!!!!!!!!!!!!!!! חנוכה !!!!!!!!!!!!!!!

שירעם;

ס'איז שוין נאך חנוכה, דער אשכול איז מער נישט רויט! אבער אז די האסט געפרעגט וועל איך דיר ענטפערן, "איך ווייס נישט..."


לאמיך דיר זאגן דעם אמת, דעם חתם סופר האב איך שוין געזען פאר א וויילע צוריק ווען איך האב געלערנט מס' שבת, נאר וואס איך טראכט איז, אז ס'קען זיין אז למעשה איז די רמב"ם מחולק מיט תוספת לגבי די הלכה און די רמ"א פסק'ענט אזויווי די רמב"ם, במילא קען זיין אז די חתם סופר רעדט אליבא דהלכתא ווי מיר פסק'נען היינט צוטאגס.

נ.ב.
אויב ס'איז געשריבן צו בקיצור, און די פארשטייסט נישט וואס איך האב געשריבן דא, פרעג מיך איבער און איך וועל פרובירן בעסער מסביר זיין. שכח.

פענסטער

לויט וויאזוי די ברענגסט אראפ די תוספת אין מס' שבת, וואס איז די קשיא פון חתם סופר? ס'איז דאך אן אפענער תוספת?

שייןהויך;

אפשר צוליב דעם וואס דער פינפטער טאג איז רומז אויף "הוד" וואס דאס איז דער גאנצער ענין פון חנוכה.

ביי מיר אין שטוב פירט מען זיך ווי די מאן-דאמר פוחת והולך. די טאכטער'ל האט אהיימגעברענג פון סקול א מנורה וואס איז צוזאגשטעלט פון נאשעריי אין די בני-בית האט געזאגט אז מען מעג עסן איין לעכטל א טאג אין לכבוד זאת חנוכה וועט מען - אין צוגאב צו די לעצטע לעכטל- אויך קענען עסן די מנורה זעלבסט - די וועיפער.

אזוי ווי עס איז היינט דעם פינפטן טאג פון חנוכה, וואלט איך געוואלט פרעגן ווער עס ווייסט, פארוואס ביי געוויסע חסידישע פלעצער מאכט מען אן עסק פון דעם פינפטן טאג? וואס איז די גדולה פון דעם טאג?

ווער עס ווייסט זאל ביטע אריינלייגן תשובות!

קנאי;

לכאורה פרעגסטו גוט, קוק אין מהרש"א הארוך אויב ער האט נישט עפעס א שמועס דערוועגן, אויך כאפ א בליק אין דברי יואל אויף חנוכה.

די מהרש''א זאגט און מס' שבת כ''א; אז עס קען נישט זיין אז פארדעם הייסט עס חנוכה ווייל חנו כ''ה, וויבאלד עס איז מותר במלאכה קען מען עס נישט אנריפען חנו, א''מ איז חנכה פון לשון חינוך, וייל אין חנוכה האט מען מחנך געווען דעם מזבח ועי''ש.
איך פארשטיי נישט פשט, עס זעט אויס פין דעם אז דער מהרש''א האט געלערנט אז דער נאמען חנוכה האט א שייכות מיטן זכר וואס מען האט געמאכט לשנה אחרת, ווייל אויב האט עס מיטן עצם נס איז דאך יא געווען א גרויסע מנוחה, פון די מלחמה, וואלט דאך זייער שטארק שייך געווען די לשון חנו, א''מ איז דער נאמען חנוכה אלטס זכר פון לשנה אחרת, אויב אזוי וואס ענטפערט ער, א מער? די חניכת המזבח איז דאך אויך נאר געווען יענע יאר

(קרעמער זיי מוחל זיי עס מתקן די ווייסט זיכער די מהרש''א איך האב עס נישט פאר מיר איך שרייב נאר פון אויסענווייניג)

יעצט פארשטיי איך, יישר כח.

קרעמער;

איך האב געשריבן מיין פריערדיגע תגובה זייער בקיצור, האסטו אפשר נישט געכאפט וואס איך האב געשריבן, במילא וועל איך עס יעצט איבערשרייבן.

די גמ' זאגט אין מס' שבת ת"ר נר חנוכה נר איש וביתו זאגט רש"י איין לעכט פאר די גאנצע הויז געזונד. והמהדרין נר לכל אחד ואחד, אז יעדער איינער צונד אן עקסטרע לעכט. והמהדרין מן המהדרין איז א מחלוקה צווישן די בית שמאי אין די בית הלל, לויט די ב"ש פוחת והולך אין לויט די ב"ה איז מען מוסיף והולך.

זאגט דארטן תוספת ד"ה והמהדרין מן המהדרין, נראה לר"י אז די מהדרין מן המהדרין לא קיימי אנר לכל אחד ואחד ווייל אויב יא איז נישט ניכר אז דעס וואס ער צונדט דעם צווייטן טאג מער (לויט די ב"ה) איז כנגד ימים הנכנסים, נאר ס'קען זיין אז היינט האט ער געהאט מער מענטשן וואס האבן געצונדן ביי אים, נאר די מהדרין מן המהדרין גייט ארויף אויף נר איש וביתו, אז מ'צינדט נאר איין לעכט פאר די גאנצע שטוב, און יעצט ווען ער צונדט דעם צווייטן טאג מער איז שוין זייער גיט ניכר אז ער טוט עס כנגד ימים הנכנסים.

לויט דעם איז פשוט פארוואס פרויען צונדן נישט קיין חנוכה לעכט.

(איך וויל מיך אנטשולדיגן פארן נישט אראפברענגן די פולע טעקסט פון די גמרא, איך האב נישט דא קיין גמ' מיט מיר, און איך ווייס נישט ווי מ'טרעפט עס אויף די אינטערנעט)