א גריס אייך פון: די כפרה'לעך....

מצורף קובץ

יא, יא.

די כפרה'לעך האבן מחליט געווען אנצונעמען אונזער עצה...

http://www.e-dologic.co.il/kapara/

קרעדיט פאר UPTO, און פאר חדשות אנ"ש.

אז מרעדט שוין פון אלטע אויסגעוועפטע ווערטלעך פון יענקל מילער;

אמאל איז א איד געגאנגען ערב יום כיפור מיט א כפרה און די רעכטע האנט, און א סליחות און די לינקע האנט, און ער האט זיך פלוצלינג איבערגעקאצקעט, די סליחות איז געפלויגען אויף איין זייט, די כפרה אויף די צווייטע, געט ער זיך א רוף אן, "אין כאן לא מחילה ולא סליחה ולא כפרה".

מע זאגט, אז די מאראקאנער יידן, זענען זיך נוהג ביי זייערע חתונות, אז בשעת ווען מעדרייט די כלה אונטר די חופה, זאג דער חתן: "זה חליפתי..."






תוקן על ידי - mates1 - 09/10/2005 21:58:10

נעקסטעס יאר פלאן איך צו שלאגן כפרות אינדרהיים כ'מיין ס'איז די בעסטע עצה. כ'שפאר מיך די 2 דאלער וואס די קינדער נעמען פאר'ן דרייען און מיינע חבירים ווייסן נישט די סוד וויפיל זי האט געשלאגן. ועל כולם האב איך א סילינג פען ווי כ'קען צובינדן די געפעמפעטע טשיקען. און ארויסגיין פון שטיב. ווי די דענטיסט וואס מאכט אן עקסרעי.

אלט אבער גיט

אמאל ערב יום כיפור שטייענדיג אין ליין מיטן כפרה צום שחטן זאגט יאנקעל מיללער פאר א אידל וואס עפעס א בהמה זאגט יענער דאס איז דאך נישט קיין בהמה עס איז א טשיקען זאגט יאנקעל איך רעד נישט צי דיר איך רעד צום טשיקען

שלמה זלמן;

מיין רבי פלעגט זאגען 'א האן און א הין'. א 'האן' איז א זכר, און א 'הין' איז א נקבה.

האן = זכר
הינדל = נקבה.

הינער = מערצאל פאר האן / הינדל אן אונטערשיד צווישן זכר נקבה.

שלמה זלמן

ביי אונז אין ניו יארק איז (האפענטליך) נישט אזוי שוואך דער מצב לגבי די כפרה-הינער. א כפרה ווערט נישט איבערגעשטרענגט מיט די עבירות פון צוויי אידן (קוים וואס ער קען נעבעך דערהאלטן די עבירות פון איין קאפ). מען גיט גוט אכטונג אז א 'געשלאגענער' הין זאל גיין לעזאזל, ווי אויך אויב א הין איז נישט כשר גע'שחט'ן געווארן, גיט מען אהין דעם איד נאך א הין בחנם.

א גוטע וואך.

אין די היינטיקע צייטן, איז דאס כפרות שלאגן מיט הינער, שוין נישט וואס ס'איז געווען אמאל. על כל פנים, ביי אונדז אין ישראל. היינט איז דאס געווארן א"כפרות-ביזנעס",
מע שטעלט אוועק אינמיטן די גאס שטייגלעך מיט הינער, און מע נעמט זיך דרייען.

איך האב זיך א מאל, גוט צוגעקוקט אויף א תיימענער יינגערמן וואס האט געפירט אזא כפרות-געשעפט. וואס זאל איך אייך זאגן? לויט וויפיל מענטשן האבן געשאלגן ביי אים כפרות. מערסטנס, ווייבער מיט קינדער. און לויט וויפיל וויניק הינער זענען געווען. האב איך פארשטאנען אז יעדער הון ביי אים, טראגט אויף זיך עוונות פון חאטש 10 יידן...

