ווער פירט דאס יהדות החרדית ?.

ווען מען כאפט אזוי א שפאציר, און דעם קווינס פורום און די דאזיגע טעג, באמערקט מען צענדליגע אשכולות, בנוגע דעם באזוך פון כ''ק רבינו שליט''א ביים בעלזער רב, מלא כעס ואיבה, ווייטאג און צושאסענקייט שרייט זיך ארויס פון יעדען תגיבה דארט, א מרקחת פון קללות וניוול פה ניסח דשזיגאן – יאקאבאוויטש איז מערקבאר און יעדן תגיבה דארט,

על מה יצא הקצף? וואס האט דער באזיך פון רבינו שליט''א ביים בעלזער אזוי צושרויפט די זאליס, אז קענען נישט מסיח דעת זיין דערפון אפי אויף איין רגע? פארוואס מאכט זיי דער ''פגישה'' שפרינגן וואו מען וואלט זיי ציגעלייגט א שאכטעל שווארצע פעפער צו די וויידלען זייערע?

אפשר איז דאס ווייל דער בעלזער איז א שונא פאר סאטמאר?

אבער למעשה האט ער דאך מפייס געווען געווען כדת וכדין,

 והשנית, דער קלויזענבורגער רב וואס איז דאך אויך פון די שונאים, האט דאך באזיכט ביים מן הארץ הדור רבי זאליקא, וואס ער האלט נאך יא אן אלע מחלוקות'ן קעגן בעלזא,ליבאוויטש, קלויזענבורג, מיט א התלהבות דקדושה, מה לן ומה להו?

פארוואס זענען די זאליבאנצעס אזוי באטראפעצט, און גערעגט. אויף די  ''פגישה''?

דער הסבר איז גאנץ פשוט,

די זאליבאנעצעס האבן כדרכם ארויסגעלאזט א בובא מעשה, אז דער ירושלימער רב הרב ווייס שליט''א, האט זיך אויסגעדריקט מיט טענות, הייתכן רבינו שליט''א האט נישט גענימען רשות פון אים, מיט זייינע סיקריקים, פאר די ''פגישה'' און ער האט זיך אפי' אויסגעדריקט אז רבינו שליט''א האט וואס מורא צו האבן פון אים,

 די מעשה איז אמת? זיכער נישט! דאס איז א יאסעלע פליעט מעשה שלא היה ולא נברא!

אבער פארוואס טאקע, האט זיך רבינו שליט''א נישט דירוך געשמיעסט מיט הרב ווייס בעפאר די ''פגישה''?

דאס איז אמאל זיכער אז ווען דער מונחת יצחק, אדער הגה''ק רבי משה ארי' זי''ע, אדער הרב דשינסקיא ז''ל, וואלטען ווען נאך היינט געלעבט, וואלט זיך רבינו שליט''א מיט זיי דירוך געשמיעסט,

 אלזא, פארוואס מיט הרב ווייס האט זיך רבינו שליט''א נישט דירוך געשמיעסט?

לאמיר זיך אביסל אויף פרישען די זיכרונות,

נאך די הסתלקות פון הרב דשינסקיא ז''ל, בשנת תשס''ג האט שוין דער זאלי טיפוס געבושעוועט מיט א שטארקייט און די גאס, דאס עקירות התורה, והירוס הדת, איז שוין דאן געווען בתקפו, מיט אלע אירע שיינע קאלירפולע שמות וכניים, נועם המידות, הנהגת התורה, החזרת עטרה ליושנה, אהבה מסתרת, עת לעשות לה' וכו' וכו',  וואס איז בסך הכל געווען א קייט פון עקירת התורה, און הירות הדת,

איין זאך וואס האט נאך געפעלט פאר די זאליבאנצעס, די עדה,

און די עדה האבן זיי נאך נישט געהאט קיין דריסות הרגל,

נאך ווען רבי זאליקא האט נאך געוואוינט און ארץ ישראל  האבן זיי פראבירט זיך אריין צו ריקען און די עדה, און געוואלט אז ר' זאליקא זאל ח''ו ווערן א חבר הבד''ץ, אבער אן ערפאלג,

די עדה האט נישט געהאלט ביים אריין נעמען און אירע רייען, אזא שטרוי זאק וואו אונזער שיינער רבי זאליקא, זיי האבן אים בשאו''א נישט געוואלט אקסעפטירן אלס א חבר הבד''ץ, טראץ די אלע סטראשערייען און שעלטערייען פון די דעמאלסדיגע א''ג פילאטען בן פראדל מיט בן צבי קעסטנבוים,

