אונזער טאגבוך

קענסט נישט פארלאנגן אזא זאך, איך קען נישט שרייבן ברבים, איך ציטער געפערליך, מוזט פארשטיין

מצורף קובץ

נעבעך, אזא טאג האב איך נאך און מיין לעבן נישט געהאט, און אמת'ן אריין וואס איז שייך צו זאגען, ס'איז א לענגערע באשרייבונג, מ'סארי אבער איינער האט מיך אריינגעקליקט אז איך זאל איהם דעפאזעטן א טשעק

גיט, איך וועל פארציילען א מעשה שהי' צום פרישען - נאציאנאלען טאגבוך

איך גיי אריין צו מיין גראסערי מאן היינט צופרי, קויף איין די טעגליכע באדערפענישען פאר די שעפעלעך מיט זייער מאמע. כמעט אלע חפצים פון די ליסטע ליגט מסודר אין קליין שאפינג קעסטעל. שפרה'לע כאפט מיך אָן מיט די לינקע האנט, זי האט שוין איר באליבטע סנעק און די לינקע האנט, דער זייגער קלאפט האלב נאך אכט איך בין שוין פינף מינוט בעהיינד סקעדזשול.

אזוי ווארטענדיג געדולדיג עס זאל קומען מיין רייע, צו מיין מזל שטייט בעפאר מיר א פעשליכע אידענע מיט'ן שירצעל און טורבאן, דער ריח גיט ארויס דעם סוד אז מען האלט שוין אצינדער נאכען אפבאקען אפאָר הויעכע קאָקאָש קעיקס. דער קאָרדלעס טעלעפון שטארט זיך ארויס פון פאָנדזשעלוי, און מאכט א גרענד אָרדער וואס פאסט זיך ליבערשט פאר ערב פסח, זעהנדיג די ראָציגע נעזער פון די פיצלעך זאג איך גארנישט נאר ווארט מיט געדולד און רחמנות ווען איך בייס זיך די ליפען און ווארט אויף די מינוט זי זאל פערטיגען. זי לויפט זיבען מאל הין און צוריק איינטוישען, צוריקטראגען, צולייגען צום ארדער און מיר אלע איינקויפער שפרינגען אינטער. די קינדער שלעפען ארויס די לאליס פון וועגעלע און זי שרייט "כא געזאגט אראפ לייגען" יואלי קריך אראפ פון די פאָטעיטע באקסעס דע מיסטער וועט דיך ארויס ווארפען".

דער סטאָרמאן לייענט מיין שטערען און פרעגט מיך "יאנקעל יאגסטדעך היינט? נא נישט געפערליך, רעד ווייניגער, קלאפ נאר מיט'ן פינגער און ענדיג צו ווייל דער זייגער לויפט.
האסט נישט קיין עירקאנדישען? פרעג איך,  סי הייס אין סטאָר!
דער עירקאנדישען איז קאליע געגאנגען. איך זיך נישט צו קויפען א נייע, עס קאסט א פארמעגען.
אהה אפשר קויפסטו ביי מיר, איך האב א גרויסען יאָנוט צו פארקויפען [מיר גייען שוין אין קאנטרי, קומענדיגען זימער אז משיח איז ח"ו נישט דא וועלען מיר האבען סענטרעל אין די נייע דירה]
גיט זאגט ער, וויפיל ווילסטו דערפאר?
פינף מאות, עס וועט דיר קאלט מאכען דעם סטאָר ווי אין א קראצמעך פריהמארגען. הממ לאמיך טראכטען, ער קאלט דאס ווייב, רעדט אין האלב צוקראכטען ענגליש [איך זאל נישט פארשטיין] ער בלינקט מיט די אויגען, דאס מיינט צו זאגען מען קען גיין צו קאָנטראקט.
דער מקח איז פיינעל זאג איך אים, היינט מיטאג האסטו דער עירקאנדישען שרייב מיר א טשעק פאר פינף הינדערט דאָללאר איך קום דערנאך זעקס אזייגער.
מיר רייכען זיך דו הענט, ער פארטיגט רעכענען די פרוי'ס 4 אייער באקסעס און איך בין עקסיידעט פאר'ן פטור ווערען פון אלטען עירקאנדישען, ער איז גליקליך מיט מיין שמאטע.
מיטאג צייט האט זיין מעקסיקאנער גוי אראפגעשלעפט דעם גרויסען עירקאנידשען [נאך נדן פון די חתונה] און ווי איך הער, הערשט שוין א קרירת אין גראַסערי. מען האט שוין צוריק געשטעלט דעם באק-בעקעלע אין פארענט כדי די דורך גייער זאלען נישט ווערען באטראפט פון וואסער וואס רינט אראפ.

