'סתם אין די וועלט אריין גערעדט'

יענטאאש שרייבט:

בבב...גארעהההה......בבב....גראאאהההעעעעעעעלללללל........ גררראאהההההעעעעעעללל.....

יענטאאשטע(מיא א נאסע שמאטע אין די האנט אפווישנדיג די פלאר, שרייט): יענטאאש! כאפ דיך גוט אן ביים קאפ און בייג דיך גוט אריין אין טוילעט! ברעך מיך נישט אן די גאנצע הויז! איך בין נישט מחיוב צו ליידן יעדן טאג! א נייע קרענק 'מסיבות'!!!! יעדן טאג הוליעט מען נאכער מאכסטו מיר שמוציג דאס גאנצע הויז!!!!!.....

בבב....גראאאהההעעעעעעעלללללל........ גררראאהההההעעעעעעללל......

און איך ברעך און ברעך...... יוי וואס האב איך מיר געדארפט אנ'משקה'ן.....בבב....גראאאהההעעעעעעעלללללל........ גררראאהההההעעעעעעללל....... אקעי גענוג געוווען גענוג געווען שוין שוין!!........

הא... העעההה...,הא... העעההה...,הא... העעההה..., אקעי שוין..... איך אטעם אפ האאאאאאהההההה.....

פערטיג איך טרינק נישט מער..... נאו וועי...... אזאנס!..... אפילו די יענטאאשטע זאל זיך שוין עקלען פון מיר...... נאו מארר.......

מ'קען מאבן מסיבות אבער ברוינפן נישט... אלעס האט א שיעור....






תוקן על ידי - יענטאאש - 12/07/2005 17:40:57

אה..... ממש א מחיה.....

א הארציגן יישר כח מר. פארברענגען,
דו האסט די צייט נישט געטון אנברענגען,
און אלע מיינע זאכן געטון אפירברענגען.

לאמיך דיך דערפאר באזינגען,
אז עס זאל גוט אפקלינגען,

יישר כח!!!!

אין נאמען פונעם ראש הקהל: יישר כח פאר אונזער חשוב'ער מיטגליד מר. פארברענגן וועלכער האט נישט געזשאלעוועט קיין צייט, כח, מח, און געלט... צוזאמצוקראצן א ילקוט ענינים פון דברי פי חכם מר. יענטאאש דער ראש הקהל!

אז מע בעט שיין באקומט מען.






דער גראף וועלכער טיילט לעצטנס אויס ציפקע צרות פאר די איידעלע אומשולדיגע דערפישע אידן דא אין קרעטשמע, האט -זעענדיג דו שטארקע שטארקייט מיט וואס מיר האבן זיך ארויסגעשטעלט קעגן אים מיטן הילף פון השי"ת- צוגעשיקט א בריוועלע וועלכע איז אנגעקומען מיט א שליח צום קאנצעליי פון קהל דא אין שכינות פון די קרעטשמע, נעכטן אויפדערנאכט אינמיטן דעם שרעקליכן קורצשלוס.

דער בריוו ליינט זיך ווי פאלגענד:

איך האב שוין כמעט חרטה
איך בין געווען א שוטה
וואס האב איך דא געטאן
באדערן עס פאנגט מיר אן

די חברה איבער מיינע ביינער
מען לאזט מיר קוים די ציינער
מען ווארפט מיר נאך שטיינער
איך בלייב אליין אן קיינער

איך בעט זיך איבער מיט אייך
איך וועל ענק אפילו מאכן רייך
אבער זייט מיר מוחל אצינד
שנעל שוין און געשווינד

דאס הארץ ווייטאגט מיר
גיסט מיר אן אביסל ביר

גלייך איז צוריקגעשיקט געווארן א שליח ווי מען האט געמאלדן דעם גראף אז מיר -אלץ אידישע קינדער רחמנים בני רחמנים- זענען גרייט אויף געשפרעכן.

אומבאשטעטיגטע קלאנגען קורסירן צווישן די אלס-ווייסערס אין דערפל, אז דער גראף וויל זיך מגייר זיין און ווערן א איד, דאס איז די ווערסיע פון זלמן דער פעל סוחר.

ווידעראום חיים שמואל דער פרוכט הענדלער פארציילט פון קראנטע קוועלער, אז דער גראף איז גאר אן אפגעפארענער איד וועלכער וויל זיך יעצט צוריקקערן צום אידישקייט.

אלענספאלס דאנקט גאט ברוך הוא, שעפשעט א הייסע תפילה אויף ווייטער, און פאלגט נאך די אנטוויקלונגען.




אין א געוויסע לאנד, אין א געוויסע שטאט, אויף א געוויסע גאס, אויף א געוויסע טיר, הענגט א קליין הילצערנע שילד, און מיט איינגעקריצטע גאלד געפארבטע אויתיות ליינט זיך "משפחת יענטאאש".
אינעווייניג פון דעם טיר געפינט זיך די דירה אין וועלכע עס וואוינט די "יענטאאש" משפחה, וועלכע 'יענטאאש'עס' וואוינען דארט?, דארט וואוינען די באוואוסטע 'יענטאאש'עס'.
דער 'טאטע יענטאאש' איז א פיינער אידל אין די יארן צווישן 'צוואנציג' און 'זיבעציג', די 'מאמע יענטאאש' איז א פיינע וואוילע ערליכע אידישע טאכטער אין בערך די זעלבע יארן, זיי פארמאגן א שטוב מיט א געוויסע צאל קינדער בליעה"ר.
'מר. יענטאאש' איז א פשוטער איד, שטייט אויף יעדן פארטאגס, האט א שיעור פארן דאווענען, דאווענט מיט זיין באשטימטע מנין, אין זיין באשטימטע שול, אויף זיין באשטימטע פלאץ, מיט זיין באשטימטע סידור, און מיט זיין באשטימטע ברילן.
דורכ'ן טאג ארבעט 'הער יענטאאש' אין א געוויסע קאמפאני, ער פארמאגט דארטן א דזשאב וואס פאלאנגט זיך דערפאר א 'קאמפיוטער' און (ליידער) אויך די (טריפה'נע) אינטערנעט, אין איבעריגע צייטן ווען מר. יענטאאש האט נישט עכט וואס צו טאן שרייבט ער 'תגובות' אויף "היימישע שטותים"……..
אה!.... בקיצור וואס מאך איך אזאנע לאנגע הקדמות, דאס בין איך 'יענטאאש' א גוטן וואס מאכט איר עפעס?, עני-וועיס איך וויל אביסל רעדן וועגן וויאזוי מען באהאנדלט א משפחה איך מיין די ווייב די קינדער, נישט אז איך האב פראבלעמען ח"ו, איך רעד פון סתם זאכן, פשוט 'לייף'.
למשל ווען איך גיי אין שול שבת, און אלע 'יענטאאש'לעך' לויפן מיר נאך ווי די קליינע פליגן זומער, איינער גייט אויף רעכטס איינער צו לינקס, איך קען נאר אנכאפן צוויי חברה, סא איך כאפ אן די צוויי קלענסטע 'יענטאאש'יס', אבער די איבעריגע קען איך נישט קאנטראלירן, ס'איז בושות איך קום אן צו א קארנער, מען דארף אריבערגיין די גאס, און ס'גייט קולות 'מאטי! גרונמ'קע! זבילי! (איך האב געטוישט די נעמען, איך וויל נישט מען זאל זיי טשעפענען אין חדר…)ווי גייט עטץ??!! וואטשט'ס א קאר קומט!!!!, אזוי אויך אין שול יעדער צולויפט זיך און פאר 'נקדישך' און ביים אהיימגיין בין אויך אויס 'הוטקע'לוטש מאכער, אדער אינמיטן נקדישך ביי 'ממקומך' -און דייקא ווען עס איז דא א שיינער חזן- נעמט זיך דער קליינער 'יענטאאש'עלע' (וועמען איך האב אויך נאר געברענגט אין שול וועגן די 'יענטאאש'טע האט פארפירט אז זי האט שוין נישט קיין כח צו אים) וויינען הויך אויפן קול, איך מיין, וואס טוט מען אין אזא צייט……..
בכלל וויל איך דורכרעדן וואספארא מין יענטאא…איך מיין צו זאגן וואסערע מין טאטע איך זאל זיין, דעי באבלאזענע מינע וואס ציפט די קינדער אויב זיי דאווענען נישט אדער דעי וואס גלעט ווען זיי דאווענען יא, דעי וואס לאזט נישט שפילן אין שול נאך כיתה א' אדער דעי וואס לאזט אפילו אין כיתה ח', סאיז דא אזויפיל זיך דורכצושמועסן, קומט לאמיר זיך דורכרעדן כאיש אחד ובלב אחד, יעדער קען נוצן א 'העלפינג טאהט'.
(המשך יבא אי"ה)
(המשך)
איר האט געזען נעכטן בין איך אוועקגעלאפן אינמיטן שרייבן, וואס איז געווען?, גארנישט איך זיץ מיך אזוי רואיג אינדערהיים אין מיין אפיס ביים קאמפיוטער, איך האלט נאך א שווערן טאג ארבעט, און פלוצים הער איך די יענטאאש'טע שרייען: 'יענטאאש!!!! יענטאאאאאאאאאאאאש!!!!!!!', איך מינימייז שנעל 'היימישע שטותים' און איך שריי צוריק: יא!!!!!!!, בקיצור מ'האט מיך אראפגערופן אין פלעי רום מאכן שלום צווישן די קליינע 'יענטאאש'לעך'.
"וואס גייט שוין פאר דא? ווער קריגט זיך שוין ווייטער???" רוף איך אויס מיט א טאטע'אישן האלב שטרענגע שטימע אריינשפאצירנדיג אין פלעי רום, איך האב געדארפט צושטאפן מיין אויער פון די קולות נאכדעם.....
.........!!!!!!!!!!!!...........מאטי האט געוואר.....!!!!!!!......ניין ווייל ער האט מיך געוואלט שלאג....!!!!!!!!!.........אנא.....טאטי...!!!!!!!......אייביג ווען מ'שפילט קומט ער אן און ער.............!!!!!!!.........יא ווייל אייביג טשעפענען זיי מיך.....!!!!!..........!!!!!!!!!!!!!.....יא.!!!!!.........ניין....!!!!!!........פאר'דוקה.........!!!!!!!!!!!!.........!!!!!!!.........
וואס טוט מען אין אזא פאל??, סאיז דא טאטעס וואס געבן יעדן אריין אפאר פעטש, א צווייטער נעמט איין קרבן ציבור, איינער געבט פאר'ן עלטסטן, איינער פאר'ן יונגסטן, וואס זאל איך טון??.
(המשך יבא אי"ה)
(המשך)
......'מאטי זינג זמירות'...... רוף איך אויס פארשלאפענערהייט, און איך פאל צוריק אריין אין מיין דרימל....
מיין קאפ פאלט אויף אראפ, צוריק אויף ארויף, צו די זייט, צו רעכטס, צו לינקס, ....ככככככ.... איך כאפ מיך צוריק אויף, אריינציענדיג א טיפן אטעם מיט מיין נאז........
.... איך סטרעטש מיך אויס און דערביי פרעג איך 'האסט שוין געזינגען מאטי'???....... קיין ענטפער.... 'נו, עטס האטס געזינגען קינדער'???..... קיינער ענטפערט נישט.... איך כאפ זיך אויף, איך קוק מיך ארום, מיין 'יענטאאש'טע' שלאפט אויפן לעזי-בוי, די בענקלעך זענען ליידיג, מיין זופ טעללער איז האלב פול און נעבן דעם ארינגס און ארום איז אנגעגרייט די פלייש טעללער, בונדלעך, פרוכט, אייסעס (שוין צולאזטע)........., שוין טראכט איך.... נאך א פרייטאג צונאכטס אין דער ערד, איך בענטש, איך הייב זיך אויף און גיי אין בעט אויף ביז מארגן צו סוזק"ש...
אקעי, די וואך איז געווען אביסל ערגער וועגן די מסיבה ליל שישי אין הוטקע שול, אבער יעדע וואך איז נישט קיין סאך בעסער, מ'ארבעט שווער א גאנצע וואך אין די ארבייט, פרייטאג ארבעט מען שווער פאר די 'יענטאאש'טע', און ס'קומט ביינאכט איז מען א 'מידער יענטאאש', איך עס מיך אויף, איך וויל ס'זאל זיין א שיינער שבת טיש, זינגען שיינע זמירות, זאגן תורות, און אזוי ווייטער אזוי ווי ס'פאסט פאר א שבת טיש ביי די יענטאאש'עס, אבער וואס קען מען טון אז דער ראש ה'יענטאאש'עס איז שלעפעריג...
איז וואס טוט איר????, קענט איר מיר העלפן?, וויאזוי האלט איר זיך אויף?, זאל איך מיך אראפלייגן פרייטאג נאכמיטאג כאפן א דרימל האב איך מורא אז די יענטאאש'טע וועט מיך אויפוועקן מיט א פעדער-שטאך..., אפשר בין איך איר שיין מסביר?, העלפט מיך!.
בכלל די גאנצע שבת סעודה קען איך נוצן אפאר 'טיפס', טיילט איר גרויסע שטיקלעך חלה צו קליינע, אסאך גרעיפ-דזשוס צו ווייניג, איר לאזט טרינקען אינמיטן די סעודה?, איר פארלאנגט א תורה?, איר פארהערט אינמיטן די סעודה?, ווי לאנג געדויערט ביי אייך די סעודה?, די קינדער מעגן זיך אויפשטעלן ביי די סעודה?, ווער סערווירט דאס עסן אייער ווייב צו אייערע קינדער?, איר צווינגט די קינדער אויפצועסן?, וויאזוי סעטלט איר די מחלוקה פון ווער ס'זאל זיצן אויף וועלכע טשעיר?, און אזוי ווייטער און ווייטער.....
(המשך יבא אי"ה, אבער דער עולם קען אנהייבן ענטפערן, ווי אויך פרעגן אייגענע צווייפלען).






'די יענטאאש פייל'

היי עוורי באדי דיס איז יענטאאש ספיקינג, לעטס סי וואטס גאואינג אן אין דע ווארלד אראונד אס.


וועעע..... וועעע..... וויינט די גאנצע וועלט מיט זודיגע טרערן פארקלאפנדיג די הענט מיט א ציפ און אריינאטעמענדיג א טיף-שאקיגן לאנגען אטעם, וואס איז? וואס הייסט! די ווייב פון אקטיאר קריסטאפער ריוו האט היינט אנאנסירט אז זי איז געשלאגן מיט לינגען קענסער ה"י. נישט אז איך וויל זי זאל שטארבן אדער זיין קראנק ח"ו, אבער ווי זענען די אלע וויינענדיגע געווען ווען אין דייטשלאנד האט מען געקוילעט איבער זעקס מיליאן אידן?????.

פרעזידענט בוש האט היינט רעאגירט מיט זיבעציג 'קאקעצעס' אויף איראן'ס אנגייאונג מיט זייערע נוקלעארע פלענער, צווישן די קאקעצעס האט בוש עפעס גערעדט וועגן נוצן די יו. ען. אויף צו אינטערווינירן ביי איראן, וואס? נוצן וועמען????!!!!!!!!.

היינט איז געווען באריכטעט אז ניינציג פראצענט אמעריקאנער שולערס זענען מסכים אויף שווערערע טעסטס אין סקול. אויך איז געווען באריכטעט אז די ראנ-עוועי ברייד -וועמען דער אפגעריסענער מאן האט צוריקגענומען נאכדעם וואס ער אטעמט נאך יעצט שווער פון איר נאכלויפן- שניידט די גראז ביי זיך אין לאט. דאס איז נאר צוויי פון צענדליגער אזאנע נייעסן וואס די מידיא פילט יעדן טאג פאר גאר וויכטיג צו באריכטן, און נאכדעם וואונדערט מען זיך פארוואס עי. בי. סי. יאגט זיך נישט צו רעפלעיסן 'פיטער דזשענינגס'.

און יא! היינט איז אויך געווען באריכטעט אז מענער האבן א פראבלעם צו הערן א נקיבה'איש קול רעדן, א גוט מארגן אייך די מידיא! יענטאאש האט דאס שוין געשריגן חדשים צוריק.

אן טוסדעי אגוסט ניינט טו טאוזענט ענד פייוו, דיס איז די יענטאאש פייל אן די קרעמער ניוס נעטווארק.

איך בין געווען אזוי ביזי היינט, אז כ'האב נישט מיטגעהאלטן די נייעס, און כ'האב געציטערט אז 'די יענטאאש פייל' גייט גיין קראכן, אין א פארזוך זיך צו ראטעווען האב איך שנעל געקאלט טעלמי פרובירנדיג צו געוואויר ווערן עטוואס די נייעס אויפן שפיץ גאפל, ווען איך האב געהערט וואס זיי זאגן בין איך געהאלפן געווארן, איך האב פארשאפט א יענטאאש פייל אויף היינט...

