מיט א ניכטערן בליק: אנאליזן און אפהאנדלונגן וועגן בעלזא - סאטמאר

איך עפן דעם אשכול זאל ביטע זיין פריי פון וויצן, און נארישע הערות אויף די בעלזא - סאטמאר סומטאכע. בלויז ערוואקסענע און נארמאלע אנאליזן זאלן דא געשריבן ווערן און דעבאטירט ווערן. ‎​
 
אדאנק

א אנדערע אנאליז, ערהאלטן אין אימעיל ‎​
 
‫ 1.    מצד סאטמאר, איז עס א "בזיון נורא" און "ליצנות גדולה". ווען ראובן איז מוציא לעז אויף שמעון באופן מבהיל, און איז גורם פאר שמעון בזיונות, מיט נאך שאדנס, צי געלט, כבוד, א.ד.ג. שמעון ווערט נעבאך נפטר, ראובן ווערט אויך עלטער, און וויל חוזר זיין ממעשיו הרעים, גייט ראובן מיט ביטערניש צום קבר פון שמעון, און בעט אים מחילה. משא"כ ווען בעלזא רב דרוקט זיך אויס מיט חוצפה אויפן רבי'ן זי"ע, האט ער נאר "זיך" מבזה געווען. ער האט פוגע געווען בין אדם למקום בלויז!! ער האט נישט פארשעמט, און נישט פוגע געווען, און נישט געמאכט קיין שאדן כל שהוא, נישט פארן רבי'ן זי"ע און נישט פאר קיין שום זאך וואס האט שייכות מיטן רבי'ן. ער האט "זיך" מבזה געווען, ועל כולם האט ער זיך מתחצף געווען, און גערעדט אויף קדושי ארץ שוכני עפר וכו' וכו'.  אויב וויל ער טאקע תשובה טאן, זאל ער זיך פארנעמען מער נישט צו רעדן אויף קיין צדיקים, זיך מאכן געוויסע סיגופים אינעם ענין פון דיבור, און פארשטייט זיך צוריק ציען פון זיינע דיבורים (וואס דאס האט ער שוין טאקע געטאן).‬ ‬ ‫ ‎​
 
2.    מצד בעלזא איז עס א טפשות איום ונורא! דאס איינציגסטע וואס איך קען אויף דעם זאגן, אז פון הימל פירט מען אים דא אריין אין א בלאטע אלס אן עונש, בבחינת כל המחלל ש"ש  ... נפרעין ממנו בגלוי. גיי פארשטיי וואס פעלט אים דאס אויס? קודם כל, (ס'איז שווער אויסצושמועסן) אבער אן אונגארישער איז אן אונגארישער... און די נייע סאטמארער מעסעדזש יוכיח �-444-9899*220‬  ער פליט שוין אריין אין התבדלות, און אין די אלטע בעלזא שיטה... איך זאג ענק דאס איז א פלאנטער אן קיין וועג ארויס. ‎​
 
והשנית, וואס פעלט דיר יעצט? וואס גייסטו שוין מרוויח זיין?? צו וואס זאל מען יעצט פריש ארויסנעמען דיינע אלטע חטאים, דו האסט שוין היינט צו טאגס צוויי גאנצע דורות וואס הויבן ניטאמאל צו וויסן וועגן א תש"מ אדער תשמ"ב מערכה, גייסטו יעצט עפענען א שאכטל מיט ווערים?? איך זאג נאכאמל אין זה כי אים אן עונש פון הימל, אז צו זיינע עלטערע יארן, אנשטאט וואס ער זאל עס האבן בכבוד, דהיינו, אהערגעשטעלט א חסידות איינס אין דער וועלט, מיט אלע אלע אלע פיטשעווקעס און צוגעהערן, בכל קצוי תבל, אמעריקא, קאנאדא, אייראפע, און ארץ ישראל, און איז אויסגעוואקסן א חסידות וואס יעדער שעצט, און אפילו ער אליין איז שוין היינט א היבשער נשוא פנים, רעדט ווייניג, באווייזט זיך ווייניג, אנשטאט דעם, גייט מען יעצט פריש אויפוויקלען אלטע חטאים עוונות ופשעים, למען ידעו דור אחרון... ‎​
 
און גיי פארשטיי פארוואס??? ‎​
 
איך וויל מוסיף זיין נאך א פונקט: ווען יצחק לייב וויינגארטן איז ארויף מיט א מנין צום ציון פון ברך משה'ן מפייס זיין, האט עס געטראגן פיל מער אן ערנסטן כאראקטער, ווייל עס איז געווען ערנסט. דא פילט יעדער, אריינגערעכנט די בעלזאים אז עס איז א שפיל. זיי ווייסן נאר נישט וואס דער שפיל באדייט. זיי פרובירן דאס צו פארוואנדלען אין א קידוש השם. נו, דארף מיין מח שטימפיג ווערן דאס אפצוקויפן. ‎​
 