ווען רב דשינסקיא ז''ל איז נפטר געווארן האבן די זאליס געטראכט אז איצט וועט עס זיי יא געלונגען, און זיי האבן אנגעהויבן צו פארארבייטן מעשים  אריין צו ריקן און די עדה זייערס א מענטש, א יוד וואס פארקויפט גערן די גאנצע תורה מיט אלע אירע מצוות פאר א נזיד עדשים, און פארקויפט זיך די נשמה פארן שטן, פאר בלויז א גלאטן פיפציגער רח''ל,

 אזוי ארום האבן זיי געוואלט דימאנירן די עדה, און אויסניצען דעם פרעסטישפולער נאמען פון די עדה, אויף זייערע אונטערעסן, און אויסצושפרייטן די זאלישע אידילאגיע ביים כלל ישראל רח''ל,

דער הייליגער באשעפער האט דאן געהאלפן, און די זכות פון די גדולי ירושלים וואו הרה''ק רבי יוסף חיים זאנענפעלד זי''ע, הרה''ק רבי זעליג ראובן בענגיס זי''ע, רבינו הקדוש מסאטמאר זי''ע, אז עס איז מקיים געווארן ולא ירעו ולא ישחיתו בכל הר קדשי אמר ה', און רבי מנשה שליט''א איז פארבליבן זיצן מיט א פעסטקייט און די לישכה, און ברוקלין, וואו ער וועט לכאורה פארבלייבן ביז ביאת מלכא משיחא.  

און יענע שטורמישע טעג האט הנהלת קהלתינו הק' פון דא און ניו יארק געארבייט מיט מס''נ ממש, צו ראטעווען די כבוד פון עדה, און דעם כבוד פון ירושלים קרתא דשפריא, און בחסדי השם האט איז די הארוואניע נישט געגאנגען לאיבוד, און הגה''צ רבי יצחק טובי ווייס שליט''א איז אויפגענימען געווארן אלס גאב''ד ירושלים עה''ק, עד ביאת משיח,

הגה''צ רבי יצחק טובי ווייס שליט''א, איז געווען א דיין און די שטאט אנטווערפן, און א דאנק קהל יטב לב ד'סאטמאר, איז ער נתעלה געווארן, און ער האט זוכה געווען צו זיצן על כס הרבנות בירושלים עה''ק, וואו עס זענען געזיצן גדולי ארץ, קדושי עליון, שהיו מעניקים החמה בקומתם ובקדושתן,

דער ערשטער מאל וואס הגה''צ רבי יצחק טובי ווייס שליט''א איז געקימען קיין אמעריקא, אלס גאב''ד ירושלים, האט סאטמאר אים צוגעשטעלט אן הערליכע קבלת פנים, ווען צענדליגע טויזענער סאטמארע חסידים האבן זיך צוזאם גענימען און בית מדרש הגדול און קרית יואל, ובראשם כ''ק רבינו שליט''א, אפצוגעבן דעם פאסיגן כבוד התורה, וכבוד ירושלים, פארן גאב''ד שליט''א,

בלויז איין טאג נאך דעם הערליכען קבלת פנים,  איז דער גאב''ד שליט''א געגאנגען אפשטאטען א באזוך ביי די אנשי סאסמאן, וואס דארט איז די נעסט פון אלע פינסטערע עלעמענטען, וואס פירן שוין צענדליגע יארן א פארלוירענע קאמפ מיט סאטמאר ב''ה אן סוקסעס, דער אייבישטער זאל טאקע ווייטער העלפן, וואס דארטן דאווענען אפשר 15 פארצענט פונעם שטעטל, און די רעשט 85 פארצענט איז דער בית אנשי סאסמאן א געהעריגע בית מינים, און טרעטן נישט דארט אריין,

דערמיט האט דער גאב''ד שליט''א געשלאגען א רעקארד, צו זיין די ערשטע אפיציעלע רב, אריין צו גיין און א געביידע וואס איז אויפגעשטעלט געווארן מיט איר איין אייציגסטע ציהל, צו באקעמפן ק''ק יטב לב ד'סאטמאר, מיט איר גרויסן הייליגן מנהיג, דער ראש גולת אריאל כ''ק רבינו שליט''א,