זעט אויס, אז מער און מער יידן, שלאגן היינט כפרות אויף געלט. דאך גרינגער, און מע קען דאס געלט אוועק געבן פאר נוטיקע צוועקן. מיט די הינער איז אזוי: א טייל פון זיי גיין טאקע פאר ישיבות. אבער אן אדערער טייל נישט. טויזנטער געשאכטענע הינער וואלגערן זיך אין די מיסטן.

(איצט איז דער זייגער ביי אונדז האלעב צוויי. נאך א האבע שעה וועל מיר זיך געזעגענען פונם זומער-זייגער, און ס'וועט זיין איינס. הלוואי וואלט איך געקענט אזוי גרינג צוריק דרייען א פאר יאר פון מיין לעבען)

מאטעס

ר' קרעמער איך שלאג מיט געלט, דאס געלט גיב איך פאר צדקה, א שכן מיינער א חשובער כולל אינגערמאן מיט א גאנץ געזינדעל. ער איז זיך מער מחי' מיט די געלט ווי די הינער ליגענדיג איו די קאנעס בליט און דאס קליינווארג ווארפען זייער אפגעשינדעט הויט פון איין קאסטען צום צווייטען און די שחורים מיט די שוחטים שרייען קינדער אוועק פון דא.
די פאריאגטע מאמעס וואס קענען נישט אניאגען צו מאכען די קאמפאוט אויף די צווייטע טעג יוונטוף שיקען אלע קינדער צו גיין העלפען ביי די כפרות.
איך האב שטארק פאראיבעל אויף די פאר טאללער. עס איז א ריכטיגע כפרה.
אלע יאר גיב איך די סומע וויפיל עס וואלט געקאסט צו קויפען די כפרות, פארשטייט זיך אז מע מיז אמאל געבען דאפעלט איז א שמחה אין שטוב.

איך האב געהערט אז עס איז דא צי באקימען פעמפערס פאר די כפרות, ווייסט אפשר איינער ווי מען קען עס קויפן?

לעצטע יאר האב איך געכאפט א שאוער אינמיטן בני אדם

ר' נאטורליך;

דאס אז איר שרייבט מיט א בליי איז נישט קיין גרויסע סוד, איך זעה דאס פון די ווייניג תיקונים וואס איר מאכט אויפן פורום, מיינט דאך דאס אז אויפן פאפיר שרייבט איר און מעקט, און דאס איז נאר מעגליך ווען מען שרייבט מיט א בליי...

דאס אז איר שלאגט נישט מיט קיין הינער, האט אינזין יוצא צו זיין די שיטה פונעם מחבר (סי' תר"ה) וועלכער האלט אז מען זאל דאס נישט טאן (איך בין נישט באקאנט אויב די ספרדים טוען דאס טאקע נישט).

אגב, ניצטו פיש? אדער געלט? אויב געלט, ווער איז דער גליקליכער ארימאן? און וויפיל געלט? (כפרות קאסטן מיר אפ א שיינע פופציגער בערך, ווענדט זיך ווי א יאר וד"ל).

ר' קרעמער ווער האט דיר שוין פארציילט אז איך שרייב מיט א בליי.
היינט גייענדיג צום באן שטעלט מיך אפ א פאליציאנטקע און בעט איך זאל עפענען מיין טאשקע, זי באטראכט דעם לעפטאפ מיט מיין מאגערן פרישטאג און זאגט "גאו אהעד"
גיב איך אפ א שבח והודי' פאר רבוש"ע. שטעלט אייך פאר זי עפענט אויף און לייענט אפ מיינע נאטיצען, זי וואלט אלעס דא איבער געשריבען מיט איהר ניק..
רעדענדיג פון די כפרות בין איך מודה ומתודה אז איך שלאג נישט מיט א הון, די קינדער לאז איך אויך נישט שלאגען מיט הינער, דער גערוך טוט מיך פאראיבלען ביז גאר.