די מעשה הייבט זיך ערשט יעצט אן, איך קום אריין פינף דרייסיג מיט א שמייכעל פון דאנעט ביז סארעטאגע, "נא ווי איז דער טשעק?
דא האסטע, פינף הינדער דאללאר אויסגעשטעלט צו יאנקעל..
און וואס איז מיט טעקס? פרעג איך
איך געב דיר דאך נישט צו א קאמפאני! זאגט ער
אבער איך געב דיר אויך נישט צו א קאמפאני און דו רעכנסט אייביג טעקס אויף אלע עסען
-ער שטייט מיט די צינג אינדרויסען- טראכט און קוקט אויפ'ן בוידעם.
הער זיך איין זאג איך אים, אדער געסטו מיר די טעקס אדער הערסטו מיר אויף צו רעכענען טעקס, מהיום והלאה.

ער וועט גיבען אנטווארט מארגען. "האסט א שטיקעל טענה זאגט ער"
וועל מיר זעהן מארגען...

נאטורליך;

ביי די וועי, איך האב נישט געוויסט אז שפרה'לה האט צוויי לינקע הענט.

אפס, איך האב שיעור יא פארגעסן, גארנישט ספעציעל האט פאסירט ביי יאנאש'ן היינט, אפשר מארגן.

איינער וואס לייענט מיט צוויי רעכטע אויגען זעהט צוויי לינקע הענט

היינט  ציפרי האב איך זיך זייער געיאגט כ'האב אבער שנעל אנגעיאגט צי מאכן א קאווה אבער פין גרויס איילעניש האב איך עס געלאזט אויפן קאונטער.


איך האב זיך דערמאנט פינעף מינוט פין מיין הויז, האב איך געדארפט ציריקלויפן
אין לאזן מיין חבר ווארטן צען מינוט?

די פאלגענדע מעשה האט ביי מיר פאסירט, איך האב עס אפגעשריבן אין א צווייטן פורום, און פון דארט איז עס שוין געווען געדרוקט אין דעם "קול הציבור" וואס ערשיינט טעגליך אין בארא פארק. איך לייג עס יעצט דא אריין פארן "טאגבוך הציבור" פאר אייער הנאה, ליינט און שטוינט 

די מעשה האט ביי מיר פאסירט דעם פארגאנגענעם מוצאי שבת קודש, איך בין נאך אונטערן שאק, ווייל נישט יעדן טאג באגעגענט מען זיך מיטן לאנגן ארעם פון די השגחה עליונה, אבער ווען דאס פאסירט אזוי אפן, קען קיינער נישט פארלייקענען אז דאס איז השגחה פרטית ממש.

אנגעהויבן האט זיך דאס דעם פארגאנגענעם דאנערשטאג (נשא ב'), בערך 12 אזייגער ביינאכט רופט מיר אן איינער וואס האט געברויכט קומען מיט אפגעבן א וויכטיגע דאקומענט, אז ער איז אקורשט געווען ביי מיין טיהר, געקלינגן און געקלינגן דעם בעל, אבער אין קול ואין עונה, קיינער האט אים נישט געענטפערט, איז ער אהיימגעגאנגען.

עס איז מיר געווען א שטארקע וואונדער, ווייל איך בין געווען אין שטוב, און פארוואס זאל איך נישט האבן געהערט דעם גלעקל? יענער האט זיך אביסל פארענטפערט, אז אפשר צוליב די שפעטע שעה האט ער זייער לויז געדרוקט דעם קנעפל דערפון, נישט וועלנדיג אויפוועקן מיין הויזגעזונד, אבער... עס איז געבליבן א פלא.

פרייטאג נאכמיטאג האב איך שוין באמערקט אז דא הערשט א טיפערע פראבלעם, פשוט דער בעל ארבעט נישט! מען קען אים דרוקן מיט אלע כוחות אבער ער לאזט זיך נישט הערן, ווייזט אויס אז די קינדערלעך האבן שוין ווידעראמאל אויפגעדרייט די ווייערלעך אונטען נעבן טיהר, אזוי ווי זיי האבן שוין נישט איינמאל געטאן.

איך קלער שוין ביי מיר: "יעצט ברויך איך שוין ווידער רופן אן עלעקטרישן, וועלכער וועט מיר בעטן א סכום הגון בלויז פארן צוזאמדרייען די פאר ווייערלעך" (איך אליין בין דאך א באקאנטער בטלן מיט 2 לינקע הענט... איך פארכט זיך אנצורירן א ווייערל).

שבת קודש באנוצט מען זיך נישט מיטן בעל, האב איך געקלערט אז מוצאי שבת אדער זונטאג וועל איך שוין אריבעררופן דעם מומחה דאס צו פאריכטן, און א כפרה אויף די פינעף און דרייסיג אדער פופציג דאלער וואס ער וועט בעטן, מען קען דאך נישט לעבן אן קיין גלעקל ביים טיהר (בפרט ווען מען וואוינט אויפן אויבערשטן שטאק).

מה עשה הקב"ה?

מוצאי שבת קודש, די קינדער זענען געווען פרייליך און גוט אויפגעלייגט, זיי האבן אלע געהאלטן נאך א צוויי שעה'יגע שבת נאכמיטאג שלאף, האבן זיי זיך אביסל צולאזט מיט די באלי, א מזל האבן זיי געהאט אז די שכנים פון אונטן זענען נישט געווען אין שטוב, האבן זיי געשפילט מיט די באלי, געהאקט און געזעצט דערמיט, כאילו זיי געפונען זיך אויף א ליידיגן שטח אונטערן פרייען הימל, ביז ....

