Al-Qaeda founder and leader Osama Bin Laden is dead, according to US media reports citing officials.

The US is in possession of Bin Laden's body, the reports say. President Barack Obama is due to make a statement shortly.

Bin Laden is top of the US most wanted list.

He is accused of being behind a number of atrocities, including the attacks on New York and Washington on 11 September 2001.

The al-Qaeda leader was killed in a mansion outside Islamabad in an operation based on actionable US intelligence, CNN reported.

זינט פרעזידענט בוש האט ארויסגעגעבן דעם פארארדענונג פאר איבער ניין יאר צוריק אפצורוימען דעם נומער איינס מענטשליכער שונא פונעם כדור העולם, האט אמעריקע געטאפט גראדע ווענט ווען עס האט געקומען צו פאקטישע שריט אז די וועלט זאל זיין ביל לאדען ריין.

פאר צוויי יאר צוריק האבן די אמעריקאנער ענדליך דערשנאפט אינפארמאציע אז בין לאדען געפונט זיך ערגעצוואו אין די באוואוינטע פאקיסטאן, נישט וואו מען האט געמיינט ביז דאן אז ער געפונט זיך אין די בערגיגע שבטים טיילן ביים אפגאניסטאן גרעניץ. אבער עס געדויערט ביז פארגאנגענעם אוגוסט למספרם צו באקומען עפעס ממשות'דיגע באווייזן פונעם ציל.

נאך לאנגע פארשונגען באנאנזאם מיט אינעווייניג אינפארמאציע וואס אמעריקע האט דערווישט, האט אמעריקע ענדליך געטאטעלט מיטן פינגער אויף א פארדעכטיגטער פעסטונג וואס איז געבויעט געווארן פינף יאר צוריק נעבן א מיליטערישער קאמפלעקס אינעם שטעטל באטאבאד, א פאר-שטאט פונעם פאקיסטאן הויפטשטאט איסלאמאבאד, וואס איז ארומגענומען מיט א מויער מיט שטעכל דראנט דערויף, און נאך צוימען וואס מען האט קלאר געקענט זעהן אז עפעס ערענסט ווערט דארט באוואכט. דערונטער איז נאך געווען מער אינטערסאנט פארוואס די איינוואוינער ברויכן פארברענען די מיסט, ווי איידער דאס ארויסשטעלן אויף די גאס צו אויפנעמען (אדער פארשפרייטן אויף די גאסן...) ווי אלע איינוואוינער אינעם געגנט.

ווען עס איז דעם פארגאנגענעם מערץ אלעס אויסגעקלארט געווארן וואס דארט גייט פאר, און פרעזידענט אבאמא האט שוין אפגעהאלטן ערענסטע מיטינגס וויאזוי א אקציע זאל אפגעהאלטן ווערן, האט די אמעריקאנער מיליטער אויפגעשטעלט א ספעציעלע העכט געהיימט גרופע פון ספעציעלע קרעפטן, אנגעפירט דורך סי.איי.עי דירעקטאר ליאן פאנעטא. אין א מיסיע וואס די מיליטער האט נישט מיטגעהאלטן קיינעם אויף דער וועלט, האט די גרופע די לעצטע וואך צייט פראקטיצירט ספעצילע מושטירונגען אין צוגרייטונג צום איבערפאל.

פארגאנגענעם פרייטאג האט דער פרעזידענט אויטאראזירט דעם אקציע מיט א באשטעטיגונג אז קיין חילוק טויט אדער לעבעדיג, אבער צוליב א וועטער קאנפליקט איז דער אקציע אפגעשטופט געווארן מיט א טאג. איבעררייסענדיג דעם אזוי באליבטן גאלף שפיל, האט דער פרעזידענט נעכטן נאכמיטאג זיך געזעצט צום טיש איידער די אקציע איז אריין אין קראפט.

היינט פארטאגס, אום 1:30 (3:30 נעכטן זונטאג ביי אונז אין ניו יארק) ווען די גאנצע געגענט איז געווען פארטיפט אין א טיפן שלאף, האבן פיר מיליטערישע העליקאפטער געקומען צופליען דירעקט פון אפגאניסטאן, און אנידערגעלאזט 40 פון די העכסט עליטע פונעם אמעריקאנעם מיליטער באקאנט אלס נעיווי סיעלס קאמאנדאס, געשטורמט די געביידע, און נאכדעם וואס דער ארכי טעראריסט האט זיך נישט געהאלטן ביים אונטערגעבן נאך א פארבעטונג, איז דער מערדער געשאסן געווארן אינעם געזיכט. כן יאבדו כל אוביך ד'.

