~~~ שאלות אויף פרשת חיי שרה ~~~

רש"י זאגט אויף קרית ארבע "ע"ש אחימן ששי ותלמי ואביהם"

וויאזוי האט געהייסן זייער טאטע?

דער מוסף רש"י דא אויפן פלאץ (אין די המאור חומש) ברענגט א רש"י אין יהושע (י"ד, ט"ו), אז זייער טאטע האט געהייסן ארבע!

בן הרחמן;

מיין קאפ דרייט זיך שוין, איך האב נישט געקענט דאווענען געהעריג מנחה-מעריב.

וויפיל קינדער האט הגר געהאט?

==

איך האב זיך מיישב געווען אז איך קען נישט שיקן אזא תגובה... האב איך געמאכט א זוכעניש, און דא האסטו די רעזולטאט!

אבן עזרא (תהלים פ"ג, ז') בפסוק אהלי אדום וישמעאלים מואב והגרים, וז"ל: והגרים. הם ההגריאים שילדה הגר מבעל אחר ובעבור שהיתה שפחת אברהם התיחסו הבנים אליה כדרך בנות ברזילי הגלעדי עכ"ל.

יישר כח בן הרחמן פארן געבן די געלעגנהייט נאכצוקוקען.

איז דא א פריערדיגע מקור דערויף?

בן הרחמן; (איך מיין אז אין קורצן הייסטו בעני, מעג איך דיר רופן אזוי?)

א קשיא פאר א קשיא:

פארוואס האט זי געהייסן הגר?

קרעמער;

א יישר כח פאר דיר פאר די ידיעה פונעם אבן עזרא,

אבער נאך אלץ נישט וואס איך האב געמיינט, (איך האף דו וועסט קענען דאווענען רוהיג שחרית מארגן אויב דו וועסט נאכנישט וויסן קיין תשובה )

דיין שאלה וועגן פשט אין הגר'ס נאמען וועל פרובירן נאכצוקוקען,

----

בנוגע 'בעני' איז אזוי אויב דו זאגסט בלשון חיבה 'בעני' דאן מהיכא תיתי, אבער אויב איך וועל זעהן אז דו רופסט מיך אזוי צו טשעפענען 'בעני' מיט אזא אונטערגעציפטע שמייכל אין די זייט דאן וועל איך דאס נישט טאלערירן

איינער האט פריער גשריבן אז אליעזר איז געווען א ברודער פון כנען. דער שפתי חכמים פון היינטיגער חומש (רביעי) שרייבט אז ער איז געווען "מבני כנען"

איידער איך ענטפער אויף מיינע שאלות, וויל איך ענטפערן אויף די שאלה פון בן הרחמן;

עס ווענדט זיך אין די צוויי תירוצים פון תוספות בבא בתרא דף קמ"א ע"א, אויב די טאכטער "בכל" איז געווען פון הגר אדער נישט.

(איך האב דאס געפונען איידער איך האב אנגעהויבן זינגען "שלום עליכם" פרייטאגצונאכטס, ווען נישט וואלט איך מסתמא געהאט א צושטערטע שבת).

תירוצים אויף די שאלות פון פרשת חיי שרה: צוזאמגענומען פון די תירוצים פון אונזערע חשוב'ע קאלעגע שרייבער ('איבריג', 'אור חדש', 'בן-הרחמן', 'חיימזאהן', און אנדערע), בתוספת נופך, ומראי מקומות והערות.

נאך א מזל דו האסט געטראפן די תירוץ, ווייל פרייטאג נאכמיטאג ווען איך האב דיך געזעהן האסטו נאך אויסגעזעהן היבש פאר'דאגה'ט און אנגעצויגן, ב"ה אז ביי קידוש איז שוין געווען רוהיג ,

אגב די תירוץ אויף דיין שאלה וועגן די פשט פון די נאמען 'הגר', איז, אין מד"ר (איך האב נישט יעצט קיין געדולד אויפצוזוכן פונקטליך וועלכע פרשה) שטייט אז פרעה ווען ער האט געגעבן די שפחה פאר שרה האט ער געזאגט 'הא אגרך' וועגן דעם האט זי געהייסן הגר, (אבער די שאלה קומט באמת אין פר' לך ווייל דארט שטייט אין פסוק ושמה הגר און איך מיין אז מדרש איז דארטן).