נייע! קונטרס הפרד נא - בענין בעלז מחילה

http://ow.ly/d/uPI

תוקן על ידי קנאקעדיק ב- 10/02/2012 04:17:29

ר' ב. שווארץ פון וויליאמסבורג וועלכער איז אין תשמ''א ארעסטירט געווארן פאר'ן אריינטראגען א שטינק באמבע אין זאל אין בארא פארק וואו דער בעלזער רבי האט געפראוועט א גרויסן שבת שקלים - דער זעלבער ר' ב. שווארץ פירט יעצט אן א האטליין קעגען בעלז.

טייערער ר' ב. שווארץ , דער באן איז שוין לאנג אוועקגעפארן.

דער באזוך גייט צושטאנד קומען , און עס וועלן אי'ה נאכפאלגען באזוכן פון אנדערע אדמורי''ם ורבנים ביים בעלזער רבי'ן.

אויב איר האט איבעריג געלט און צייט קענט איר פארזעצן מיט'ן האטליין. עס וועט אבער גארנישט משנה זיין.

דער קונטרס איז ממש געוואלדיג אפשר די נאמען איז אביסל צו עקסטרעים אבער די תוכן איז געוואלדיג קלאר און הונדערטער אידן וואס האבן נישט יורד געווען לדעתו פון רביה"ק זי"ע האבן זיך אויסגעקלארט אין ריכטיג קנאות ווי ער ברענגט דארט דעם חת"ס אז דער מלחמה אין אידישקייט רעגן די נעלאגען איז נישט קיין מלחמת אדם באדם 
ווער רעדט נאך אז דא האט ער איבערגעבעטן מיט אזא השפלה עד למאוד געשיקט 10 שענסטע דיינים און דער גבאי האט געזאגט דברי חרטה מיט אזא בזיון אישית וואו איז דא גערעסערע רשעות ווי יעצט מבזה זיין מער ווי ביז יעצט בפרט מיט הענגען די אלטע קול קורא
 פון די אנדערע זייט הער איך אז טראץ וואס ספארשטייט זיך אז די חומה בעניני דת בלייבט די זעלבע פאר א באזיך ווי נאך א באזיך דאך איז נישט אין פלאן צו מאכן צו א גרויסע טראסק און לויט ווי איך הער האט דער רבי געבעטן (מוז נישט זיין אמת אבער כך שמעתי) סזאל נישט זיין ברבים כדאי די טועים זאלן נישט אויסטייטשן אז מצוברעכט עפעס די חומת הבדלה בעניני השקפה
אבער קיינער ווייסט נישט וואס סוועט למעשה זיין איז אבער זייער קלאר ממה נפשך דער קלארער מהלך אז די חומה איז אטאמאטיש פאר ווער עס נויגט זיך פון עניני השקפה ווי ר' יונה האט שוין געשריבן דא אז  נאכ'ן סאטמארער רבינ'ס באזוך אין נתניה ביים קלויזענבורגער רבי'ן , איז נישט בייגעפאלן פאר א סאטמארער חסיד פון ארץ ישראל אדער פון חוץ לארץ אלס גאסט אין ארץ ישראל צו פארן קיין נתניה.
 
זאל דער אויבעשטער העלפן אז סזאל שוין זיין ילמדו טועים בינה וישובו אל אישי של בעלז הראשון דאן וועט די חומה אינגאנצען נתבטל ווערן מאיליו בהתגלות כבוד שמים עלינו בב"א
 

איז דען בייגעפאלן פאר א סאטמארער חסיד צו גיין מיט א קוויטל אדער צו נעמען א ברכה פון גערער רבי'ן שליט''א נאכדעם וואס מרן מסאטמאר שליט''א האט איהם באזוכט אין ארץ ישראל?

ווייסט איינער פון איין פאל וואס א סאטמארער חסיד איז געווען ביים גערער רבי'ן , צוליב'ן רבינ'ס באזוך ביי אים אין שטוב אין בני ברק?

דער גאנצער גדר וואס סאטמארער רבי שליט''א האט גענומען אויף זיך נישט צו טרעפען זיך מיט גיסו בעלזער רבי שליט''א אין די לעצטע 30 יאר , איז געווען אן אייגענע חומרא משום כבודו פון דודו הגדול מרן מהר''י ט''ב זי''ע.

אינעם קול קורא פון תשמ''ב איז נישט געשטאנען איין ווארט איבער אן איסור פון א שוואגער זיך צו טרעפן אדער באזוכן ביים צווייטן שוואגער אלס א משפחה קירבות. 

אצינדער נאכ'ן מעמד בקשת מחילה על קברי רבותינו הקדושים מסאטמאר זיעוכי''א , איז הפה שאסר הפה שהתיר.

און זאגטס נאר , לכבודו פון  די רעביצין הרבנית הצדיקת מסאטמאר תליט''א טאר מען נישט עפעס פארקוקן?

האט מען דען נישט מכבד געווען אין סאסטמאר, אין די  יארן פון תשל''ג ביז תשל''ט, מיט אן עליה אום יום הקדוש א מחלל שבת, בלויז ווייל ער איז געווען א קרוב מיט די הייליגע רעביצין ע''ה?

לויט מיין אינפארמאציע איז דער קרוב פון די רבי'צין נישט געווען א מחלל שבת אדרבה ער איז געווען א שומר תורה ומצוות נאר א גרויסער ציוני.

און דער ציבור האט זיך געביסן די ליפן און געדארפט שווייגען.