ווען די אייניקליך פונעם ברך משה זי''ע האט זיך געקלאמערט אויף די גראדע ווענט, אז זיי זאלן באקימען ציטריט צו זייער זיידע כ''ק רבינו הברך משה זי''ע, זיי האבן דאן געניצט אפי' לעגאלע מיטלן, און דער גאב''ד שליט''א האט זיך דאן אריין געמישט און געלאזט הערן זיין מיינונג, עס איז פארן גאב''ד נישט אנגעגאנגען די צער און ווייטאג פון די אייניקליך פונעם ברך משה זי''ע,

משא''כ ווען די זאליבאנצעס און בני ברק בארויבן שוין די מוסדות הק' איבער 6 יאר, און די מוסדות ראנגלען זיך אויף זייער עקזיסטענץ, האט מען נישט געהערט פונעם גאב''ד שליט''א קיין איין ווארט, טראץ וואס די זאליס זענען געגאנגען און בג''ץ, דאך האט דער גאב''ד שליט''א (געשטערט) זיך נישט געמישט, איידל גערעד,

סאטמאר האט דאן איין געזען, איז וואו לאנג די עדה ווערט מאנפאלירט דירוך מענשטען מיט בייזווילגע אונטערעסן איז כמעט מן הנמנע אז עס זאל בכלל שייך זיין א צוזאם ארבייט,

סאטמאר האט דאן מחליט געווען, אז עס איז דא נאר איין איינציגסטע גענעראל, דאס איז כ''ק רבינו שליט''א, און נאר זיין ווארט איז מאסגעבנד, און נאר זיינע הוראות דארף מען אויסהארכען,

 די ריזען שרייענדע קול קורא'ס פון התאחדות מיט די עדה, איז דאן ווערט געווארן און די אויגן פון סאטמאר כקליפת השום, און ב''ה ביי רוב כלל ישראל איז דאס היינט די זעלבע,

כמעט קיינער ווערט שוין נישט ערציטערט ווען מען זעט א קול קורא, ירושלים תתן קולה, תורה תורה חיגרו שק, הזהרה, איסור חמור,

(איצט ווען דער גאב''ד שליט''א איז געגאנגען באזיכען א תלמוד פון הכל שלמה, א מוסד וואס הרה''ק מבריסק זי''ע האט געפאסט ביי איר עפענונג, און איר געלייגט און חרם, זעט נאך א סאך מער וואו גערעכט סאטמאר איז געווען, מיט האלטן א דערווייטערונג פון די עדה, מיט אירע סיקריקים, (וכבוד של הגאב''ד שליט''א במקומו מונח))

דאס איז די סיבה לכאורה פארוואס פאר די זאליבאנצעס מיט די סיקריקים זענען אזוי פארווייטאגט פארוואס רבינו שליט''א האט ניטאמאל געלאזט וויסן פארן גאב''ד שליט''א  די לעצטע אנטוויקלונגען בנוגע בעלזא,

די עצם פאקט אז רבינו שליט''א איז היינט דער מנהיג ישראל, דער שר צבא ההולך לפני המחנה, ועל פיו יצאו ועל פיו יבואו, דאס קרענקט פאר די זאליס און סיקריקום ביזן טויט,

די עצם פאקט אז רבינו שליט''א האט געטאן וואס ער האלט פאר ריכטיג, עס האט נישט געקימערט אויף קיין האר, וואס די יאקאבאוויטשליך, מיט די אלע אנדער ווערים און קרעץ האבן צו זאגן, ער האט ניטאמאל געקיקט אויף זייער זייט, דאס ווייזט פאר די זאליס אז די גאנצע בליטיגע האראוואניע וואס ר' זאליקא מיט זיינע שתפים וואו בן פראדל, בן צבי, יאסעלע פליט, מנשה פיפל, און אלע אדערע מרעין בישין, האבן אריין געלייגט צו בארבאריש אונטערברעכען כ''ק רבינו שליט''א, און דערמיט צו צוברעכן ח''ו דער ריקן ביין פון דאס יהדות החרדית, איז ארויסגעווארפן, עס האט נישט גערירט דעם הייליגן צדיק אויף קיין האר נישט,

 כלל ישראל שטייט ווייטער באחדות אונטער איר גרויסער הייליגער מנהיג ע''ק רבינו שליט''א, און קיקן מיט נחת וואו די אלע רשעים למיניהם שפייען הייס בלוט, ויה''ר עס זאל אזוי זיין ביז משיח וועט קימען און אויס ראטן די אלע קוצים מבית ישראל, און פארשיקען די אלע מחבלי כרם השם צבאות מיט אלע זייער פארבן און ליכטיגן גייהינום אריין