'די יענטאאש פייל'

היי עווריי באדי דיס איז יענטאאש ספיקינג לעטס סי וואטס גאואינג אן אין דע וארלד אראונד אס.

'סארי, די יענטאאש פייל פאר טודעי איז קורענטלי אנעוועליבעל, פליז טריי עגעין לעיטער'





אקעי, לאמיך קודם טיף אריינאטעמען....... ההההההה.... אקעי, הערט אייך איין, איך בין נישט קיין אפיקורס ח"ו, אבער כ'האב ליב ווען מענטשן קומען אן און זאגן 'כהאב געזען אין אן אלט ספר פון א ספרד'ישער מקובל פון אטנארגאנינא וועלכער האט דאס געשריבן פאר הונדערט פופציג יאר צוריק שרייבט ער דארט...', איך ווייס נישט ווער דער מקובל איז, קען זיין אז ער איז געווען א מלאך אלקים, אבער היינט קומען אויך מענטשן ארויס מיט ספרים טעגליך, און אין הונדערט יאר ארום וועט זיך איינער אנרוקן 'כ'האב געזען אין א ספר פון הונדערט יאר צוריק עפעס א רב אין וויליאמסבורג', רב? אין קאפ אריין, ער איז געגאנגען מיט שווארצע זאקן, ער האט נישט געארבייט, און ער האט אפשר געהאט א קעלער ביי זיך אין בעסמענט און ער איז געשטאנען אינדערויסן יעדן שבת צופרי זוכן מנין צוזאגנדיג א טשולענט קידוש.....

אה דאונט ווארי בן הרחמן איך בין נישט געווען אפענדעט ח"ו, ס'איז פשוט א זאך וואס איך האב שוין פון לאנג געטראכט און יעצט איז עס געווען א דבר בעתו, און איך רעד אפילו נישט דוקא פון דעם וויאזוי הייסט ער?... כ'מיין 'פלאגי' וואטעווער, איך רעד בכלליות.

און יא, אין קהל'ס אפיס איז נישט קיין פראבלעם, ס'איז דא פאר יעדן צוגעשטעלט אלערליי צוקער, ספלענדא, קאצקאץ, אפילו פרישע קיפעלעך און וואס נישט. (נאר פאר די ראשי הקהלה פארשטייט זיך, כ'מוז דאך נישט אריינלאזן יעדן 'געשמאקער' זויפעצן קאווע און עסן קיכעלעך אויף אונזער חשבון).




געשמאקער איז דער כולל יונגערמאן אין אונזער שול, ער דרייט זיך ארום מיטן ברוינעם כאלאטל אנעם הוט און קריכט פון קופקע צו קופקע זאגט און רעדט ווייסט נישט ווי צו קאמפלימענטירן און ווי צו רעאגירן, פעגערט די ראשי הקהילה מיט פראגעס און קריטיק, ווען ער זעט איינעם אויפשפארן קהל'ס אפיס קומט ער צו לויפן פון די אנדערע עק שול צו כאפן דעם טיר נאך פאר עס פארקלאפטט זיך דערנאך רודפט ער פאר א האלבע שעה דעם קהל'ס מאן וועלכער איז נאר אריינגעקומען צו גיין הכנות.......

בקיצור, א גישמאקער מיט א קמץ.....

געשמאקער! שא! איך הער דיך דא אריינזינגען ביז אין קהל'ס אפיס! איך קען נישט מאכן געהעריג די חשבונות! די פארדרייסט מיר א קאפ!.

עה.... דו פארדרייסט מיר נישט קיין קאפ יעצט האסט עס שוין געטון נעכטן.



זאארעעכחך פפעעפפעעררר:::::::

שעערקכואויעעכחך פאהאהאררעענןן אהואויאויפפפמממםםעערכזסאאממם ממאהאהאכחענן דעעהעהעמם רעעבוועענן'סשסשסשס זסיכחראוינעללעווראהאחכךעע'סשסשס דעעעררעעכחך....!!@@@!!!!@@@@!!!


-------
(נ.ב. מען דארף צו יעדן רעדן זיין שפראך.)
נו קום אהער גישמאקער ליבער, וואס גייט פאר? מאכסט חתונה? האסט חובות? האסט צרות? איינער איז קראנק אין שטוב חלילה?, קום רעד זיך אויס דאס הארץ איך וועל דיר פרובירן צו העלפן....

אפשר העמיר טאקע מאכן דעם ערשטן היימישע שטותים טיי אווענט, בן הרחמן! קום אהער, גיי קויף איין מזונות און פירות אויף מיין חשבון! ברענג אויך סאדע!, וואס נאך? זארעח די גיי הענג צעטלען אין אלע שולן!, נו, נאך עפעס?....., קרעמער קענסט ארלעדיגן די גורלות?....., נאטורליך ס'איז נישט עפעס געבליבן פון די טשייניז אקשען?....

בקיצור רבותי!, איך מאך א טיי אווענט און ווער עס קען העלפן מיט עפעס זאל זיך מעלדן אין אפיס!!!!....





נפחא האסט מזל ווי א נפחא נאכן טשולענט!!!!!!....

איך און קרעמער זיצ'מיר פונקט יעצט דא ביי א מיטינג (דאס איז נישט קיין וויץ) אין די ק.נ.א. העדקוואדערס, און יא! מ'האט פונקט יעצט דעסקאסט וועגן די אומפאנקציאנירונג פון אונזערע רעפארטאזשן, אנאליזן און פיילס, קרעמער האט דערציילט א מעשה פון א רב וועלכער האט זיך איין שיינעם טאג צאמגעפאקט די פעק און געוואלט אפיאגן פון שטעטל, ווען די שטאטס לייט זענען געקומען צולויפן מיט קראקאדיל טרערן איבער די באקן און געפרעגט 'פארוואס לאזט אונז דער רב איבער??', האט ער געענטפערט 'ווייל דאס איז די 'ערשטע' שאלה וואס מען האט מיך געפרעגט זייט איך בין רב......

מיר ענטפערן די זעלביגע.




'כל ישראל ערבים זה לזה', אזוי זאגן אונז די הייליגע חז"ל, און ווען חז"ל זאגן דעם לשון 'כל' מיינען זיי טאקע דאס צו זאגן, פשוט כפשוטו אז לאמיר זאגן די 'נפחא' צב"ש וואס דו ביזט א סאטמארער און ביזט ארויסגעפארן צום סאמארער רבי ז"ל'ס ציון נעכטן, ביזטו אבער אן ערב פאר 'גאנזאלעז' וואס איז אן אנטי-סאטמארער מיט אלע מפרשים זינט ער האט זיך מיט אזא העפטיגקייט אנגענומען פאר די אראנדזשע מתנחלים מיט די טלית ותפילין.

פארשטייט זיך אבער אליינס, אז 'נפחא' איז אביסל מער ערב פאר למשל 'קרעמער' וועלכער איז אויך א סאטמארער, פארוואס? פשוט ווייל קיינער קען דאך נישט קעיר נעמען פון די גאנצע וועלט, אבער אז איר באלאנגט צו איין קהילה דאן האט איר אביסל מער ערבות איינער צום צווייטן.

אבער, לאמיר גיין א שטאפל ווייטער, אויב צוויי מענטשן וואוינען אין איין שטאט און זיי באלאנגען צו איין קהילה, דאן איז שוין דא נאך א גרעסערע ערבות איינער צום צווייטן, און דא וועל איך טאקע ווידער נוצן דעם ביישפיל פון 'נפחא וקרעמער', וואס זיי ביידע זענען סאטמארע, ביידע וואוינען זיי אין איין שטאט, האט טאקע 'נפחא' א גרעסערן ערבות צו 'קרעמער', און לשבח קען מען טאקע דורש זיין נפחא'ן אז ער האט טאקע ארויסגעוויזן ערבות צו קרעמער'ן און אים ארויסגעטראגן נעכטן צום ציון שלא על מנת לקבל פרס.

און, לאמיר גיין 'נאך' א שטאפל ארויפצו, אויב צוויי מענטשן דרייען זיך אין איין שול, טרעפן זיך טעגליך, זענען אטאמאטיש גוטע פריינד, דאן איז דער ערבות פיל פיל גרעסער, יא? פארשטייט איר אליינס.

כלפי מה דברים אמורים? צו וואס בלאבלע איך שוין דא אזוי לאנג מיט די 'נפחא'ישע משלים? הערטס אייך איין, מיר לעבן דא אין איין קהילה 'היימישע שטותים', מיר טרעפן זיך כמעט טעגליך, יעצט אויב זעט איר אז איינער פון די חברי הקהילה פעלט, דאן ברויכט איר שפירן אן ערבות, דהיינו 'ווי איז מיין חבר אהינגעקומען'???????!!!!!!......

דעריבער, פאר דעם צוועק האט קהל באשלאסן צו עפענען דעם 'איך זיך דיך' אפטיילונג, וואו אויב איר באמערקט אז עמיצער איז לעצטנס פארשוואונדן געווארן, וועט מען קענען דא אריינקומען און אויסשרייען מיט א הארציגן קול האלב וויינענדיג: 'וואו ביזטו איך זיך דיך'!!!!!!!!.........

נו, איז דאך יתכן אז דער ראש הקהל זאל זיין דער ערשטער שרייער, נאכדערצו אז איך האב דאכט זיך דער העכסטער קול דא, וועל איך טאקע זיין דער ערשטער.

לאמיך טיף אריינאטעמען..... הההההההה..... אקעי.....

'בן-הרחמן'!!!!!!!...... וואו ביזטו מיר פארשוואונדן געווארן???!!!!!!!!....... איך זיך דיך!!!!!.........

'דיין רעב זסאארעעכח'!!!!!!!!!!!!!!...... וואו ביזטו מיר פארשוואונדן געווארן???!!!!!!!!....... איך זיך דיך!!!!!........

'גישמאקער'!!!!!!!!!!!!!!........ וואו ביזטו מיר פארשוואונדן געווארן???!!!!!!!!....... איך זיך דיך!!!!!........

'נעימלעסס'!!!!!!!!!!!!!!........ וואו ביזטו מיר פארשוואונדן געווארן???!!!!!!!!....... איך זיך דיך!!!!!........

'יונגאטש ב"פ'!!!!!!!!!!!!!!........ וואו ביזטו מיר פארשוואונדן געווארן???!!!!!!!!....... איך זיך דיך!!!!!........

'ענק אלע וואס איך געדענק נישט ענקערע נעמען אף דע טאפ אוו מיי העד'!!!!!!!!!!!!!!........

וואו ביזטו מיר פארשוואונדן געווארן???!!!!!!!!....... איך זיך דיך!!!!!........


אההה... קודם כל שלום עליכם 'בן הרחמן'...., דו האסט זיבעצן מעסעדזשעס אויף קהל'ס ענסערינג מאשין..... איך וועל נישט זאגן פאר קיינעם פון וועם....

צווייטנס 'בן הרחמן', ס'איז גלייכער זאלסט נישט אויסמישן ברוינפן מיט גאזאלין, וויל סיי ברוינפן אין דיין קאר אנשטאט גאז און סיי פאר דיר א גלעזל גאזאלין נאכן דאווענען אנשטאט ברוינפן וועט נישט זיין קיין תכלית, די קאנסעקווענצן קענען זיין פאטאל.....


וואס איז??!!!!?.... וואס איז??!!!!?....

איך בין נאר געגאנגען וואקאציע'נען אביסל, דאס טאר איך אויך נישט?!....

עניוועי לאמיך גיין אויספאקן די פעקלעך אז נישט וועט די יענטאאש'טע באלד טיילן קלעפ...


העי קודם שלום עליכם 'מעפיקל', וואס מאכט איר עפעס? איך בין 'יענטאאש' דער ראש הקהל דמתא פון 'היימישע שטותים', ברוך הבא מאכט אייך באקוועם, איי האופ יו וויל פיעל קאמפארטעיבל העיר....

וועגן די 'זיידישע דזשאוקס', איך ווייס נישט צו סתם אראפברענגען די וויצן כמו שהוא איז גענוג, די וויצן האבן נישט קיין חן נאר ווען מען הערט דאס פונעם עלטערן איד אליינס, און מען זעט ווי ער שטייט אזוי איינגעבויגענערהייט זיך אנלעהנעהנדיג אויפן שטעקן שמייכלענדיג מיט אזא זיידישן שמאלן געלעכטער וואונקענדיג צום אנדערן אלטן איד מיט א זיידישע געהיימענוספולע איינגעקנייטשטע בליק וואס נאר א מח וואס באהאלט זיך אויס פון אונטערוויילעכץ א צעוועטשטע שטערן קען פארשטיין.


ביי דע וועי, דארף מען געבן קרעדיט פאר נאט טו ביזי, ער איז פון די איינציגע אמת'ע מענטשן אויפן אינטערנעט, ווער עס ווייסט וועט מודה זיין אז איך בין נישט אזא 'יענטאאש' און קרעמער איז נישט אזא 'קרעמער', בן הרחמן איז נישט אזוי 'דערבארעמדיג' און זארעח איז נישט אזא 'סארעח' וכו' וכו', אבער נאט טו ביזי איז טאקע באמת 'נאט טו ביזי'.......
אקעי! אקעי! אקעי! אקעי! אקעי! אקעי!........

איך בין א ריכטיגער 'יענטאאש'!!!!

קרעמער איז א ריכטיגער 'קרעמער'!!!!

בןהרחמן איז א מורא'דיגער 'דערבארעמדיגער'!!!!

און נאט טו ביזי איז טאקע 'נישט צו ביזי'!!!!!!!!

און טאקע דערפאר זענען מיר קוואליפיצירט צו זיין די הנהלת הקהילה!!

שוין, יעדער צופרידן??!!!...





זארעחך:

דו מיינסט אודאי די אויסגאבעס פון מנחם מענדל און קנובליץ'ן ווי זארוואכעס פלעגן זיך אראפלאזן און פריצים פלעגן פארן מיט אויסגעבעטענע קארעטעס אהיים צו זייערע פראכטפולע פאלאצן מיט די רויטע טעפיכער וועלכע האט זיך געפונען ביי זיי אין דארף לעבן דעם גוט ווי עס האבן זיך געדרייט פילע שאף און רינדער, און אין וועלכן זיי האבן געמאכט גרויסע באלן ווי עס האבן זיך באטייליגט אלע פריצים און פריצעטעס פון אלע ארומיגע דערפער אנגעטון אין טייערע אנצוגן וואס זיי האבן געקויפט ביי 'משה נחום דער שניידער' און ביים באל האבן באדינער געטיילט געשמאקע געקעכצן אין טייערע שאלן צו איינבייסן און עס האט זיך געגאסן בראנפן און טייערע וויינען מיט וועלכע די פריצים פלעגן זיך אנשיכור'ן און נאכן בארעדן די אידן פלעגן זיי הוליען אין די נאכט אריין ביז מען פלעגט ברענגען מאשקען און דאן האבן זיי געליטן א מיאוסע מפלה נאכדעם וואס מאשקע'ס ווייב איז געלאפן צום רבי'ן און געיאמערט אז איר מאן איז אין א צרה און דא וואקסט די טאכטער שוין אונטער און מען דארף האבן נדן און דער רבי האט געזאגט מען זאל פארן קיין ראדאשיץ און דארט וועט קומען די ישועה און אויפן וועג האט מען אנגעטראפן שיינדע דעם ראש הקהל'ס ווייב און ווירקליך איז דער מאן געראטעוועט געווארן נאכדעם וואס דעם פריצנ'ס איינציגע טאכטער איז געווארן געלעמט און זינט דאן האבן די פריצים שוין געקוקט מיט גרויס עהרפורכט אויף די אידישע געמיינדע און זיי האבן מבטל געווען אלע גזירות ביז מנחם מענדל'ס נעקסטע מעשה......

די אויסגאבע מיינסטו????.......





אהההה...... מיט א טיפן אויסגעצויגענעם קרעכץ זינק איך איין מיין פולער קערפער אינעם באקוועמען לעדערנעם פאטעל אין קהל'ס אפיס....... אההההה...... לאז איך ארויס נאך א קרעכץ, אבער נישט פון מידעקייט אדער אפמוטשעניש, נאר פון רואיגקייט און רוה, ס'א שאלה?... הערשט יעצט צוריק פון וואקאציע..... וואס'א געשמאק..... ב"ה די קרעטשמע איז זיך צעוואקסן אין דאס גאצע לענג און מען קען זיך שוין ערלויבן היינט צוטאג איר איברצולאזן בידי אחרים.

אהההה.... לאז איך ארויס נאך א קרעכץ אריינזינקענדיג זיך טיפער אינעם פאטעל, די פיס זענען מיר צוזאמגעלייגט איינע אויפן צווייטן און די אויגן פארקלאצט אויפן דאך בעת איך פארקנייטש מיך דאס פנים פארטראכטנדיג זיך ערנסט אין מיינע ראש הקהל'ישע טיפע געדאנקען......

