אויף אייביג ב"ה, איינער איז געפארן וואונען דא איינער דארט, זה בכה וזה בכה, מאכט זיך אז מען פארגעסט איינער פונעם צווייטען, פארדעם האבן מיר זיך אויך אהערגעשטעלט מיט הילף, מיר קומען זיך צוזאם כסדר, מיר מאכן א מלווה מלכה יערליך, אין ווי אויך א ליל שישי דא א ליל שישי דארט, מען טרעפט זיך ביי א חתונה מען גריסט זיך, אין אוודאי געדענקט מען די נעמען פון אלע חברים, מען פארט אוועק אויף שבתים אא"וו, אזוי האט זיך שלעפשיץ פארשפרייט איבער דער גארער וועלט...............
אזוי ווי איר קענט זעהן טאקע אויף די בילדער, וואס מיר האבן ארויפ-געלייגט אויפ'ן זייטל, האבן מיר געמאכט א מלווה מלכה די לעצטע פאר יאר, ביי די פאריגע מלווה מלכה האבן מיר ארויסגעגעבן, א לוח המפואר, מיט די שמחות מאנ"ש אריינגעדרוקט, כדי יעדער זאל וויסן ווען אין ווי מען גייט זיך ארויס לאזן אין א טענצל, מען זאל זיך מיטפרייען מיטן חבר'ס שמחה. היות ב"ה עס האט געהאט גרויס הצלחה, האבן מיר באשטימט יעדעס יאר די זעלבע צייט פארן מלווה מלכה, די זעלבע קענט איר זעהן האבן מיר געמאכט טשאלענט'ס ליל שישי'ס, ווי דער עולם קומט זיך צוזאם, איינמאל האבן מיר אראפגערופן יארמע רב, איינמאל פעסטע רב ועוד.
אזוי ווי יעדע גוטע זאך בלייבט נישט שטיין, די זעלבע איז געשען מיט אונזער גרופע, עס איז שטארק פארברייטערט געווארן, א חבר ברענגט א חבר, האבן מיר זיך ארויס-געשטעלט אלס "דער שלעפשיצ'ער קהילה", אזוי עס זאל נישט האבן מער קיין שייכות מיטן ישיבה, כדי סיי ווער אפי' אזא איינער וואס האט נישט געלערענט בין כותלי הישיבה מיט די חברים, זאל זיך אויך טרעפן דאס פלאץ.
זינט דאן האבן מיר שוין אסאך אויפ-געטוהן ב"ה, מיר האבן געהאלפן דעם גאנצן עולם זיך האלטן צוזאם דורך די לעצטע יאר, ווי למשל פורים האבן מיר געהאט א 'מאביל', וואס איז ארום געפארן די גאסן, משמח געווען מיט גרויס סוקסעס, אזוי ווי איר קענט זעהן אויפן "צהלה ושמחה" אפטיילונג.
אזוי אויך האבן מיר געהאט קליינע פריוואטע קומזיצן, ווי א קליינע עולם, אפאר חברים נעמען זיך צאם, אין מ'גייט ארויס אויף א נאכט-מאל צו א פרישטאג, אין מען איז זיך מחזק צוזאמען, צו איז עס א שבת ביינאכט אין מען קומט זיך צוזאם זינגען שירות ותישבחות, אלעס אונטערן נאמען פון "שלעפשיץ'".
מיר האבן אויף טעלעפאון א גרופע, וואס לאזט מעלדן אלע שמחות, וואך-נאכט, חתונה, אדער סיי ווען מען ברויך עפעס איינמעלדן פארן ציבור, קענט איר אויך טרעפן דא אויפן זייטל. ווי אויך האבן מיר קליינע ביזנעס קארטלעך, וואס יעדער גיבט ארום איינער פארן צווייטן, ווי דארט איז ארויפ-געשריבן אלע אונזער אינפארמאציע, נומער, בליץ-פאסט אדרעס, אא"וו..
ווי אויך האבן מיר אוף קארס, Bumper Stickers וואס האט אויף זיך דאס ווארט "שלעפשיץ", דאס מיינט אז דער דרייווער איז שטאלץ אין נעמט אנטייל, אין אונזער חשובע קהילה.
בקיצור נמרץ, מיר זענען א קהילה וואס ארבייט צוזאם, ארויסהעלפן וועם אין ווי אזוי מיר קענען, טאג אין נאכט, זומער ווינטער, אין קעלט איו און היצן, אין איר זאלט וויסן אז די קהילה וואקסט בלע"ה אויסער אלע ערווארטונגען מיט גוואלדיגע סייעתא דשמיא, אין סלוינט זיך אנטייל צו נעמען ווי פריער ווייל מיר נעמען ממילא איין די וועלט................
תוקן על ידי פשווארסק ב- 14/12/2010 00:06:51
