ד' פרשת משפטים תשצ''א לפ''ק

האבן די ארונים איינמאל געריפן צי דין תורה וועגן די צוואה?

_________________

פון די אלע שמוסען (דא און אין אנדערע אשכולות)זעט מען אז סיי די ארונים אין סיי די זלונים האבן שטארקע טענות, אין יעדער האלט אז זיין פארטיי איז גערעכט, סיי ווען זיי זענען אריין איו קארט, און סיי ווען יענער איז אריין (און זיי שעמען זיך נישט צו טענה'ן אין איין קארט ממש די היפך וואס זיי האבן געטענה'ט אין אן אנדערע קארט).

נעכטען מוצש''ק זענען אנ''ש פון ביידע פארטייען, געווען אין בתי מדרשים, און אויסגיהערט די שובבים תורה פון תשי''ד, ווי רבי וויינט מיט בכיות נוראות וועגן גיין אין ערכאות, ער רעדט פון ''ציון במשפט תפדה'' און אז ''אם אין דין למטה יש דין למעלה'' רח''ל, און דאס איז ביי א יחיד כ''ש ווען ס'איז כלל ישראל, און מ'האט אפילו געלאזט א טרער, ווער ווייסט צו רביה''ק האט זיך נישט געווארפען אין קבר, און געשריגען וואס מאכט עטץ ליצנות פון מיר, 55 יאר נאכן זאגען די תורה זיצען די קהלות אין קארט, און מ'צינט אן די טעיפ ווייל ס'פעלט אויס פאר די פארטיי, און ''אין גם  אחד'' ס'נישט געווען קיין איינער וואס זאל זיך אויפשטעלן און ארויסגיין, אדער מוחה זיין ווי מ'טרייבט ליצנות פונ'ם רבין, פון זיין שובבים תורת, און פונ'ם רבש''ע.

די ארונים האבן געשיקט א הזמנה נאכדעם וואס איר האט ארויסגעווארפן די ראשי קהילה. ווער און פארוואס מען איז אריין אין קאורט איז נישט נוגע. זיי האבן געזאגט מיר האבן א תביעה. משא"כ די זאליס האבן געזאגט אז אויב וומ"ס צו די"ת דארף ק"י אויך זיין. אויב האט איר א תביעה רופט אונז צו די"ת. און אויב זאגן מיר ניין אויף די הזמנה. קענט איר אפשר זאגן אז איר האט געהאט א תביעה. אבער ווילאנג איר שיקט נישט קיין הזמנה קענט איר קיין טענות נישט האבן. און יעצט קום נישט מיט קיין משל אז מען פרובירט קודם אנדערע זאכן. ווייל דערווייל האבן ענק נאך גארנישט געטוען וואס קען ווייזן אז איר האט א גערעכטע תביעה. ניטאמאל אין קאורט אדער דורך איבערשרייבן(אפילו אויב עס לאזט זיך אויס מיט א דורכפאל) און עס איז דא א כלל אז אויב איינער פרובירט נישט צובאקומען זיינס א זאך איז א סימן אז ער אליין ווייסט אז ער איז נישט גערעכט (דאס איז טרוקן פשט פון כל דאלים גבר)

ווער עס קען רשכבהגולם דא אויפן פארום, ווייסט אז ער איז און פרינציפ קעגן אויסטוישען ווערטער מיט ארונים בנוגע הדברים העומדים על הפרק,

רשכבהגולם

איך האב געזען דיין תגובה און ''באמת'' האלט איך אז ביסט גערעכט, (אויב די מיינסט צו פארענטפרן פארוואס מ'וויל נישט גיין צו די''ת ביז מהר''א שרייבט נישט אונטער)
 די ''פאקט'' איז, אז א רבי (א כ''ק אדמו''ר) איז בעל בית אויף זיין קהילה, און אז א ראש הקהל מיט טובים זאלען זאגען אנדערשט ווי די רבי, וועלן זיי פליען נאך יענעם טאג,
 יעצט וואלט 'יושר' געזאגט, אז ווען א קהילה וויל זיך צוטיילען און א גרויס חלק וויל גיין מיט איין ברודער און די אנדערע מיטן אדערע ברודער, צווי זאכען,
1 אז מזאל זיך צוטיילן  מיט אלע נכסים בכל מקומות לויט די פארצענט (באבוב דו''ת גייט אויף דעם שניט).
 2 אז די ברודערס זאלען אינטערשרייבען און זיין די בעל הדברים, ווייל אז איין כ''ק אדמו''ר זעט אז זיין ראשי הקהילה באקומען נישט וואס ער וואלט זיך אויסגע'משלט, קען ער פאר די פסק פארשיקען די ראש הקהל און שרייען אז ער פארטרעט ''מיר'' נישט.

די פראבלעם איז אז  ''טעכניקעל'' זענען די ראשי הקהילה בעלי בתים אויף די קהילה, סיי ע''פ תורה און לכאורה ע''פ די געזעץ (נאר זיי ווילן זיך נישט אריין מישען), און אז איין ראשי הקהילה רופן די אנדערע ראשי הקהילה צו דין תורה, און  די נתבע וויל אז די רבי זאל אינטערשרייבען, קען ער זאגען ''לאו בעל דברים דדי את'' איך האב גארנישט מיט די קהילה איך בין נאר די רוחניות איינגעשטעלטער, ממילא דארפען זיך די ראשי הקהילה שטעלן לדי''ת, אפילו אן די רבי'ס אינטערשריפט.

פארשטייט זיך אז איך נעם נישט קיין צד,  איך וועל דאס איבערלאזען פאר די חושן משפט אידן ,ווייל ביידע האבן שטארקע טענות, נאר אז האסט געוואלט הערן מיין דעת בעל הבית אויף די ספעצפיש נקודה, כנלע''ד

    מיין פוינט איז אבער אז סוכ''ס וועט מען נישט אייביג בלייבן אין קארט (נישט קיין נפק''מ צו אלץ שלום צווישען די ברודעס צו אז ס'מעלקט אויס די גאנצע געלט) פארוואס זאלן נישט אלע ערליכע אידן פון ''ביידע קהלות'' מאכען א אויפשטאנט, ביז די ראשי קהלות און די רבי'ס וועלן פארהאנדלען ווי פשיט'ע אידן וואלטן געטון, און נישט מבזה זיין די מייסד הקהילה. (אפאר טויזענט מענטשען פארפירען אין אגיפטען און די וועלט פאדערט שוין אז מובראק זאל גיין)