גענומען פון "בחצרות סאטמאר" נייעס:
"אלף" תלמידי ישיבה גדולה ד'סאטמאר בלעיה"ר עפענען זמן החורף מיט גרויס הצלחה בס"ד
נעכטן – מאנטאג האבן זיך בשטומ"צ געעפענט די סדרי הישיבות אינערהאלב די ישיבות הגדולות ד'סאטמאר אין ניו יארק מיט א גרויס הצלחה און התחדשות בס"ד.
די 98 תלמידי ישיבה לצעירים אין וויליאמסבורג - בהנהלת הרה"ג ר' מרדכי זאב וואזנער שליט"א בן הגאון ר' חיים וואזנער שליט"א בעל שמחת הלוי, האבן בס"ד דשמיא געעפענט דעם זמן החורף מיט גרויס הצלחה, ווי מען לערנט שיעור עיון מס' בבא מציעא, און ביי דעם סדר הלימודים פארטאגס גיט הגה"צ אב"ד דקהלתינו שליט"א א שיעור אין הל' שבת.
די 30 בחורים פון כיתה צעירים שע"י ישיבת היכל התורה האבן דעם זונטאג אנגעהויבן דעם זמן ברוב סייעתא דשמיא ווי מען לערנט מס' קידושין אין שיעור עיון.
די 218 תלמידי ישיבה גדולה – סניף דברי יואל – בהנהלת הרה"ג ר' דוד שלמה עקשטיין שליט"א, האבן נעכטן אנגעהויבן דעם זמן ביתר שאת ווי מען לערנט שיעור עיון מס' חולין, חוץ די חבורות פון שו"ע באו"ח ויו"ד.
די 218 תלמידי ישיבה גדולה – סניף ברך משה – בהנהלת הרה"ג ר' יעקב ווייס שליט"א האבן בעזהשי"ת מתחיל געווען דעם זמן הלימוד נעכטן ווי דער לימוד פון שיעור עיון איז אין מס' כתובות, חוץ די חבורות פון שו"ע באו"ח ויו"ד.
די 227 תלמידי ישיבה גדולה – שיעור ג' – בהנהלת הרה"ג ר' לוי יצחק בארזעסקי שליט"א, האבן בס"ד נעכטן אנגעהויבן דעם זמן החורף ווי מען לערנט מס' חולין אין שיעור עיון, חוץ די חבורות פון שו"ע באו"ח ויו"ד.
די אריבער 126 תלמידי ישיבה גדולה - שיעור ד' האבן היינטיגן טאג בעזהשי"ת אנגעהויבן דעם זמן ווי מען לערנט מס' חולין אויף שיעור עיון, און איין חבורה לערנט שו"ע יו"ד ח"ג, חוץ פון די חבורות פון שו"ע הל' שבת און חבורות מס' הוריות ומס' מנחות.
די 84 תלמידי ישיבה גדולה ויואל משה בארא פארק – בהנהלת הרה"ג ר' חיים יעקב רובין שליט"א אבד"ק ציעשנוב האבן דעם מאנטאג אנגעהויבן דעם זמן בעזהשי"ת, ווי מען לערנט מס' בבא מציעא פרק שנים אוחזין אויף שיעור עיון, חוץ דעם שיעור אין שו"ע הל' בשר בחלב.
-והעמידו תלמידי הרבה-
•♦•