ווער געדענקט דעם בריוו פון וויזשניצער רבין פון מאנסי וואו ער בעט איבער דעם רבי'ן דער ברך משה זצ"ל?! דאס האט אויך געטראגן אן ערנסטן כאראקטער. א בריוו געשריבן בכתב ידו, אן קיין פאמפע דעראמפע, אן קיין בילדער, און אפילו נישט קיין קאפיעס פונעם בריוו. אזוי ווי אן ארגינעלער פיוס גייט צו. נישט קיין געקונצלטע "מעמד" בקשת מחילה. און ער האט געהייסן דאס אויפהענגען אין די וויזשניצער בתי מדרשים ווען עס איז איבריג צו זאגן ווי ווייניג דאס שמעקט פאר א חסידות.

פארוואס טאקע האט קול סאטמאר געטוישט די נעכטיגע מעסעדזש?

מען האט טאקע גערעדט דא אזוי

אז קול סאטמאר האט אראפגענומען אפאר ווערטער פון די בעלזע נייעס

אפאר ווערטער וואס איז נעכטן געווען איז אראפגעשניטן

האב איך געהערט אז ווייל סאיז געווען צו שטעכעדיג קעגן בעלז

(זיי האבן געוואלט ווייזן אז בעלזא און סאטמאר זענען נאכנישט מחתנים.....)

און מען האט געטענהט אז ווען יענער טוט אזוי ווייט זיך משפיל זיין אפילו ער איז ווייטער א ציוני שטעכט מען נישט צוריק יעצט מיט אזא מעסער

דער עולם איז זייער צופרידן געווען פון די מהלך

א יונגערמאן קומט מיר יעצט פרעגן שטילערהייט : וואס איז באמת דער פראבלעם מיט ציונות היינטיגע צייט ??? 

נא האב איך אים געמוזט מסביר זיין פון אנפאנג אז דע רבי איז מבאר אין ויואל משה אז בחירות (ווער רעדט נאך פון די שבועת אמונים וואס מ'שווערט פארן ווערן א חבר כנסת) איז א רעדע פון עבודה זרה ממש אזוי ווי אמאל זיך ביקן צו א געשטאלט.   פרעגט ער מיר: פארוואס ? און איך מוז עם מסביר זיין וועגן די שלש שבועות, אייגענע געזעצן געמאקראטיע חוץ חוקת התורה,     אז ווען קיינער גייט נישט וועלן איז נישט דא קיין רעגירונג, צו אפילו אויב יא אבער מיטן גיין וועלן נעמסטו א חלק וכו'. און איך שטיי און איך טראכט צו מיר: רבוש"ע ער איז דאך א סאטמערער יונגערמאן , איבער 30 יאר ,    ווי קען מען זיין אזא ליידיגער קאפ ??    

די תירוץ איז די חינוך פון מאנארא ישיבה די לעצטע 20 יאר.    זיי ווייסן נישט קיין חילוק פון די איסור וואס דע רבי האט געזאגט וועגן גיין צום כותל (פשוט זיך נישט מיטצופרייען און ווערן א חלק מיט זייערע נצחונות און התגרות באומות) און גיין צו די בחירות.......        ווייסן נישט קיין חילוק צווישן די מחלוקה מיט מתחברים לעבודה זרה און די מחלוקה מיט רבינו שליט"א.   ווייסן נישט קיין חילוק צווישן די הולכים לבחירות און דער משוגענער ליובאוויטשער וואס איז געוועזן בעצם קעגן דעם רעיון הציונות (כידוע איז ער געווארן אויס נשיא פון זיין אייגענע ישיבה תומכי תמימים וועגן מ'האט געמאכט דארט א מי שברך פאר די מדינה)אבער האט געכאפט א שגעון וועגן שלימת הארץ אז מ'טאר נישט געבן שטח פאר די אראבער. און ער האט געליטן אויף א מחלה פון אהבת ישראל אז מ'טאר נישט רעדן אפילו אויף רשעים ממילא האט דער בהמה גערעדט אויפן רבי'ן   (היינט זענען זיי בעצם אסאך מער צויניסטיש געשטימט).     דע קעפ זענען "ליידיגע הארדרייווס".   און מ'ווייסט נאר 1 זאך אז "דער רבי/אהרן" וויל אזוי ממילא איז שוין נישט קיין חילוק צווישן שחיטה מתחת,ציונות,רבינו שליט"א,אריזאנע ווייץ,     מיט די תורה האט עס נישט קיין שום שייכות.     אלעס דרייט זיך ארום דעם רבי'ס/אהרן'ס ווילן [לייען:טעיסט] און מ'טראכט בכלל נישט אז דע גאנצע איידיע פארוואס ס'איז דא אזא זאך ווי "רבי'ס" ביי כלל ישראל איז אז זיי זאלן לערנען תורה מיט כלל ישראל.