טרררררררררררך, די באלי (טאבע) האט שוין עפעס אומגעווארפן אין שטוב, איך הייב זיך אויף פון מיין בענקל צו גיין זען וואס עס האט פאסירט. גארנישט... די דעקל פונעם אונטערקאם (וואו מען קלינגט צוריק די בעל) איז אראפגעפאלן, און עס אנטפלעקט זיך פאר מיר א גרויסער סוד... 4 גרויסע באטעריען!

איך האב זיך גלייך געכאפט ב"ה וואס די ווינק פון הימל איז, מיר האבן ארויסגענומען פון לעדל 4 נייע באטעריס, און וואונדער איבער וואונדער -------- די בעל ארבעט א מחיה!

איך וואוין שוין אין דעם דירה איבער 5 און א האלב יאר, איך האב ביז היינט נישט געוואוסט אז די בעל פארמאגט באטעריען, יעצט - א דאנק דעם אפענעם ווינק פון הימל - ווייס איך דאס שוין גאר גוט, און איך שפיר פאר א זכיה צו דערציילן ברבים דעם אינטערסאנטן השגחה פרטית עפיזאד.

ביסטגערעכט , דו ביסט לגמרי נישט גערעכט דו הייבסט נישט אן צו ציטערן די אויתיות אויפן סקרין זענען זייער גראד , שעם דיך נישט שרייב און לאז יעדן הנאה האבן

נאטורליך , ס'איז מיר א זכיה אז דו האסט גענומען די מיה און אריין געשריבן אונעם נאציאנאלן טאגבוך , און ווי געווענליך מחיה געווען דעם עולם קורץ און שארף ,

יישר כח פאר אלע חברים פארן זיך נעמען די צייט און אריין לייגן דא זייערע איבערלעבענישן קיפ איט אפ

און יעצט וועל איך צו לייגן נאך אן עפיזאד פון היינט , איך שמועס מיט איינעם היינט און בית מדרש פאר בערך 15-20 מינוט , און יענער געט זיך א כאפ אז ער האט אנגעטוהן זיין של יד אן זיין של ראש , ער ווייסט נישט אויף וועלעכע וועלט ער איז , ביז ער כאפט זיך אז למעשה האלט ער אין מיטן לייגן תפילין און מיך זעענדיג האט ער זיך פארטראכט פון אן ענין וואס ער האט געוואלט זיך דוירעך שמועסן און פארגעסן וואס ער האלט אין מיטן טוהן.

טאמער די מעשה איז אייך נישט אינטערעסאנט ,( איך האב א קאמפלעקס , וועא"מ ) געטס א מאך צו דעם אשכול און עפענט עס נישט צוריק אויף ביז עס וועט נישט נאכאמאל בלינקען דער גרינער לעמפעל ,

חחחחחחחאאאאאאאאאאאאחחחחחחחחחחחחחחחחחחאאאאאאאא

נאר אזוי,

איינער האט נעכטן געפארקט זיין קאר פארנט פון א ביזנעס פלאץ

די ביזנעס האט יעצט געפענט 10:45, און געזעהן דעם קאר, אן פרעגן קיין צוויי קשיות, האבן זיי גענומען זייער היי-לאוי, אויפגעהויבן דעם קאר, און עס אראפגעלייגט א  גאס ארויפציר, אינמיטן די וועג....

קארן פייפן, פאליס איז דא....

חאחחאחאחאחאחאחאחאחאח   נאר אזוי, אנדערש וועלן די חברה קיינמאל נישט פארשטיין

יגר'ל,

איך האב אמאל בייגעוואוינט אזא מעשה, א קאמפעני וואס דיסטריביוט עסנווארג פראדוקטן,(קעטשאפ, זויערע פיקעל, גרינבינס, א.ד.ג.) האט אויך אויפגעהויבן א קאר מיט זייער היילאו, דער איד פארוועם די קאר האט באלאנגט איז געקומען ארויסצולויפן מיט איין אטעם און ער איז געווארן מלא חימה, ער האט אנגעפאנגן צו ווארפן קעטשאפ באטלעך ס'האט זיך געגאסען דארטן קעטשאפ ווי וואסער, וחמתו שככה.

מער האבן זיי נישט אויפגעהויבן קיין קאר'ס מיט זייער היילאו.

היילא.

די טראלי האט זיך אמאל פארהאנקערט אין שניי, האט מען גערופן א היילו פון לאמבער יארד
און האט דאס אונטער געהויבן ווי א קינדער שפיל.

בנוגע אוועקטראגן א געפארקטע קאר מיט א היילאו, דאס איז אומלעגאל צו טון, און מען קען געהעריג זיצן דערפאר און\אדער צאלן א פיין . נאר איינער ואוס איז אוטאריזירט דערפאר מען אוועקפירן א קאר.

ליין דא די געזעצן פון די שטאט טאטעס.