מוסד הק' נטרונא ווידער מקיים דעם "מקדש שם שמים בגלוי" 

דער הייליגער און ברייט-בארימטער מוסד נטרונא איז אין די טעג אריינגעשפרונגען אין א קאסטבארע אונטערנעמונג פון לופטערן טייערע ראדיא מעסעדזשעס אויף די גרעסטע מידיא נעטווארקס איבערן לאנד, אויפצוקלערן קבל עולם ומלואה אז מיר זענען יא געטרייע בירגער! וואס זענען מקיים דעם דרשו את שלום העיר, און נישט חלילה קיין פאררעטטער און מתגרים באומות.

בייגעלייגט איז א לינק צו הערן די רעקלאמע וואס לויפט אין די טעג.

דער נוסח פונעם רעקאלמע איז פראפאסינעל אויסגעארבעט געווארן דורך מומחים אויף דעם געביט, און איז באזירט אויף די עצת החכם הזקן – די ווערטער פון רבינו הקדוש זי"ע בעל דברי יואל, וואס ער האט געשריבען אינעם בריוו, פארן פרעזידענט פון מאראקא.

ווי פארשטענדליך זענען די 'מינוטן' רעקלאמעס אויף די ראדיא סטאנציעס גאהר טייערע אין אזעלכע היציגע וואל סעזאנען, ובפרט יעצט ווען עס איז 90 סעקונדעס, און וועט אויך געהערט ווערן אן-ליין ביי די וועב-זייטעל פון WABC נייעס אגענטור וואס האט מיליאנער באזיכער טעגליך.

אבער צו די זעלבע צייט טראגט דאס א דאפלטע ווערד, צוליב וואס די מעסעדזשעס וועלכע לויפן אינצווישן די אנדערע פאליטישע וואל פראגראמען וואס ווערן אויסגעהערט דורך א פילפאכיג גרעסערער ציפער פון צוהערער וואס זיצן צוגעשמידט, און ברענגט ווי פארשטענדליך א ברייטערן אפקלאנג און שטארקערן פארשפרייטונג פון די מעסעדזשעס.

און נאך מער, יעצט מער ווי אלעמאל, זענען אויגען פון די נאציענאלע פרעססע געוואנדען צו די אידן פון ברוקלין, וואסערע מעסעדזש זיי שיקן פארן פרעזידענט, אין אנדערע ווערטער ווערט דאס באטראכט, ווי א רעפערענדום פון ארטאדאקסישע אידן אין ניו יארק סיטי, צי זיי זענען גענוג צופרידן פונעם פרעזידענט'ס געטריישאפט פאר איזראעיל, און צו אידן זענען גרייט איבער צו לאזען זייערע אייגענע פערציפן, [זייענדיג מייסטענס דעמעקראטיש געשטימט] צו דערלאנגען פארן פרעזידענט א פארציע.

דבר בעיתו מה טוב- עס אייביג שווער אריינצורוקען דעת תורה הצרופה אין די מידיא, איינע פון די טעמים איז, ווייל די דשורנאליסטען זיכען דייקא "דברים העומדים על הפרק" ברענענדיגע אקטועלע נייעס, בפרט פון מענטשען הקרובים אל החלל, – אבער – ביי די היציגע ברוקלינער וואלן פארמעסט – זאגען אלע פובליק רילעישאן עקספערטן – האט דאס אלע כללי הפירסום, זייענדיג א ברוקלינער ארגענזאציע פון ארטאדאדאקסישע אידן – וואס אט דאס וויל מען יעצט הערן, ממילא איז דאס א גאלדענע געלעגנהייט, וואס לאו כל יומא מתרחש, אז עס זאל בעז"ה אויפגעכאפט ווערן ביי די פרעססע און האבן א מעכטיגען אפקלאנג, סיי די פרטיות'דיגער מעסעדזש איבער די וואלן, און סיי די כלליות'דיגער מעסעדזש, דעת תורה הצרופה וואס איז נוגע פאר די יו-ען אפשטימונג סעפטעמבער 20.

אלזא טייערע אידן, יעצט רעדט מען אין אייער נאמען! יעצט וויל די פרעססע הערן וואס איר האט צוזאגען! נטרונא איז יעצט מפרסם וואס איר ווילט עס זאל געהערט ווערן, קאלט ביטע יעצט אריין מיט איייער באשטייערונג פון 550 לזכות פאר איין מינוט רעדיא –

קאלט אריין די נטרונא קאמפיין נומער אויף:

718-887-9339

אגב, איז כדי אנצומערקען אז די מינוט'ן ראדיא קאסט אונז פיל מער ווי די אויבערדערמאנטע סכום, אבער מיר האבן יעצט פארשאפט א נדבן – וואס קומט אקעגן מיט די נויטיגע פאנדען, פאר יעדע מינוט – וואס ווערט פארשאפט- נעמט אין באטראכט, די מצוה איז יעצט א דאפעלטע, די חשובע נדבה, ווי אויך די גדול המעשה יותר מן העושה.

-ברוך מקדש שמו ברבים – וזכות הרבים תלוי בכם!-

צבי, איך דארף ב"ה נישט "ארויס"גיין צו די היימישע וועלט, און אויך נישט צו די מאדערנע, איך בין דארט ב"ה. און איך בין מחולק מיט דיר אין מציאות. דאס רעגט אויף דירעקט נאר אזעלכע מענטשן וועלכע האבן א "ציוניסטישן" נייגונג צו די מדינה. פאר די וועלכע האבן דאס נישט, נאר זיי זארגן זיך פארן וואוילזיין פון די אידן וועלכע וואוינען דארט היינט, רעגט דאס נישט אויף. ספעציעל די יעצטיגע אנאנס - וועלכע איך האף אז דו האסט אויסגעהערט פארן שרייבן דערוועגן - איך האב געהערט פונקט פארקער פון אסאך אידן וועלכע שטייען גאר ווייט פון סאטמאר.

הייליג