אונטער פערציג מינוט איז די גאנצע אקציע געווען פאריבער, ווען קיין איין איינציגע פאטאליטעט האט זיך געפונען צווישן די אמעריקאנער (ווארום זיי האבן גאנץ זיכער נישט געווען אנגעטון מיט נאכט קליידער...) בעת אינעם פייער אויסטויש האבן זיי אפגערוימט דעם 24 יאריגער זוהן פון בין לאדען און על קאידא פירער האמזא, צוזאמען מיט נאך צוויי מענער און א פרוי וואס איז גענוצט געווארן אלס פאנצער. אזויווי די אקציע האט זיך אויסגעצאלט פי כמה, האבן די מיליטערלייט נישט פארלאזט קיין טרער בשעת זיי האבן בעפארן פארלאזן דעם ארט געברויכט פארניכטן איינע פון די העליקאפטער, ווען עס האט געוויזן מעכאנישע פראבלעמען.

אמעריקאנער פירער האבן ארויסגעברענגט זייער חסד של אמת, און האבן דורכגעפירט די הלוית המת לויט די איסלאמישער באהאנדלונג (כ'מיין, לויט וויאזוי מ'ברויך זיי צו באהאנדלען...), און נאכן נעמען באווייזן פונעם גרויליגן קערפער, האבן זיי דאס תיכף באגראבן אינעם זאלציגן (פונקטליך וויפיל מפ"מ ווייס איך נישט) ים (גיי גלייב זיי) נישט אנגעבענדיג קיין שום דעטאלן (זיי פארגינען נישט דעם ביזת הים), כדי די איסלאמער זאלן דאס נישט פארלאנגען. די די.ען.עי. טעסטן וואס זענען היינט ארויסגעגעבן געווארן (נישט ווי אויבן געשריבן) האט טאקע געוויזן אז דער שונא פונעם פרייען וועלט האט באקומען זיין פארדינטן סוף.

עס שטעלט זיך ארויס אז דער בילד וואס דרייט זיך ארום אויפן נעץ איז אן פאלשער בילד וואס דרייט זיך שוין ארום עטליכע יאר, און ביזדערווייל איז נאך אין דעבאטע אויב מיליטער זאל ארויסגעגעבן די בילדער פונעם קערפער. סיידן די בילדער פון די בלוט ים'ען צווישן די בילדער פונעם פאלאץ, האט אמעריקע נישט געוויזן קיין הארטע באוייזן (נו, רוף דעם לאבראטאריע!)

עס איז ערווארטעט אז די על קאידא גרופע וועט קרוינען דעם איצטיגן נומען צוויי פירער איימאן על זאווארי אלס ממלא מקום. (אויסער אויב עס וועט ארויסקומען א ווידיא קליפ פון אסאמא אז ער געפונט זיך נאך בתוכינו...)

אידן איבער די וועלט געבן אפ א שבח והודאה פאר'ן רבש"ע אז פון הימל האט מען צוגעפירט אז דער צורר היהודים אסאמא בין לאדען האט באקומען זיין פארדינטן ענדע. אין זעלבע צייט זענען ערליכע אידן מתפלל אז די אונטערצונדער פונעם פייער ליידער די וואס פארופן זיך אלס אידן באשיצער זאלן שוין אויך באקומען זייער פארדינטן סוף וכל הרשעה כלה בעשן תכלה, כי תעביר ממשלת זדון מן הארץ.

עס טוט זיך א היבשע צומישעניש און מיס-אינפערמאציע איבער דעם גאנצן געשיכטע אויף אן אויפן וואס מען געדענקט נישט אזויפיל באריכט קאנפליקטן זאל באנעצן די נייעס קוועלער. סיי אפיציעלע ווערסיעס, און אפגערעדט אנאנימע קוועלער וואו עס איז ממש א מציאה צו טרעפן איין נייעס וואס יעדע נייעס קוואל זאל באריכטן די זעלבע געשיכטע.

נעכטן האט די ווייסע הויז געמאלדן אז נאכן דן זיין בכובד ראש אויב מען זאל יא אדער נישט ארויסגעבן א בילד פונעם שרעקליכסטן פארשוין אויפן פלאנעט טויטערהייט - ווארום אמעריקע האט נישט געוויזן קיין שום באוויזן אז ביל לאדען איז טויט - איז געבליבן אז מען גייט דאס יא ארויסגעבן, אבער א שווארצע קאץ איז אינצווישן אריבערגעלאפן דאס ווייסע הויז ווען פרעזידענט אבאמא האט פריער געמאלדן אז דער בילד ווערט געלייגט צווישן די קלאסאפיצירטע דאקומענטן, און וועט נישט ארויסגעגעבן ווערן. (פונעם 'בזה' גלייב איך נישט אז ער מורא געהאט, קוקט אויס אז ער האט מורא פונעם 'בבא'. האב אייך נישט געווארנט אז דער אבאמא איז אן איסלאמער גלויביגער?...)