פאר עטליכע מינוט צוריק האב איך זיך אריינשפאצירט אין קרעטשמע אריין זיך אונטערזינגענדיג 'יאמאמיי' קלינגענדיג מיט די שליסלעך צו טאקט פונעם ניגון..., מיט א רואיגקייט האב איך געעפנט דעם הילצערנעם טיר וועלכע האט ארויסגעלאזט עטליכע פארשידנארטיגע גריצלערייען און קוויטשערייען וועלכע האבן מיך דערמאנט פון דעם טאגטעגליכן מעמד יעדן חודש אלול אינדערפרי ווען מיין בעל תפילה בלאזט דעם שופר....

מיין בעל תפילה איז א יוד אין די מיטל זעכציגערס מיט א געל-ברוינליכער טלית אבער מיט א ווייסע עטרה וואס ער האט הערשט לעצטנס געקלינט ביי 'פארקאש טליתים און עטרות' לכבוד זיין בן זקונים'לס שבת שבע ברכות, האט ער נעבעך אזא קרענק וואס א ריזן חלק אידן -הויפטזעהליך עלטערע- האבן, אז קוים קומט חודש אלול, גלייך ווי די האניג קיכעלעך און קוכן גייען אריין אין באנוץ, קומען זיי אריין אין שול יעדן פארטאגס מיט א געבויגן שמאל פיסקל, די שפיץ נאז קאלירט רויטליך פון די לייכטע קעלט פון די אלול פארטאגס שעה'ן, די לייכט-גרויע בארד אומגעקעמט, די פיאות צוזאמגעדריקט און אראפגעלאזט, די אויגן פארגלייזט זייטיג אויף ארויף, די הענט צוזאמענגעלייגט איינס אויף ס'אנדערע, און מיט שטייטע טריט גייען זיי ארום מיט א תשעה באב'דיגע בלאזיגע מוט אנזייענדיג ביטערניש און אומעט אויף ווער עס זעט זיי בטעות.

און דאן הייבט זיך אן דער טירחא דציבורא'דיגער חורבן, זיי הייבן אן זאגן הויך ברכות בכדי דער עולם וואס האלט אינמיטן פארדרייען די תפילין של יד זאל ברויכן ענטפערן אמן, קוקן קרום אויף ווער עס רעדט פארן דאווענען -ווער רעדט נאך פון אינמיטן דאווענען-, פרעגן מיט די האנט און ברומען א שאלה'דיגן נו.... ווען איינער שרייט יתגדל נאך הויכע שמונה עשרה, לויפן נאך די צדקה פושקעס מיט ניקלעך, און רעגן זיך ווען עס פארבלייבט נישט קיין מנין אויף תהילים נאכן דאווענען.

די אויסדערוועלטע פון זיי -ווי צב"ש מיין בעל תפילה- וועלכע האבן דאס גליק צו זיין א חיוב און דאווענען פארן עמוד, די האבן דאס בעסטע פון אלע, זיי האבן די רעכטן צו בלאזן שופר נאכן דאווענען...., ווען ער זאל ווען קענען וואלט עס מיר קנאפ אנגעגאנגען, דער פראבלעם איז אבער אז ער בלאזט אלעס און אויף אלעס חוץ דעם שופר.....

שוין פון אנהייב עלינו שפירט ער זיך וויכטיג, די נאזלעכער צועפענען זיך אים פון התרגשות, מיט א ספעציעלע זיבלנות ציט ער אויס דעם עלינו און מאכט זיכער נאך צו האלטן ביי 'להעביר גלילים' ווען דער גאנצער עולם איז שוין שטיל, און דאן פארענדיגט ער דעם עלינו הויך אויפן קול ארויפציענדיג מיט א קרעכץ ביי 'יכירו וידעו' א.ד.ג., ענדליך ווערט ער פארטיג און דאן קומט הערשט דאס ריכטיגע......

פפפפיו...... פפפפיו...... פפפפיו...... פרובירט ער איינמאל און נאכאמאל....... פפפפפפפיעעעעעעעעיו....... פפפפפפפיעעעעעעעעיו....... פרובירט ער שטערקער און שטערקער....... די אויגן זענען אים ברייט צעעפנט, אין די נאז לעכער קען מען טיף אריינקוקן אן עפעס צו פארפאסן, ביידע באקן זענען אים אויפגעבלאזן אין דאס גאנצע ברייט, ס'גאנצע פנים איז אים שוין בלוי, אבער קיין רעכטן 'תקיעה' האט מען נאך אלץ נישט געהערט......., אפילו דער שופר איז שוין אויסגעמוטשעט, די שפייעכץ רינט שוין ארויס פון די ברייטע זייט, אבער ער גיט נישט אויף...... 'ער' און דייקא 'ער' ברויך בלאזן דעם שופר......

קענען שטיין אינגעלייט וואס קענען בלאזן דעם שופר גרינג ווי א פידעלע, אבער ער וועט פאר קיין געלט נישט מוותר זיין דאס שופר געבלאזעכץ....., הפנים דאס וועט אים פארצייען די זינד זיינע...., ער מיינט טאקע אז ער וועט א גאנץ יאר פאשען אין אלע פעלדער און דאס שופר-בלאזעריי וועט אלעס צעבלאזן.......

בלאזט ער אויף יעדן... בלאזט ער זיך.... אלעס חוץ'ן שופר.....

בלאז דעם שופר די אידיאט!... נישט זיך...


איר טוט מיך דערקוויקטן
הרב רעב מיסטער בענעדיקטן,
א שלום עליכם טו איך פאר אייך אויסשפרייטן,
מיט א שמייכל א ברייטן,

עס האט דאך אלע טעמ'ען,
אייערע שיינע גראמען,
טו איך צו דער זאך,
און איך ענטפער אייך אויף אייער שפראך,

כה דברי יענטאאש ראש הקהל,
וואס איז געווען 'מנהל משנה' אמאל

יא יא הרב רעב בענדיקט טייערער,
דאס ברויכסטו צו וויסן זייער,
די תקנות האלט מען דא זייער טייער,
און מען גייט דערפאר ממש אין פייער,

און לאמיך דיך זאגן יעצט איינמאל,
אז די תקנות זענען געמאכט דורך מיך דער ראש הקהל,
צוזאמען מיט רעב הוטקע זי"ע ועל כל ישראל,
נאך אין די פארגאנגענע צייטן אמאל,

אבער איך שטעל זיך פאר זיכער,
אז דו וועסט דיך צו דעם צוגעוואוינען גיכער,
און אנהייבן שרייבן דא גאנצעטע ביכער,
צו מהנה זיין דו שטענדיגע באזוכער,

כה דברי יענטאאש,
וואס איז דא אזוי גרויס ווי אין אמעריקע איז בוש.

גוט מיסטער בענעדיקט מ'בלייב'מער גוט דע סעים,
מחילה וועל איך אייך געבן ס'איז קיין פראבלעם,
שרייב ווייטער פיין און גוט אן קיין שעם,
דו זאגסט גוט קיינער איז נישט מחולק אויף דעם.
לאמיך אויפאיינמאל רעספאנדן,
צו בענעדיקט און זאאארעךחחח זיי ביידן,

בענעדיקט כ'האף אז היינט וועסטו בעסער שלאפן,
איצט אז דו ווייסט שוין אז איך וועל דיך נישט שטראפן.

זאארעעחךח ווער זאגט אז גראמען איז נישט דיין פאך,
ווען דו האסט הערשט יעצט גע'גראמט גאנץ צו דער זאך.



קען זיין דאס באלאנגט אויך אין 'חרוזים פאומס', נפחא אויב די טרענספערסט דיינס אהין נעם מיט מיינס אויכעט.

אברהמ'עלע מלמד ליגט אין שניי,
אוי וויי געב מיך טיי,
די טיי איז ביטער,
געמעך צוקער,
די ציקער איז זיס,
לעק דיין פיס,
די פיס איז נאס,
גיי אין גאס,
אין גאס האב איך מורא,
לערן תורה,
די תורה איז הייליג,
עס בייליג,
די בייליג איז פארדארבן,
המן איז געשטארבן,
יעקב אבינו איז געבוירן........


איימסארי, אבער אויף דעם ניגון האב איך א מיליארד קשיות און פירכות, לאמיר גיין פאוואליע, וואס האט דא פאסירט?:

דער ר' 'אברהמ'עלע מלמד' דער ליגט נעבעך אין שניי...., מ'העמיר יעצט נישט אריינגיין אין דעם ווער עס האט אים דארט אריינגעווארפן, דער מציאות איז אז ער ליגט אין שניי, יא?, אקעי, יעצט איז דאך לכאורה פארשטענדליך דער 'אוי וויי געב מיך טיי', פשוט, עס איז אים ביטערליך קאלט, ער ליגט פארפרוירן אין שניי שרייט ער 'אוי וויי' און ער בעט זיך 'געב מיך טיי', פיין. אבער העי איין מינוט! וואסארא טיי אין קאפ אריין? נעמטס אים ארויס פון דארט און פארטיג ניין?!!!, נאכדעם אז איר ווילט אים דערווארעמען אביסל פונעם פראסט דאן קענט איר אים דערלאנגען א הייסן טיי אבער 'פוירסט טינגס פוירסט' זעטס אים ארויס פונעם שניי!!...., אקעי אז עטס זענטס אכזרים און איר ווילט אים נישט ארויסנעמען עטליעסט גיב אים כאטש דעם טיי!!!!.... ניין, הייבן זע אן ארומדרייען מיט די צונג 'עה כ'ווייס... די טיי איז ביטער.... בלא בלא בלא' פאר א גוט יאר וואסארא תירוץ אין קאפ אריין איז דאס?!!!!.... ער בעט זיך ווי א גזלן גיב מיך טיי!!! גיב אים שוין דעם טיי און פערטיג!!!.....

נו שוין ער דער 'אברהמ'עלע' נעבעך וויל דאך נישט אריינגיין אין קיינע וויכוחים יעצט, ס'איז אים דאך ביטער קאלט.... גיבט ער נאך, 'נו שוין... אז ס'איז ביטער נו 'געמיר צוקער'...., העעע... קומען זע מיט א גאנצע טענה 'די צוקער איז זיס.....' איר הערט א גערעדעכץ? ס'איז זיס!!.... נו וואדע איז עס זיס דאס איז דאך דע חכמה!!!! צו מאכן זיס די ביטערע טיי!!.... זע לאזן נישט נאך די רשעים זיי מאכן אים נאך צו שפאט און הייסן אים 'לעק דיין פוס'....... וואסארא אכזרים!!!!!!!......

דער אברהמ'עלע ליגט נעבעך דארט אזוי אין די שניי, די ציינער קלאפן זיך אים איינע דאס אנדערע, די נאז רינט אים ווי א קוואל, ער היסט ביטערליך, ער פרירט פאר קעלט... נו זאל ער זיך גיין איינרייסן מיט די חברה??.... גיבט ער זע נאך און זאגטסע 'ההמממ... אנטשולדיגט... די פיס איז נאס.....', דעי חברה גייען ווייטער אן מיט די רציחה.... 'גיי אין גאס!!!' שרייען זע אים.... איר הערט??, איין מינוט קודם כל... ער איז דאך יעצט אין גאס ניין??!!... און אפילו ווען נישט אזוי ענטפערט מען??!!!....

דער אברהמ'עלע זעט דאך אז ער האט נישט קיין ברירה שפילט ער מיט און זאגט מיט א צובראכן קול 'אין גאס האבעך מורא...., קומען זיי אן מיט א טענה 'לערן תורה...!!!...', איר הערט א חוצפה! די קליינע ראצערלעך די לאבאווצעס גייען זאגן דעם תלמיד חכם ר' אברהמ'עלע'ן דעם מלמד נישט מער און נישט ווייניגער ווי 'לערן תורה'....,

נו שוין ענפערט ער צובראכן 'די תורה איז הייליג'..., גראדע דאסמאל פארשטיי איך נישט אביסל דעם ר' אברהמ'עלע'ן, ווער זאגט אז די תורה איז נישט הייליג? און אז ס'איז הייליג איז וואס? קען מען איר נישט לערנען אין די שניי? די תורה ווארעמט דאך אן?, נו שוין אבער קען מען דען פרעגן קשיות אויף אים ווען ער ליגט נעבעך געפרוירן אין די שניי און די חברה ליצים מאכן דאס גענאר פון אים....., אבער הערט וואס די רשעים ענטפערן אים 'עס בייליג...', סתם רשעות אן קיין פשט... און נאך מער!!!.... אפשר ברענגט איר אים א שטיקל פיינע ווארעמע בייליג??!!!!...דאס פאלט אייך שוין נישט איין הא??!!!....

עניוועי דא ווערט שוין דער שמועס סתם אין די וועלט אריין פארדארבן, געשטארבן, געבוירן, אהין און צוריק.....

אבער וואס איז געווארן פון דעם ר' אברהמ'עלע נעבעך?????.....


- בורא פרי העץ, האסט א לאך אין טייץ.

- וואס??, א קוש אין נאז.

- וואו ווי, באמבער בי.

- מושי!, יא?, כ'האדעך ניש גערופן.... הי הי הי הי...

- בוריי פרי הוהאגאפען..... (מיטן ניגון).

'מעשיגע מעטארע'.....

אדער ווי די מיידלעך פלעגן עס בעסער אויסציען 'מעשיגע מעטארעהעהעהעהע'.......!!!...

(נ.ב. עס קען זיין אז דאס באלאנגט אויך ביים אשכול 'וועלטס טעותים', איינער ווייסט וואס עס מיינט 'מעטארע'..)

(אנטשולדיגונג: ס'קען זיין אז איינער האט דאס שוין אויפגעברענגט דא אין דעם אשכול, כ'האב נישט געהאט קיין געדולד דורכצוגיין די גאנצע. ואתכם המחילה.)
סא חוצפה.......

סארא חוצפה נוראה כ'הא נאך אזאנס נישט געזען.....

ממש ווי די קליינע קינדער ווען די רבי גייט ארויס פאר א מינוט פון חדר און עטליכע קנאקערס זאגן 'קליינע רעבעלע מטט קורצע הויזן' און ס'איבעריגע קינדער שיסן ספאנטאן אויס אין א הילכיג געלעכטער..... קרעמער פארלאזט דאס קרעטשמע פאר א סעקונד און איר נעמט אים אויסטוען נאקעט....... אקעי נישט ממש נאקעט אבער איר פראקט אים אינגאנצן אויס.....

ווי נעמט איר די חוצפה אזוי צו באשמירן קרעמער'ן?.... ממש אזוי? ווייל ער שטייט שוין נישט ביים קאונטער מיטן פאס בראנפן מילא קענט איר אים שוין אזוי אטאקירן?....

האט ער געזאגט ער וועט באשרייבן און ער האט נאכנישט, איז וואס???... עק וועלט?.... ס'איז דאך פארט ימים טובים אויף דער וועלט.. ס'איז דא ווינציג צייט....

געדולד, געדולד.......



בום בום בום בום בום בום בום בום.... קלאפט מיין הארץ מיט א שנעלן טאקט, די טרערן שטיקן מיר ביים האלז און שטיפן זיך אפילו ארויס פון די אויגן ווינקלען, קרעמער דיין מעשה האט אויפגעטון דאס ריכטיגע און האט מיך געמאכט אסאך טראכטן....

יא יא, מ'זעמיר טאקע נישט אלט, מזעמיר טאקע נישט קיין לאגער געליטענע, ניין מיר ווערן אפשר נישט אזוי איבערגענומען ווען מיר זעען די גרויליג-שמייכלענדע דייטשן שניידן בערד פון ערליכע אידן, אבער מיר ווערן גענוג באנומען ווען מיר זעען אין די צייטונגען ווי וואלונטירן פון 'חסד של אמת' קראצן און קלויבן בלוט פון יונגע מענטשן, מיר ווערן שוין איימאל באנומען ווען מיר האלטן מיט לויות פון בני עשרים ושלושים מיט וועמען מיר האבן נאך הערשט נישט לאנג צוריק ארום געלאכט און געהאט מיט זיי א גוטן טאג, מיר ווערן שוין גאר גוט באנומען ווען מיר קוקן דורך אונזערע טעלעפאן ביכלעך -אפילו מיט די ווייסע בלעטער- און מיר שטויסן זיך אלע וויילע אן אין נאך א נאמען פון א חבר וואס שוין אין די ראצער-יארן ליידט זיך שוין צוזאם ביטערע צרות משונות פון אלע ערלייען......

הוי, הייליגער גאט אין הימל, באהיט אונז, באשיץ אונז, שטארק אונז, באלייכטער אונז, ברוחניות ובגשמיות.....

