רעפערענדום: רשות כתיבה אין די קרעטשמע?

א פרייליכן חנוכה אלע חשובע מעמבערס, שרייבער און ליינער פון די קרעטשמע שיחיו!

ביי א באהערדע מיטינג וואס איז פארגעקומען היינט - דעם פערטן טאג חנוכה - איז אויפגעברענגט געווארן אויפן סדר היום א נייע איידיע, וואס פארדינט ארויפגעברענגט צו ווערן פארן חשוב'ן ציבור, זאל דער עולם לאזן הערן זייער מיינונג דערויף.

אויף היידפארק זענען פארהאנען דריי סארטן פורומים: 1) אזוי ווי "היימישע קרעטשמע", וואו יעדער איינער אן אויסנאם קען "ליינען" און "שרייבן" (אויב מען פארמאגט א ניק). 2) אזוי ווי "חדשות אנ"ש", וואו יעדער קען ליינען, אבער כדי צו שרייבן דארט ברויך מען האבן רשות פון די מנהלים. 3) אזוי ווי "חדרי חרדים משפחה אידיש", וואו מען קען אפילו נישט אריינגיין דארט ליינען די אשכולות אן ערלויבעניש פון די מנהלים.

אונזער פאליסי איז פון שטענדיג אן געווען אז עס איז נישטא וואס צו באהאלטן, יעדער מעג ליינען, און עס איז נישטא וואס מורא צו האבן, יעדער מעג שרייבן. און עס קען זיין אז אסאך פון ענק האלטן אויך אזוי.

אבער צווישן די טויזענטער נארמאלע מענטשן וואס דרייען זיך אדורך דא אינעם פארק, זענען דא עטליכע (און אפשר מער ווי עטליכע) טאטאלע .......[פילט אריין וואס איר ווילט] וואס פרובירן אריינצודרינגן אין יעדן נארמאלן פורום און איבערלאזן דארט א גערוך אז עס זאל זיך שפירן אז זיי האבן דארט באזוכט.

מיר מנהלים שטייען ב"ה אויף דער וואך, מיר האבן נאך עספיעט אויסצומעקן יעדן נארישן תגובה ביז א נישטיגע קורצע צייט פון ווען יענער האט דאס ארויפגעלייגט, טייל מאל האבן מיר געכאפט דעם פיש פאר די נעץ, און מיר זענען געווען דער ערשטער בליקער אויפן אשכול און דאס תיכף אויסגעמעקט, און - ווי פארשטענדליך - חוסם געווען דעם צודרייטן וואס האט דאס ארויפגעשטעלט.

אבער דער יעניגער (און אפשר זענען דא מער ווי איינער פון זיי) האט מיליאן ניקס, און ווען מען איז חוסם איין ניק, קומט ער ארויף מיט א צווייטע, ואין לדבר סוף.

קומען מיר דא מיט א שאלה צום חשוב'ן עולם: זאלן מיר פארשפארן דעם פורום פאר נייע שרייבער (אלטע שרייבער וועלן אי"ה באקומען רשות איינס צוויי)???

ניין!!!
איך האלט אז מען דארף יעדעם לאזן שרייבן
ס'איז טאקע דא משוגעים וואס שרייבן נארישע זאכן אבער מיר זענען נישט אין די אמאליגע ראסלאנד וואס מען פלעגט נישט לאזן רעדן וואס מען האט געוואלט
מיין מיינונג איז אז מען זאל לאזן יעדעם שרייבן אין אז עס מאכט זיך א זאך שאין רוח חכמים נוח ממנו זאל מען דאס גלייך אראפ נעמען
איך פלעיג אלע מאל ליב האבן צי ליינען די היימישע קרטשמע טאקע פארדעם אז אויב איך וויל עפעס שרייבן זאל איך קענען אין איך בין זיכער אז עס איז דא נאך אזעלעכע ווי מיר
יישר כח פארן אנעמען מיין מיינונג

דערווייל האלטן די "נעי" שטומען מיט אן איבערוויגענדע מערהייט, האט נאך איינער עפעס מוסיף צו זיין פאר מען מאכט דעם ענדגילטיגן באשלוס???

איך בין אלל די וועי פאר יא!!!

קודם כל קוקט מיר אויס אז נישט יעדער האט פארשטאנען פון וואס מ'רעדט דא, ס'האט נישט געמיינט צו זיין פארמאכט פאר ליינען אויך, נאר פאר שרייבן סאו וואס איז די פראבלעם 'יאנאש'? אז די ווילסט יעצט שרייבן דארפסטו דאך פונקט אזוי אריינלייגן דיין נאמען און פעסווארד, און די זעלבע וועט זיין אויב מ'וועט דארפן האבן דא רשות כתיבה.

און צווייטענס, מ'רעדט דא נאר פון נייע שרייבער'ס, אלע (כמעט...) אלטע שרייבער'ס וועלן באקומען רשות דא צו שרייבן נאך פאר זיי פארלאנגען עס, סאו 'הצלה' קען זיין רואיג אז אויב עס ווערט איינגעפירט, קען ער ווייטער שרייבן דא אומגעשטערט.

און דריטנס האב איך באקומען פון איינעם אין אישי שטארקע שטיצע פארדעם, איך גיי אים בעטן רשות עס ארויפצולייגן דא, אפשר דעמאלטס וועט איר מיך אביסעל בעסער פארשטיין, אויב עטס פארשטייטס נאך נישט.

פענסטער;

דער וואס האט דיר געשיקט אין אישית, פארוואס האט ער עס נישט געקענט גלייך ארויפלייגן דא??? מיר האבן דאך נאכנישט פארשפארט דעם פורום?

עס קען זיין ווייל ער שעמט זיך!!! און ס'קען טאקע זיין אז ער גייט מיר נישט געבן קיין רשות דאס ארויפצולייגן דא, עכ"פ איך האף אים צו קאנווינסען אז עטליסט אן א נאמען זאל ער מיר עס לאזן ארויפלייגן.