אהרונים זוכן וועגן אריין צום כינוס כלל ישראל!

איך קוק איבער מיין פריערדיגע תגובה און דיין ענטפער, איך פארשטיי בכלל נישט וואס דו שרייבסט, סדערמאנט מיך פון ר' אהרן'ס דרך הלימוד אין ישיבה (דאנט געט מי ראנג, ער איז א שטארקע ידען אין רבנ'ישע אנלעגענהייטן, אבער אויך א גרויסע שבשן, אין אלגעמיין איז עס נישט קיין סכנה, ווייל קיינער רעכנט זיך ממילא נישט מיט זיין מיינונג) מכאפט א ווארט און מבויעט א נארישע געביידע.

איך שרייב, "זעלבסט פארשטענדליך אז סהאט בלויז א שטארקע כח ווען סווערט געמאכט פון אלע ערליכע קרייזן צוזאמען, ד"ה ווען איינער האט אן אומגעפילטערטע אינטערנעט, אינדערהיים, אדער אין אפיס, אדער אויפן סעל, ברויך ער זיך שפירן אויסגעשפיגן פון כלל ישראל, די דרך ההממוצע דא איז אז מנעמט זיך אויס תנאים סזאל זיין לפי רוחינו."

דאס היינט אז היינט צו טאגס ווען איינער וויל האבן אינטערנעט, טראכט ער איך בין אפשר א באם, אויב סאטמאר וועט ארויסגעבן דעם איסור וועט ער טראכטן סאיז בערך די זעלבע איסור ווי גיין מיט לאנגע דאסטערס, דעריבער מוז דאס זיין א כלל ישראל איסור.  

דערנאך שרייב איך   

"איך האב בכלל נישט קיין פראבלעם צו זיצן נעבן ערליכע מגולחים פאר א צוויי שעה, אדרבה סוועט מיר זיין א שטארקע חיזוק צו זען ווי ערנסט זיי נעמען עס אויף, ווי אויך אז סוועט זיין איין דרשה צו זיי, אין די שפראך וואס זיי פארשטייען."

דאס הייסט איך האב נישט קיין פראבלעם דעמיט, אבער נישט דאס איז די סיבה, דאס איז בלויז נישט קיין שטער, קומט ר' אהרן (שבך) און פארדרייט און פרעגט.

דו פרעגסט

פארוואס קען מען נישט מאכן קיין אסיפה קעגן אינטערנעט אין אונזערע ד' אמות אין וויליאמסבורג?

דער תי' איז מוואלט יא געדארפט, די מציאות איז אז אונז האבן גארנישט ערנסט געטון די לעצטע צען יאר, (אן ארוני האט מיר היינט מסביר געווען אז ביי זיי איז דאס אנדער קאנטראל, אבער משום איזה סיבה האט ער מיר נישט געוואלט בארגן זיין איי פאון אפי' נישט אויף איין מינוט) משא"כ דעיע עסקנים טוען שוין צען יאר מיט מסירות נפש, זיי זענען מער אויסגעקאכט אין די נושא ווי אונזערע רבנים, ע"כ ווען זיי מאכן עפעס (אויסגעהאלטן) ברויכן מיר זיך צושטעלן און נישט זאגן אז מיר וועלן מאכן עקסטער.