דער עצי חיים האט אמאל געזאגט אז דער חילוק צווישן זיינע חסידים און אנדערע איז אז ווען 2'טער רבי וועט עסן חזיר און וועט מען זאגן אז דער רבי איז משיח און דער חזיר איז דער שור הבור.   און אז איך וועל עס טוהן וועט מען זאגן אז דער חזיר איז א חזיר און דער רבי איז אפגעפארן.     וואס רביה"ק האט "שטענדיג" מורא געהאט איז אז דע רבי'ס וועלן אפפירן כלל ישראל פון וועג

ווייל די חסידים וועלן האלטן דער רבי'ס פאר אפגעטער. היינט דארף מען שוין ניטאמאל האלטן אז דע רבי איז א אפ-גאט.      ס'איז פשוט אזא מין "סעלעברעטי" זאך. ווייל אויב האט עס סייווי גארנישט מיט די תורה איז דאך גוט עניטהינג.        

לדעתי העני' האט אהרן יעצט באוויזן וואס דער בעלזער האט באוויזן בימים ההם.
דהיינו:   נעמען א גאנצע עדה קדושה וואס שטאמען פון אמת'ע קנאים און זיי מעביר זיין פון זייער דרך פשוט ווייל "זיי פאלגן בלינד זייער רבי/אפגאט/סעלעברעטי דער בעלזער מיט בחירות,מינות,    און אהרן מיט "התבדלות" וואס איז ביי אונז א זאך וואס איז די ערשטע סטעפ אריין אינעם שמעלץ טאפ פון מינות.    און ווער ווייסט ווי ווייט ער וועט גיין.      ס'איז נישטא קיין עצה נאר זיך צו זעצן און לערנען מיטן נייעם דור די אלף בית פון ויואל משה ווי רבינו שליט"א פאדערט אלץ אויף.   ווייל איך זעה בחוש אז די אהרונים האבן א השפעה אויף אונזער יוגנט היל"ת.

רבותי! גייטס אהיים צו ענקערע קינדער און פילטס זיי אן די קעפ פאר זיי ווערן אויכעט אומוויסנדע אהרונים.

לאנצוט, יעדער פארשטייט דיין ציהל, און דו דארפסט דאס נישט האלטן אין איין חזר'ן. דו פרובירסט אראפצומאלן דעם ר' אהרן טייטלבוים פאר א מורא'דיגער שלחן ערוך איד, א איד וואס וועט נישט טון קיין שום זאך אויף דער וועלט אויב דער שלחן ערוך שטומט נישט מיט דעם, און מיט דעם בארעכטיגן זיין גיין באזוכן דעם בעלזער, ווייל לויטן שולחן ערוך איז דאך שוין שלום מיט בעלזער.
 
האט שוין איינער פריער ערווענט דא אזוי, דאס וואס דו בוסט ביזי מיטן שולחן ערוך אז מ'דארף מפייס זיין הא תינח ווען ס'איז א מחלוקה צווישן ראובן און שמעון, שמעון גייט איבערבעטן ראובן לאחר פטירתו מיט מנין איז דא א פיוס. איז דער בעלזער האט מען מפייס געווען פארן רעדן אויפן רבי'ן זי"ע. אבער דער ברך משה האט דאך געהאט נאך א פראבלעם מיטן בעלזער און ער האט דעמאלס געשריגן און פארפירט ביי שלש סעודות תורה אז די בעלזער זענען ווי די רעפארמער, זייער פלייש איז נבילה, זייער הכשר איז ווערט ווי א שטאפער אויף א פלעשל. מ'שטיינס געזאגט אז דעם גאנצער בעלזערס השקפה איז חזיר טרייף, טא וויאזוי פארענטפערט ר' אהרן דאס?

אויף גור אדער וויזניץ האט דער ברך משה קיינמאל נישט געזאגט אז זיי זענען רעפארמער, אפילו זיי גייען צו בחירות און נעמען געלט, אבער אויף בעלזא יא (און דאס איז נאך געווען פארן רעדן אויפן רבי'ן ז"ל)!