לעב ריזאלטס: ארונישע אריזאנע מצות - ספק חמץ

עס האט גארנישט מיט קיין מסלפים, מען רעדט פון א חשש פון חמץ וואס די פוסקים זאגן אז זאלץ איז מחמיץ, אידן מחמירים וואס ווילן נישט חלילה נכשל ווערן אין חשש חמץ זענען חושש אז מצות וואס האט זייער א הויכע מאס סאדיום, אולי איז דאס חשש חמץ חלילה, און זיי ווילן זיך אפהאלטן, אודאי אויב איינער וויל מיקל זיין זאל ער טוהן וויאזוי זיין דיין זאגט, אבער חומרא'ס האט דאך נישט קיין שיעור בפרט ביי מצות, ובפרט ווען דער קולא נעמט זיך פון א התחדשות מיט ניצן ווייץ וואס וואקסט נישט געהעריג נאטירליך, נאר מיט קעמיקעלס,

דער קרית יואל'ער רב האט געזאגט חול המועד פסח ס"ב ווען מען האט געזאגט אז עס איז דא אן עירוב אין וויליאמסבורג, אז מען דארף נישט שרייען אויף איינעם וואס פארלאזט זיך אויפן עירוב, ווייל יעדער דארף טוהן וויאזוי זיין דיין פסק'נט פינקט ווי מען האט נישט געשריגן אויף מאשין מצות אדער די עושי מלאכה פאר רבינו תם זמן, דעריבער לשיטתו דארף מען נישט אראפרייסן די ארונים אלס אוכלי חמץ גמור אדער קאקאו עסערס ווי פלעטבוש און קווינס, אבער זיכער א בעל נפש איז מחמיר,

די מקומות אין אריזאנא ווי עס וואקסן די ווייץ איז מקומות שאין גשמים יורדין, און אויב עס רעגנט נישט אגאנץ יאר דארט קען נישט וואקסן נאטירליך קיין תבואה, איז לכאורה מער חידוש אז עס וואקסט אן קיין קעמיקעלס, אויב די האסט א לאגישן הסבר וויאזוי עס וואקסט אין מדבר ווייץ, פארצייל מיר דעם סוד אפשר קען איך מאכן וואקסן ביי מיר אין דיינונג רום אויך,

מצרים איז נישט קיין מדבר, עס באקומען וואסער דורך קאנאלן, אבער די האסט פארגעסן די פסוקים אז אין מדבר איז נישטא קיין וואסער, חוץ אויב דיין רבי האט פארשאפט דעם בארה של מרים וואס האט געגעבן וואסער אין מדבר, עס איז נישטא קיין סועץ קאנאל פון ווי צו מאכן יאורים אריין צו די פעלדער,

אפשר שטעלסטו אהער א מאפע פון דעם מקום ווי מען שנייט ווייץ ויבחנו דבריכם, אויסער דעם  טענה'ן די מערערים אז דער ערד פון מדבר איז נישט מקבל קיין צמיחה נאטירלעך, דעריבער מוז מען ניצן קעמיקעלס, אפילו אויב מען גיסט שוין וואסער,

די גאנצע רעדעריי דא איז פשוט פון בויך סברות

יעדער איינער וואס שרייבט דא קען טשעקן אויפ'ן כלי און זען אז דאס יאר האט באותו מקום ווי מע שניידט די ווייץ אראפ געגאנגען א שניי נישט נאר א רעגן,

אויף דעם פלאץ רעגענט פונקט ווי אין ארץ ישראל 2-3 חדשים און איינמאל אין א יובל א שניי

דאס איז נאר למציאות הדברים, לגבי שנאה שמקלקלת את השורה, לאז איך פאר תלמידי בלעם

פאקטן:
ו) ר' לויפער טענה'ט אז מ'באוואסערט די פעלדער מיט כעמיקאלן, צד מהר"א לייקנט.
2) ר' לויפער טענה'ט אז עס רעגנט דארט נישט, צד מהר"א לייקנט.
3) ר' לויפער טענה'ט אז די מצות זענען זאלציג, צד מהר"א לייקנט נישט (לכאורה)

מיינונגען:
ר' לויפער טענה'ט אז באזירט אויף זיינע פאקטן זענען די מצות לכה"פ חשש חמץ. צד מהר"א נישט מחולק מיט דעם, זיי האלטן נאר אז היות די פאקטן זענען נישט אמת, ממילא זענען אלע טענות מעיקרא ליתא. 

דעתי העניה:
אויב די פאקטן זענען נישט אמת איז דאך נישט דא וואס צו רעדן.
אויב די פאקטן זענען אמת, איז:
1) די זאלץ אישו איז לכאורה נישט מעלה ומוריד.
2) די כעמיקאלן ווי אויך די באוואסערן אישו, זענען לכאורה מאסגעבנדע סיבות פאר א אפגעהיטענעם יוד אוועקצושטיין דערפין

 

אויטענטיש. דער רבי ז"ל האט דאס נישט געוואוסט?