לאמיר זיך טאקע אויסבעטן א גוט זיס לעכטיג יאר.

קרעמער זאל דיר זיין צו מצוה מיין כונה'דיגער דאווענען דעם יום כיפור.....


הו!!!, קוים געענדיגט אויפשטעלן די גרויסע סוכה אינדערויסן, איך זאג אייך, ווי איר קענט אליין זען, ממש א יופי, כעין תדירו ממש, קיינער וועט אפילו נישט כאפן אז מען זיצט נישט אין קרעטשמע אליין נאר אין די סוכה, אלע טישן און בענק האט מען ארויסגעשלעפט, דעם קאונטער מיט די הויכע בענקלעך פאר די קרעטשמער (חוץ נפחא'ס בענקל, איך ווייס נישט פארוואס אבער נאך אלץ עקל איך זיך עס אנצוכאפן...), און די משקה פעסלעך זעלבס פארשטייט זיך אויך.

נו, קומט אידן לאמיר מאכן א גוטן לחיים!

ושמחת בחגיך!!!!, והיית אך שמח!!!!, אך אך שמהייאח!!!!!,

אהוי!!!!!!

ושמחת בחגיך!!!!, והיית אך שמח!!!!, אך אך שמהייאח!!!!!,

אך אך שמהייאח!!!!!, אך אך שמהייאח!!!!!

נאכאמאל!!... אך אך שמהייאח!!!!!, אך אך שמהייאח!!!!!

יוי פארברענגען, אמת'דיג א הארציגן יישר כח פון טיפן הארצן פאר די סחורה וואס דו האסט מיר דא צוזאמגענומען. דו ווייסט דאך אז א 'חסד של אמת' איז א געוואלדיגע זאך.....

יישר כח!!.

פארברענגן

יישר כח

דא האסטו נאך..




שפאנענדע ערציילונג אין פארזעצונגען.



אז איר וועט קוקן וועט איר זען, אז אלע היינטיגע אידישע צייטונגען און זשורנאלן וועכנטליכע און מאנאטליכע פארמאגן א 'שפאנענדע מעשה אין פארזעצוגען', אין צוגאב וועט איר היינט טרעפן א ריזן צאל ביכלעך פון פיקטיווע געשעענישן אויף אלע שפראכן העברעאיש, אידיש, ענגליש א.א.וו., די 'מאסעס' האבן נישט קיין הענט און קיין פוס נישט געשטויגן נישט געפלויגן הייבט זיך נישט אן לאזט זיך נישט אויס, אבער דאס איז נישט דער עיקר פראבלעם, דער פראבלעם איז אז 'עס קוקט ניטאמאל אויס אמת!, דאס נישט געשטויגנקייט שפריצט אייך אין די אויגן ווי פון א פייער פאמפ, 'חיים איז געווען א בחור אביסל אפגעפארן' ליינט זיך די ערשטע קאפיטל, אבער האלאו! ווער איז געווען זיין טאטע? מאמע? זיידע? באבע? פעטער? מומע? געשוויסטער? ------------------------ נישטא קיין ענטפער!, מאנכע שרייבער פרובירן יא צו אדרעסירן דעם פראבלעם טא זיך צו פטר'ן הארגענען זיי אוועק יעדן, עס גייט אזוי: חיים איז געווען פערצן יאר.... בלא בלא בלא..... גע'חבר'ט שלעכטע חבירים... מוטי...... בלא בלא בלא...... זיין טאטע ר' יענקל איז געווען א פרומער איד....... בלא בלא בלא......... געזען זיין זון גליטשט........ קראנק געווארן........ 'פון גרויס צער איז ער געשטארבן', די מאמע שיינדל האט נישט אויסגעהאלטן וויאזוי דער זון קוקט אויס און אז דער טאטע איז נעבעך אזוי יונג אוועק 'זי איז אויך געשטארבן', די באבע נישט אויסגעהאלטן 'געשטארבן!, זיידע נישט אויסגעהאלטן 'געשטארבן! פעטער נישט אויסגעהאלטן 'געשטארבן! מומע נישט אויסגעהאלטן 'געשטארבן! ברודער נישט אויסגעהאלטן 'געשטארבן! שוועסטער נישט אויסגעהאלטן 'געשטארבן! און שוין....................

סא איך וויל אויך שרייבן א פארזעצונג, אבער איך גיי פאר מיך און פאר אייך גרינגער מאכן דאס לעבן, איך זאג אייך פון פאראויס: נישטא קיין אנהייב קיין סוף, וואס איז היינט געווען האט גארנישט מיט מארגן, וואס עס גייט זיין מארגן האט גארנישט מיט נעכטן, פערטיג. סתם א פארזעצונג פרעגט נישט קיין קשיות...... מסכים???.... יא מסכים.

------------------------------------------------
"די געמיינזאמע פארכאפונג"
שפאנענדע ערציילונג אין פארזעצונגען.

קאפיטל א'

טרררררר...... האט געקלינגען דער טרייבל ביי יוסי אין אפיס, יוסי האט נישט געהאלטן ביים אויפהייבן, ער האט געהאט א שווערע נאכט מיטן קליינעם שימע'לע וועלכער איז שטארק פארקילט, ער איז קוים געשלאפן, און דער טאג איז אויך נישט געווען קיין גרינגער, ס'איז שוין פיר אזייגער נאכמיטאג זאל יענער מארגן רופן.

אבער ווייזט אויס אז יענער האט נישט געהאלטן ביים אויפגעבן אזוי שנעל און דער טעלעפאן האט געקלינגען אן אויפהער צעשטורעמענדיג יוסי'ס אזוי אויך צעשפילטע נערוון, יוסי האט צוגעלייגט זיין האנט צום טעלעפאן, ער האט באשלאסן אויפצוהייבן און גוט אריינגעבן פאר יענעם פארן אזוי רודפ'ן.

האלאו! האט יוסי אריינגעשריגן שטרענגערהייט אין טעלעפאן, אבער זיין שטייפע שטימע איז גאר שנעל ווייך געווארן, יוסי האט זיך שטילערהייט איינגעהערט וואס יענער האט געהאט צו זאגן, זיין פנים איז געווארן בלייכער און בלייכער, עס האט אויסגעקוקט ווי ער פאלט אט חלשות....., ווען יענער האט געענדיגט רעדן האט יוסי בלויז געענטפערט 'גוט' און ארפגעלייגט דעם טרייבל, ער האט איבערגעלאזט דעם קאמפיוטער אנגעצינדן און ארויס פון אפיס, פארשלאסן די טיר, און אריבערשפאצירט די לאנגע האל-וועי ביז צום עלאוועיטאר.

א קליינע אויג האט ארויסגעקוקט פון א זייטיגן טיר, אין הארץ האט ער געשמייכלט מיט א רשעות'דיגן שמייכל נאכקוקנדיג זיין צעשראקענעם קרבן.....

(פארזעצונג קומט אי"ה)


______________________________________________________________________________________



א שווארצער מערצעדעס איז ווילד געפלויגן אויפן עף. די אר. פארקוועי, ביים רעדל איז זיך גאנץ רואיג געזעצן גערי סטוארד, דאס איז נישט די ערשטע מאל וואס ער פארט אויף אזא אקציע, און ווארשיינליך אויך נישט דאס לעצטע, גערי איז געווען זייער צופרידן מיט זיין פאסטן, ער האט געהאט א קנאפע פראבלעם מיט געפילן, און רשעות איז געווען זיין נאמבער וואן האבי, דעריבער איז פארשטענדליך אז ער איז געווען זייער צופרידן יענעם אינדערפרי ווען ער האט אנגעצינדן זיין סעלפאון און ער האט געטראפן א טעקסט מעסעדזש פון הערי פיטערסאן, דער מעסעדזש האט זיך געליינט זייער קלאר פאר גערי'ן, אבער זייער אומקלאר פאר די שפיציגע אויגן וועלכע האט פרובירט אריינצוקוקן דורכן פענסטער מיט די הילף פון א פארגעשריטענעם שפאקטיוו פון א בנין קעגנאיבער.

דער פארשוין וועלכע האט געטראגן אויף זיך די אויגן האט נישט געהאט קיין אנדערע ברירה נאר נאכצוגיין גערי'ן אויף טריט און שריט יענעם טאג, און דאס האט ער טאקע געטון, גערי האט זיך פארזוימט פאר איבער א שעה אין א קאפע הויז א זאך וועלכע האט אבנארמאל אויפגערעגט דעם פארשוין וועלכע איז געזעצן אינעם קליינעם ברוינעם טאיאטא קעמרי מיט די טינקעלע פענצטער, איצט איז דער טאיאטא נאכגעפלויגן דעם מערצעדעס וועלכע האט זיך ווילד דורכגעשטיפט די פילע אויטאס אויפן עף. די. אר, דער פארשוין האט אנגעהאלטן א שארפן אויג דורך די טונקעלע גלעזער זיינע, בכדי נישט צו פארלירן דעם מערצעדעס, ער האט גאנץ גוט געוואוסט וואס עס ווארט אים אפ אויב ער פארלירט דעם מענטש וועלכע טרייבט דעם אויטא.

******


אינגאנצן פארשוויצט און פארשטורעמט מיט א רויטן געזיכט איז חיים זלמן געשטאנען ביים 'שאסיי 6 ' אינמיטן פון א גאנצע גרופע טיילנדיג דירעקציעס רעכטס און לינקס, ס'איז געווען ביי די מלחמת קודש קעגן די אויסגראבונג פון די קברים, חיים זלמן איז געווען פון די היץ קעפ וועלכע זענען געשטאנען בראש המערכה, זיינע לאנגע פיאות פון וועלכע עס האט געטראפט שווייץ זענען געפלויגן אין אלע ריכטונגען ארומדרייענדיג זיין קערפער ווי א שלאנג ארום זיין קרבן, זיין ירושלימ'דיגער קאפטן איז געווען אינגאנצן פארשטויבט און זאמדיג נאך פון נעכטן ווען ער איז אראפגעווארפן געווארן דורך די וועכטער און די פאליציי, און מען האט טאקע אויך געקענט זען צייכנס פון בלוט אויף זיין קנעפל-לאזן העמעד וועלכע ער האט שוין נישט געהאט געטוישט פאר איבער א וואך.

חיים זלמן איז געווען אנגעשטרענגט, זיין מח האט געארבעט פיבערהאפטיג, ער האט פרובירט אויסצורעכענען פון ווי די שומרים וועלן איצטערט קומען אנצוגרייפן די מוחים, ווען פלוצלינג האט זיך זיין פעלעפאון צעקלונגען........

(פארזעצונג קומט אי"ה)


__________________________________________________________________________________


ער איז געשטאנען דארט ווי פארגליווערט נישט קענעדיג ארויסרעדן א ווארט, זיינע גלידער האבן געציטערט פאר פחד איינס ביי איינס, מיט א שנעלקייט האבן זיך זיינע רעכטע און לינקע קניען צוזאמגעקלאפט ווי צו דערמאנען איינער דעם צווייטן אין וואספארא סיטואציע מען געפינט זיך, אויך דער הארץ האט מיט א דראמאטישע שנעלקייט געטון קלאפן שאפנדיג א אנגעצויגענע סיטואציע אזויווי די מוזיק אין א פילם ווען די ביקסן זענען אויסגעשטרעקט איינער קעגן צווייטן...., ער הא זיך א טאפ געטאן ביים קאפ, עפעס איז אים נישט געווען אזוי ווי געווענטליך, אה.... ער האט זיך איצט געכאפט אז ער האט אן אן אמעריקאנעם 'קעפ', נישט ווי געווענליך ווען ער כאפט זיך אן ביים קאפ ווען ער שפירט די דיקע שטויב פון זיין ברייטן צעקנייטשטן ברוין קאלירטער ביבער היט, אה.... יא.... אויך זיין קערפער איז נישט ארומגעוויקלט מיט זיין באליבטן ירושלימ'ער קאפטן מיט די גאלדענע און טינקל ווייסע ליניעס אויף אראפציוועגס, חיים זלמן האט געמוזט מודה זיין אז ער איז נישט אזוי קוראזשפול, ניין.... עס איז נישט די זעלבע זאך...., ווי נישט ווי איז אנדערש די קוראזש וואס מען דארף האבן פאר אזא מיסיע ווי די פעסטקייט וואס מען ברויך האבן זיך צו שלאגן מיט די משטרה איבער חיטוטי שכבה......

*****

קראך!.... קראך!.... קראך!...... האט זיך געהערט דער קול פון שיסערייען.......

שושנה האט זיך אויפגעוועקט מיט א טויטליכן שרעק...... זי האט נישט געוואוסט וואס צו טוען און צו טראכטן..... מושי, יענקי, מירל, ווי זענען זיי???....... וואס גייט דא פאר???.... איין מינוט.... און ווי איז חיים זלמן??????...... באשעפער זיסע ווי איז ער??????.......

א פעסטער האנט האט איר אנגעכאפט ביים גענאק דריקנדיג מיט א שטארקייט אירע האלז ביינער בעת ער האט מיט די אנדערע האנט פארשטאפט איר פיסק......

'וואס ווילט איר פון מיר' האט שושנה געשטאמלט פון אונטערן זיין מויל צושטאפליכער האנט ווען טרערן רינען פון אירע אויגן מאכנדיג נאס זיין לינקע האנט.

אה...... מאדאם צווייגבוים -אדער דזשעסיקא וועלכע ס'געפעלט אייך בעסער- איר זענט מיר געווארן א רחמנות הא?!!!!.....

זייט וויסן אז מיר ווייסן גאנץ גוט ווער איר זענט, איר ברויכט מיר נאר ענטפערן איין פראגע, און אז איר ענטפערט נישט וועט איר ברויכן מיטקומען מיט מיר....

'זאגט מיר ווי איז מייקעל'??????.......

(פארזעצונג קומט אי"ה)





'געדענק גוט וואס איך זאג דיר, ס'זאל דיר זיין קלאר! איך נעם נישט קיין אחריות אויף קיין איבעריגע צען סקונדעס!, דער מענטש קעגן וועם די גייסט יעצט אויספירן די מיסיע איז גאר כיטרע און געפארפול, איין איבעריגע מינוט! און די ביזט פערטיג! יא פערטיג!'

די שארפע ווערטער האבן גוט געקלונגען ביי גרשון ברוך אין אויער בעת ער איז געזיצן אין זיין קאר אין פארקינג לאט אונטער די ריזיגע וואלקנקראצער געביידע אינמיטן די רוישיגע מאנהעטן, דער פארקינג לאט האט אויסגעזען גאנץ שטיל און רואיג, גרשון ברוך האט געקוקט אויף זיין זייגער, עס איז געווען 4:17 מיט דריי און פערציג סעקונדען....

*****

ער איז ארויסגעקומען פון די טרעפ, ארומגעקוקט זיך אויף ביידע זייטן פונעם האלוועי, מיט שנעלע טריט איז ער צוגעלאפן צו אפיס נומער 440 , א שילד העכערן טיר האט זיך געליינט מיט גילדערנע אותיות אריינגעקריצט אין א האלצערנעם שילד 'יוסי פייערוואסער- פרעזידענט'......

ער האט געעפנט די טיר, און אן זיך צו פארזוימען א מינוט איז ער צוגעלאפן צום קאמפיוטער..... יא....עס איז געווען אנגעצינדן..... ער האט שנעל געגעבן א שאקל מיטן מייזל אז דער נערווירנדער סקרין סעיווער זאל איינריען, ער האט א קוק געטאן אויפן דעסקטאפ....... זיינע הענט האבן אים אטאמאטיש געפירט צום אינטערנעט עקספלארער.....

'געדענק גוט וואס איך זאג דיר, ס'זאל דיר זיין קלאר! איך נעם נישט קיין אחריות אויף קיין איבעריגע צען סקונדעס!, דער מענטש קעגן וועם די גייסט יעצט אויספירן די מיסיע איז גאר כיטרע און געפארפול, איין איבעריגע מינוט! און די ביזט פערטיג! יא פערטיג!'........ די שטימע האט ווידעראמאל אפגעקלונגען אין זיין מח מיט שארפע דראענדע קלאנגען.... פארזוים זיך נישט האט אים זיין הארץ געבעטן.... ער האט זיך נישט געקענט איינהאלטן..... נאר איין מינוט האט ער געטראכט צו זיך בעת ער האט מיט זיין האנט געריקט דעם מייזל און געדריקט דעם לינק פון 'היימישע שטותים'....... אה...ער האט זיך מחיה געווען און פארגעסן פון אלע צרות, מיסיעס, און שרעק......., הוטקע זאגט, קרעמער פארציילט, יענטאאש קאמענטירט, און נעימלעסס רעאגירט.... און ער קייכעט זיך פאר געלעכטער שאקלנדיג זיין בויך צו אלע זייטן.........

ווען פלוצלינג האט ער געפילט א קאלטקייט אויף זיין האלז....... עס איז געווען א ביקס.......

