קרעמער איך זעה דו האסט דיך גענומען היינט אויף מיינע ביינער,
ביי די וועי ביי טעות נומער דריי האסטו אויך עפעס פארזעהן ווייל איך האב נישט געשריבן אז דו האסט 'געשריבן' דעם פאועם בשעת'ן פאטאגריפירן, איך האב געשריבן אז דו האסט עס דעמאלס 'פאבריצירט' דאס מיינט אינעם מוח, וואס דאס האב געמיינט אז דו קענסט יא מיט דיין שארפן מוח
נשלח ב-13/9/2005 16:46
בן;
פיר טעותים טעה בן הרחמן באותה שעה...
1. די פייגלעך האב איך פאטאגראפירט שטייענדיג, נישט זיצענדיג.
2. איך קען נישט שרייבן בשעת איך האלט א קעמרע און פרוביר זיך קאנצעטרירן אויף פייגלעך.
3. האסט פארזעהן דעם קעפל "אויפן באס".
4. עס האט גארנישט מיט הארץ צוטאן.
נשלח ב-13/9/2005 09:00
קרעמער; עס קוקט אויס ווי דעם פאועם האסטו פאבריצירט ווען דו ביזט געזיצן און פאטאגריפירט די פייגעלעך,
אידער וועי א שכח פאר די הארציגע שורות
נשלח ב-13/9/2005 07:03
נאטורליך; וואו זענען דיינע פאומ'ס?
יונגאטש; כ'מיין אז דו האסט אויך עפעס ערווענט אמאל פון אייגענע פאומ'ס, וואו זענען זיי?
בין איך דער איינציגער 'שעיקספיער' אויפן פלאנעט?
נשלח ב-13/9/2005 07:02
אויפן באס
זיצן ענג אונטער איין דאך
מענטשן פארשידנארטיג; דעות אסאך
איינער אין די קליינע גמרא איינגעטונקען
דער צווייטער אין א שלאף איינגעזינקען
דאס קעפל ווארפט זיך אים אהין און אהער
ביים דריטן דרייט זיך די צינג; רעדט אן אויפהער
די פאנאראמע הערליך שיין, וועלדלעך ארום
די וואונדערליכע ווערק פון באשעפער אומעטום
פארשידענע מאדנע פירונגען; כ'מוז געבן א לאך
איינער פון די רייזענדע זאגט דינסטאג פ' וישלח
דער אנדערער האט א פרומע משוגעת
גיסט זיך נעגל וואסער; די גאנצע באס ווערט נאס
פארשידנארטיגע פנימ'ער און געדאנקן גענג
כשם שאין פרצופיהן שוות, כך אין דיעותיהן; געדענק!
נשלח ב-31/8/2005 19:35
ארויפגעברענגט לכבוד "נאטורליך".
ליינט און האט הנאה, לייגט צו אייערע סחורה.
נשלח ב-8/7/2005 07:29
איך ווארט נאך צו הערן ווער עס האט מיר געקרוינט אלס רבי, און וויאזוי די הכתרה איז צוגעגאנגען... הגם עס שמעקט מיר זייער דעם טיטל, אבער אודה ולא אבוש אז איך האב נישט קיין הוראה (און אפשר טאקע דערפאר בין איך דאס מערסטע געאייגנט צו זיין אן אדמו"ר...). יצאתי בזה ידי חובת מחאה, כמבואר בגמ' שאם חושדין אותו בדבר שאין בו שצריך להודיע, ואם מכבדין אותו שיודע שתי מסכתות ואינו יודע אלא אחת צריך להודיע.
יענטאאש, מי יבא אחרי המלך, ווער בין איך דיר צו קאמפלימענטירן אויף דיין זעלטן געראטענעם שיין צוזאמגעשטעלטן חרוז, וועלכער איז אויסגעהאלטן מיט אלע כללים, גראמאטיק און פאועטיש, און אפילו אויסגעהאלטן לויט די חוקי הפורום, עכ"פ ביז דער מנהל קומט צוריק, און איך גלייב שווער אז ער וועט זיך איינרייסן מיט דיר, ווייל אויב יא וועט ער ברויכן זוכן א פערטן מנהל משנה אין א קורצע תקופה פון עטליכע מאנאטן. איך וויל נאר וויסן מיט וועלכן ניגון מען זינגט דאס, איך וואלט פארגעשלאגן אז לכבוד יאמאמיי וועלכער האט געמאכט דעם געוואגטן נחשון בן עמינדב שריט און געקומען שרייבן דא מיט זיין חדשות אנ"ש נאמען, זאלן מיר פרובירן זינגען דיין חרוז מיט דעם ניגון הידוע פון יאמאמיי יאמאמיי יאמאמיימיימיימיימיי, זינגט אלע צוזאמען.
נשלח ב-7/7/2005 00:38
איר זענט יעצט אויף הייד פארק יא? אט איז א פאועם וואס איך האב פארפאסט לכבוד דעם אופגעכאפטן זייטל.
"הייד פארק"
'הייד פארק', דער נאמען איז שוין היינט ברייט פארשפרייט,
ווי כלל ישראל וועלכע איז אויף אלע זייטן וועלט צעשפרייט און צעזייט,
טוט אויף איר א גאנצן טאג שטראמען מען קומט און מען גייט,
אין די פורמ'ס מען כאפט א בליק אין די ליידיגע צייט,
אין אמת'ן איז דער פלאץ גאר א וועפיגער,
ארבעטסלאזע לייט טוען זיך אין איר רייסן איבער אהרן זאלי בנציון און אונגער,
שייגעץ רשע אכזר גנב מסור טוט איינער אויפן צווייטן שרייען,
אמת'ע און נישט געשטויגענע לשון הרע'ס טוט מען כסדר איבערקייען,
יעדער פאר זיך איז גערעכט און דער צווייטער פשוט'ע ליגנט ער זאגט דאך,
ער זאגט דאך אנדערש ווי איך 'וויאזוי גלייבסטו אים נאך?',
יענעמס רבי איז אן אויסווארף נישטא אפילו וואס צו דעבאטירן,
איי די חסידים וואס ער האט? דו זענען סתם שטירן,
יענער איז א פראסטער פאפער היינט זאגט ער אנדערש ווי נעכטן,
ער טוט היינט פארדארבן וואס ער האט נעכטן געטון פאררעכטן,
און דאס וואס איך טו די זעלבע דאס איז קיין פראבלעם נישט עכט,
וויל איך האלט דאך פון 'מיין' רבי איך בין דאך אייביג גערעכט,
אין אנדערע פורם'ס טוט מען פון סעקס שמועסן,
און פון נאקעטע בילדער טוט מען געניסן,
נארישע וויצן און איבעלדיגע מאסעס אנע איטערעסאנטקייט א טראפ,
זענען דא אויף די פורם'ס צו ליינען ביז איבערן קאפ,
הוטקע, יענטאאש, בןגאלד, און בן בלי שם,
איך ווייס נישט וויאזוי איר קענט לעבן אן דעם,
א זייטל א געשמאקער פיל מיט טעם,
וועלכע איז אין 'הייד פארק' באמת אן אויסנאם.