א באזונדערע לצנות גייט אן צווישן די מיניסטארן אויב מען האט דוקא יא געוואלט אומברענגן דעם באנדיט בשעת דעם איבערפאל, אדער איז דער באפעל געווען אז מען זאל אים פרובירן אים צו כאפן אלס לעבעדיגער. ערשטע באריכטן האבן געוויסט צו פארציילן אז מען האט אים לכתחילה געזיכט צו אומברענגן, גלייך דערמאך איז דער באריכט געטוישט געווארן אז מען האט אים נישט געזיכט צו הרג'ענען , נאר צוליב דעם וואס ער האט געשטעלט א ווידערשטאנד מיט א ביקס שטעלנדיג א לעבעדיגן פרוי אלס פאנצער פון פארענט, האט מען אים דערשאסן באין ברירה. נעכטן האט דער סי.איי.עי. דירעקטאר פארעפענטליכט אז דער באפעל איז קלאר געווען 'א טויטן בין לאדען'.

דערנאך איז דער באריכט וויאזוי די אקציע האט צוגעברענט בין לאדען טויט ווידער מאדיפיצירט געווארן. זיי האבן מודה געווען אז בין לאדען איז ניטאמאל געווען באוואפנט, די אפיציעלע פרוי פאנצער געשיכטע איז געווען אויזגעזויגן פון פינגער. איי פארוואס האט מען אים אונטערגעברענגט? ווייל ער האט "געוואלט" נעמען א רעוואלווער אדער אז ער האט זיך נישט געוואלט אונטערגעבן...

די פאקיסטאנער רעגירונג וואס האט גענומען די אלע הויז איינוואוינער נאכדעם וואס דער אמעריקאנער רעגירונג האט מיטגענומען מיט זיך די צוויי טויטע קערפער, האבן איבערגעגעבן פאר די פרעסע אז אסאמא'ס צוועלף יאריגע מיידל האט פארציילט וויאזוי די קאמאנדאס האבן געהאט א לעבעדיגן פאטער אונטער זייער האנט, און אים דערשאסן צום טויט בעפאר די פאמיליע.

אויך האט דער לאקאלער באפעלקערונג אוועקגעמאכט די אמעריקאנער אפיציעלע ווערסיע אז בין לאדין האט געוואוינט אין א מיליאן + דאלאר'דיגען "פאלאץ". זיי זאגן אז אפשר אצינדער איז דאס ווערט אזויפיל אלס היסטארישער הויז, אבער בעפאר איז דאס ווערט געווען מערסטענס א פערטל דערפון. "דער הויז איז ווערט מערסטנס צוואנציג מיליאן רופיס, אפשר פון די סעטלייט קוקט דאס אויס אלס מיליאן דאלערדיגער פאלאץ" האט א לאקאלער ריעל עסטעיט עקספערט ערקלערט. א וואל סטריט דזשורנאל רעפארטער וועלכער האט באקומען צוריט צום ארט, האט דאס ארפגעלייגט אלץ א שטראק נאכגעלאזטע הויז. קיין זכר פון עיר קאנדישאן, און שימעל באווייזט זיך ארום און ארום.

די אלע צומישטע באריכטן טוט אנפארבן די אמעריקאנער רעגירונג אלס נישט נאר אלס די וואס פארציילן בלויז דאס וואס זיי ווילן, נאר זענען אויך גרייט צו פארדרייען געשיכעס לויט זייער געשמאק. אזא מיס-אינפארמאציע סיסטעם בפני כל עם ועדה, קען ווירקן אויף דעם אז מען וועט קיינמאל נישט גלייבן ווען דער פאסטעך וועט די קומענדיגע מאל שרייען אז עס קומט א וואלף. און אויב עס איז ביז היינט נישט דא גענוג וואס גלייבן נישט אמעריקע מיט זייערע דערקלערונגען, וועט זיך דער ציפער זיכער הייבן.

די רעגירונג גיט איבער אז אין דעם פארכאפונג האבן זיי געפונען א גאנצער שלל פון אינפארמאציע אין פארעם פון קאמפיוטערס, הארט דרייווס און אנדערע סטארעדזש שטיקלעך, וואו זיי זענען געוואויר געווארן אז אסאמא אליינס איז נאך ביז היינט געזיצן ביים רידער, און ווייטער אנגעפירט זיין ארגאנאזאציע. די פאקיסטאנער רעגירונג גיט איבער אז דער הויז פארמאגט 13 שטיבער, און זיי האבן זיך געמיט צו אוועקטראגן צוויי באפעלאוס מיט א קי מיט 150 הינער.