(פארזעצונג קומט אי"ה)


האלאו!!!!!............... האלאו!!!!!............... האלאו!!!!!...............

האט זי אריינגעשריגן אין טרייבל מיט איר גאנצער כח....... ווי ביזטו איך הער דיך נישט!!!!!............ וואס???!!!!!!!!!!?.............. ווי?????................ וואס הייסט???!!!!!!!!!!!!!.......... פארוואס?????!!!!!!!!!!............ פארוואס האסטו עס געטון?????????!!!!!!!.............

אזוי האט זי געשריגן דארט ביים פאבליק פאון אויף ליע. עוו. קארנער וויליאמסבורג סט. מיט ציטערדיגע איברים און נאסע באקן פון די גאנצעטע ימ'ען טרערן וועלכע האבן זיך געגאסן אן אויפהער פון אירע פארוויינטע טונקל ברוינע אויגן....

א בלויער ביואיק האט געמאכט א פלוצליגן קורץ אפשטעל מיט א קוויטש וואס האט פאראורזאכט מאסן געוויינערייען אין פילע הייזער פון די קליינע בייביס וועלכע האבן פון דעם הילכיגן קול זיך אויפגעוועקט מיט שרעק ארויסקריכנדיג פון אונטער זייערע בלענקעטס מיט טומל'נדע געשרייערייען אויפוועקנדיג די אויסגעמיטשעטע מאמעס פון זייער וואויל פארדינטן שלאף.......

'ביזטו א גאלדשפרינג מיידל??!!!!' האט דער איד מיט די ווייס-גרויע בארד געפרעגט מיט א וויכטיגן קול ארויסשטעקנדיג זיין קאפ פונעם האלב אפענעם קאר פענסטער, 'יא?!! נו קום שוין אריין!!!!', נאך איידער ווי וואס ווען איז זי שוין געווען אינעם אויטא צוזאמען מיט די מאמע און געשוויסטער און אינאיינעם איז מען מיט א שנעלקייט אריינגעפארן אינעם בי. קיו. אי..........

די פאליציי קאר ביים עק גאס האט זיך א שנעלן ריר געטאן און מיט קוויטשענדע סירענעס ארויסגעפלויגן אינעם זעלבן ריכטונג.......


______________________________________________________________________________________


......וויאיעאו!!!!!!!!!!!!!!........ לעאו!!!!..... לעאו!!!!..... לעאו!!!!..... לעאו!!!!..... לעאו!!!!..... לו!!! לע!!!! לו!!! לע!!!! לו!!! לע!!!! לו!!! לע!!!! לו!!! לע!!!!......... וויאיעאו!!!!!!!!!!!!!!........ לעאו!!!!..... לעאו!!!!..... לעאו!!!!..... לעאו!!!!..... לעאו!!!!.....

הילכיגע סירענעס האבן געקוויטשעט אויפן העכסטן קול אויף די גאסן פון מאנסי, צענדליגער יונגלעך האבן זיך אנגעשלאסן אין א געמיינזאמען נאכגעלויף צו דערכאפן די פליענדע פאליסלייט וועלכע האבן זיך אלע געיאוועט אין זייערע בלויע קארס מיט די לענגלעכדיגע בליטש-לעמפלעך, די פאליסלייט האבן זיך אלע אפגעשטעלט פארנט פונעם בנין פון די 'ישיבה חצר ענים', מיט אויסגעשטרעקטע געווער זענען זיי אריינגעלאפן אין די געביידע פאר די אויגן פון צענדליגער שכינות'דיגע פרויען וועלכע האבן זיך אינאיינעם דארט פארזאמלט צוזאמען זיך צו פארקלאפן די הענט און נאכער עס ארויפלייגן לעבן מויל מיט א טישו צווישן די פינגער אויסשרייענדיג פארצווייפלטע 'נעבעך' רופן און יאמערליכע 'יוי' געשרייען.

אין די געביידע זענען די פאליציי אריין אין א כיתה ווי זיי האבן מיט א שנעלקייט אויפגעהאקט דעם וואנט מיט זייערע כלי מכשירים און מיט א בהלה אריינגעשפרינגען אינעם באהאלטענעם קעללער שרייענדיג מיט באסאווע שטימעס 'הענדס אפ!' 'הענדס אפ!' 'הענדס אפ!'.......

פון א דענעבנדיגן געסל האט זיך א רויטער מאליבו אנגעפאקט מיט זיבן צוזאמענגעדריקטע נפשות ארויסגעשלייכט פון פארקינג לאט און געצילט אירע רעדער מיט א שנעלקייט גלייך צום 'רוט סעווענטין'......



'פארוואס חלומ'סטו אזוי' האט זי געפרעגט שוין צום וויפלטן מאל פון יוסי וועלכער איז געזעצן פארן טעללער טשאלענט פון ווי עס איז געגאנגען א רויך און אין וועלכן עס איז געלעגן שיין אויסגעלייגט כל ערליי קוגלען פון אלע סארטן און כל'מינים פליישן מיט אלע טעמים, 'וואס? עה גארנישט איך בין אביסל מיד' האט ער פרובירט איינצורעדן זיין פיפיגע פרוי וועלכע האט פונקטליך געוואוסט וואס עס גייט פאר אונטער די קוליסן זינט זי האלט שוין אן א לאנגע פארבינדונג מיט די מרס. פייגלבוים די שכינה מיט די גראבע פיס און לענגלעכיגע נאז פון די אנדערע זייט בלאק וואס אויך פארמאגט זי דעם פאסטן אלס פערזענליכע סעקרעטארין פון 'געציל מאיר דער נגיד' וועלכער איז א שותף מיט יוסי'ן אין פארשידענע געשעפטן.

יוסי האט צושטיילטעך געשלינגען א בונדל נאך א בונדל וועלכע זענען אבער אלע שטעקן געבליבן אינעם אויבערשטן טייל פונעם עסן רער פאראורזאכנדיג נאך א אנלייגעניש ביי יוסי'ן אין צוגאב צו די דאגות וואס ער האט שוין אזוי אויך געהאט.

'איך גיי מיך לייגן' האט ער אויסגערופן צו מלכה מירל נאכן עסן די קאמפאוט און בענטשן, 'רו זיך גוט אויס' האט זי אים געענטפערט נאכקוקנדיג אים און מאכנדיג זיכער אז ער גייט אריין אין בעט און פארמאכט די טיר אונטער זיך, יעצט האט זי אפאר איבעריגע שעה'ן פאר זיך וועט זי קענען ארלעדיגן וואס זי דארף......

*******

גדלי' מאיר האט נישט געקענט גלייבן וואס ער זעט, זיין לאנגע רויטע בארד איז אים שטייף געווארן פון אויפרעגעניש און זיינע געלע ציין האבן זיך ווילד פארקלאפט איינער אינעם צווייטן פאר אויפברויז, גדלי' מאיר איז געוען פון די 'ועד הצניעות', און לכאורה האט ער שוין געדארפט הערן זען און מיטהאלטן גענוג האר אויפשטעלנדע געשיכטעס פאקטן און פאסירונגען אז דאס וואס ער האט איצט געזען זאל אים נישט אזוי פארכאפן אין שוידער, אבער פארט איז דאס געווען דאס ערשטע מאל וואס ער האט געזען אזא זאך פאר זיינע אויגן בריש גלי אן קיין שום בושה, גדלי' מאיר האט באשלאסן אז ער מוז זיך אננעמען פארן באשעפער, ער האט אריינגעריקט דעם שיפט אין דרייוו און אראפדריקנדיג דעם פעדעל אזש שיעור ארפברעכנדיג איר איז ער מיט א ווילדע שנעלקייט ארויסגעפארן אינעם ריכטונג פון דעם קליינעם זילבערנעם טאיאטא קעמרי אין וועלכן ער האט הערשט ממש איצט געזען א פרעמדע פרוי זיך אריינזעצן מיט א פרעמדן מאן.

ווילאנג מען איז געפארן אויפן גרויסן ברייטן שאסיי מיט די הונדערטער קארס איז נישט געווען אזוי שווער פאר גדלי' מאיר'ן סיי זיך צו האלטן גענוג נאנט מיט דעם פארנדיגן שייגעץ אויטא און סיי איר נאכצופארן אויף אן אופן אז די פרעכע לייט פון דארט אינעווייניג זאלן אים נישט באמערקן, וויבאלד אבער מען איז ארויסגעפארן ביים עקזיט און מען האט אנגעהויבן זיך צו דרייען אין די קליינע שמאלע געסלאך איז גדלי' מאיר'ן געווארן די לשם שמים'דיגע אקציע אסאך שווערער און פיל מער ריזיקאליש, ער האט זיך אבער נישט געשראקן און מיט א פייערדיגע עקשנות איז ער דעם געמיינעם אויטא ווייטער נאכגעפארן מיט אן אויף ווי ווייט מעגליך'דיגע פארזיכטיגקייט.

דער קאפ און קערפער האט אים אויף פריש אויפגעפלאקערט ווען ער האט געזען ווי דער אויטא בלינקט מיט די בלינקערס אויף אריינצופארן אינעם פאקינג לאט פונעם 'שעריטאן האטעל', ער האט נישט געגלייבט וואס ער זעט, אבער ער האט ווייטער אנגעהאלטן קאנטראלירנדיג זיין מוח זי זאל נישט אוועקוואנדערן אין אנדערע ערטער נאר זיך קאנצענטרירן אויף די אקציע און וואס זי איז איצט אקטיוו.

דער געמיינער אויטא האט זיך אפגעשטעלט און אזוי אויך גדלי' מאיר'ס, אבער ווי געשאקט איז ער געווארן ווען ער האט גאר געזען צווי גוי'אישע יונגע מענער ארויסקומען פון די טירן ......., גדלי' מאיר איז געווען פארלוירן און פארשעמט פון זיך אליין, אזא דורכפאל....., אבער ער האט נאכנישט פונקטליך פארשטאנען וואס דא גייט פאר, ער האט דאך פארט געזען ווי די צוויי אידישע שקצים גייען אריין אין דעם אויטא...., איצט האט ער צוויי פראבלעמען, איינס אז ער איז דא סתם פארפארן א אנדערהאלב שעה'דיגן וועג פאר גארנישט, און צווייטנס, ווי זענען איצט די צוויי אויסווארפן, גדלי' מאיר איז געווען באמת פארצווייפלט און צעמישט....

דער מאן אינעם גרינעם לע סעברע מיט די טינקעלע ווינדאו איז אבער גארנישט געווען צומישט, ער האט פונקטליך פארשטאנען אלצדינג, און בעת ער האט אריינגערעדט מיט אונפארשטענדליכע ווערטער אין זיין שמאלן אפאראט האט ער זיך אריינגעדרייט אינעם אינטערשטן פארקינג לאט ווועלכע געפינט זיך אין די בעק פונעם בילדינג, און זיך אפגעשטעלט אונטערן פענסטער פון רום 108.......

(פארזעצונג קומט אי"ה)

______________________________________________________________________________________

פארברענגן;

א גרויסע יישר כח אין נאמען פון יענטאאש!

יעצט ווארט איך אויף מיין ביכל...

יענטאאש איך האב עס שוין פאר א לאנגע צייט געסעווט אלץ מורא טז עס וועט דיר אנכאפן א רוח שטוס אין די וועסט מעקן,


ווער עס האט נאר אמאל גערעדט צו אן עלטערן איד אדער אידענע, וועט איר הערן פון אים/איר די אויסדריק 'אוי, די היינטיגע
וועלט' איז 'א קליינע וועלט'...

און ווען איך זאג 'עלטערע איד' מיין איך נישט דוקא אן אלטער איינגעבויגענער מיט צעקנייטעשטע הויט, ציטערדיגע הענט, גרויע האר, און א ציטערדעגע הייזעריגע שטימע צו וועלכן מען דארף צולייגן קאפ און אויער צו פארשטיין וואס פונקטליך דער מענטש רעדט, און דאגעגן ווען איר רעדט צו אים ברויכט איר שרייען העכער פון א הויכהילכער אויכעט נאר אז ער זאל הערן אינגאנצן עפעס אנדערש ווי איר האט געמיינט צו זאגן, איך מיין אינגאנצן נישט דייקא אן אלטער איד וועלכע בענקט שטענדיג צו די אלטע היים צום קליינעם שטעטל אין וועלכן מען האט געדארפט ארויסלויפן אין הויף אין די קעלט און היצן כדי צו טון די מענטשליכע באדערפענישן און נאכער זיך אינטערווישן מיט -אמבעסטן פאל- א שמוציגער צייטונג פאפיר און ס'רוב מאל מיט א שטעכיגן שטיין און אויך שוין א גענוצטע, איך רעד נישט דוקא פון די עלטערע אידן וועלכע בענקן נאך די מילך וואס די מאמע האט 'אליינס' געמאלקן פונעם קי וועלכע האט זיך געהאדעוועט ביים שכן און הויף און פארשפרייט איר דומפיגן גערוך אינעם גאנצן ארום, איך רעד נישט דייקא פון די עלטערע לייט וועלכע בענקן זיך צו די פליייש וועלכע מ'האט געהאט פונעם טשיקן וועלכע מ'האט 'אליין' אויפגעצויגן ביי זיך אין הויף און 'אליינס' אפגעווישט די כסדר'דיגע צואה אירע און 'אליינס' געטראגן צום שוחט און 'אליין' איר געזאלצן אפגעוואשן און אפגעקאכט, איך רעד נישט דייקא פון די עלטערע אידן וועלכע שטרעבן צוריק צו גיין אינעם אלטן דערפל אין וועלכע עס האבן געוואוינט א קנאפע צוויי מנינים אידן און פאר א גרופע פון אכט קינדער פון פארשידנארטיגע עלטערס איז געווען איין מלמד וועלכע האט געשמיסן מיט א צווייג ווען מען האט נישט געקענט די עברי און באלוינט מיט אן 'אגוז' ווען מען האט יא געקענט, איך רעד נישט דוקא פון די גאר עלטערע אידן וועלכע בענקן צו די צייטן ווען מען האט געמאלד וויכטיגע נייעסן דורך א טעלעגראם און אויסגעפירט שידוכים דורך בריוו אנדעם וואס די חתן כלה זאלן וויסן (עם) מי ומי ההולכים, איך רעד אפילו פון מיטל עלטערע אידן די היינטיגע עלטערע בעלי בתים זיי וועט איר אויך הערן זיך אויסדריקן אז די היינטיגע וועלט איז גאר א קליינער...

און זיי זענען נישט גערעכט, קליין איז זי די וועלט? 'ס'איז פיצי'!!!!!!...... איר קענט היינט אפלעבן די יארן און אלעס וויסן האבן און באקומען אנדעם וואס איר זאלט אויפהייבן די פליישיגע רגליים אייערע, אלעס דורכן זיצן ביי א קאמפיוטער סקרין, איר קענט טון ביזנעס, קויפן נכסים, אויסשטאפירן דאס הויז, בויען דאס הויז, באשטעלן א פיצא! אלעס אויפן קאמפיוטער, אמאל האט מען גאדארפט גיין צום פענסטער זען די וועטער אינדרויסן, היינט.... יעדע סייט זאגט דיך אן וואס דו זאלסט פרעגן פונקטליך וויפיל וואלקענס רוען העכער דיין בלאק.....

און איך זאג אייך, עס וועט נאך קומען א צייט, נישט לאנג ארום, וואס מען וועט אנהייבן פראווען שמחות אויף די נעט..... (איך מיין נישט דאס וואס די טראכסט, דאס איז שוין יעצט דא....), נישט לאנג ארום וועט איר עמטליך הערן 'ר' יענטאאש פ. רופט דעם עולם צו זכור אין ביהמ"ד 'היימישע שטותים!'.... וואס עפעס מאכסטו דארט? אה איך דאוון דארט איך בין דארט א מעמבער, טאקע? וואס עפעס?, סתם ס'איז זייער א בא'טעם'ט קליין שול'כל איך ווייס נישט איך האב עס ליב.....

לאנג וועט עס נישט געדויערן........ דער באשעפער זאל העלפן נאר אויף שמחות.....

