דיסקרימינאציע קעגן אונזערע שרייבער!!!?

אנומעלט באקומען מיר די שוידערליכע ידיעה פון איינעם פון די חשוב'ע שרייבער דא אויפן פורום, אז מען האט אים געסטראשעט און באדראעט מיטן ערגסטן, אלעס צוליב דעם 'חטא' פון שרייבן אויף 'היימישע שטותים'.

דער קאמעראד אונזערער האט זיך געוואגט אהערצוקומען מיט זיין אלגעמיינע ניק, און די בעלי בתים פון עטליכע כלומר'שט פרומע פורומים האבן אים אנגעסטראשעט אז זיי וועלן אים פארשפארן צוליב דעם!

שומו שמים!

צי דען זענען זיי פרומער פון כביכול וועלכער איז ידו פשוטה לקבל שבים?

ווייסן זיי דען נישט אז תשובה העלפט אפילו פאר איסורי כריתות, וכל שכן פאר א פורום וואס האט אמאל געשריבן שלא כהוגן אבער האט געמאכט א הונדערט אכציג דעגרי (אקעי נישט ממש הונדערט אכציג, אבער ניינציג איז אויך גענוג) און שרייבט בלויז שטותים להחיות בהם נפש כל חי?

אויב די סטראשונגען וועלן זיך נישט אויפהערן, וועלן מיר מוזען נעמען שריט...

אין עונשין אלא אם כן מזהירין...!

אלס מנהל פון דעם סאטמארן אומפארטייאישן פורום "א בלוק אין סאטמאר" שריי איך דא אויס צו אונזערע ברודער.

כולנו בני איש אחד אנחנו! חזק ואמץ ואל תחת!

ביי מיר אין פארום זענט איר אייביג וועלקאם עס לאנג איר וועט שלעטן די ציונים אדער סיי וועמען אנדערשט.

לעבן זאל דער שיטה הק' און פייגערן זאל טעראר!

מאמע'ס פארטוך?

איז דאס א טשעפע צוריק אויף דעם וואס איך האב ארויסגעברענגט א ספק אויף דיין גענדער?

שכויעך הוטקע, יעצט פיהל איך שוין פארזיכערט אונטער דיינע פליגלעך פונקט ווי דאס קליינטשיגע אונטערן מאמעס פארטוך

ברוכים הבאים אלע נייע שרייבער, ובראשם דער 'געשמאקער'!

יהא בואכם לברכה!

האט נישט מורא פאר קיין קאנסעקווענצן, מיר האבן די ריכטיגע קאנטאקטן מיט אלע מנהלים אויף היידפארק!

ווער עס טשעפעט איינעם פון מיינע שרייבערלעך, איז ווי גלייך ער טשעפעט מיט מיר אליין...

יא! יא! מיר ווארענען אייך מיר וועלן ענק פארשיקן צו אלדע בייזע רוחות צוזאמען מיט אלע אנדערע קאפיקעטערס