היינט אינדערפרי בין איך ארויס אויפן גאס ביי אונז אין וומ"ס, האבן מיינע אויגן דערזען א צעטל וואס שרייט 20,000 אידן וועלן זיין ביי היסטארישן געיט ראלי, בין איך געווארן זייער נייגעריג, וויאזוי קען א געשעעניש וויסן פון פאראויס פונקטליך אויפן די נומער וויפיל אידן גייען זיך באטייליגן דארט? מיינע ער שרייבט בערך, רבבת, אלפים וכדו' איז נאך האלב פארשטענדליך, אבער צו וויסן אז פונקט צוואנציג טויזענט מענטשן איז שוין אביסעלע "אוט פראם די נארם", האב איך באשלאסן איך מוז עס גיין זען, מ'וועט אראפנעמען אביסל צייט פון די ארבעט צו זיך באטייליגן מיט די תנוקות של בית רבן זאגן א פאר קאפיטלעך תהלים וועגן די מכה פון ארטיסטן, ובזה הייב איך אן מיין רעפארט:
עס איז געווען אפגעשפארט ווייט עוו. פון בראדוועי ביז דיוויזשאן, אויף בראדוועי אליינס האט מען נישט געקענט זען גארנישט.
די סטעידזש איז געווען ביי ווייט קארנער סט. 8, אויף די זייט פון דאמסי, קעגן איבער דור ישרים, אינמיטן די גאס, אויף ווייט מיטן פנים צו דיוויזשאן און רוקן צו בראדוועי איז געווען א סיין "וויליאמסבורג אפארדעבל האוזינג ראלי", עס האבן אויפגעטרעטן: ר' אברהם ישעי' ווייס האט גערעדט צו די תשב"ר, דעיוויד יאסקי פון סיטי קאונסיל מיט א הבטחה צו טון כל מה שבידו, ר' יוסף וועבער פון פאפא, משה דוד נידערמאן פון UJO און קענט האוזינג קארפ., ישראל אשר פראמאוויטש פון וויען, און נאכאמאל אברהם ישעי' ווייס.
קינדער זענען געווען אויף די דאמסי זייט פון ווייט עוו. פון ס.8 ביז ס.10, מען זאגט אז אלע ת"ת אין שטאט האבן געשיקט זייערע קינדער, מסתמא נאר די עלטערע אבער פונטליך וואסערע כיתות און וויפיל ווייס איך נישט, ביי סאוט 10 איז יודל שלעזינגער פון וועד הצניעות געשטאנען און געטיילט וואסער פאר די קינדער.
די קינדער האבן געהאלטן פארשידענע סיינס, ווי אז די אידן, שווארצע און לאטינאס קענען נישט עפארדן די פרייזן, און אז די געגנט האט מען נישט ריזאנט פאר לוקזערי דירות, וכדו', א 4-5 מינים אויפשריפטן.
אויף די אנדערע זייט גאס בערך צווישן סאוט 9 און סאוט 8 זענען געשטאנען עטליכע כוללים, ווי קיעפ סט., נייטרא, ועוד מיט סתם מענטשן, בערך 250 מענטשן, אינמיטן ווייט עוו. אויפן טראטואר איז געווען ליידיג.
פרויען זענען געווען אפאר ביי סאוט 8 און ווייט אויף די זייט צו בערי, און נאך עטליכע ביי ס.9 און ווייט אויף די בערי זייט.
ווענס זענען געווען פון ABC, CBS2, און פאקס ניוס.
2 אנדערע טשענעלס האבן געהאט העליקאפטערס.
זשאו הארט דער PR רעפזענטעטיוו פון די נועם המדות פירמע איז דארט געווען צו רעדן צו די פרעסע, אזוי אויך האט זיין פירמע ארויסגעגעבן א פרעס רעליס אינדערפרי.
סאנדעל האט צוגעשטעלט די סאונד סיסטעם.
די ווייט עוו. אריינגאנג צו דאמסי איז געווען פארמאכט.
די גאנצע ראלי האט זיך אנגעפאנגען בערך האלב 4, און ביי 5:15 - 5:30 איז עס געווען פארטיג, און די פאליציי האט נישט געלאזט דורך גיין צו בראדוועי, מסתמא נישט וועלנדיג אז מ'זאל שרייען וכדו'.
די ענגלישע דרשות זענען מער ווייניגער געווען געבויט אויף די עפארדעבל האוזינג אישו, די אידישע חלקים האבן גערעדט פון אלץ און אלעמען.
עסקנים פון די נועם המדות וועם איך דערקען און זענען געווען טעטיג: פ.פ., ח.ד.ד., ועוד
פון UJO: י.ו., ש.ו.
פון די עסקנים לכל פירצות בוומ"ס: י.ז.
ועוד נישט אלע קען איך
ליעזאנס: יצחק שלום ווערטהיימער, עיב פרידמאן
תהלים קען זיין האט מען געזאגט פאר איך בין אנגעקומען, אבער נאכדעם נישט.
אויפן סטיעדזש זענען געזיצן א 10-12 מענטשן, צווישן זיי הרה"ג ר' הירצקא צוויבל ראה"כ סאטמאר, מיט הרה"ג ר' הערש לייב בערנשטיין מו"ץ וואלאבאוט.
אויב האט איך פארפאסט פרטים, זאל מען מיך מעורר זיין אדער פרעגן.
 |
|
|