שכנים ווייסן צו פארציילן אז די איינוואינער אינעם הויז האט שטענדיג אויסגעקוקט אביסל מאדנע, וועלכע פלעגן זיין מיינסטענס איזאלירט פונעם באפעלקערונג, און פלעגן לעבן מיט א באשיידענהייט, און כמעט גארנישט געהאט מיט קיינעם. זייער באשיידענהייט האט זיי קיינמאל נישט פארעדכטיגט אלס עפעס ספעציעל ווערט דארט באהאלטן, אבער עס איז יא געווען אינטערסאנט פארוואס זיי האבן כמעט קיינמאל קיינעם נישט אריינגעלאזט אינעם הויף. ווען עס פלעגט אריינפליען אינעם צוים אן אומשולדיגן טאבע פון א קינד, פלעגט דאס קינד באקומען געלט צו קויפן א נייע ווי איידער אים ערלויבן דאס ארויסצונעמען. אבער אויף קיין שום פאל האבן זיי נישט גע'חלום'ט וועלכער טעראריסט וואוינט אין זייער בעקיארד.

פארשטייט זיך, אין א לאנד וואס דרייט זיך אלעס ארום פאליטיק, האט דער דאזיגער געשיכטע דאס אויך נישט פארמיטן. די געוועזענע בוש אדמיניסטראמיע באאמטע זענען אביסל אנטוישט אין באראק אבאמא פארן נעמען דעם פולן קרעדיט פאר זיך אין זיין אויפטריט פארן פאלק זונטאג אויפדערנאכט, אין די צייט וואס די בוש פאליסיס, די פאליסיס וואס אבאמא פערזענליך און אלע דעמאקראטן האבן קריטיקירט, האבן אנגעהויבן צו ציען די פעדעמער צום מייסטער טעראריסט טיף אין פאקיסטאן. ליאן פאנעטא, דער סי.איי.עי. דירעקטאר, טענה'ט אז מען וואלט מעגליך אויך ארויסבאקומען אינפארמאציע פונעם שליח אן קיין צוואנגס מיטלען וואס די דעמאקראטן האבן שארף פארדאמט אין זיינערצייט. ווידעראום דער געוועזענער פארטיידיקונג סעקרעטאר דאנאלד ראמספעלד דערקלערט, אז די וואס זאגן אז די צוואנגס מיטלען האבן נישט געהאלפען, קענען פשוט נישט קוקן דעם אמת אין פנים אריין. אבער דאס איז זיכער אז די דעמאקראטן וועלן נישט אזוי נאכאמאל קריטיקירן די רעפובליקאנער טעראר פאליסיס.

איבער פרעזידענט אבאמא פרעזענליך איז ערווארטעט א שטארקע שוואונג צו זיין ריכטונג, נאכדעם וואס ער האט געוויזן פאר אמעריקאנער אז ער איז אינגאנצן נישט אזא שוואכלינג ווי מען האט אים אראפגעלייגט. מען ערווארטעט א 13-15 פראצענטיגער שפרונג אין זיין צופרידענהייט ראטע, און טייל שלאגן גאר פאר ביז פינף און צוואנציג פראצענט, טראצדעם וואס די ערשטע אנקעטעס האבן נישט געגעבן אזעלכע שטארקע ציפערן.

כדי אנצוהאלטן דעם מאמענטום, פלאנט פרעזידענט אבאמא א באזוך ביי גראונד זערא מארגן דאנערשטאג. אין א פראבע צו פראקטיצירן אומפארטייאישקייט, האט דער פרעזידענט אויך איינגעלאדענט דעם געוועזענעם פרעזידענט בוש. זייענדיג איבערגענומען פון די לעצטע קריג קעגן בילדער וואס האט זיך אנגעהויבן פארגאנגענעם מוצש"ק, האט בוש צוריקגעוויזן דעם פארלאנג, און געלאזט וויסן אז ער פלאנט דארט צו זיין ביין צענטן יארטאג קומענדיגן סעפטעמבער דער עלעפטער.

די פאליטישע ווינט אין אמעריקע האט זיך ווי איבערנאכט געגעבן א דריי פונעם עקאנאמישן פראנט, אריבער צו אויסערן פאליסי. אין די ערשטע דעבאטע פונעם רעפובליקאנער פריימערי וואס וועט אפגעהאלטן ווערן מארגן נאכט אין דרום קאראליינע, וועט אויסערן פאליטיק גאנץ ווארשיינליך שפילן א הויפט ראלע.