צו מיינע טייערע ברודער אחים לדעה.
איך זעה אז עס טוט ענק וויי וואס איך האב געשריבן קעגן אלטא פיגא, וויל איך קלאר מאכן וואס איך האב געשריבן, און וואס איך האלט און גלייב באמונה שלימה.
איך בין אויפגעוואקסן מיט די אמונה אז איינער וואס קען וויי טוהן א תלמיד חכם, מצער זיין ווען אומער, רודפן עד זוב דם, קען א צדיק און א מוסטער "נישט" זיין. זאלן זיי זיין די גרעסטע בעלי חסד, דאס גיבט זיי אבער נישט קיין רעכט צו פארשעמען די תודה ולומדיה. אביגדור למשל, איך ווייס פון אסאך מעשיות וואס ער האט ארויסגעהאלפן פריוואטע מענ טשן, דאס מאכט אבער נישט אוועק זיינע מעשים וואס ער האט געטוהן קעגן דעם רבי'ן בעל ברך משה ולהבדיל בין חיים לחיים דעם רבי'ן שליט"א. אזוי ווי איך גלייב אין שכר ועונש, גלייב איך באמונה שלימה אז עס איז דא א פלאץ אויבן אין הימל פאר אזעלכע מענטשן ווי אביגדור און אלטא פיגא.
אויף די אלע וואס שרייען אז מען דארף דן זיין לכף זכות און מען טאר נישט רעדן קעגן איר ברבים, עס איז דא דערויף א שיינע מעשה פונעם הייליגן שינאווע רב זי"ע: דער שינאווע רב איז אמאל געגאנגען צו א משפחה קרוב אויף א וויזיט, אנקומענדיג אהין האט ער געזעהן ווי אזוי די בעל הבית'טע גייט מיט א שייטל, האט ער זיך זייער צובייזערט און ער האט זייער באוואשן דערויף ברבים אויף גאס. האט זי ברוב חצפתה זיך אנגערופן: היתכן דו פארשעמסט מיר ברבים, זאג מיר עס שטילערהייט אין שלאף צומער. האט דער שינאווע רב גענטפערט: ווי גייסטו מיט דיין שייטל? אין שלאף צומער אדער אויפן גאס? איך בין נישט געגאנגען פארציילן פאר מענטשן אז דו גייסט מיט די שייטל, איך האב דיר אנגעשריגן פאר די מענטשן וואס זעהן דיר מיטן שייטל.
די זעלבע דא ביי אונז, איך בין עפעס געקומען פארציילן נייע מעשיות אויף אלטא פיגא? דירעקט נישט, איך האב סך הכל פארציילט מיינע געפילן און הרגשים אויף א פאקט וואס יעדער דא ווייזט און קיינער לייקענט עס נישט.
זי האט פערזענדליך מצער געווען דעם רבי'ן,
זי האט פערזענדליך וויי געטוהן בשעט נפש דעם רבי'ן,
זי האט פערזענדליך געשיקט מענטשן זאל רודפן דעם רבי'ן ווען אומער,
זי האט פערזענדליך מיטגעהאלטן די אלע רשעות און רדיפות פון וואס דער רבי האט זיך צוזאמגעליטן.
(פארשטייט זיך איך רעדט פונעם רבי'ן בעל ברך משה זי"ע און רבינו שליט"א)
נארוואזע דען? מיר האבן זיך אלע יארן געשעמט דערמיט, און נישט גערעדט דערפון, עס איז היינט א צייט שוין וואס עס איז גענוג, מ'מעג שוין ארויסנעמען די שמוץ פון אונטער דעם קארפעט. גענוג אונטערגעווישט. יא! עס איז ליידער א פאקט אז דער רבי בעל דברי יואל זי"ע איז געווען ארומגענומען ווי די פסוק זאגט שוין: סבבנו כלבים רבים, ער האט געהאט אסאך הינט ארום זיך, זיי האבן זיך נישט אפגעשטעלט פון גארנישט צו רודפ'ן מענטשן וואס זיי האבן זיך איינגערעדט אז עס שטייט זיי אין וועג, קודם האבן זיי געהייסט די רביצינ'ס מענטשן, דערנאך האבן זיי געהייסן בני יואל, און היינט מיט זייער פרישע נאמען בעלי נועם מידות. אוי האט מען געליטן פון זיי, און ב"ה זייט תשל"ט ווערט מען מער און מער פטור פון זיי, מיינע אינגערע קינדער לערנען מער נישט מיט זיי אין די מוסדות, אן עקסטערע ביה"ח, א עקסטערע מקווה, א עקסטערע שחיטה וכו' וכו', איך וויל זיי נישט קענען און נישט הערן פון זיי.
אבער זיי זענען נישט צופרידן דערמיט, כל זמן סאטמאר האט אן המשכה, כל זמן וואס איך שטיי שמחת תורה ווי א סארדין שעות על גבי שעות צו קענען זעהן דעם רבי'ן בעבודת הקודש, כל זמן וואס איך ווארט שוין אויף שבת צו קענען פארציילן ביי די סעודה וואס איך האב היינט געזעהן אין שוהל אינעם קול התאחדותינו, כל זמן וואס דער רבי שליט"א גייט אן בעבודותו, דאס האלטן זיי נישט אויס, און פראבירן צו טוהן וואס מען קען נאר דאס צושטערן, אבער ב"ה מיר האבן צוויי רבי'ס אויבן אין הימל וואס ארבעטן זייער שווער אז סאטמאר זאל ווייטער בליען און שטראלן, שרייען די בני יואל: אוי ווי מ'רודפט!! מיר זענען נרדפים!!! לאמיר ענק זאגן א קליינע סוד, נישט זיין ביים שיסל הייסט נישט קיין נרדף, עסן די קאשע וואס מ'האט אליינס געקאכט, הייסט נישט קיין נרדף. סטאפס מיט די נאן סענס.
און פאר די אלע בני יואל וועלכע רייסן זיך איצט קריעה, אז מ'האט לא עלינו ולא עליכם, השם ירחם גערעדט אויף אלטא פיגא וועלכע האט געטוהן אזוי סאך חסד פאר אידן און פאר סאטמאר.
לאמיר ענק ענטפערן זייער קורץ, אונזער רביצין תליט"א שטייט נישט ווייט (אפשר גאר מער לויט די היינטיגע מעגליכקייטן) צו העלפן פאר יעדע איד, נישט קיין חילוק קרייז, חסידות, אפשטאם. אין אלע הינזיכטן, א ריכטיגע מוסד של חסד דעפירט אדורך איין מענטש. צו האבן ענק זיך "איינמאל" צוריקגעהאלטן פון רעדן קעגן איר "איין" ווארט צוליב אירע מעשי חסד? א נעכטיגן טאג. פלוצלינג יעצט ווערט אן איבערקערעניש.
און אלטא פיגא האט געבויעט סאטמאר? ענק לאכן נישט ווען ענק שרייבן דאס? ווער נאך האט זייט תשל"ט פראבירט אזוי חרוב צו מאכן סאטמאר ווי איר מיט אירע מענטשן?
במילא מיינע טייערע ברודער, עס דארף ענק נישט וויי טוהן וואס איך האב געשריבן. אודאי מעגן ענק האלטן אנדערש (פרעגטס ענק אבער גוט נאך פארדעם וואס ענק אטאקירן), אבער פון דא ביז די איבערקערעניש איז זייער א ווייטע וועג.
ייש"כ
ריפל