______________________________________________________________________________________

... זאך טאגטעגליכע א וביד ושרץ כטובל


פעך...!!!! פוי.......!!!!!!! וועעעעך(מיט א דאבעליו).......!!!!!!
יא די מקוה.....!!! פוי........!!!!, 'כ'טובל ושרץ בידו?? ס'איז שוין גארנישט 'כ', ס'איז 'טובל ושרץ בידו', ווי מען דרייט זיך איז פיל מיט חזר'יי, אלע ערליי האר, פיאות האר, בארד האר, קערפערליכע האר, גראדע האר, געדרייטע (קוירלי) האר, פון אלע ערליי קאלירן, שווארצע, ברוינע, רויטע, אראנדזשע, גרויע, ווייסע, בלאנדע, טשערי-בלאנדע, און ס'ענדיגט זיך נישט ביי האר, ס'גייט אסאך ווייטער....
די מקוה איז געווארן עפעס א... איך ווייס נישט וויאזוי דאס אנצורופן, מענטשן טוען דארט אלעס!!!, בארד געקראצעכץ, פיס געקראצעכץ, קאפ געקראצעכץ, מ _ י _ה געקראצעכץ, און וואס נישט.......
מען זיצט און מען שמועסט דארט און מען ארבעט זיך אויס דעם קערפער ווי עס וואלט געווען ביי זיך אינדערהיים.......... פוי!!!!!!! נאכאמאל פוי!!!!!!!!!!..........
פון 'הוטקע' האב איך הנאה, ער האט אמאל ביי א געלעגנהייט געשריבן אז ער רעדט אין מקוה און דער עולם כאפט זיך אן די בייכער פאר געלעכטער "מיט א האנטעך", אזוי דארף מען צו טאן שמועסן אינדרויסן, נישט אין בור!!!!!!!
וואס קיצלט מיך אזוי מיין אקסל....??...., אה א האר האט זיך מיר אנגעקלעפט אין מקוה........
.



ביפ!! ביפ!!ביפ!! ביפ!!!!!!!!!!..... ביפ!! ביפ!!ביפ!! ביפ!!!!!!!!!!..... ביפ!! ביפ!!ביפ!! ביפ!!!!!!!!!!.....
.......... א לאנגן שנארכעץ אויף אריין...... א לענגערס אויף ארויס....... א סטרעטש אויס דעם קערפער...... א שווערן קרעכץ ...................האאאאאאאאאאאאאאא!!!!!!!!!!!!!!.....
אינסטינקטיוו שטרעק איך אויס מיין האנט צום 'סנאאז' קנעפל.... מ'געט א קוועטש... און וישן ויחלום שנית........

ביפ!! ביפ!!ביפ!! ביפ!!!!!!!!!!..... ביפ!! ביפ!!ביפ!! ביפ!!!!!!!!!!..... ביפ!! ביפ!!ביפ!! ביפ!!!!!!!!!!.....
........ עוד הפעם .......... א לאנגן שנארכעץ אויף אריין...... א לענגערס אויף ארויס....... א סטרעטש אויס דעם קערפער...... א שווערן קרעכץ ...................האאאאאאאאאאאאאאא!!!!!!!!!!!!!!..... א קוועטש דעם 'סנאאז'.... און צוריק אין ים הפּעפי.....

ביפ!! ביפ!!ביפ!! ביפ!!!!!!!!!!..... ביפ!! ביפ!!ביפ!! ביפ!!!!!!!!!!..... ביפ!! ביפ!!ביפ!! ביפ!!!!!!!!!!.....
האאאאאאאאא!!!!!!!!!!!!!!!!!!....... כ'געב א קוק אויפן זייגער..... איך גלייב נישט........ האא!!!!....... בין איך געשלאפן!!!!!....... (יענטאאש'טע: שששששששששש..... יענטאאש טייערער שריי נישט די וועקסט אויף די גאנצע משפחה.......).

א לאנגע שווערע צי אויס דעם קערפער.... יוי....עהההההה...האאאא...., איך טו מיך אן די סליפערס..... און איך שלעפ מיך קוים קוים ארויס פון בעט, איך גיי ארויף אין אפיס, איך שליס אויף די טיר, פארשליס איר צוריק פון די אנדערע זייט..... איך צינד אן דעם 'קאמפיוטער'..... און .....

'אה העלאו!!!!!!!!!!!!...... גוט מארגן!!!!!!!!!!!...... דא בין איך!!!!!!!!!!!!!!'........

וואס טוט זיך עפעס?, עפעס נייעס היינט?, איך בין נישט קיין מענטש די לעצטע פאר טעג, איך זאג אייך זייט מיר האבן געמאפט אהער קיין 'חברה וקהילה' בין איך נאכנישט געסעטלט, ס'איז אזוי שווער, קודם כל די דירה, יא איך ווייס איך האב א שיינע גרויסע אפארטמענט אבער ווי איז דאס א פארגלייך צו דעם פראכטפולן פאלאץ וואס די יענטאאש'עס האבן פארמאגט דארט, נאכדעם דארף איך איינגלידערן די קינדער אין די נייע תלמוד תורה, נעכטן בין איך זיי געגאנגען איינשרייבן, דער מנהל האט געמאכט א גאנצע מצב, 'קינדערלעך טייערע מיר האבן א גרויסן גאסט דא ביי אונז' האט ער אויסגערופן אין לאנטש רום אינמיטן פרישטאג, 'דער גרויסער 'הוטקער' ראש הקהל איז געקומען אריינשטעלן דא אין אונזער חדר זיינע חשוב'ע קינדערלעך, אלע קינדער זאגן שיין 'ברוכים! -קינדער: בעריכים.... ריכים... כים....!!!!!!!!!!!!- הבאים! -קינדער: האבאא-אים....באאא-אים...אים...!!!!!', שוין בקיצור כ'האב מסדר געווען יעדן ביי זיין מלמד, און כ'בין אהיימגעקומען אויסרישן די דירה.... פרעגטס נישט וואס דארט האט זיך אפגעטון... די 'יענטאאשטע' איז געווען נערוועז און מיט רעכט..... גארנישט קען מען דא נישט באקומען, אלעס קאסט טייער געלט....... בכלל האט איינער אן אננונג ווי דא איז דא א נארמאלע גראסערי?????????.......

....יוי... כ'האב נאך ניטאמאל געהאט א קאווע!..... לאמיך מיך גיין מאכן א קאווע , מ'העמיר שוין רעדן ווייטער שפעטער.........
______________________________________________________________________________________

שוין לאנגע יארן וואס די רבנים ומחנכים פארפירן און דרייען איבער א וועלט אז מען זאל נישט לאזן אידישע טעכטער ארבייטן אין די אפיס'עס, אלע ערליי "רבים חללים היפולו'דיגע" לשונות ווערן גענוצט פארן קאמפיין, הילכיגע שרייענדע פארפירנדע ווילדע שארפע פלאקאטן מיט שרעקעדיגע שווארצע אותיות באצירן טעגליך די גאסן און בית המדרש ווענט, לעצטנס איז דער קאמפיין געגאנגען אביסל 'אוט אוו קאנטראל' און מען באנוצט זיך שוין מיט נאך שארפערע לשונות אזויווי 'רוצחים, רשעים, חוטא בנפשו, בן סורר ומורה, הארלעם שחורים, און וואס נישט'.

איך נעם נישט קיין שטעלונג אין די נושא פון רוחניות'דיגן שטאנדפונקט, איך לאז דאס איבער פאר די רבנים גאונים צדיקים תמימים ישרים וועלכע האבן אסאך מער צייט און סאך ווייניגער דאגות ווי איך, דעריבער זאלן זיי זיך פארען דערמיט און זאלן זיי דאס דורכטראכטן מיט זייער 'דעת תורה' וואס דער דין איז ביי דעם, זאלן זיי ארויסגעבן זייערע קול קורא'ס צו אליינס צו אינטערגעשריבן מיט אנדערע ס'איז פארהאן אסאך 'אפשענס', ווער עס וויל וועט זיי פאלגן און ווער נישט וועט נישט און עולם כמנהגו נוהג ווייטער ווי ביז היינט.

אבער אלץ 'ראש הקהל' וועל איך נעמען א שטעלונג פון 'דעת בעל הבית'דיגן' שטאנדפונקט, איך האלט אז פרויען זאלן זיך צונויפפאקן די פעקלעך אדער בעסער געזאגט די 'פאקעט בוקס' און זיך אפיאגן פון די אפיס'עס, אדער 'עטליעסט' זאלן זיי נישט ארבייטן אין איין אפיס מיט מענער, איך ווייס אז איך קען נישט טוישן די וועלט, מענטשן דארפן פרויען ארבייטערס פאר פארשידענע אורזאכן (איך וועל עס נישט דא אויסשמועסן ברייטער משום תקנות הפורם....), בעלי בתים טענה'ן אז פרויען מאכן א בעסערן דזשאב (איך וועל דאס אויך נישט דא אויסשמועסן ברייטער משום תקנות הפורם....), בקיצור 'וואט עווער דע ריזען איס' איז דער פאקט אז קיינער וועט מיך נישט פאלגן און יעדער וועט פארבלייבן מיט די פרויען ארבייטער'ס, אבער איך זאג אייך פארט טייערע בעלי בתים הערט צו די עצה פון א קלוגן איד (????!!!!!!), איר וועט זען אויב איר וועט האבן א 'פול מאן אפיס' וועט די ארבייט בעסער גיין, פארוואס?, פשוט ווייל א מאנספערזאן לשיטתי ווערט פשוט צעפלאצט פון זיצן אין איין פלאץ מיט די נשים פאר שעות אין א צי, די תשעה קבין'דיגע געפלוידעראכצץ קען דאך איינעם 'דרייווען קרעזי', איך זאג אייך איך פאר מיר האלט דאס נישט אויס!

קוקט אהער למשל היינט ס'איז א טאג נאך א לאנגן 'דזשוליי פאר וויקענד' מען קומט צוריק אין די ארבייט, איין מאן פרעגט דעם צווייטן 'וויאזוי איז געווען די וויקענד?' פיין, 'האסט ענדשויט? יא, 'ווי ביזטו געווען'? איך בין געאנגען דא געטראגן מיין ווייב דארט און שוין, פיניש, דער שמועס איז פערטיג אין ווינציגער ווי א מינוט.

יעצט די זעלבע געשפרעך צווישן פרויען געדויערט א האלבע שעה ווייניג גערעדט אויף די העכסטע טענער מיט די קוויטשעדיגסטע קעלער וועלכע פארן אריין אין אויער און פון דארט גלייך צו די נערוון, ביילע: אה העלאו דעבאשע! (הי הי) האו ארר יאא(עעע)? לאנג טיים נאו סי (הי הי הי מיט א ספעציעלן פרויענ'ישע נקודה) האו W-וואס יאר וועקעישאן?, דעבאשע: אה איט וואס טעריפיק איי העד סאטש עי גוד טיים איט וואס סא ענדזשויעבל איי וויש איט וואד לעסט לאנגער, ווי ווענט טא דע מאלל ענד איי באט סאם סקוירטס יו נאו דע בלו וויט דע גרין פאקעדאטס ענד עי לייט בלו שוירט איי באט איט פאר סא טשיפ ענד איי וואס............! ..............! ..........! ..............! ..............! ............! ...........! (זי איז נאכנישט פערטיג איך האב נאר נישט קיין געדולד איבערצוזאגן אלע שטותים), ביילע:'אה WOW טעריפיק סאו איט וואס גרעיט? (וואס פרעגסטו נאכאמאל איבער זי האט דאך שוין געענטפערט?) דעבאשע: אה שאר איי לאוו'ד איט (אה הייסט אז איך בין משוגע, גערעכט איז זי אז זי פרעגט קוק זי ענטפערט נאכאמאל) ווי העד עי באל וכו' וכו וכו'.............., יע דע קידס ווער עי לידל ביט טייערד (אה טאקע?!! וויאזוי קען זיין האסט דאך זיי 'נאר' ארומגעשלעפט פון צופרי ביז ביינאכט פון סטאר צו סטאר?!) סאו איי קאדנט ביי מאר טינגס איי וואנטעד טא ביי (וואס?!!! האסט נאך געוואלט קויפן נאך???!!!!!) ביילע: אה איי לעפט דעם וויט עי בעביסיטער...... (.......) ............ ........... ............ ........ ........ .... ........... ..........וכו' וכו וכו'

אזוי גייט די שמועס פאר ווייס עך ווי לאנג, און דאס איז יעדן טאג נישט דווקא נאך וויקעישאן זיי טרעפן יעדן טאג עפעס צו רעדן, למשל ווען א מאן האט געהאט א 'בר מצוה' איין נאכט רעדט מען ניטאמאל דערוועגן א טאג דערויף, די נשים, הוי פרוביר נישט פרעגן ביילע: האו וואס דע באר מיצווע? דעבאשע: או איט וואס סא נייס ענד בעיאטיפאל, שעינדי פריפערד איט סאו פערפעקט דע קידס ווער דרעסד בעיוטיפאל ............ ............ ............. ............ .............. ............... ............... ............ ............ ........... .... ................ ............... ............. וכו' וכו וכו' (און דאס איז ווען די בר מצווה איז געווען אין 'שמח תשמח' שטעל דיך פאר ווען עס איז אין א טייערן זאל, אה דעמאלטס פארגעס פון ארבעטן יענעם טאג).

דעריבער האלט איך אז ווער עס וויל די ביזנעס זאל וואקסן זאל ארויסריקן די פרויען.

ולהשומעים תבא עליהם ברכה, יוסף השם אלף פעמים ככה,בלא בלא בלא וכו'
______________________________________________________________________________________

סאיז שטיל.......... איך שפאציר אריין אין די לאבי פון די 'הוטקע שול'....... סאיז שטאק פינסטער...... מען הערט נישט קיין שארך...... מיין הארץ פאמפט פאר שרעק....... איך בין בטבע א פחדן....... איך ציטער ווי א פישל....... כ'האב מורא צו זיין דא אליין......

איך נעם ארויס מיין בינטל שליסלעך...... איך כאפ אן אלע שליסלעך אויף אמאל אז עס זאל נישט קלינגען און מאכן א גערידער.... איך קלייב אויס די שליסל פון דעם ביהמ"ד טיר...... יוי איך ציטער...... הההאא... הההאא..... הערט זיך מיין שווערע אטעמען.... גיי ווייס וואס עס ווארט מיך אפ אויף די אנדערע זייט טיר...... איך שפיץ אן מיינע אויערן און איך לייג דאס צו צו די טיר....... איך פרוביר עפעס צו הערן..... שא שטיל......... מען הערט נישט גארנישט...... יוי איך ציטער........ איך דריי דעם שליסל....... דאס ווידער קול פון מיינע שטארקע הארץ קלאפענישן קלינגט אפ אין די לאבי..... איך מאך אויף די טיר...... יוי........ הההאא... ההההאא...... איך שפאציר שטייט אריין אינעווייניג מיט שטילע טריט...... א דומפיגע גערוך וואס ווייזט אויף א לאנגצייטיגע ליידיגקייט אינעם צימער איז מיך מקבל פנים און דרינגט מיך אריין אין די נאז לעכער....... איך גיי צו צו די לעקטער סוויטש...... איך ריק דעם קנעפל...... די לעקטער צינד זיך אן...... יוי...!!!.... ההההאאאאאאאאא...!!!!!!!..... האאאאאא...!!!!!!....... שפרינג איך אויף פאר שרעק........ האאא...!!!!!!.... וואס איז דאס...????!!!!!...... יוי...!!!!!!..... אה גארנישט ס'איז א רעגן מאנטל וואס עמיצער האט איבערגעלאזט אויפן טיש...... ס'האט אויסגעקוקט ווי א מענטש ליגט דארט...... הההאא... הההאא...... איך בארואיג מיך צוביסלעך....... איך באקום צוריק מיין קאנפידענס....... עניוועי..... איך הייב מיך אן ארומקוקן...... ס'איז ליידיג..... קיינער איז נישט דא......

......האלאו...!!!!!!!!!........ איינער איז דא....????!!!!!....... וואו איז יעדער...????!!!!..... איך פארשטיי ס'איז געווען א זומער שבת אין די קאנטרי, איך פארשטיי ס'איז געווען 'דזשוליי פאר וויקענד', אבער קאם אן!!! ס'איז שוין דזשוליי סיקס!!!! שוין באלד דשוליי סעווען!!!!! איך קען אפשר וויסן ווי יעדער איז????!!!!!.......

....האלאו...!!!!!!!!!!......... ....האלאו...!!!!!!!!!!.........אפשר רופט איר זיך אן....!!!!!!..... אפשר וועקט איר זיך אויף...!!!!!...... אפשר הייבט איר אן רעדן ווי נארמאלע מענטשן...????!!!!!!......נו..!!!!!...... נא...!!!!!!......

....האלאו...!!!!!!!!!!......... ....האלאו...!!!!!!!!!!.........

אזויווי עס איז טעריבל קלאציג לעצטנס דא וועל איך ארויפלייגן א קינה וואס איך האב מחבר געווען.

