נישט פאר קיין שוואכע הערצער
היינט אינדערפרי, ווען איך בין מיט מיין פערד און שליטן געפארן פארפיקן דעם דאיען, און איך פייף מיט'ן הארן, איינס צוויי דריי, און ליידער אין קול ואין עונה, איך שטיי און טראכט וואס האט געקענט פאסירן, אבער איך קען נישט אויספיגערן, ביז איך האב דעם גרויסן בויך געטוהן שלעפן ארויף, צו דעם דאיען'ס הויז, פון אונטער דעם טיר טוה איך ליידער הערן וויינען און יאמערען, איך קלאפ אריין מיט איידעלע קלעפ, איך האף אז נישט עפעס ערנסט האט געטוהן פאסירן, און די רביצין בכבודה ובעצמה קומט צו די טיר שפאצירן, מיט געשוואלענע אויגן, טוט זיך מיך מקבל פנים זיין, פרעג איך מיט א קול נמוכה, איז עפעס געשעהן טייערע רעביצין, זאגט זי וואס זאל איך דיר זאגן, דער דאיען איז אין א גרויסע דעפרעסיע אריינגעפאלן, זי ווייסט נישט וואו זיך אהינצוטוהן פאר בושה, פרעג איך וואס הייסט, זאגט זי דו האסט נישט געמערקט אז די נעכטיגע שיעור האט שוין דער דאיען נישט פארגעלערנט, איך שטיי און טראכט, מיין זכרון טוט זיך עפענען, יאפס ליידער איז דאס אמת, פרעג איך נו וואס זאגט דער דאיען, זאגט זי ער רעדט נישט צו קיינעם, אסאך מיסד קאלס אויף זיין טעלעפאן איז פארהאן, ער הייבט נישט אויף ער מאכט זיך ווי א טויטער ל"ע, ער וויל זיין מויל נישט עפענען, ער עסט שוין נישט זינט דעם נעכטיגן טאג, די טלית ותפילין האט ער נאך זינט נעכטן נישט אויסגעטוהן, ער נו'קעט אהער און אהין, אויפגעבראכט און צומישט, וויינט די רביצין.
רבותי עפעס ערנסט האט פאסירט זייט מתפלל, מאכט משמורות האט אינזין רפאל בן עטל, פאר א רפואה שלימה, אבער ביטע פאר די מאמע גארניקס פארציילן, ווייל דאס קען איר צו די הארץ נאנט טרעטן, אויב ווייסט עמיציר, פון א גוטן דאקטאר, זאל זיי מוחל זיין און לאזן וויסן.
 |
|
|