געווען אמאל צייטן אינגאנצן נישט אזוי לאנג צוריק,
וואס סיי ווען מען האט אויף 'היימישע שטותים' געגעבן א קליק,
בליטשקעדיגע לעמפלען האבן געטון מעלדן בפירושים,
אז עס איז דא צו ליינען עפעס פרישע חידושים,

עס האט זיך געטון אויף אלע באקן,
יעדער האט זיינע בויך קרעמפן געטון אויס_אקן,
אלע ערליי טעמעס געטון אויפבראכן,
כסדר איז געווען פון וואס צו שמייכלען און צו לאכן,

יעדער איז געווען אקטיוו ס'האט זיך אלס געלעבט,
צו 'היימישע שטותים' מען איז געווען צוגעקלעבט,
מיט די צייט איז געווארן נאך מער ווי פרעדיקטעט,
צו 'היימישע שטותים' מען איז געווארן עדיקטעט,

און אט ווי פון דער ערד איז אויסגעוואקסן דער 'יענטאאש הידוע',
געקומען ווי פון הימל א מלאך המושיע,
ער האט רעב הוטקע'ן מספיד געווען מיט די ריכטיגע דיבורים,
און ס'איז געווארן לוסטיג לעבעדיג ווי אינמיטן פורים,

נאך אפאר טאג גאנץ קנאפע,
איז דער פורם צוריק ארויף אויף די מאפע,
עס זענען פארגעקומען מסיבות אין אלע צייטן,
הכתרות און דרשות אויף אלע זייטן,
מען האט געמופט אהער און אהין ס'איז געפארן אויף רעדער,
געפייערט א חנוכת הבית פיל מיט דרשות און רעדנער,

אבער לעצטנס שטיי איך דא און איך רעד צו די וואנט,
קיינער וויל מיך נישט העלפן און אויסשטרעקן א האנט,
איך קען דאס שוין מער נישט פארדייען,
איך בעט אייך וועקט אייך אויף איך האב מער נישט קיין כח צו שרייען.




ווי מען גייט און שטייט איז מען ביזי מיט די אסטראנאנטן וואס דרייען זיך אין דער הייעך העכער אונזערע קעפ, האב איך זיך נאטורליך דערמאנט פון נאך מענטשן וואס פליען אין די לבנה אריין, נעמליך 'חתן כלה' גראד נאך די חתונה, און אז איך האב זיך דערמאנט פון חתן כלה אין די שבע ברכות האב איך זיך דערמאנט אין א גוטן און אמת'ן ווערטל וואס מען זאגט נאך פון ראפשיצער רב, איר האט שוין אודאי געהערט דעם ווערטל, אז ער האט אמאל געטראפן א חתן אינמיטן די שבע ברכות האט ער אים געזאגט 'איך בין נישט דיינס!', ווייל א חתן אין די שבע ברכות מיינט אז די גאנצע וועלט איז זיינס.........

דער ווערטל וועפט שוין היינט פון אזויפיל געניצט ווערן, אבער דער אמת איז אז דאס איז אן אמת און געשמאקער ווערטל, און וואס איז נעבעך דער ווערטל שולדיג אז יעדער עלטערער מענטש -מיט אן ארויפגעדרייטן צעקניפטן בארד מיט די פיאות צוזאמגעדרייט מיט א פעסטקייט אויפן אויער צאמציענדיג איר ווי א פארמאכטן רויז- מיינט אז ער מוז צוגיין זאגן דעם ווערטל -וואס ער אליין האט נאך געהערט פון ר' חיי-מענדל כמה פעמים- פאר יעדן חתן וואס דאווענט אין זיין שול צעלאכנדיג זיך מיט א גרעבציגן געלעכטער ארויסווייזנדיג דערביי די געלע ציין וואס ליגן אים פארשטעקט אונטער די לאנגע שטעכיגע שנוינצן.....

וואס איז נעבעך דער ווערטל שולדיג אז יעדער אפגעריסענער פעטער וואס האלט זיך פאר א בדחן מיינט אז ער מוז זיך ביי יעדע קאזינס שבע ברכות אויפשטעלן מיט זיין גרעביגן בויך און דיקע פיס מיט זיין צאמגעקנייטשטן גאלדענע בארד מיט די רינדיגע ברילן אויף זיין צעקוועטשטן נאז און אנהייבן מיט דייקא דעם ווערטל קוקנדיג דערביי אויפן חתן און הנאה האבנדיג אז ער שמייכלט נישט כאפנדיג אז דער חתן שמייכלט גארנישט פון זיין וויץ נאר ער לאכט שוין מיט א זיבלדיגן שמייכל א גאנצע וואך טראכטנדיג פון זיין גוטן גורל אז ער האט חתונה געהאט מיט זיין מעכטיגע כלה אין וועם ער האט נאר געזען די מעלות ביז איצט נישט כאפנדיג אז די חסרונות רוען נאר איצטערט איין ווי די שטילקייט פארן שטורעם......

וואס איז נעבעך דער ווערטל שולדיג אז יעדער זיידע מיינט אז בעת ער זיצט לעבן חתן ביי די שבע ברכות מוז ער איבערזאגן דעם וויץ פארן אייניקל מיט זיין שטילע קראצעדיגע הייזעריג-קוויטשעדיגע שטימע דערביי גלעטנדיג די געלע בארד מיט די ציטערדיגע האנט זיינע און שמייכלענדיג צו דעם צד השני'דיגן זיידן מיט א זיידע'אישן -אין היטלער נקמה'דיגן- שמייכל.........

שוין וואס קען מען טאן?, די חברה האבן אפגע'הרג'עט א גוטן ווערטל...........
______________________________________________________________________________________

זיץ איך מיך אזוי היינט פארטאגס אין ביהמ"ד ביי א גמרא און איך לערן, אה..... די פריע פארטאגס שעה'ן..... עס איז דאך ממש מעין עולם הבא, דער קאפ איז קלאר און אויסגעלייטערט, מען ווייסט נישט פון קיין דאגות און פון קיין דרוק, מען ווייסט נישט פון קיין ביזנעס און פון קיין אינטערנעט, מען זיצט זיך אזוי רואיג מיט א געשמאקער הייסע קאווע פון ווי דער רויך גייט אויף הויך ארויף צעשפריידנדיג די גשמאקע גערוך פון א גוטן קאווע אינעם גאנצן ארום אויפרייצנדיג יעדן וואס גייט פארביי צו לויפן זיך אנגרייטן א קאווע ביים גרויסן קעסל ווי עס קאכן זיך די גאלאנען וואסער מחיה צו זיין אידישע קינדער מיט א פיינעם צופרי'עדיגן געטראנק.

זיץ איך זיך מיט א רואיגקייט פארטוען אין די גמרא זיפענדיג א שלונג נאך א שלונג בעת עס טראפן טריפעלעך וואסער פון מיינע נאסע פיאות וועלכע האבן זיך נארוואס מטהר געווען צוזאמען מיט מיין גאנצער קערפער אין די פיינע מקוה, אויפפרישנדיג דעם פאריאגטן און פארפלאגטן 'יענטאאש' וואס דארף אט אט לויפן זיך מיגע זיין על המחיה ועל הכלכלה און מקיים זיין דעם בזיעת אפיך תאכל לחם, און יעצט נוצט ער נאר אויס די פרייע פאר רואיגע שעה'ן עוסק צו זיין אינעם שיעור קבוע זיינעם, אה!...... ממש א געשמאק!....... אביי זאגט רבא פרעגט רבה ענטפערט און שמואל ברענגט א ראיה, ר' יוסי הגלילי קריגט און רבי האלט אנדערש ר' יצחק נפחא שטימט צו און רבי אלעזר האלט אויך אזוי, אוי ווי זיס איז דאס!...... די מחלוקה לשם שמים פון די בית שמאי מיטן בית הילל פון רש"י מיטן רבינו תם, אוי דער מהרש"א מאכט דאך דאס אזוי קלאר און דער רשב"א ברענגט דאך א ראיה וואס מאכט שפרינגען, ווער רעדט נאך פונעם פני יהושע..... עס איז דאך אינגאנצן אן אנדערע וועלט, עס איז זיס..... עס איז לעכטיג..... עס איז א מחיה!..... מען פארגעסט דאך פון אלע צרות יגון ואנחה, משוגע דארף מען זיין נישט צו לערנען נאך מער משוגע נישט צו לערנען פארטאגס......

ווערט מיר אט שווער עפעס אין תוספות, נו וועט מען א קוק טאן אין מהרש"א, איך מיש אויף אהין, וועלכע דארף האלט איך?..... אה ל"ד ע"א..... ווי איז עס?.... אה דא....... לאמיר זען וואס דער מהרש"א זאגט...... איי איי איי איי איי איי יאם...... זינג איך מיך אונטער מיט א ניגונ'דל....., איך טרעף דעם מהרש"א..... איך בייג צו מיין קאפ אריינצוקוקן בעסער אין די קליינע ווערטער..... ווען פלוצלינג...... וועעעעעעעעעך!!!............. פוי!....... וועך!.... פעך!!.... נישט מער און נישט ווייניגער..... א גאלדן-ברוינער געדדייטע דריי און א האלב אינטשיגער האר........ וועעעעעעעעעך!!!............. פוי!.......ווער האט עס דא אריינגעלייגט???!!!!..........., אה עפעס א איד א פערד וואס האלט אז זיין האר פון די בארד איז הייליגער ווי מיינע מענטשליכע געפילן זענען ווערד........

גלייך אויף די מינוט, ווען מיין מויל איז נאך געווען פארדרייט פון איבל, האב איך מיך אראפגעזעצט שרייבן א בריוו צו דעם איד.



לכבוד מיין טייערער ידיד,

מיט פארעקלטע געפילן פון גרויס איבל און גרויל נאכדעם וואס איך האב געטראפן דיין הייליגער האר אין די גמרא וואס איך האב היינט געלערנט, זעץ איך מיך אראפ שרייבן די דאזיגע שורות.

ווי עס קוקט אויס ר' איד האלט איר זיך פאר א גרויסער קדוש, אויף אזא פארנעם אז אפילו די האר פון דיין שטינקיג קערפער איז אזוי הייליג אז די שרפי מעלה אין הימל וועלן נישט אויסהאלטן אויב עס וועט זיך וואלגערן אויף דער ערד, וויל איך אייך זאגן אז ניין! איר זענט נישט קיין קדוש, נישט קיין צדיק, און אפילו נישט קיין סתם ערליכער איד, 'איר זענט א פשוטער חזיר!!!!!!'...........

מיט וואספארא רעכט האלטסטו אז דו ביזט ערלויבט צו פאר'חזיר'ן הייליגע ספרים מיט אפפאל פון דיין גרויליכער קערפער???!!!!!?.... פארוואס האט אייער חזיר'יש הארץ באוואויגן אייער עקלהאפטער מח אז יא! אנדערע אידן זענען מחיוב צו שפייען איבל און גרויל צוליב אייער צעקניפטן האר'ל????!!!!?... ר' איד טייערער! אויב איר האלט אז אייער האר באלאנגט אין א ספר, דאן פלאצירט דאס אין א קאנווערט וועלכע איר זאלט שטענדיג האלטן ביי אייך אין קעשענע גרייט על כל 'האר' שלא תבא, און טראגט דאס אהיים און זאל אייער הויזגעזינט האבן די זכיה זיך צו באגעגענען מיט אייער געשמאקער אבר מן החי!!!!!!!!!...........

ווי עס שרייבט צו דיר דיין חבר, מיט עקל און גרויל געשטיקט מיט אן איבלדיגן טעם אין האלז.

יענטאאש



'וועסט זיך נאך בענקען צו די יונגע יארן'

אזוי האט מיר מיין מאמע געזאגט בעת זי האט איינגעזאפט מיט א טישו די פילע שנירלעך טרערן וועלכע האבן אראפגערינען מיט א רחמנות אויף מיינע גלאנציגע יונגע בעקעלעך ווען איך האב געוויינט פארוואס איך בין נאך צו קליין צו גיין צו מיין צווייטע קאזינס חתונה. אזוי האט מיר מיין טאטע געזאגט בעת ער האט שטארק געדריקט מיין האנט גייענדיג אויפן וועג צום שול פרייטאג צונאכטס ווען איך האב גענודזשעט פארוואס איך בין נאך צו קליין צו קראסן אליין די סטריט. אזוי האט מיר מיין זיידע געזאגט מיט זיין שליימיגן קול בעת ער איז געזעצן אויף די טאראסע אנגעטאן אין זיין בלויען סוועטער און איינגעהילט אין זיין גרויען שאל טרינקענדיג א הייסע טיי מיט לימענע אין א פיר און ניינציג דעגרי וועטער צובייסענדיג א קאצקע ציקער. אזוי האט מיר מיין באבע געזאגט בעת זי האט מיט איר צידערדיגע האנט מיך פרובירט צו פיטערן די רעשטעלעך פאשיט און לאנגע -טאמעיטא סאוס- לאקשן וועלכע איך האב נישט געוואלט אויפעסן פאר נאכטמאל וויינענדיג אז די גרויסע קינדער צווינגט מען נישט צו אויפעסן. אזוי האט מיך מיין מלמד געזאגט בעת מיינע רויע בעקעלעך זענען געלעגן צעדריקט צווישן זיינע הארט-הויטיגע פינגער ווען ער האט מיך געציפט מיט א כלומר'שטע ליבשאפט. אזוי האט מיך מיין מנהל געזאגט מיט אן אריינרוימנדע שטילע שטימע אריינאטעמענדיג מיט זיין פון-קנאבל-שטינקפולע מויל גלייך אין מיין יונג אומשולדיג פיסקל.

היינט, יארן נאך די חתונה מיט עטליכע קינדער אין די זייט מוז איך אייך זאגן טייערע עלטערן און מחנכים: גרויסע שטותים האט עטס גערעדט!, ווער בענקען? ווי בענקען? וואס בענקען?, איר האלט טאקע אז איך בענק מיך צוריק צו די צייטן ווען מיינע הענט זענען צעציפט געווארן בין דרימל לדרימל פון מיין טאטן פרייטאג צונאכטס אין שול?. איר האלט טאקע אז איך בענק זיך צוריק צו די צייטן ווען איך האב נאר באקומען אן אייסעס פון מיין מאמען בימי טהרה?. איר האלט טאקע אז איך בענק זיך צו די צייטן ווען מיין זיצער איז בלוי געווארן אונטער די רשעות'דיגע קאנטשיק פון מיין פארשאלטענעם מלמד?. איר האלט טאקע אז איך בענק זיך צוריק צו די צייטן ווען איך האב געמוזט לערנען שבת נאכמיטאג חומש מיט מיין זיידן?.

יא אמת, ס'איז דא פארשידענע פריוויליגיעס וואס נאר א יונגל האט, איך למשל וועל קיינמאל מער נישט קענען פליען מיט א סקוטער אויף די סיידוואלק מיט א קוויטשענדע 'לעאו.....!! לעאו.....!! וויעאו.....!!'. איך למשל וועל קיינמאל מער נישט קענען זיך אראפשטעלן פארנט פון א 'פאני טאטע' און אריינקוקן אים מיט א צעעפנטע מויל גראד אין פנים אריין אזש איך זאל קענען ציילן די הארלעך פון זיין נאז. איך למשל וועל קיינמאל מער נישט קענען -אפגעזען ווי ווייניג נערוון איך זאל נאר האבן צו דאווענען- שפילן 'באהאלטן' און 'רעד לייט גרין לייט וואן טו טרי' אין שול. איך למשל וועל קיינמאל מער נישט קענען -אפגעזען ווי שטארק איך זאל נאר דארפן- 'לויפן' אין טוילעט מיט א שנעלקייט אנכאפנדיג זיך באותו מקום עס זאל נישט ארויסרינען.

אבער פון די אנדערע זייט האב איך דען 'אזא תאווה' למשל צו האלטן פעסט א צעקנייטשטן סענדוויטש בעג אנגעפילט מיט צעמאלענע זאלציגע פאטעיטא סטיקס און צעברעקלטע זיסע טשאקלאד וועיפערס?. וויל איך דען אזוי שטארק אריינוואקן אין ביהמ"ד פרייטאג צונאכטס מיט 'לעמאנעיד פיאות'?. האב איך דען אזא תשוקה צו שרייען 'גויאאץ' פאר דעם שחור פון די מקוה?.......

סא, דו גאנצע 'יונגע יארן' גערעדעכץ איז 'סתם אין די וועלט אריין גערעדט'.....

______________________________________________________________________________________

אז 'נאט טו ביזי' רעדט שוין יא אזוי פון די עלטערן האב איך אזוי אריינגעקלערט, קענט איר זיך פארשטעלן וויאזוי עס האט
אויסגעזען ביי 'נאט טו'ס' ברית?. שטעלט אייך פאר, מען האלט שוין נאך די 'מציצה בפה', דער עלטער פעטער מיט די רויט-גאלדענע בארד שטייט שוין מיט 'נאט טו'ן' אין די האנט נאך וואס ער האט געקריגן דעם כיבוד פון 'הבא אל הכסא' -א כיבוד וואס ער באקומט כסדר כדי ער זאל זיך נישט באליידיגן און סטראשען אז ער קומט מער נישט צו די שמחות (ווי גלייך איינער דארף אים..)- דער בעבלאזענער פעטער שאקלט דעם אומשולדיגן "נאט-טו'ן" ווילד כדי ער זאל אויפהערן מיט די נאכאנאנדע געוויין, 'נאט טו' וויל פון גארנישט נישט וויסן, דער וואונד איז נאך פריש און ער וויל נישט אויפהערן מיט זיין בכיה. אט האלט מען שוין ביי די ברכות, דער 'שיינער איד פון שול' שטייט שוין מיטן כוס אין די האנט און זאגט די ברכות מיט א שטאטקייט אנציענדיג די פאריאגטע ארבייט'ס אידן וועלכע זענען נאר געבליבן ביים ברית דזשאסט אז אליהו הנביא זאל זיי פארצייען די עבירות (....), מען האלט שוין ביי 'ויקרא שמו בישראל', די פרויען ביי די זייט שאקלען מיט אן ערנסקייט די קעפלעך צום טאקט פונעם קינד'ס געוויין מיט די איינגעקנייטשטע טישו'ס איבער די אויגן און/אדער נאז, די קליינע אינגלעך שטופן זיך שוין איינער דעם צווייטן זיך שלאגנדיג ווער עס זאל טרינקען פונעם כוס דעם משהו וויין וועלכע וועט זיי הייס מאכן דאס האלז און פאראורזאכן א געהיסעכץ פון זייער זייט פאר איבער א שעה. אט האלט מען שוין ביי דעם ערנסטן מאמענט, 'ויקרא שמו בישראל!' רופט דער רב אויס הויעך מיט א זינגענדיגע לשון בקשה, דער עולם שפיצט זיך אן די אויערן איבערהויפט די מידל עידזש מענטשן וועלכע האבן ליב זיך צו מאכן זיס און ביים אנוואונטשן ווייזן אז זיי 'ווייסן שוין' דעם רך הנימול'ס נאמען. דער טאטע בייגט זיך ערנסט צו דעם קאפ צום בעל הברכה'ס אויערן און רוימט אריין מיטא ברומ'יגע שטיל-הויכע שטימע....... 'נאט-טו-ביזי'......... וואס???!!!!!!..... לאמיר זאגן אז דער רב האט אביסל עקספיריענס מיט די זאכן האט ער נישט אויסגעפראלט פאר געלעכטער אבער איר האלט אז דער פשוט'ער המון עם האט זיך געקענט איינהאלטן??!!!.... און וואס האבן די פרויען געזאגט????...... און די קינדער?! וואס האבן זיי געזאגט פאר די רבי'ס אין חדר ווען זיי זענען אריינגעקומען מיט די בילקע און פיש אין די האנט מיט א נצחון שמייכל אז זיי זענעען געקומען שפעט ווייל זיי האבן געהאט א ברית......., וואס האבן זיי געענטפערט פארן מלמד ווען ער האט זיי געפרעגט קלאפנדיג מיטן קאנטשיק אויפן טיש ' נו לאמיך זען אויב דו ווייסט וויאזוי די בעיבי הייסט?'.....

הא 'נאט טו', ס'איז געווען א דיזעסטער וואס????!!!.....
______________________________________________________________________________________

היינט אין ביהמ"ד ביי שחרית האט ביי מיין מנין געדאוונט פארן עמוד א קליין פערצן יעריג בחור'ל.

בשעת ער האט מיט זיין קוויטשיגן כפרה קול שרייענדיג 'גאדע קאדעשיי ראבאהההא!!' אויפן העכסטן טאן צעלעכערט מיינע אויערן, האב איך אים אביסל באטראכט, און איך האב ווידעראמאל פעסטגעשטעלט אז די באבע מעשה מיט די 'בענקעריי צו די יונגע יארן' איז 'סתם אין די וועלט אריין גערעדט'....

צו האלט איר טאקע אז איך בענק זיך ערנסט צו די יארן ווען מען האט אויף מיין צעקוועטשטע האלב צעריסענע ווי-א-באלי-אויסקוקנדע הוט געקענט דערקענען וואס מען האט געגעבן אין פיעוטים פאר פרישטאג די לעצטע האלב יאר??. צו מיינט איר טאקע אז איך בענק זיך וויכטיג צו די יארן ווען קאלעגע ישיבה בחורים האבן אין רעאקציע פון א דזשאוק אויף זייער חשבון געקענט צערייסן די טעשער פון די חאלאטלעך וועלכע האבן געסרוחעט פון ביי-פרישטאג-אויסגעגאסענע וועדזשטעבל סאלאטן און קאפי??. צו מיינט איר טאקע אז איך בענק זיך גאר שטארק צו די יארן ווען מען לעבט אין א תוהו ובוהו בעת די שתי שערות הייבן אן צו שפראצן און אזוי אויך די 'עפעס פאני פילינגס'?....

א נעכטיגן טאג!!, איך זאג אייך 'סתם אין די וועלט אריין גערעדט'....





יענטאאש איז ווער :השואלים לרבים

יוי איך ראלל מיך פאר געלעכטער......, נישט די הויכע כא! כא! כא! מינע געלעכטער, נאר די שטילע מינע, מיט די צוגעמאכטע מויל, מיט א גרעבציגע קול, די וואס די לופט קומט פון די נאז, וואס די עלטערע אידן נוצן....
פארוואס לאך איך??, אה די פרעגסט נאך!!, כ'וועל דיר זאגן, די ווייסט פארוואס ווייל דו בטלן (וואט עווער יור נעים -ענד ניק נעים- איס), האסט געעפנט דעם אשכול מיט די דעה, אז איך יענטאאש גיי טון א זאך וואס קיינער אין הייד פארק האט נאך נישט געטאן, דהיינו, פארציילן פאר יעדן און אויספויקן בריש גלי נישט מער און נישט ווייניגער ווער איך בין......
כא!כא!!!כא!!!!כא!!!!!!!!כא!!!!!!!!!!!!!!!!!!!!!!!!!!!!!!! אה....... יעצט לאך איך שוין יא די גראבע מינע, מיט די אפענע מויל און פויערישע הוסטן..... אבער נאך ווי איך לאך, כא!כא!!!כא!!!!כא!!!!!!!!כא!!!!!!!!!!!!!!!!!!!!!!!!!!!!!!!.....יוי איך קען זיך קוים בארואיגן......
איין מינוט, אנטלויף נאך נישט, כ'האב נאך נישט געזאגט אז איך גיי נישט, אפשר גיי איך יא, איי פארוואס זאל איך??????, פשוט ווייל עס איז לעצטנס געווארן א פאפולערע טעמע, צוליב דעם וואס מאנכע ווילן זאגן אז היינו הך "יענטאאש" היינו הך "הוטקע", "ממילא" האב איך אפשר יא באשלאסן ארויסצוקומען אפן און קלאר ערקלערן ,פארציילן, מגלה זיין, אויספויקן, אויסרופן, און קלארשטעלן (עפעס פארגעסן??) ווער איך בין, און ווער מיין טאטע איז/איז געווען, ווער מיינע קינדער זענען/גייען זיין, ווער מיין ווייב איז/איז געווען/גייט זיין/איך וויל זאל זיין...., און אזוי ווייטער און ווייטער מיין גאנצע יחוס ביז דוד המלך/בעשה"ק/אדם הראשון/אלשיך הק'/יענטאאשער רב זצ"ל/ר' אלימלך/ר' זושא/וכו'.
כא!כא!!!כא!!!!כא!!!!!!!!כא!!!!!!!!!!!!!!!!!!!!!!!!!!!!!!!, יוי איים סארי איך קען זיך נישט איינהאלטן כא!כא!!!כא!!!!כא!!!!!!!!כא!!!!!, איר זענט משוגע אדער וואס???, איר האלט טאקע אז איך גיי פארציילן?????!!!!!!, און וויאזוי מיינט איר פלאן איך צו טון שידוכים מיט מיינע קינדער??? איר מיינט טאקע איך וויל מען זאל זאגן אז דער און יענער האט א שידוך געטאן מיט יענטאאש פון הייד פארק???, אבער איין מינוט, ווער זאגט אז איך האב בכלל קינדער?? און אפשר האב איך זיי שוין אלע חתונה געמאכט???, אפשר אפילו מיט שיינע מחותנים, רבנים, ראשי ישיבות, (קאלעגע) ראשי הקהילה, שיינע אידן.
אבער למשל לאמיר זאגן אז יא איך גיי אלעס אין די זייט לייגן און איך גיי פונקטליך פארציילן ווער, ווי, וואס, וויאזוי, מיט וועמען, צו וועמען, פאר וועמען, פון וועמען, וויפיל, פארוואס אזויפיל, פארוואס בכלל, מיט א שייטל, אן א שייטל, מיט וואסערע שייטל, וועלכע קאליר האר, געדרייטע פיאות, גראדע פיאות, ברילן, נישט ברילן, רינדיגע ברילן, שווארצע , ברוינע, בארד, נישט בארד, קליינע בארד, גרויסע בארד, הוט, קאפעל, גאטשעס, שול, קהילה, ........., ............, ..............., ............., ......................., .................., ........., ............, ..............., ............., ................., (פשוט כ'האב מער נישט קיין געדולד פונקטליך אויסצורעכענען, אבער איר פארשטייט וואס איך מיין אלעס אלעס אלעס) , בקיצור ווי האבן מיר געהאלטן? יא, אז אז איך גיי אלעס פארציילן, וועט איר מיך למשל גלייבן אפילו????, קוק אהער אז איך זאל יעצט זאגן אז איך גיי מיט לאמיר זאגן א געקעסטעלטן רעקל , א הויכן ביבער הוט, ניין א פלאטשיקן, ניין א שטאפן הוט, ניין א קראך היט, ניין א קאשקעטל, בקיצור אויך מיר א חילוק וועלכע, א געוויסן הוט, און איך באלאנג צו קהילת פאפא (וועלכע?), ניין באבוב (וועלכע?), ניין סאטמאר(וועלכע?), ניין וויזניץ (וועלכע?), ניין ספינקא (וועלכע?), ניין פישפיקלאדיין (וועלכע?), עניוועי א געוויסע קהילה, וועט איר טאקע האלטן אז איך האב אייך געזאגט דעם אמת?????
כא!כא!!!כא!!!!כא!!!!!!!!כא!!!!!!!!!!!!!!!!!!!!!!!!!!!!!!!, איך קען שוין כא!! כא!!! מער נישט כא!!! כא!!! רעדן !!!! פאר כא!! כא!! געלעכטער כא!כא!!!כא!!!!כא!!!!!!!!כאה!!!!!!



(היום אחר שחרית בביהמ"ד החדש 'שערי הוטקע' ד'היימישע שטותים' פעיה"ק 'חברה וקהילה')

עלינו לשבח וכו'........................... ונאמר והיה וכו' אחד ושמו אחד!!!!!!....... יתגדל ויתקדש וכו'.................. אמן!!................. יהא שמיה רבא וכו'!!!!!!...., (ס'הייבט זיך אן א העפטיגע ארבייט מצד די עסקנים (אנגעפירט דורך 'יונגאטש') מ'רוקט בענק און טישן.... מ'גרייט אן טישטיכער... אט ברענגט מען אריין טעצער קעיק...... ברוינפן......, אפילו 'קרעמער' האט אפגעהאקט אינמיטן פירן א העפטיגע 'קופקע' ווי מען האט זיך גע'טענה'ט איבער 'פאליטישע' אנלעגנהייטן................. ('ממילא' שטייט אין די זייט און ער שימפט און שעלט.... קיינער הערט אים נישט אויס.... ער פרובירט צו רעדן צום 'שווארצן' ערל וועלכע קלינט די שול... אבער ער האט אויך נישט קיין צייט צו אים....), ..... עושה שלום במרומיו וכו'...... על כל ישראל ואמרו אמן!!!!!!!..... אמן!!!!!!!!!..........

'בןגאלד' גייט ארויף אויפן באלעמער......: קלאפ!!!!!.... קלאפ!!!!!!..... קלאפ!!!!!!..... ששששששששש........, דער גאנצער עולם איז געלאדנט צום מסיבת 'לחיים' והכתרת דער חשובער 'ראש הקהל' אלס 'מנהל משנה'!!!!!!!!!!!!!!!!!!!!!........

קלאטש!!!!!!!.... קלאטש!!!!!!!.... קלאטש!!!!!!!.... קלאטש!!!!!!!.... קלאטש!!!!!!!.... קלאטש!!!!!!!....קלאטש!!!!!!!.... קול רינה וישועה באהלי צדיקים!!!!!!........ (עס הייבט זיך אן א העפטיגע געזינגעכטץ.......) ...הוי!!!!!..... דער רבי זאל לעבן א מזל טוב!!!.... קלאטש!!!!!!!.... קלאטש!!!!!!!.... קלאטש!!!!!!!....

........שששששששששששששש............. אט גיי איך זאגן מיין דרשה.........

....מיט א וויינענדיגע שטימע געשטיקט מיט טרערן הייב איך אן צו רעדן......

...מורי ורבותי.... חשובע חברי הקהילה....... מ'טרעפט אין די תורה ווען יתרו האט געהערט די אלע ניסים וואס השי"ת האט געטון מיט די אידן וויאזוי ער האט באשטראפט די מצריים, שטייט דארט 'ויחד יתרו' זאגט דארט רש"י פשוט פשט מיינט טאקע אז יתרו האט זיך 'געפרייט' אבער נאך א פשט איז אז 'ויחד יתרו' נעשה לו חדודין חדודין ס'האט אים געשטאכן און ס'האט אים 'וויי געטאן'....., (איך נעם ארויס א טישו און איך וויש זיך אפ די טרערן.... מיין קול ווערט מער שטיקעדיג...) איך האב געקלערט יעצט.... דא........ אין אזא צייט...... כ'האב די זכיה...... 'רעב הוטקע שליט"א' אליינס..... האט מיך אויפגענומען אלס 'מנהל משנה'..... (דער גאנצער עולם ווערט עמאציאנעל...... ס'איז שטאק שטיל....מהערט נישט קיין שארך אין ביהמ"ד......) פון איין זייט.... איז עס מיר א געוואלדיגע שמחה..... אז מ'האט מיך געגעבן אזא כבוד.... און מיך ממנה געווען... ('בןהרחמן' שפילט זיך מיט די ברוינפן גלעזלעך..... ער מאכט א גרויסן טורעם דערפון...) ...... פון די אנדערע זייט אבער... אז איך קלער אזוי צו מיר... (גיב אכט 'בןהרחמן'.... ס'איז צו גרויס... ס'האט שוין שוואכע באלאנס...) ....... איך טראכט אזוי אריין..... אז מען האט נישט געטראפן דא ביי אונז אין די קהילה... קיינעם בעסער פון מיר.... פאר אזא פאסטן..... דעריבער שטעכט עס מיר אביסל..... (דער עולם זיפצעט..... עלטערע אידן בייגן זיך די קעפ....).... איי..... איי.... ווען וועלט וואלט געווען וועלט..... העט מען ווען נישט געטראפן א בעסערן קאנדידאט?.... (פארשטייט זיך אז נישט, אבער אזוי האב איך געוויינט ברוב עניוותי)..... ווי האלטן מיר שוין היינט אויף דער וועלט... (דער מצב ווערט מער און מער עמאציאנעל...) .... אז איך בין דער ערשטער קאנדידאט פאר אזא געהויבענע פאזיציע... (קראך... קראך... קראך..... 'בן הרחמן'ס גאנצע בראנפן גלעזל טורעם טראסקעט אראפ מיט גרויס געפילדער אויף דער ערד פאראורזאכנדיג גערידער........ דער עולם ווערט אביסל בייז.... 'שששששששש.... ששששששש.... שששששש.....' הערט זיך פון אלע זייטן.......) ...... על כל פנים אבער.... אז איך בין שוין יא אויפגענומען געווארן.... האף איך צו דינען דעם ציבור ערליך...... יעדן איינעם..... און האפענטליך וועט מען קענען אסאך אויפטאן...... בעזרת השם..... ביז דער גואל צדק וועט בקרוב אנגיכן קומען.. אמן...

אמן!!!!!!!!!!!!!!!!!!!.............

.....'גם_זו' (אנגעטאן אין זיין ירושלימ'דיגע לבוש מיטן קאפטן און ברייטע שטויביגע ביבער היט) שפרינגט ארויף אויפן טיש און הייבט אן זינגען מיט א לעבעדיקייט 'דער רעבע פאצט פאצט!!!!'..... דער עולם ווערט צוריק לעבעדיג און מען זינגט פרייליכע ניגונים...... מען גייט אריבער איינציגווייז געבן לחיים.......

(נאטיץ: איך האב נישט געלאזט ברענגען קיין מוזיק וועגן עין הרע....)



______________________________________________________________________________________






תוקן על ידי - kraitchmer - 22/11/2005 18:56:37

הממממ..... ס'צרות..... ס'הויבט מיר אן געפעלן...